. .

ده اسمه تعلق و التعلق ده مرض و أسبابه بتكون بسبب الطفولة و التربية و عموما عشان تبطل تفكير فيها لازم تشغل نفسك يعني لازم تركز على نفسك و الوقت الي بتضيعه في التفكير فيها حاول تخليه هو الوقت الي بتستثمر فيه في نفسك و بتطور من نفسك فيه و تركز على نجاحك و نفسك و بالتدريج هتنساها بس اهم حاجه الصبر لأن تخطي شخص معين ممكن ياخد وقت طويل مع أشخاص و أشخاص تانية لا

أنصح حضرتك تعالج مشاكلك النفسية الاول مثلا تروح لدكتور نفسي لأن ده هينعكس على صحتك النفسية و الجسدية و على ثقتك بنفسك و تعاملك مع الآخرين ثانيا لو الي هترتبط بيها بتحبك مش هيفرق معاها الموضوع ده و هتتقبلك ذي ما انت الفكرة انك بتفكر بشكل مرضي في الموضوع و ده ممكن ان مكانش اكيد انه بسبب الوسواس القهري و قلة الثقة بالنفس عشان كده عالج مشاكلك النفسية الاول

نامي بليل بدري و تكون المدة ٨ ساعات مثلا نامي على ٩ بليل و اصحي ٥ صلي الفجر و اقعدي شوفي الي وراكي لحد ٩ بليل و هكذا هتلاقيكي تلقائي بتنامي بدري و بتصحي بدري و ما تمسكيش الموبايل قبل النوم على الأقل بساعة أو ساعتين

اولا لو كنتم في علاقة محرمة فإنتي كده احمدي ربك ان العلاقة دي انتهت قبل ما توصل لوضع سيء و تندمي طول حياتك لكن لو علاقة خطوبة فده شخص ما يستاهلكيش و لا يستحقك لأن الشخص الي بيحبك هيكون بيحب كل حاجه فيكي ذي ما انتي و مش هيحاول يغيرك او يقارنك ببنت تانية و هو من الاول لو كنتم مخطوبين يعني هو وافق عليكي بشكلك او لبسك او شخصيتك و وافق يخطبك فميجيش بعد كده يقولك لا شخصيتك مش عاجباني او لبسك او شكلك ثانيا اذاي تتغيري للأحسن ده قرار المفروض يكون لأنك انتي حابة تبقي احسن نسخه من نفسك مش عشان شخص معجبهوش حاجة فيكي و عشان تتغيري للأحسن لازم تقربي من ربنا و تقرأي قرآن و تتدبري فيه و اقرأي في علم النفس لأنه هيساعدك تفهمي نفسك و تفهمي الي حواليكي اكتر و هيطور من ذاتك و كمان انك تعرفي حاجه من كل حاجه يعني اطلعي كتير على كل المعلومات و الموضوعات الي ممكن تقابلك و اهتمي بصحتك و العبي رياضة و كلي اكل صحي و اهتمي ببشرتك و شعرك و جسمك و لبسك و ثقتك بنفسك

ممكن تروحي لدكتور نفسي و لو مش هينفع فممكن تقرأي عن الصدمة و اضطراب ما بعد الصدمة و الرهاب الاجتماعي و الوسواس القهري اعتقد المواضيع دي هتساعدك لو قرأتي عنها

سبب الشعور بالوحدة وسط الناس هو انك مع ناس مش شبهك امشي مع أشخاص شبهك يعني عندهم مثلا نفس هواياتك او نفس أفكارك او نفس تفضيلاتك + لازم تتعلمي اذاي تبقي لوحدك مش دايما هيكون معانا ناس و أحيانا بتيجي علينا اوقات بنكون لوحدنا فيها عشان كده لازم تتعلمي اذاي تقعدي مع نفسك انك تستمتعي بصحبة نفسك و كأن نفسك هي صحبتك المقربة و ده عن طريق انك يكون عندك هواية بتحبي تعمليها لوحدك ذي الرسم او الطبخ او الرياضة كمان انك تفهمي نفسك و تعرفي شخصيتك و صفاتك و عيوبك و مميزاتك ده بيساعد جدا جدا في انك تتواصلي مع نفسك بشكل أفضل و تحبي تقعدي مع نفسك بنصحك تقرأي في علم النفس هيفيدك انك تعرفي و تفهمي نفسك اكتر

الخوف من الفشل يؤدي إلى الفشل......انا ذيك بالظبط بخاف جدا من الفشل و خصوصا لما ابذل كل جهدي في الحاجة و لكن الي ساعدني اني اتحكم في خوفي هو فكرة ان لو فضلت خايفة و مش بعمل حاجه تقضي على خوفي ده يبقى كده انا هفشل طبيعي جدا اننا نكون عندنا مخاوف و في ناس كتير بتخاف من الفشل و لكن ايه الي يفرق بين اتنين عندهم نفس الخوف من الفشل؟!! واحد خوفه كان دافع ليه انه يبذل مجهود و التاني خوفه كان ذي الحفرة الكبيرة الي مش عارف يطلع منها او ذي السجن الي بيمنعه يعيش حياته طبيعي جدا تخافي من الفشل و لكن هل الفشل هو نهاية العالم؟!!!! هل هو نهاية حياتك؟ هل هيدخلك النار ؟!!!! طب و الناس الناجحين و مشهورين اوي دول الي فشلوا كتير لحد ما وصلوا لنجاحهم ده؟!!! فكرة انك تقضي على الخوف ده نهائيا قد تكون صعبة و لكن انتي عندك خيارين الاول انك تخلي خوفك هو الدافع الي بيوصلك للنجاح التاني هو انك تفضلي على الحال ده بسبب وهم معيشة نفسك فيه و وقتها الوهم ده هيبقى حقيقة النجاح عبارة عن خطوات متتابعة من الفشل و الاخطاء و مفيش شخص ناجح مفشلش في حياته و الي وصل الشخص الناجح للنجاح هو انه كان بيبذل مجهود و بيتعب على نفسه رغم خوفه من الفشل

