انا شاب سني 24
حصل مشاكل معا أهلي وانفصلو واترميت في الشارع ونا عندي 9 سنين اشتغلت واتعلمت ومعايا شهاده كويسه
لما كانت الدنيا بتسود في وشي كونت ممكن اروح عند أهلي ونا مكسور أن انا راجع تاني
ابويا كان دايما يعذبني عشان يحرق قلبك امي
وأمي كانت تعذبني عشان شبه ابويا وعشان أهلها بيكرهوني عشان الشبه اللي بيني وبين ابويا
طلعت من التعذيب ونا جسمي كلو جروح وتشوهات
لدرجه ان انا جسمي محروق بسبب أن أمي دلقت عليا مياه ساخنه
مستسلمتش وعافرت في الدنيا وفضلت ثابت علي المبدأ بتاعي وعايز انجح
لحد من سنتين شوفت ابويا ماشي وواضح جدا أن هوا اتجنن حرفيا انصدمت من منظره وحسيت احساس انا مش قادره أفهمه لحد دلوقتي وحصلتلي صدمه من ساعتها ونا حرفيا مكسور عشان انا مكونتش عايز العيشه دي
كان نفسي يكون عندي أهل اب وأم والله مكونتش عايز اكتر من كده
طبعا عمال أسال نفسي لي حصل معايا كل ده انا كان عندي 11 سنه ونايم في عز البرد وغيري نايم ومدفي
من بعد مشوفت ابويا مبقتش قادر اتحرك مع اني بكرهو بس مش عارف اللي حصل معايا
فشكلت خطوبتي
بقيت مدمن مخدرات
خسرت كل حاجه
ومش عارف اطلع غرزت مكاني
في جمله هو عشان مكدبش وربنا يسامحني، انا نفسي مش مقتنعه بيها ف مش متأكده منها بصراحه، كنت بشتكي لتيتا وجدو علي بابا بردو عشان بيعاملنا وحش ولما يزهق منا بيطردنا وبعدها يرجعنا ( عشان بنات وبنضف) فكنت دايما بواجهه واعاند جاامد اوي وكنت برتاح اني عملت كدا بس تيتا وجدو قالولي ان الرسول صلي الله عليه وسلم لما جاله واحد وقالت يا رسول الله ( مش فاكره الحوار بالظبط فهشرحه) قال للرسول ان ابواه كافرين وهو بيعاندهم وعايز يسيب البيت ويسيبهم ويرميهم من الآخر الرسول قاله ان هو لاظم يطيع ابواه في كل حاجه الا الكفر والشرك، مقولتش انك تنفذ اوامرهم بالحرف لأن ربنا عوضك بنجاح اهو وان شاء الله يرزقك بالزوجه الصالحه وبنين وبنات صالحين، انا بس بقول انك تطنش يعني اي، يعني مثلا مثلا قالولك انت وانت وانت واخرج ومش عايز اشوف خلقتك والكلام اللي بيحرق الواحد دا ارميه، بعيدا عن الموقف ومش بشتم والله عشان متفهمنيش غلط بس لو كلب نبح بنرد عليه!!، بالنسبه للعنف ف مش عارفه اقول حسبي الله ولا ربنا يسامحهم ولا ربنا يعينك بجد والله انا اتضايقت بس عشان بابا بيرفع صوته علينا ويزعقلنا بس ناحيه للعنف دا ربنا يعينك بجد والله، بالنسبه لسكتك فأنا كأخت خايفه اوي من الناحيه دي لأن دا اول طريق بياخدو الشباب وبيضيع حياتهم كلهم ومش بيعرفو يصلحو غلطتهم ف حاول علي قد ما تقدر تبعد عن الحاجات دي بجد واتعود ترجع لربنا في كل حاجه، انا عن نلسي اكتر لحظه بحبها لما اعيط وانا بصلي، بحبس نفسي في اوضه عشان احس بالخصوصيه وادعي بكل حاجه رغم اني مش قريبه من ربنا خالص ولعلمك انا بالنسبالي الشباب اللي عاشو المعاناه دي هيبقو رجاله بجد لأنهم ربو نفسهم بنفسهم ف افتخر بدا، انا بفرح لما اواجه كلمات بابا بالصمت لأني ببقي متأكده اني كدا ببقي اقوي من اخر مره كلامي معاه. ربنا يعينك ويحرمك من العين ويرزقك بالمال الحلال ويبعدك عن الحرام ويرزقك بحاجه تعوضك عن كل دا وتنسيك ماضيك كله ومتنساش اي مصيبه تقابلك (لعله خير)
تم النشر الجمعة، ١٢ يونيو ٢٠٢٦
