السلام عليكم
انا بتجيلي أفكار عن الماضي بتاعي وهو بصراحة كان سيئ حبتين يعني مليان مواقف محرجة ومليان ذل ليا مواقف فيها ذل انا رضيت وعملتها مواقف من دي كتير وحاليا انا مش قادرة اتخلص من الافكار دي مع ان الشخصية اتغيرت انا من اسبوع بس اتشخصت بانفصام وباخد علاج لكن للأسف الأفكار لسه بتيجيلي وهي اعاقتني عن الاستمرار في حياتي الجديدة كأنها مكبلاني مش قادرة اخرج منها وبلوم نفسي على القديم كتير تنصحوني بإيه وياريت لو حد عارف شخص مر بنفس التجربة ياريت يعرفني
السلام عليكم ورحمه الله وبركاته بما انك تغذي عليك. فاحنا هنا كل اللي هيحصل معانا هيكون طبيعي جدا لسه بيتعود على الدواء لسه الدواء معملش المفعول المطلوب منه الحاله بتاعتك لبست اسبوع فاحنا هننتظر تقلبات لحد ما يبدا مستقل مع الدواء لازم نستشيره الطبيب بتاعنا في ايه اكثر حاجه احنا محتاجينها بجانب الدواء لانه لو محتاجين لمتابعه فهنحتاج ناخذ جلسات سلوكيه او جلسات حكي يعني هنحتاجه ده علشان على حسب درجه الانفصام. الدكتور هيقدر يحدد ايه كمان احنا محتاجينه مع الدواء لان الدواء ما بيكونش هو الحاجه الوحيده يا ريت قبل ما ناخذ اي نصائح من حد هنا. نسال الطبيب بيتابع معاكي اول خطوه مهمه.
تم النشر الاثنين، ١٥ يونيو ٢٠٢٦
وعليكم السلام ورحمه الله وبركاته اظن من المفيد جدا ليكي إن شاء الله العلاج باستخدام السيكو دراما أو Emdr تقدري انفاسي الفكرة في بدء العلاج بيهم مع دكتورتك وهوا يقولك إذا كان مناسب ليكي ولا لاء انا كنت استعرضت لمواقف ذل ومواقف معينة كنت عاجز فيها أثناء الطفولة لكن الحمدلله EMDR والسيكودراما فرقوا معايا جدا بعد ما كنت مجرد ذكر أسماء أشخاص معينه كنت يكون في حالة غضب شديد وقد يصل للعنف الحمدلله دلوقتي بقيت احسن بكتير وتأثير ذكري الظلم ده بقا ضعيفة جدا الي شبه منعدمه ده معني EMDR والسيكودراما السيكو دراما هي أسلوب علاجي يستخدم التمثيل والتفاعل الجماعي لمساعدة الشخص على التعبير عن مشاعره وفهم تجاربه الماضية بطريقة جديدة، مما يساهم في تحرير المشاعر المكبوتة وتحسين الوعي الذاتي EMDR هو علاج نفسي يعتمد على تحفيز حركة العين أو التنبيه الثنائي أثناء استرجاع الذكريات المؤلمة، بهدف إعادة معالجة الصدمة وتقليل تأثيرها النفسي والعاطفي.