مش دايما هيكون عندنا شخص يدعمنا و يساعدنا و يفهمنا بس دايما عندنا نفسنا........المقصد بكلامي انك في المرحلة دي من حياتك و في الظروف الي بتعيشيها دي دلوقت انتي مش محتاجه غير نفسك عشان تطلعي من الي انتي فيه انا كنت زيك برضو بعاني من اكتئاب و محدش اهتم للموضوع و كنت برضو طول الوقت قاعدة في اوضتي و كان دايما الاكتئاب بيخليني افكر ان انا عملت كتير و حاولت كتير بس فشلت و محققتش الي نفسي فيه و ان مفيش فايدة من المحاولة و ان خلاص كده الأحسن ليا افضل نايمة على السرير في اوضتي لحد ما اموت لأن تعبت من المحاولة بس بعد كده الاكتئاب ده دمرني جامد لمدة ٣ شهور يمكن و ساعتها قررت انه ليه لا؟!!! ليه محاولش محاولة اخيرة؟!! يعني انا حاولت كتير في حياتي و جاية دلوقت استسلم؟!!!! مش انتي الي بتقولي ان الاستسلام هو الفشل!!! لحد ما فعلا اتخذت القرار ده و قررت وقتها اني هقف من تاني و هحاول من جديد وقتها حاولت اني اطلع من الاكتئاب و مشكلات تانية كده و الحمد الله نجحت و وقتها برضو كانت درجاتي نزلت جامد بسبب الاكتئاب و قررت اني هبدأ اذاكر تاني و هحاول تاني و ان مش مشكلة اذا فشلت لأن مازلت مستمرة و بحاول و اشهدلك ان و الله العظيم درجاتي رجعت تاني و أعلى كمان و من تكريم لتكريم و من درجة عالية لأعلى و الكل مش مصدق (الحمد الله طبعا) كل ده لأني قررت ما استسلمش طب دلوقت انتي قررتي ما تستسلميش و هتحاولي تاني ايه المفروض تعمليه؟ اعتبريني اختك الأكبر منك (انا في تالته ثانوي بالمناسبة😂) و اسمعي مني النصايح دي و نفذيها و بإذن الله يارب تحققي الي نفسك فيه و درجاتك تعلى ١-المذاكرة صح : كل واحد عنده طريقة مذاكرة بتخليه يفهم الدرس كويس جدا و يجيب درجات عاليه فإنتي لازم تعرفي ايه الطريقة المناسبة ليكي يعني مثلا عندك الي بيعرف يذاكر بالكتابة و في الي بيعرف يذاكر عن طريق انه يسمع الدرس من اليوتيوب او اي منصة و عندك الي بيعرف يفهم الدرس كويس لما بيتكلم مع نفسه و هو بيذاكر يعني بيقعد يشرح لنفسه المعلومة او بيمثل ان في شخص قدامه و بيشرحله كلها طرق صح و مفيش واحدة غلط بس لازم انتي تشوفي الطريقة الي بتفهمي منها اكتر حاجة ٢- بعد مذاكرة الدرس اقفلي الملخص او الكتاب او المذكرة و اشرحي لنفسك الي فهمتيه من الدرس مثال: يعني كإن في شخص قدامك مش فاهم اي حاجه و قاعد بيسألك و انتي الشخص الفاهم الي ذاكر الدرس و بيجاوبه هتسألي نفسك الدرس بيتكلم عن ايه؟ و تجاوبي السؤال لو معرفتيش تجاوبي يبقى انتي كده مكنتيش مركزة و مفهمتيش الدرس فتروحي تفتحي الملخص تاني و تحاولي تفهمي بيتكلم عن ايه بعد كده تشرحي لنفسك عناصر الدرس يعني مثلا الدرس بيتكلم عن موضوع معين و الموضوع ده في الشرح مكتوب عنه خصائص الموضوع و أسبابه و الي بيترتب عليه و هكذا فإنتي هتشرحي لنفسك العناصر دي (هتشرحيها مش بمعنى انك تسمعيها لا ..هتشرحي الي فهمتيه منهم) ٣- انتي خلاص ذاكرتي الدرس و فهمتيه و كله تمام هتروحي تحلي عليه و تصححي لنفسك و لو في سؤال غلطي فيه يبقى لازم تعرفي انتي ليه غلطي فيه يعني تروحي تسألي المستر او اي حد يعرف السؤال و يعرف يشرحلك و يفضل انه يكون مدرس المادة يعني بلاش تسألي زميلاتك لأن ممكن يشرحولك غلط او يجاوبوكي غلط و نفس الكلام لو معرفتيش تحلي السؤال خالص او مفهمتيش السؤال ٤- طبقي معلومات الدرس على أرض الواقع يعني مثلا قاعدة بتتكلمي مع زميلاتك و واحدة منهم بتقول "انا قمر" مثلا يعني فإنتي هنا تفتكري ان ده الي اخدتوه في العربي الي هو التشبيه و هكذا مع اي درس او مادة يعني تحاولي تطبقيها على أرض الواقع وقتها المعلومة هتثبت اكتر و هيبقى صعب انك تنسيها ٥- لازم تعرفي و تفهمي غلطاتك في الامتحان يعني لازم تعرفي انتي ليه غلطي في السؤال ٦-ما تقارنيش نفسك بحد و ركزي على مستواكي انتي و بس و كأن مفيش حد غيرك بيدرس و بيمتحن و لا تسألي زميلاتك عن درجاتهم و لا تقولي درجاتك ليهم و لا تقارني نفسك بيهم دي الحاجات الي عملتها و الي خلت مستوايا يعلى جدا بعد ما كنت في الضياع بسبب الاكتئاب و بالنسبة للإكتئاب عشان تطلعي منه لازم تقربي من ربنا و تقاومي أفكار الاكتئاب ذي انك فاشلة و انك مش هتنجحي و و و..... و كمان ممكن تقرأي عن الاكتئاب عشان تعرفي اكتر اذاي تتعاملي معاه و تطلعي منه اهم حاجة ما تنسيش ان في اللحظة الي هتستسلمي فيها وقتها كده انتي فشلتي فعلا

الشخصية الحساسة مش عيب هي مجرد شخصية ذي اي شخصية بل كمان ليها مميزات كتير ذي ان الشخص الحساس بيفهم الي حواليه كويس و بيهتم لمشاعر الآخرين و بيحاول دايما ما يجرحش اي شخص بكلامه او أفعاله العيب في الأشخاص الي حواليك الي بيرفضوا ان دي مشاعرك و ده احساسك ناحية اي موقف و لازم تحط حدود ليهم و تفهمهم ان دي مشاعرك و ان مفيش غلط في الي بتحسه ده و ان سخريتهم من كونك حساس ده شيء مش عاجبك و لو احترموا وجهة نظرك يبقى كويس لكن لو ما احترموش ده يبقى وقف نقاشات معاهم في اي حاجه تضايقك و خلي في بينك و بينهم حدود واضحه

