مش عارفه أنظم وقتي وفاضل يجيي اسبوع علي امتحاناتي وحرفيا لسه مضمنتش ولا ماده الوقت بيجري بطريقه مش طبيعيه بجد وجيت ف اهم اسبوع ف حياتي عمتا وبقيت ف حاله الامبالاه سايبه كل حاجه علي ربنا بجد هو انا بذاكر بس حاسه اني معملتش الي عليا ف ايدي اعمل اكتر من كدا وكل حاجه متوفره ليا بس مبقتش قادره😔😭
أنا فاهمة تمامًا شعورك يا ملك، الضغط ده طبيعي جدًا لما الوقت بيضيق والامتحانات قربت، وإحساسك إنك مش قادرة تعملي أكتر ده بيحصل لكتير من الطلاب في اللحظات دي. خليني أطمنك أولًا: ربنا سبحانه وتعالى بيحب السعي، وإنتِ بالفعل بتذاكري، فده مش تقصير منك، لكن المهم دلوقتي نركز على تنظيم الوقت المتبقي بطريقة عملية عشان تستغلي الأسبوع ده بأفضل شكل. ابدئي بتقسيم المواد اللي عندك حسب الأولوية: خدي ورقة واكتبي كل المواد، وبعدين حددي المواضيع الأساسية اللي بتيجي في الامتحانات (اللي بتكون أكتر تكرارًا أو أهم)، وركزي عليها أولًا بدل ما تحاولي تغطي كل حاجة. اعملي جدول يومي بسيط، مثلاً قسمي اليوم لثلاث فترات: الصباح للمواد الصعبة، وبعد الظهر للمراجعة السريعة، والمساء للحلول والتمارين. كل يوم اختاري 3-4 مواضيع رئيسية بس، واستخدمي تقنية "الـ 25 دقيقة تركيز ثم راحة قصيرة" عشان ما تحسيش بالإرهاق السريع. لو حسيتي باللامبالاة، غيري المكان أو ابدئي بموضوع سهل عشان تكتسبي زخم. تذكري إن التوكل على الله مش معناه ترك الجهد، بل الجهد مع الدعاء، فادعي ربنا ييسرلك ويفتح عليكِ، وخدي خطوة بخطوة. لو عايزة أفكار إضافية عن تنظيم الوقت في أوقات الضغط، ابحثي عن أسئلة مشابهة على فدني عشان تشوفي تجارب الآخرين. أنتِ قادرة، وهتعدي الأسبوع ده بإذن الله، خليكِ إيجابية وابدئي دلوقتي حتى لو بخطوة صغيرة.
تم النشر السبت، ١٣ يونيو ٢٠٢٦
بصي ي حبيبتي ده يعتبر شعور طبيعي بسبب التوتر انا كنت زيك كدا في تالته ثانوي وايام الامتحانات مكنتش قادره حتي اراجع او احل اسئله ليله الامتحان بسبب التوتر الحل بقي اي انك تشغلي قران وتحاولي تهدي واقعد اقنعي دماغك ان لسه في وقت كبير وهتقدري تخلصي كل اللي وراكي واهم حاجه حاليا انك تنامي بدري ويومك يبدا من 4 الفجر تصلي القيام والفجر وتبداي بسم الله تحددي لكل فصل او ماده وقت معين بس وقت كافي يعني ويخلص الوقت تاخدي استراحه قصيره وتبدائي تاني علي العموم الموضوع ده نفع معايا جداااا في الكليه ف ان شاءلله ينفع معاكي وربنا يوفقك يارب
تم النشر الأحد، ١٤ يونيو ٢٠٢٦
نصيحه من واحده لسه هتدخل تالته ثانوي كمان شهر🙂🙂 دا وسواس وانا عارفاه كويس كان بيجيلي وانا في تالته اعدادي الترم التاني وكنت بعيط وواثقه اني مش هدخل ثانوي عام اصلا وهما كانو قايلنلي ان هم مش هيدخلوني خدمات او منازل وهيعتمدو علي مجموعي، دا بيبقي عادي، ركزي علي المذاكره واستهدي بالله، خدي انفاس عميقه قبل ما تذاكري عشان متتوتريش وانتي بتذاكري فتاكلي الكتاب مذاكره من غير فايده، هيبقي صعب والشعور لوحده يشل وانا اعرفه كويس لأنه بيجيلي كل مره وبيجيلي دلوقتي والله ولشه مدخلتش اصلا تالته ثانوي، هدخلها كمان شهر ف حاولي تزقي نفسك وهي قربت تخلص اهي وان شاء الله هتجيبي المجموع اللي نفسك فيه وتدخلي تجمل جامعه والكليه اللي انتي عايزاها بمجموعك انتي
تم النشر الأحد، ١٤ يونيو ٢٠٢٦
السلام عليكم اللى انتى فيه دا طبيعى جدا وحصل لينا كلنا حالة التوهان مع الخوف والتوتر اللى بيعمل نتيجة عكسية الا وهى حالة اللامبالاة بس الفكرة ان فى الوقت دا مينفعش اطلاقا حالتنا النفسية تأثر علينا لان انتى فى وقت حرج ويكاد يكون اهم فترة فى حياتك هتلتزمى بالعبادة وتقربى من ربنا اووى علشان التوتر والقلق يهدى لازم متفكريش أبدا فيما بعد الإمتحانات حطى مجهودك وكل اللى تقدرى علية فى الفترة دية بعد كدا بقى دية بتاعت ربنا حاولى قبل ما تبدأى مذاكرة تقرأى قرآن وكذلك بعد ما تخلصى علشان ربنا يبارك مذاكرتك ويحفظهالك اما بالنسبة للمواد ف خليكى ذكية فى المذاكرة الأهم ف المهم بمعنى مثلا هتذاكرى فيزياء ابدأى على طول بالباب التالت لأن دا تقريبا تلت الإمتحان وكذلك فى الكيمياء ابدأى بالعضوية وهكذا والحل الحل الحل الحل حل شوامل لازم تدربى نفسك فى المادة كتير كتير كتير حتى لو فيه سؤال وقف معاكى ارجعى للدرس بتاعه افهمى فكرتة واحفظية وبعدين كملى حل عادى وثقى غى نفسك كدا وانتى شاطرة وهتعديها ربنا يوفقك ويكرمك وييسر أمرك إن شاء الله 🖤
تم النشر السبت، ١٣ يونيو ٢٠٢٦
ثانوي ولا جامعه؟
تم النشر الأحد، ١٤ يونيو ٢٠٢٦
وثقه انك هتعدي وهتنجحي وهتفرحي اهلك بيكي ربنا يحققلك كل الا بيتمنيه واكتر يارب
تم النشر الأحد، ١٤ يونيو ٢٠٢٦
حاضر والله هحاول اجيب اخري الفتره دي بوعدك وانا قد وعدي 😭❤️
تم النشر الأحد، ١٤ يونيو ٢٠٢٦
افتكري في الحظه دي تعب اهلك وقد اي هوما مستنين حاجه تفرحهم وقد اي هوما موفرين ليكي كل سبل الراحه وخليكي وثقه في نفسك انك قدها واستعيني بالله والتزمي بي الصلاه وي بإذن الله تذاكري وتنجخي وتفرحي نفسك واهلك فرحه النجاح والتعب جميله اوي ربنا ينجحك يارب يحبتتي 🤍
تم النشر الأحد، ١٤ يونيو ٢٠٢٦
لعرض السؤال في فدني اضغط هنا