تم حذف هذا السؤال
من اللي قولتيه حاسة إن المشكلة مش في الرجالة قد ما هي في الإحساس بالأمان. لأن أغلب المواقف اللي أثرت فيكي كانت مواقف خلتك تحسي إن البنت ممكن تتظلم أو تتأذي أو ميكونش ليها قيمة عند بعض الناس، فطبيعي يبقى عندك خوف. بس في حاجة لفتت نظري، انتي طول الكلام بتتكلمي كأن الجواز حاجة مفروضة عليكي وهتحصل غصب عنك في أي لحظة، مع إن الواقع مش كده. لما ييجي الوقت ده هيبقى ليكي رأي وقرار، وعادي جدًا تاخدي وقتك وتعرفي الشخص كويس وترفضي لو مش مرتاحة. ومفيش جوازة ناجحة قامت على استعجال الناس أو كلامهم. وبرضو متخليش البيئة اللي حواليكي تقنعك إن قيمة البنت في إنها تتجوز وخلاص. لأن واضح أصلًا إن عندك طموح وعايزة يبقى ليكي مستقبل وشخصية مستقلة، وده حقك الطبيعي مش حاجة المفروض تحسي بالذنب بسببها. وبالنسبة للولد اللي كان بيبصلك أو الناس اللي ضايقتك على النت أو غيرهم، فبصراحة في مواقف كتير من دي بيكون ليها تفسيرات أبسط بكتير من اللي خوفنا بيصورهولنا. ولما يكون فيه موقف فعلًا مش مريح، انتي أصلًا أثبتّي أكتر من مرة إنك بتعرفي تحطي حدود وتبعدي عن الشخص. فمتحكميش على مستقبلك كله من دلوقتي بسبب أسوأ النماذج اللي قابلتيها. ، لان دا مش معناه إنهم كل الناس.
تم النشر السبت، ١٣ يونيو ٢٠٢٦
السلام عليكم ورحمه الله وبركاته. سيده نفسك هم كبير جدا بس خلينا ناخذ الموضوع واحده واحده اولا خوف اي بنت لسه في مرحله الثانويه او الاعدادي من فكره الجواز او من مرحله الجواز ده خوف طبيعي ليه لانه دي حاجه تبقى جديده ومسؤوليه وفيها غموض كثير وفيها حاجات مجهوله كثير انا وما اعرفش هيعمل معايا كده ولا مش هيعمل كده ويكون كويس حيكون وحش انا معرفش ففكره المعرفش دي بتخوف اي حد وبتقلق اي حد ده جزء الطبيعي في الموضوع الجزء الثاني اللي واخد حجم كبير جدا عندك هو الخوف بقى من الرجاله عمود هنا. احنا عملنا كده ميكس كده جوه نفسيتك ما بين الحلو والوحش ولكن للاسف انت اخذتي الوحشه بس لان احنا ركزنا على الوحش احنا وقعت عينينا على مواقف سيئه مواقف سلبيه واحنا مساكنه فيها طيب هل مفيش مواقف ثانيه ايجابيه وناس حلوه وعيني على مواقف حلوه واحبه على مراته او بيساعدها على امراته او واحد بيعامل ولاده كويس مفيش زي ما انت قلتي اكبر مثال عندك في البيت بالمناسبه باباك في البيت ليه ممكن يكون يعني ناشف معاكوا لكن لطيف مع البنات اللي بره لانه النوع ده من الاد وخايف على بناته لحسن الدلع او الحنيه الزياده تخليهم ااا مايسين خليهم ااا يعني دلوعين فده يفسد اخلاقهم لا قدر الله فللاسف بيتعامل بالطريقه دي لكن البنات اللي بره هو بالنسبه له تمام وخلاص هم في مسئوليه اهاليهم وهو عارف انه مش هيتصرف معاهم بطريقه اا مش كويسه هو ضامن نفسه تمام بيتعمل بقى بشكل لطيف ااا ده جزئيه كده حبيت ان انا اوضحها لك على موضوع. موضه طبيعي برده ان احنا نبقى بس مستعدين ازاي نقدر نتاكد من اختيار الزوج الصالح يتاكد ان احنا بنختار راجل كويس وقبل كل الاختيارات والتجهيزات والكلام ده احنا محتاجين حاجه اكبر بكثير وهو ثقتنا بالله اللي هي اهم من كل ده انا ممكن اختار حد ولكن تفوت من تفصيلها فيه لكن مش هتفوت على رب العالمين حاشا لله فانا لما ارمي الاختيار على ربنا ده احسن لي بقى كتير انا بقى مش محتاجه اخاف هنا