هو واقي شمس infinity مقاطع و لا لا؟ و لو مش مقاطع هل هو مش مناسب للبشرة المعرضة الحبوب او الي فيها حبوب؟ و لو مقاطع ممكن اشتري ايه بديل مناسب للبشرة المختلطة المايلة للدهنية و معرضة الحبوب و يكون اقتصادي و مش بيحسس العين؟

كنت يعاني ذي من موضوع الثقة في النفس و المقارنة و كنت بشوف نفسي انسانة وحشة و معنديش اي مميزات لحد ما بدأت اتعمق في علم النفس و ساعدني اني افهم نفسي اوي و وقتها أدركت أن المقارنة ما هي إلا مجرد مضيعة للوقت و اذى نفسي و ان دايما هتلاقي شخص اشطر منك او اجمل منك او ملتزم اكتر منك او احسن منك في اي حاجه و ان وجود شخص افضل مني في حاجه معينة مش معناه اني سيئة و ما اتحبش فكرة ان طالما انتي مش افضل واحدة مش هتكون محبوبة دي فكرة غلط و للاسف الشديد مجتمعنا فهمنا كده و حتى اهلنا من و احنا صغيرين فهمونا بشكل غير مقصود ان احنا مش هنكون محبوبين غير لما نكون الأفضل و الاشطر و الاذكى و الأحسن (طبعا مش كل الأهل كده) و لكن من الحاجات الي ساعدتني في بناء ثقتي بنفسي هي الوعي بدأت اقرأ كتير في علم النفس و اسمع نصايح و خبرات غيري و ده فادني في اني بقيت واعية اكتر لنفسي و بطلت اربط قيمتي بكوني أنجح واحدة او افضل واحدة و انتي كمان لازم تعملي كده لأن مش معنى ان اختك افضل منك في حاجات معينة يبقى انتي وحشة و ما تتحبيش و طول ما انتي بتعملي الي عليكي و بتبذلي جهدك يبقى طز في رأي اي حد عنك

ممكن يكون اكتئاب و تفكري تعالجيه بإنك تروحي لدكتور نفسي و كمان لازم توعي نفسك بموضوع الاكتئاب و أسبابه و أعراضه و كيفية علاجه و كمان التقرب من ربنا و الصلاة بيساعد جدا عن تجربة

اولا التضخيم بياخد وقت طويل فلازم صبر و استمرار ثانيا في طريقة سهلة جدا للتضخيم و هي حساب السعرات و ده ممكن تعرفه عن طريق انك تكتب على جوجل حساب السعرات و بعد كده تدخل بياناتك من طول و وزن و نشاط و هيحسبلك سعراتك و انت هتتبع عدد السعرات الي محتاجها عشان تتخن ثانيا وجباتك هتتقسم حسب روتينك و الي بترتاحله يعني ممكن تقسمهم ثلاث وجبات رئيسية و هي الفطار و الغداء و العشاء و وجبتين سناك او ثلاث وجبات و كل ده حسب عدد السعرات و كل ما عدد السعرات زاد عن العدد الي محتاجه عشان تضخم يبقى كويس في حالة ان السعرات دي تكون من بروتين و دهون صحية يعني هتلتزم بعدد سعرات معين و هتقسم وجباتك و لازم كل وجبة تحتوي على كل العناصر الغذائية من بروتين و ده اهم حاجه للتضخيم و الدهون الصحية و الكارب و الخضار و السناكات بين الوجبات و قبل التمرين مهمة برضو لازم تروح للجيم لأن عشان تضخم محتاج تشيل اوزان مصادر بروتين: الفراخ و اللحمة و البيض و الجبنة القريش مصادر دهون صحية: زيت الزيتون و المكسرات ذي الكاجو مصادر كارب: المعكرونة و الأرز و العيش و البطاطس لازم استمرار و صبر عشان تلاقي نتيجة لأن التضخيم ده بيكون زيادة نسبة العضلات في الجسم و زيادة العضلات بياخد وقت

ده ممكن يكون اكتئاب ما بعد الولادة و ممكن تروحي لدكتور نفسي لو حابه او انك تقولي لحد قريب منك و تحاولي تعالجي نفسك ممكن تقرأي عن اكتئاب ما بعد الولادة و ايه أسبابه و اذاي تعالجيه برضو هيفيدك و هو شيء أغلب البنات بيجيلها بعد الولاد فمتخافيش اوي بس برضو حاولي تعالجي نفسك و تفهمي مشكلتك اكتر لأن ده نص الحل

ممكن يكون اكتئاب او فرط التفكير و القلق ممكن يساعدك لو قرأتي عنهم و لو طلع عندك أعراض منهم ممكن تروحي لدكتور نفسي او تقولي لحد قريب منك و ممكن يساعدك انك تبقي احسن في الغالب دي أعراض اكتئاب لو مش قادرة تقومي من السرير و دايما تعبانه و حاسة بيأس و ضيق و رغم انك عارفة اذاي تتغيري الا انك مش قادرة و حاسة ان طاقتك مستنزفة دايما و علاقاتك الاجتماعية بقت سيئة بسبب ده و الناس شيفاكي متغيرة و بقيتي منطوية على نفسك و لا اما بتاكلي كتير جدا او مش بتاكلي خالص لو الوضع كده فممكن جدا انه يكون اكتئاب و هيساعدك انك تقرأي عنه و توعي نفسك و انك تروحي لدكتور نفسي و الصلاة و التقرب من ربنا دي حلول هتساعدك جدا و كمان ممكن تدوني الحاجات الي بتضايقك كمان بيساعد و حاولي ما تستسلميش لأن الاكتئاب ده شيء صعب بتبقي مش عارفة مالك و انتي ليه كده و بتبقي عارفة اذاي ممكن تغيري من نفسك لكن مش بتبقي قادرة و مش عارفة ليه انتي مش قادرة ده الاكتئاب ببساطة و بيأثر على نفسيتك و على جسدك فممكن تلاقي أعراض جسدية ذي مثلا الصداع او الإرهاق الجسدي و كمان علاقتك بالناس الي حواليكي بتتغير رغم انك مش فاهمه ليه بس بتحسي انك مش قادرة تتواصلي معاهم و دايما تعبانة و عاوزة تنامي المهم انك ما تستسلميش و تحاولي تعالجي نفسك لو عندك فعلا أعراض الاكتئاب