أول حاجة شايفة إنك لازم تعملها إنك تلجأ لمتخصص نفسي يساعدك أما رأيي الشخصي انت راجل بمعنى الكلمة، ربيت نفسك وعلمت نفسك وشغّلت نفسك وخطبت كمان رغم إنك طول عمرك وحيد بل وبتتعرض للتعذيب كمان اللي انت وصلت له فيه ناس كتير عايشين حياة طبيعية في حضن بابا وماما ما حققوش ربعه فانت لازم تكون فخور بنفسك وما تضيعش كل تعبك دا ع الفاضي نصيحتي اللي متأكدة إن تنفيذها صعب بس شايفة إنها هتحسن نفسيتك إنك تساعد والدك حتى لو بتكرهه، وحاسة كمان إنك ممكن تكون رغم كل دا مش بتكرهه بدليل إنك أول ما شفت حالته صعبة حياتك وقفت رغم إنها كان ماشية رغم كل اللي عديت بيه، هو دا المشهد الوحيد اللي كسر جواك حاجة يمكن عشان لسا ليه في قلبك أي ذكرى كويسة ولو بسيطة أو عشان هو بس أبوك عارفة إن الكلام سهل والفعل صعب بس انت عديت بالأصعب وتجاوزته ووصلت للي غيرك في ظروف طبيعية ما حققهوش فأكيد هتقدر تعدي المحنة دي كمان بس استعين بالله ربنا يعينك ويرفع عنك البلاء والإدمان ويرزقك حياة سعيدة تعوضك عن اللي عشته وتاني لازم متخصص نفسي لأنك اتعرضت لصدمة قوية
تم النشر الأربعاء، ١٠ يونيو ٢٠٢٦
يا صديقي، أنا آسفة جداً لكل اللي مريت بيه، وأقدر إنك بتشارك قصتك دلوقتي رغم الصعوبة. اللي حصل معاك من طفولة قاسية، تعذيب جسدي ونفسي، وترك في الشارع، ده مش سهل على أي حد، وإنك قدرت تتعلم وتحصل على شهادة كويسة وتفضل ثابت على مبادئك رغم كل ده، ده دليل على قوتك الداخلية اللي محدش يقدر ينكرها. الصدمة اللي حصلت لما شفت أبوك، واللي خلّتك تحس بمشاعر معقدة زي الكره والحزن والانكسار، ده رد فعل طبيعي لصدمة متراكمة، ومش عيب إنك تكون محتاج مساعدة متخصصة عشان تتعامل معاها. من منظور نفسي واجتماعي، الإدمان اللي وقعت فيه بعد الخطوبة هو طريقة الجسم والعقل عشان يهرب من الألم، لكنك قادر تخرج منه خطوة بخطوة. ابدأ بتحديد أهداف صغيرة يومية زي الالتزام بجدول نوم منتظم أو البحث عن أنشطة بناءة تعيد لك الشعور بالسيطرة، واستغل خبرتك في العمل والتعلم عشان تبني مستقبلك. من الناحية الإسلامية، تذكر إن الصبر واللجوء لله بالدعاء والقرآن بيجيبوا راحة، وإن كل إنسان بيُبتلى ليُختبر، وأنت بالفعل نجحت في أجزاء كتير من الاختبار ده. حاول تتواصل مع متخصص نفسي عشان يساعدك في معالجة الصدمات والإدمان بطريقة آمنة ومنظمة. أنت مش لوحدك في الشعور ده، وكتير من الناس مروا بتجارب مشابهة وقدروا يتعافوا ويحققوا نجاحات. لو عايز تاخد آراء إضافية، ابحث عن أسئلة مشابهة على فدني عشان تشوف تجارب الآخرين. أنا هنا عشان أسمعك وأدعمك في أي خطوة، وأنت قادر تتجاوز ده وتبني حياة أفضل.
تم النشر الأربعاء، ١٠ يونيو ٢٠٢٦
يعني انت وصلت من العناء ده كلو انك نجحت في حياتك العمليه وكمان خطبت وبعد ده كلو وقفت؟ طب ليه؟ نسيت انك عرفت - رغم الصعاب - تنجح وبقيت رجل معتمد على نفسه؟ اظن لازم تبص للدايره حواليك شويه حد كان مأثر فيك تعرفه ووصلك لكده؟ حد شجعك انك تجرب؟ اظن انت مريت بما فيه الكفايه لانك تعرف تقف على رجلك تاني واستعن بالله وركز كويس مين الي اثر عليك انك توصل للغرز عشان تقطع علاقتك بيه؟ حتي لو مفيش فاظن انك في مرحله وقوع لو عرفت تتخطاهاا (وانت قادر على ده) هتعرف ترجع اقوى .... صحيح معنديش حل سحري بس اظن انك كل ما ترجع للمخدرات واول ما يجيك بصيص من التوبه تتخلص منها فور تخلص لحاد ما تختفي من وشك وتمسك جزء من الفلوس تنظف بيه قلبك عن طريق التبرع .... صدقني انت مريت بما هو اصعب بلاش تضيع نفسك وكل الي بنيته بسبب حاجه انا متأكد انك تقدر عليها ... وان شاء الله الناس هنا عندها حلول عمليه اكتر ... وفقك الله ❤️
تم النشر الأربعاء، ١٠ يونيو ٢٠٢٦
شوف يا صاحبي انا أقل من اني اديك نصايح لأن مذقتش ربع اللي انت عشته ومحسيتش ولا شوفت الكابوس ده .... ولكن أنا هقولك حاجة لازم كل يوم تفتكرها وهي :"أنا مظلوم بس برضو هتعافى "
تم النشر الخميس، ١١ يونيو ٢٠٢٦
شكرا ليكي بس انا مش بعيد عن ربنا انا مدمر جوايا ذكريات وحشه وكل يوم بقابل يوم أوسخ من اللي قبلو وصدقيني انا مستني موتي