انا اقول يا رب انا سايباك تختاري اللهم اختار لي ولا تخيرني فاكيد ده احسن كثير. من ان انا اشيل نفسي هم الاختيار هل ده بيخليني اقول خلاص بقى انا مش هختار اللي هيجيلي هاخده لا برده لازم اؤدي الدور اللي عليا واكون عارفه بالضبط انا ايه المعايير اللي انا عايزاها في الراجل يعني مثلا لو انا عايزه راجل حنين يبقى بس انا هشوف واحد لازم اتاكد انه حنين علشان حتى ما يبقاش هيهون عليه او هيفكر ان هو يوجعني الكلمه بس كده انا كده بقى تمام ايه المشكله في كده اتعلم بقى ومع الوقت وانت لسه في ثانوي فلسه معاكي وقت ان شاء الله كويس تاخديه وقتك براحتك واحده واحده انك تتعلمي اعملي ازاي وتفهمي كويس قوي ازاي تقدري تستكشفي الشخص اللي قدامك كويس ولا وحش انت شاطره كده وقدرتي تكسري الخوف بتاعك وتتعاملي الجنس الاخر او الولاد ااا بثقه اكبر انا متاكده انك هتقدري تعملي ده ان شاء الله بسيطه وان شاء الله كل الامور.
تم النشر السبت، ١٣ يونيو ٢٠٢٦
أولاً، أنا آسفة جداً إنك مريتِ بكل هذه التجارب المؤلمة في طفولتك ومراهقتك، وأقدر تماماً كيف شكّلت هذه المشاهد والمواقف خوفاً عميقاً بداخلك. مشاعرك طبيعية تماماً، وأنتِ لستِ مخطئة فيما تشعرين به. التعرض للعنف والقسوة والتمييز يترك أثراً نفسياً حقيقياً، ومن الشجاعة أنكِ تتحدثين عنه الآن وتحاولين مواجهته. أنتِ بالفعل قطعتِ خطوة كبيرة عندما دخلتِ الأنشطة المختلطة وتغلبتِ على التوتر مع الأقارب الذكور، وهذا يدل على قوتك الداخلية. الخوف المتبقي من "الرجال" بشكل عام يحتاج إلى وقت وتعامل لطيف مع النفس. من الناحية النفسية، هذا يُسمى "صدمة ثانوية" أو تأثير الملاحظة المستمرة للعنف، ويمكن التخفيف منه تدريجياً من خلال التركيز على بناء صورة متوازنة: تذكري أن هناك رجالاً يخافون الله ويحترمون النساء، كما وصف الرسول ﷺ الرجل الصالح بأنه "خيركم لأهله". ابدئي بملاحظة النماذج الإيجابية حولكِ، حتى لو كانت قليلة، واكتبيها في مذكرة صغيرة لتعزيز التوازن في تفكيركِ. بالنسبة للزواج والخوف منه، أنتِ محقة في رغبتكِ بمعرفة الشخص جيداً قبل الارتباط. في الإسلام، الخطبة فترة تعارف محترمة، ويمكنكِ الاستفادة منها لتقييم الصفات الأساسية مثل الالتزام بالصلاة، التعامل اللطيف، والقدرة على السيطرة على الغضب. لا تترددي في طلب فترة خطوبة أطول إذا احتجتِ، واستخدمي معايير واضحة مثل: كيف يتحدث عن النساء؟ كيف يتعامل مع الخلافات؟ هل يحترم رأيكِ؟ أما الأمور مثل "الملح في القهوة" فهي خرافات لا أساس لها، والاعتماد على الملاحظة والاستخارة والاستشارة أفضل بكثير. أما المواقف التي وصفتِها مع ذلك الشاب في الكورس أو الرسائل الغريبة، فهي تثير القلق بحق، ومن الجيد أنكِ اتخذتِ إجراءات مثل الحظر. استمري في اليقظة دون أن تسمحي للخوف بأن يسيطر على حياتكِ اليومية. راقبي نفسكِ بلطف، وإذا استمر الشعور بالمراقبة أو الذنب من الموقف القديم مع الرجل المطلوب، فكري في التحدث مع شخص موثوق أو البحث عن تجارب مشابهة على فدني لتري أنكِ لستِ وحدكِ. أنتِ تستحقين حياة هادئة ومستقبلاً تختارينه بنفسكِ، وليس خوفاً منه. ركزي على دراستكِ وتطوير ذاتكِ كما تفعلين، فهذا يمنحكِ القوة. إذا أردتِ مشاركة المزيد أو الحديث عن خطوة صغيرة للتعامل مع هذا الخوف، أنا هنا لأستمع وأدعمكِ.