ده مش شيء طبيعي طبعا و ممكن يكون اضطراب ما بعد الصدمة نتيجة صدمة الانفصال ممكن حضرتك مكنتش متوقع الانفصال و مازلت مش متقبل ان خلاص حصل انفصال و ده ممكن يكون سبب صدمة و نتيجة الصدمة دي بقيت مش مدرك لأي شيء حولك و عايش في أفكارك و خيالك لأن من أعراض اضطراب ما بعد الصدمة هو عدم اليقظة و الانتباه و نوبات الغضب و ده ممكن يتعالج عن طريق اللجوء لدكتور نفسي او أخصائي نفسي او لو مش هينفع لأي سبب ممكن تقرأ اكتر عن اضطراب ما بعد الصدمة و كيفية علاجه

قرأت قبل كده إن سعادتنا و رضانا عن نفسنا و صحتنا النفسية اهم من اي شيء و اي شخص و مكنتش مقتنعه بالموضوع لحد ما جربت نفس الي جربتيه اللهم إن الفرق الوحيد اني لسه طالبه و نفس الوضع اكتشفت ان زميلاتي الي كنت بحبهم اوي و كنت بساعدهم دايما انهم كانوا بيحسدوني و بيغيروا مني لأني متفوقة و بسببهم كنت دايما بكره اني اروح المدرسة او اني اتكلم معاهم لأنهم كانوا بيتجاهلوني و مش بيكلموني غير لما يكونوا عاوزين يعرفوا درجتي في اي امتحان و بسبب واحدة منهم كنت بحبها اوي و كنت بساعدها كتير و كنت عاوزة ابقى مقربة منها و هي كانت بتتجاهلني اكتئبت اوي و درجاتي نزلت جدا و كنت في فترة سيئة بسببهم لدرجة اني روحت لأخصائية نفسية و حتى الاخصائية النفسية قالت اني محسودة و بعد كده قررت ان راحتي و صحتي النفسية اهم من اي موقف أو شخص أو شيء و قررت اني ابعد عنهم و فعلا عملت كده و حياتي بقت احسن بكتير انا قولت كل ده عشان اقولك ان ممكن تغيري مكان شغلك مثلا تروحي مدرسة جديدة او لو مش هينفع يبقى الحل الامثل هو انك تبعدي عنهم و تعامليهم بالمثل الي يجرحك ردي عليه و الي بيغير منك و من نجاحك ده مجرد انسان فاشل قرر انه يضيع طاقته على الحسد و الغيرة بدل ما يشتغل على نفسه و افضل أسلوب تتعاملي بيه مع الاشخاص دي هي التجاهل و البعد عنهم اتعرفي على زملاء غيرهم و لو مفيش يبقى إغتني بنفسك و ركزي على نفسك و ضايقيهم اكتر بنجاحك و مش لازم خالص يكون عندنا زملاء او اصدقاء لو الاشخاص دول بيأذونا نفسيا في حين أن في أشخاص كتيرة جدا حوالينا افضل منهم يعني مش لازم تكون علاقتك كويسة مع الاشخاص الي في مكان عملك لو هم أشخاص سيئين و بيغيروا منك و ركزي فقط على الاشخاص الكويسة الي في حياتك مثلا زوج صالح او اخت مقربة او عائلة جيدة و داعمة و حتى لو مفيش دول و مفيش اي حد في حياتك لسه عندك نفسك و هي أولى و اهم من اي شخص تاني عشان كده أكتفي بنفسك و ركزي على صحتك سواء النفسية او الجسدية و على نجاحك و تطورك لأن ده افضل حاجه ممكن تقدميها لنفسك

اولا انتي عارفاه من مجرد لعبة يعني لا اهلك عارفينه و انتي ذات نفسك مش عارفاه بجد ثانيا معظم الي بنعرفهم أونلاين دول مجرد خدعه يعني جايز جدا جدا و ان مكانش اكيد انه بيضحك عليكي بكلمتين و كلام محترم منه على مدح و و.... عشان بس تطمني ليه و بعد كده يقرب منك اكتر و بعد ما يعلقك بيه يبدأ بقى انه ياخد الي عاوزه منك فبإختصار امسحي اللعبة و اعمليله بلوك لأن واضح جدا جدا ان الموضوع غلط ثانيا انتي استخرتي و برضو مش مرتاحه و ده معناه ان في حاجه غلط فقبل ما تحصل حاجه تندمي عليها طول عمرك اعمليله بلوك و قوليله ان الي بيحصل دا غلط و لو عاوزني فعلا يبقى كلم اهلي و ادخل البيت من بابه و اديله رقم والدك او اي حد كبير في العيلة و اعمليله بلوك و هو لو فعلا عاوزك هيتصل و يتقدم و لو كان بيتسلى يبقى مش هيتصل و لا هيعمل حاجه

في حلين أول حل انك تروحي لدكتور نفسي او أخصائي نفسي و الحل التاني انك لو مش هتقدري تروحي لدكتور نفسي يبقى تحاولي تعالجي الموضوع مع نفسك لو اخترتي تعالجي نفسك بنفسك يبقى اول حاجه لازم تعمليها هي انك تزودي ثقتك بنفسك الثقة بالنفس لما بتكون عالية بتقدري تعرفي كويس قدراتك و امكانياتك فبيكون اتخاذ القرار أسهل و مش بيكون في شك في نفسك او في قدراتك تاني حاجة انك تكتبي في notes ايه الأسباب الي بتخليكي عندك وسواس قهري ذي مثلا انتي دلوقت اشتريتي حاجه و لما روحتي حسيتي انه لا عاوزه ارجعها فقبل ما ترجعيها اقعدي مع نفسك و فكري انتي ليه عاوزة ترجعيها مثلا اشتريتي بنطلون و عجبك اوي بس لما رجعتي و جربتيه طلع مش حلو اوي عليكي او مقاسه واسع او ضيق عليكي او طلع مقطوع او طويل او قصير في الوقت ده انتي عندك سبب مقنع انك ترجعيه لكن لما البنطلون يكون حلو جدا عليكي و مفيهوش غلطة و الناس حواليكي بيقولولك انه حلو وقتها تعرفي ان ده هو الوسواس الي بيخليكي تفكري بالشكل ده و بيخليكي عاوزة ترجعيه فوقتها الي هتعمليه هو انك تتجاهلي الأفكار دي يعني وقتها مش هترجعي البنطلون و هتخرجي بيه و هكذا مع اي حاجه تانية في حياتك مثلا لو عريس اتقدملك و الشاب كويس جدا و سألتي عن أهله و عنه و خلاص عارفة انه انسان كويس و محترم و اهلك كمان عارفين ده و موافقين عليه بس انتي عمالة تفكري انه لا ما يمكن مش مناسب ما يمكن اندم ما يمكن ما يمكن وقتها الي هتعمليه برضو هو انك هتفكري بمنطقية الأول يعني من الاخر هتلغي الشكوك الي عندك من خلال انك تفكري بمنطقية يعني انتي دلوقت هتسألي نفسك هل الشاب ده كويس و أهله كويسين؟ لو الإجابة اه يبقى تسألي نفسك السؤال التاني و هو هل انا جاهزة للجواز و مسؤوليته؟ لو الاجابه اه يبقى تسألي نفسك تاني هل انا مرتاحه للشخص ده؟ و هنا بقى لازم تعرفي ان مش معنى ان الشخص الي متقدملك مفيهوش غلطه و كويس يبقى كده مينفعش انك ما تبقيش مرتحاله لان ده مش شرط خالص و لو طلعتي مرتاحه للشخص بس كده يبقى وقتها تتأكدي ان الأفكار دي هي الوسواس و وقتها مش هتعملي اي فعل ناتج عن الأفكار دي و كملي في الخطبة و لو طلع فعلا انسان كويس في تعامله معاكي و مفيهوش اي مشكلة يبقى كملي و توكلي على الله في الجوازة دي و هكذا مع اي حاجه تانية في حياتك