تم النشر الأحد، ١٤ يونيو ٢٠٢٦
وعليكم السلام ورحمة الله. أولاً، أقدر شجاعتك في مشاركة تجربتك بهذه الصراحة، وأنا هنا لأدعمك كمدربة حياتية ومعالجة نفسية. الشعور بأن الماضي يقيدك ويمنعك من التقدم طبيعي تماماً، خاصة مع تغيرات كبيرة مثل تشخيصك الجديد، لكن تذكري أن أفكاري ليست بديلاً عن استشارة طبيبك النفسي أو الالتزام بالعلاج الذي وُصف لكِ. من منظور نفسي وإسلامي، الخطوة الأولى هي الاعتراف بأن الماضي لا يحدد هويتك الحالية؛ فقد تغيرتِ بالفعل، والتوبة والمغفرة من الله متاحة دائماً. حاولي إعادة صياغة هذه الأفكار بطريقة عملية: عندما تظهر ذكرى محرجة، اعترفي بها باختصار ثم حوّلي انتباهك إلى إنجاز صغير في يومك الحالي، مثل إكمال مهمة بسيطة أو تذكر صفة إيجابية في شخصيتك الجديدة. هذا يساعد على بناء شعور بالسيطرة تدريجياً دون الغرق في اللوم الذاتي. كذلك، الدعاء والاستغفار يمكن أن يكونا مصدر قوة روحية، فالإسلام يؤكد أن الله يمحو الذنوب ويفتح أبواباً جديدة لمن يسعى. بما أنكِ تتعاملين مع انفصام الشخصية، فمن المهم جداً مناقشة هذه الأفكار المتكررة مع طبيبكِ أو معالجكِ النفسي لتعديل العلاج إذا لزم الأمر، حيث قد تكون مرتبطة بالحالة نفسها. ابحثي عن أسئلة مشابهة على فدني للحصول على تجارب أخرى من نساء مررن بظروف مشابهة، فقد تجدين فيها دعماً إضافياً. أنتِ قادرة على التحرر خطوة بخطوة، وأنا أؤمن بقدرتكِ على بناء حياة جديدة مليئة بالسلام. إذا أردتِ مشاركة المزيد، أنا هنا للاستماع. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٤ يونيو ٢٠٢٦
لما تيجي تذاكر وتجيلك الافكار دي قول لنفسك هفكر فيها بعد المذاكره واكتبها في ورقه، مش الموقف كله بس عنوان للموقف (عشان تقنع عقلك انك هتفكر فيها بعد ما تخلص اللي وراك) وارجع للمذاكره، انا بعملها بس عشان احيانا وانا بذاكر بتجيلي اساله في دماغي ملهاش علاقه بالمذاكره فبكتبها في ورقه واعينها وارجع للمذاكره وبعد المذاكره برجع اشوف السؤال، هو عشان سؤال ف الموضوع عادي اما الافكار انت مترجعلهاش
تم النشر الأحد، ١٤ يونيو ٢٠٢٦
كنت بواجه نفس المشكله الين عرفت ان محدش فاكر الموقف المحرج ده غيري ومحدش مهتم غير بنفسه ولو لو لو لو لو حد افتكر هيفكر في الموضوع كام ثانيه يعني؟ فالموضوع بعد ما فكرت في ابعاده لقيت انو مش مستاهل وانا اتعلمت عادي وكلنا بنغلط فده خلى الاثر مش موجود على الرغم اني لسه متذكر المواقف المحرجه عادي
تم النشر الأحد، ١٤ يونيو ٢٠٢٦
ببقى في نص الشغل او المذاكرة والاقي الافكار بتهجم عليا مواقف قديمة وبجد مؤذية ومش عارفة اتخلص منها حاولت والله حاولت وبعافر على اخري
تم النشر الأحد، ١٤ يونيو ٢٠٢٦
انصحك باشغال وقتك بشغل او هوايه او غيره وغيره .. ومع الوقت الحاجات حتى لو متنستش ف اثرها بيروح
تم النشر الأحد، ١٤ يونيو ٢٠٢٦
شبههي بالظبط واتخلصت منها عن طريق الكتابه.... بكتب اللي بحس بيه والموقف نفسه بعدها احرق الورقه فالعقل بيبرمجها علي ان كدا اتخلصت من الموقف دا وبينساه، ولو افتكره مش بيحسسك بالذل وكدا لا، بيفتكره عادي ومش بيديله اهميه وينساه تاني.
تم النشر الأحد، ١٤ يونيو ٢٠٢٦
لعرض السؤال في فدني اضغط هنا