تم النشر السبت، ١٣ يونيو ٢٠٢٦
المواقف الليةحصلت معاكي هي السبب ف خوفك ده لكن بمجرد ما تتحل المشاكل دي مع شويه وقت وتعاملك مع ناس كويس وانك تكبري شويه كل ده هيبدأ يختفي وهتحسي انو عادي وانك كنتي مكبره الموضوع وفي ناس كويسه عادي صوابع مش زي بعض وانتي بأيدك الاختيار اصلا يوم ما يتقدملك واحد هتقعدي معاه كذا مره وهتعرفي اذا كان وحش ولا لا وبأيدك الرفض والقبول وبس ربنا يرزقك بالزوج الصالح اللي يصونك ويراعي ربنا فيكي
تم النشر السبت، ١٣ يونيو ٢٠٢٦
بلاش تاخدى الكلام والدردشة دايما بمحمل الجد وقت الحدث كل حاجه بتتغير وف الاول والاخر اهلك مهما كان بيحبوك وعايزين للافضل لكن بس طريقتهم مختلفه عن طريقتك .. بالنسبه للتحقيق الجنائى انا شايف انك لو مقتنعه روحى وكدا كدا دى مش نهاية الدنيا دى مجرد دراسة ولسه الحياه كبيرة ومفتوحه قدامك تدرسى وتجربى وتعيشى
تم النشر السبت، ١٣ يونيو ٢٠٢٦
طبيعى وانتى سنك صغير هتشوفى السلبيات دى كلها وهتأثر عليك لكن عايزك تعرفى ان المشاكل هى دايما اللى بتظهر عشان كدا بنحس ان كل الحياه وكل الناس كدا .. لكن لو ناس كويسيين وتمام محدش هيعرف عنهم حاجه اصل يعنى هيطلهو يقولو للناس يلا احنا تمام وكزيسيين ف بيتنا اهو ؟ .. عامة كل اللى قلتيه كلنا حسينا بيه واحنا صغيرين لكن الموضوع بيتغير لما بنكبر ومش مطلوب منك انك متخافيش بقى والحاجات دى .. لا انتى كبنت وف سنك ده ركزى ف حياتك ف دراستك اما الجواز والمعاملات والحاجات المستقبليه دى سيبيها لوقتها .. تفكيرك دلوثتى مش زى من سنتين مش ظى كمان سنتين ف خلى كل حاجه ف وقتها ولكل مقام مقال
تم النشر السبت، ١٣ يونيو ٢٠٢٦
في البيت مخوفيني من لوقت اللي هيجيلي فيه حد د انا قولت اهزر مع تيتا واقولها انا نفسي تحقيق جنائي قالتلي هتتجوزي ازاي لأ ومن ساعتها مش بقولهم انا نفسي في اي اصلا كل ما حد يسألني بقوله معنديش هدف.
تم النشر السبت، ١٣ يونيو ٢٠٢٦
لعرض السؤال في فدني اضغط هنا