ممكن يكون بسبب كثرة الذنوب و كثرة سماع الأغاني او حسد أو الموضوع له علاقة بالجن فحاولي تعرفي السبب و كمان ممكن تروحي لشيخ و اقرأي المعوذتين و الاخلاص على كباية ماء و اشربيها و ادعي ربنا كتير وجاهدي نفسك في انك تقومي و تصلي و لو بتسمعي اغاني كتير حاولي بالتدريج تقللي سماعها

لما تكوني سعيدة في وجود الشخص ده و لما تتأثري بمشاعره يعني لما بيزعل بتزعلي و لما بيفرح بتفرحي و لما تحسي انك عاوزة كل الناس تعرف انك بتحبيه و لما تلاحظي انك حتى عيوبه بتحبيها و متقبلاه بكل جوانبه و كمان عند البنات بالفطرة لما بتحب حد بتعامله و كأنه طفلها و بتخاف عليه ذي الأم اما بالنسبة اذاي تعرفي اذا كان بيحبك فده عن طريق انه بيلمح و في نفس الوقت مثلا يتقدملك او يكون في حاجه رسمية عموما و تعرفي انه الشخص المناسب عن طريق انك تعرفي هل هو قريب من ربنا و لا لا و علاقته مع اهله و تصرفه مع الأشخاص و الحيوانات و بشكل عام سلوكه مش كلامه و بس

الي عملتيه صح جدا و هو لو فعلا بيحبك يبقى هستناكي و يتقدملك و لو كلمك تاني في الحالة دي ابعتيله رقم والدك و اعمليله بلوكو هو لو فعلا مش بيلعب بيكي يبقى هيكلم والدك و يتقدملك

و عليكم السلام و رحمة الله و بركاته.....انتي ذكرتي انك بقيتي انطوائية و أن غالبا ده بسبب انك مش واثقة في نفسك و دي اول خطوة في بداية التغيير و هي الاعتراف بالمشكلة ثانيا لازم تعرفي انتي ليه مش واثقة في نفسك ذي مثلا انك بتسمعي كلام من اهلك او صحابك او بسبب المشاهير و الممثلين و معايير الجمال ١-لو السبب هو التنمر من الأهل: يبقى تجاهلي كلامهم او ردي عليهم بأسلوب يبين انك حابة نفسك مثلا تقولي " انا عاجبني نفسي كده" ٢-لو السبب هو تنمر الصحاب: يبقى ببساطة ابعدي عنهم لأن دول مش صحاب اصلا ٣-لو السبب هو المشاهير : لازم تعرفي و تدركي كويس ان مش كل حاجه بنشوفها على السوشيال ميديا بتبقى حقيقة و أن معايير الجمال دي كلام فارغ و أن كل انسان جميل بطريقته الخاصة و أن ربنا قال "و لقد خلقنا الإنسان في أحسن تقويم " ثالثا بقى اذاي تزودي ثقتك في نفسك؟ ١-ثقفي نفسك و خصوصا في علم النفس لأنه هيساعدك تفهمي نفسك و الناس الي حواليكي ٢-اهتمي بدراستك و مستواكي الدراسي و انك يكون عندك أهداف بتحركك ٣-اهتمي ببشرتك و لو فيها مشكلات عالجيها ٤- اهتمي بصحتك و جسمك ٥-البسي الي مريح بيحسسك بالثقة بالنفس و لازم يكون لبسك نضيف و مكوي ٦- "fake it till you make it" يعني اصطنعي ثقتك في نفسك لحد ما تلاقيكي واثقة من نفسك من غير مجهود ٧-هو انك تقوي علاقتك بربنا لأن من يحبه الله يحبه جميع مخلوقاته