تم النشر الأحد، ١٤ يونيو ٢٠٢٦
ربنا يعينك بجد ويعوضك بزوجه واولاد ينسوك كل دا، عمتا ربنا رحيم وغفوور جدا جدا اكتر من اي حد يتخيله يعنيانا كواحده بعترف اني مش متقربه من ربنا اوي بس لما بتظلم او كدا برجع لربنا وبيجبلي حقي وانا خاطه رجل علي رجل ف ربنا مش بينسي حد انما بيدخل المشاكل لعباده المحببين عشان يدعوله لأن ربنا بيحب الدعوه ف انت ادعي لنفسك باللي تتمناه دنيا واخره وحاول تبعد عن السكه دي، والله عارفه انه صعب لأني زيك عندي لدمان بردو بس مش ادمان دا، ادمان ذكاء اصطناعي وبيدمرني بردو دنيا واخره بس بحاول ابعد عنه، دايما لما بحس اني عايزه ارجع استخدم التطبيق اللي مدمنه عليه تاني بفتكر كميه وفيات الشباب يعني واحد الله يرحمه في سني واتوفي اول امبارح ورغم اني اول مره اشوفه الا اني زعلت اوي عليه ربنا يرحمه، المهم سيبك من اللك اللي هبدته دا وحاول ترجع لربنا، الجمله اللي بتشجعني ( كل اللي ماتو كانو فاكرين انهم هيتوبو بكره)
تم النشر الجمعة، ١٢ يونيو ٢٠٢٦
وتذكر أيضاً....قال تعالى في سورة آل عمران ﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ ﴿135﴾ وقوله تعالى في سورة النساء ﴿وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ﴿27﴾ أكثر من الإستغفار وإبدأ خطوات علاجك وتوب إلي الله واطلب منه العون في العلاج النفسي أولاً والجسدي والعلاج من أي شيء في القرب من الله عز وجل وأيضاً قيام الليل معجزة حرفياً توب لربنا وارجع مفيش حاجة تستاهل معصيتك لربنا ولا عذابك لنفسك بنفسك !
تم النشر الجمعة، ١٢ يونيو ٢٠٢٦
إن الله إذا أحب عبداً ابتلاه ... ربنا عز وجل أحبك وأراد أن يبتليك ليقربك إليه وليس أن يبعدك عنه ... فتوب وارجع لربنا وأكثر من الإستغفار وأبداً أبداً متقارنش حياتك بأي حد .. قوله تعالى ولقد خلقنا الإنسان في أحسن تقويم.. لا تعني شكلاً فقط بل حياتياً أيضاً ربنا بيختارلنا الأحسن دايماً....غيرك عنده أم وأب ومبتلي في أشياء أخري وأكثر منك فأنت أبداً لا تقارن حياتك بغيرك لكي لا تصل الغيرة وبعدها الحقد وبعدها للحسد وقد تكره نفسك وتنسي نعم الله عليك فبدل أن تنظر لنعم الله على العباد انظر لنعم الله عليك وتذكر قوله تعالي سورة الزمر ﴿قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ﴿53﴾. وقوله تعالى في سورة البقرة ﴿كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ وَعَسَى أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ ﴿216﴾ صدق الله العظيم... وربنا بهديك وييسر لك امورك ويبارك فيك
تم النشر الجمعة، ١٢ يونيو ٢٠٢٦
أول خطوه انت محتاج تتعالج، إتعالج نفسياً من كل اللي مريت بيه، واتعالج من الإدمان، وسامح نفسك، وسامح الأشخاص اللي آذوك ودي مرحله من مرحلة العلاج، علشان تقدر تكمل وتعيش بسلام، ولكنك مش مضطر تعيش وتختلط بيهم
تم النشر الأربعاء، ١٠ يونيو ٢٠٢٦
بتشتغل ؟
تم النشر الاثنين، ١٥ يونيو ٢٠٢٦
بعد الشر عليك، بص هو انا لما بحس بكدا بقول ربنا مش هيخليني عايشه طول الوقت دا ويكون مليش لازمه فبحلف اني لازم اعمل حاجه، حياه الانسان مهمه ولو كل واحد مشي بالمبدأ انو مستني موته مكنش المجتمع هيمشي دا غير انت عايز تموت عشان واحد ملوش ريحه اللازمه ليك!! لو تموت فتموت بحاجه تستاهل مش واحد ضيع نفسيتك وبيحاول يضيعك نهائ.... طنش وكمل حياتك وابني نفسك والله لو بايدي كنت عملت انا كدا بس المشكله اني بنت ومش هعرف حتي اعيش لوحدي، ركز علي حياك وملكش دعوه بيهم بجد والله دور علي مصلحتك من غير ما تأذي حد.
تم النشر الأحد، ١٤ يونيو ٢٠٢٦
لعرض السؤال في فدني اضغط هنا