اولا انا آسفة خالص ليكي و أن الناس مش مدركة قد ايه انتي جميلة. ثانيا انا مريت بنفس الي انتي مريتي بيه و هقولك عملت ايه عشان اتغلب على موضوع الثقة في النفس و لو شوية على الأقل اول حاجه عملتها اني اهتميت بنفسي اهتميت ببشرتي و عالجت المشاكل الي فيها و اهتميت بصحتي اكتر و لعبت رياضة و خسيت و بدأت اثقف نفسي و خصوصا في علم النفس و بدأت اني مهتمش اوي لرأي الناس و اهتميت بدراستي و نضافتي و مضافة اللبس و أن البس الي مريح كل الحاجات دي بتزود الثقة في النفس بشكل رهيب و عن تجربة حاولي بالتدريج واحدة واحدة انك تعملي منهم حاجه كمان حاجة يمكن سمعتيها مليون مرة قبل كده و هي ان الي بيحبك هيحبك بكل حاجة فيكي و أن مفيش حد وحش لأننا خلق الله و خلق ربنا عمره ما كان وحش انتي بس مش عارفة تظهري جمالك و قوتك الداخلية و الحاجات الي قولتلك عليها فوق صدقيني بجد هتفرق جدا جدا في ثقتك في نفسك و كمان في جملة حلوة اوي و تأثير تطبيقها على أرض الواقع فعال جدا عن تجربة "fake it till you make it" بإختصار شديد اصطنعي ثقتك في نفسك لحد ما هتلاقيكي واثقة من نفسك فعلا و حاجة كمان ادركتها بعد معاناة لفترة طويلة من مشاكل الثقة في النفس و اضطرابات الطعام و هي ان بجد بجد الي هيحبك مش هيفرق معاه انتي تخينه او رفيعة سمرة او بيضة لأن الي بيحبك بيحب روحك و شخصيتك عشان كده اهم حاجه لازم تشتغلي عليها هي انك تطوري من شخصيتك و تثقفي نفسك و كمان من الحاجات المهمة و الي بتفرق برضو و هي انك تهتمي بنفسك و مظهرك الخارجي حرفيا مجرد حاجات بسيطة تعمليها في شكلك الخارجي هتبينك احلى ذي ان لبسك يبقى مكوي و نضيف و ريحتك تبقى حلوة دي ابسط الحاجات الي اي حد يقدر يعملها و بالنسبة للبيئة الي عايشة فيها من اهل و صحاب متنمرين: الأهل ببساطة تجاهلي تعليقاتهم و سيبي المكان في كل مرة يتنمروا فيها او انك تردي عليهم بأسلوب يبين انك حابة نفسك كده و متقبلة نفسك ذي مثلا "انا حابة نفسي كده و راضية عن شكلي" او " الشكل الي مش عاجبكم ده خلقة ربنا و كده انتم بتسخروا من خلقة ربنا" او " العيون الجميلة بس هي الي بتشوف كل حاجة جميلة عشان كده انتم مش شايفين جمالي" بالنسبة للصحاب فدول اصلا مش صحاب الي بيتنمروا على صحابهم عمرهم ما كانوا صحاب عشان كده ابعدي عنهم و اتعرفي على ناس جديدة و افتكري ان مش كل الناس وحشة و هتلاقي اصحاب افضل من دول و كمان اهم حاجه انك تعملي الي قولتلك عليه فوق عشان ثقتك في نفسك تزيد لأن الناس مش هتشوفك حلوة غير لما انتي تشوفي نفسك كده و مش هيحبوكي غير لما تحبي نفسك و اتمنى اكون افدتك و لو بكلمة 💖

كل الي عليكي تعمليه انك تستمري في طريقك و سعيك لأهدافك مهما كان شعورك بعدم الثقة في انك تحققي أهدافك كلنا بتيجي علينا اوقات بنحس انه لا مستحيل نحقق هدف معين و انه مجرد خيال بس ليه لا؟ ايا كان هدفك ايه فأكيد غيرك وصله و طالما غيرك قدر يبقى ليه لا؟ انا فاهمة كويس انك مش حاسة بالثقة و يمكن شايفة انك مش بتعملي كفاية بس هي مش بتتحسب كده عند ربنا كل تعب و كل عمل عملتيه عشان تحققي هدفك ربنا عالم بيه و هيردهولك اضعاف ربنا بيقول "و أن ليس للإنسان إلا ما سعى و أن سعيه سوف يرى" يعني اجتهدي و حاولي و استمري اهم حاجة الاستمرار و حاولي تكون أفكارك إيجابية لان ذي ما بسمع عن طاقة الجذب و أن الواحد في مقدوره يجذب الحاجات ليه عشان كده خلي أفكارك إيجابية و انك هتحققي أهدافك و خلي عندك يقين أن ربنا كاتب الخير ليكي

طالما انتي معملتيش حاجة تخالف الدين و طالما انتي شايفة نفسك في المكان الي انتي فيه يبقى استمري و تجاهلي اي كلام سلبي لأن المجتمع عمره ما بيوقف كلام حتى لو كنتي في قمة النجاح و لأن الأهل بيبقوا عاوزين يحققوا من خلالنا الي مقدروش يحققوه لكن في النهاية الحياة حياتك و القرار قرارك و المسؤولية مسئوليتك

ده ممكن يكون وسواس قهري و ده مرض نفسي و انصح حضرتك انك تروح لأخصائي نفسي

اسمع فيديوهات ناصر العقيل هو يوتيوبر بيلخص كتب بشكل حلو و يمكن تستفاد منه كتير

بتفرج على المسلسلات الي بحبها أو بكتب أو بلعب رياضة و في الآخر بنام

عن نفسي مش هجاوب على السؤال وقتها لأن ده تجاوز لحدودي يعني انا مش قريبة من الشخص ده عشان يسألني كده و معندوش اي أحقية انه يسألني سؤال ذي ده و لو شخص قريب مني برضو مش هكون حابه اقول لأن انا من النوع الكتوم شوية رغم اني عندي عيوب و معترفة بيها و متصالحه معاها و بحاول اغير الي ينفع يتغير منها و عارفة ان مفيش حد معندوش عيوب بس بالنسبالي مش اي شخص يقدر يسألني السؤال ده أو يقدر يلاقي إجابة على سؤاله ده

يمكن انتي مازلتي متأثرة بالتجربة السابقة و خايفة تحبي حد عشان ميحصلش معاكي نفس الي حصل زمان فعشان كده بتحاولي تقنعي نفسك ان مفيش حاجه اسمها حب و انه كذب في كذب بس في الحقيقة الحب موجود صح انه مش ذي الي في الروايات الخيالية دي بس هو موجود في الواقع و صح ان الجواز مش شيء خيالي و رومانسية طول الوقت ذي ما في الروايات أو المسلسلات و لكن الجواز في الواقع مسؤولية و حب و دعم و مشاركه و تفاهم و تضحية الجواز مسؤولية صعبة بجد و يعتبر قرار مصيري لأن من اللحظة الي بتبدأي تعيشي فيها حياتك مع شريكك وقتها بتبدأ عيلة جديدة و مسؤوليات أكبر ذي الأطفال و المشاكل مع الشريك و عيلة الشريك ده و عيلتك و حاجات كتير تانيه و ممكن الزواج يفشل عادي جدا و يحصل طلاق الفكرة هنا أن للزواج منعطف في حياة الشخص ذي اي منعطف تاني بمجرد ما تاخدي قرار الزواج لازم تكوني عارفة انه مش بالشكل الي موجود في الروايات أو المسلسلات بل هو مسؤولية و ده ميمنعش ان في رومانسية و حب و كل حاجه بس الفكرة هنا في اختيار الشخص المناسب و الشخص الصح الي فعلا تقدري انك تعيشي معاه حتى لو كان بينكم مشاكل بس بتحلوها مع بعض من غير ما حد يعرف و بتبنوا أسرة صحية و متماسكة و ده كله في نظري مسؤولية مش مجرد حب و بس عشان كده لازم الواحد يفكر كويس جدا قبل ما يقرر قرار مصيري ذي ده

ممكن تشترك في الجيم و تتعرف على أشخاص هناك أو في نادي و ممكن كمان زملائك في الشغل و تشوف اي المشترك بينكم و تعملوه مع بعض و كمان ثقف نفسك في مجالات كتير عشان لما تكون وسط مجموعه بيتكلموا في موضوع تعرف تندمج معاهم و حاول تنفتح على الآخرين يعني اتكلم معاهم بأريحية و ما تحاولش ترضي حد لأنك أنت الي هتخسر في الآخر

و كمان عشان تأهلي نفسك للدراسة لازم تلعبي رياضة و تاكلي اكل صحي و تنظمي نومك و تحافظي على صلاتك و تقربي من ربنا اكتر ده عن تجربتي الشخصية الي فرق معايا و خلاني اواصل للنهاية خلال السنة دي🤡

انا هتكلم بناءا على تجربتي يمكن يفيدك الموضوع الشغف مش دايما بيكون عندنا و لو هنفضل منتظرين يكون عندنا شغف عشان نحقق اي حاجه في الحياة فكده هنفشل و بالنسبة للتليفون في تطبيقات تقدري تحمليها بتقفل التليفون بعد ما يخلص الوقت الي انتي حددتي انك هتمسكي التليفون فيه و كمان تقدري تقولي لحد من اهلك ياخده لحد ما تخلصي مذاكرة و كمان مش لازم تحبي المذاكرة أحيانا كتيره مش بنبقى حابين نعمل حاجة هتفيدنا لأنها مثلا مملة أو صعبة او مش بنحبها أصلا رغم اننا عارفين كويس قد اي هي مهمه لمستقبلنا فكل الي عليكي تعمليه هو تنظيم الوقت و الالتزام حتى لو مش حابه الموضوع في النهاية ده لمستقبلك مش لمستقبل حد تاني

عشان تعرفي عندك اضطراب او لا لازم دكتور او اخصائي هو الي يشخصك

ممكن مثلا تقرأي الكتب الي مواضيعها بتثير إعجابك في البداية يعني مش لازم في البداية تكوني خبيرة في القراءة و تقرأي كتب علمية لا اقرأي الي تحبيه في البداية و بعد ما تتعمقي شوية و يبدأ يرجع شغفك للقراءة ابدأي شوفي كتب تانيه مثلا كتب تاريخية او علمية او علم نفس و كده و كمان ممكن تخصصي مكان للقراءة مكان يكون هادي و مريح و انتي بتحبيه عشان يشجعك انك تقرأي و كمان خصصي وقت معين في اليوم حتى لو كان عشر دقايق انك تقرأي جزء من الكتاب أو مثلا حددي عدد صفحات معين هتقرأيه في اليوم بس ما يكونش كتير جدا عشان ما تزهقيش بسرعه و ممكن تجيبي سناكس تاكليها و انتي بتقرأي أو تسمعي موسيقى لو بتحبي الموسيقى بإختصار خلي القراءة في البداية هواية و حاجه بتلاقي فيها راحتك كده و مع الوقت ابدأي تعمقي في القراءة و اقرأي في مختلف المجالات

واجه خوفك.......بتتكسف تقول لا؟ يبقى قول لا ممكن يكون صعب بس بعد ما تقول كلمة لا على حاجه انت مش عاوز تعملها وقتها هتحس بتقدير ذاتك و عدم الكسوف .....ده حقك انك تقول لا لو مش عاوز تعمل حاجه و طبعا قول لا بأدب و اسلوب حلو......ثانيا و اهم حاجه لازم تحط حدود لو حد حاول يتعداها توقفه عند حده اعرف انت بتحب ايه و بتكره ايه في طريقة تعامل الناس معاك و حاول تكتشف نفسك اكتر لان وقتها هتقدر تحط حدود بسهولة ......الحدود مهمه جدا للصحة النفسيه و كمان لتقدير الذات .....لو مش حابب تعامل شخص ما معاك ببساطه قوله انا مش بحب الأسلوب ده أو قوله انه تخطى حدوده .....مثلا الموقف الي انت ذكرته تقدر تقوله انا مش عاوز اجيب السجاير تقدر تجيبها بنفسك أو ممكن تبعت حد تاني يجيبها طبعا قوله الكلام ده بس مش بنبرة حاده لا بنبرة عادية جدا المهم انك تواجه خوفك في الاول و بعد كده هتلاقي الموضوع سهل و مش صعب

أولا اعترفي بينك و بين نفسك بمشاعرك و أن الموضوع بجد مضايقك و انك مش قادرة تتخطيه و بعد ما تتقبلي مشاعرك ابدأي إنك تهتمي بجوانب حياتك يعني بإختصار اشغلي نفسك بحاجات مفيدة لو عملتيها هتحسي بالإنجاز ذي مثلا ابدأي ممارسة الرياضه و الرياضة حلوة جدا جدا في التنفيس عن المشاعر السلبية و كمان اهتمي بنفسك ذي مثلا انك تعملي شيء جديد في شكلك مثلا انك تقصي شعرك أو انك تعملي ضوافرك أو انك تعملي skin care .......اي حاجه تشغلك و تحسسك بالإنجاز و الرضا عن نفسك لما تعمليها في الاول هيكون صعب بس بالاستمرار هتتخطي

بصي أظن ده بيرجع للشخصية ذات نفسها يعني طبيعة شخصيتك من الي ذكرتيه أن لغة حبك بتكون عبارة عن مناكشات و هزار و كده و الي فهمته ان مامتك لغة حبها هي تخصيص الوقت لها فأنتي حاولي مثلا تقضي وقت معاها مثلا تشوفي هي بتحب تعمل ايه و روحي ساعديها في مثلا لو بتطبخ روحي ساعديها لو قاعدة بتسمع مسلسل مثلا اقعدي معاها اسمعي المسلسل و حاجات كتير تانيه ممكن تعمليها مع مامتك بس على حسب هي بتفضل ايه و كمان ممكن تقوليلها تعمل معاكي حاجه انتي بتحبيها هواية مثلا و بالتدريج هتتقربي منها بس الموضوع عاوز وقت اكيد ....حاولي تبيني ليها انك مهتمه

أظن ده نوع من انواع الادمان و يفضل انك تروحي للدكتور

من وجهة نظري لو هم عارفين ان نظرك ضعيف و مش هتقدري تشوفي اي حد من بعيد و مع ذلك اتخانقوا معاكي يبقى ممكن هم عاوزين يبعدوا عنك و ملقيوش طريقه تاني غير انهم يطلعوكي غلطانه..........انا شايفه إنك ما تحاوليش ترجعي ليهم تاني عارفه انه صعب اوي بس بصي انا مريت بحاجه مشابهه و الي عملته اني انشغلت بنفسي و اهتميت بنفسي اكتر و مازلت بشغل نفسي هو ممكن ياخد وقت لحد ما تتخطيهم و هتفضلي تفكري فيهم بس كل ما تفكري فيهم قولي stop و قومي اتحركي ، أو اشغلي نفسك بأي حاجه و كمان شوفي هواياتك الي بتحبيها و اعمليها و كمان الرياضه حلوة جدا في تصفية العقل من الأفكار السلبية .....نفسك أولى بالحب و الاهتمام من أي حد تاني علشان كده ما تنسيش نفسك في محاولة كسب رضى أي شخص

هتعرفي مع الوقت اذا كان كويس أو لا ما تستعجليش و كمان ركزي في أفعاله و تصرفاته معاكي و مع الناس و ركزي في كلامه برضو و هل بيطبق كلامه ده بجد و لا ده مجرد كلام و خلاص و كمان اعرفي اذاي بيتعامل مع اهله

بعد ما تاكلي اتمشي شوية ممكن تنزلي تتمشي شويه او مثلا تتمشي في البيت عادي او اعملي اي حاجه وراكي مثلا ساعدي والدتك في غسيل الأطباق أو نظفي البيت أو غرفتك المهم تتحركي....انتي هتبقي مكسله و مش قادره بس قاومي و اول ما تقومي تعملي اي حاجه أو تتحركي خلاص هيروح النوم من عينيكي يعني بإختصار ارغمي نفسك انك تعملي الي وراكي .....ده الي بعمله انا ممكن ينفع معاكي و ممكن لا فجربي😂❤

لا اعلم ان كان هذا صحيحا ام لا و لكني شاهدت فيديو على اليوتيوب يتحدث عن تجربة فتاة مع السبليمنال و انه لبسها جن و عانت بسبب هذا كثيرا حيث أنها في بداية تجربتها للسبليمنال أصبحت ترى شخصا يراقبها في كل مكان و بسببه لم تعد تركز على دراستها و أمورها الحياتية. نصيحة لا تجربيه لأنه ممكن ان يكون خطيرا أو من الممكن أن تستمعي لسبليمنال غير آمن و يحدث معك مثلما حدث مع تلك الفتاة

صدقني مش هيفرق لو بتحبك فعلا فمش هيفرق معاها و هتكون متقبلة الموضوع عادي جدا و بالنسبة للوسواس القهري ففي طريقة كنت بعملها و كانت بتقلل الوسواس و هي ان لما الاقيني بفكر في حاجه كتير و قلقانة منها بقعد أسأل نفسي هل الحاجه دي صح و لا لا مثلا يعني انا كنت بوسوس اني تخنت فكنت كل مرة افكر في موضوع الوزن اروح اثبت لنفسي أفكاري اذا صح او غلط يعني دلوقت الوسواس بيقولي اني تخنت و انا معرفش هل ده الوسواس و لا انا فعلا تخنت فبروح مثلا اقيس وزني او اشوف اللبس الي عندي ضاق و لا ذي ما هو و لو مفيش اي تغير في المقاسات فبعرف علطول انه ده الوسواس و ان الي بفكر فيه مش حقيقي و علطول بروح اشغل نفسي بأي حاجه عشان امنع التفكير ده فمن الآخر اول ما تبدأ توسوس في موضوع معين روح ابحث و اعمل اي حاجه تثبت الي بتفكر فيه انه صح او غلط و لو طلع غلط يبقى ده الوسواس و وقتها هتتجاهل التفكير فيه يعني هتفكر بمنطقية مع الفكرة الي بتظهر في دماغك لو طلعت الفكرة صح يبقى تحاول تعمل حاجه مثلا لو تخنت و فعلا وزنك زاد وقتها هتبدأ تغير الموضوع ده ذي انك تلعب رياضة و و و....ده في حالة لو مش عاجبك الوضع لكن لو حاجه متنفعش تتغير و انت اتخلقت بيها كده يبقى كل الي عليك تعمله هو انك تتقبل الأمر و تفهم نفسك ان الي هيحبك هيحبك ذي ما انت من غير ما يحاول يغير حاجه فيك و الي ميعجبوش فيك حاجه او يحاول يغير حاجه فيك يبقى ده مش بيحبك فعلا

العفو على ايه ...ربنا معاكي يارب و تحققي الي نفسك فيه💖💖

هوا على ايه💖 اهم حاجة انك تركزي على نفسك انتي و بس و ربنا معاكي❤❤

و كمان السناكات ذي البلح و عصير بيتعمل من الشوفان و البلح و اللبن و العسل الابيض حلو جدا جدا و بيتخن

نفس الكلام برضو صلي استخارة و اسألي ربنا لو هو الشخص المناسب ليكي او لا و ما تسيبيش نفسك لأفكارك طول ما مفيش اي حاجه غلط عن الشخص ده

صلي صلاة استخارة و لو حسيتي بالراحة يبقى كملي في الي بتعمليه و لو لا يبقى وقفي و كمان لو في حاجات غلط بدأت تحصل ذي مثلا جاي يتقدملك راح النور قطع او اي موقف او ظرف تحسيه بيمنع حدوث الشيء بس الاهم انك تصلي استخارة الاول

الشخص الي بيديكي mixed signals و مش بتبقي عارفة هو فعلا بيحبك و لا لا ده افضل طريقة تتعاملي بيها معاه هي انك ما ترفعيش سقف طموحاتك اوي و تعامليه عادي و تنتظري و لو هو من نصيبك و كان بيحبك يبقى هيتقدملك غير كده يبقى هو مش مكتوبلك و ليه مقابلتيش الي مقدر ليكي

من وجهة نظري ممكن يكون قلة وعيه بالصحة النفسية و ممكن يكون خوفا من معتقدات و آراء الناس عنه و ممكن يكون خايف يتعالج أو انه ياخد الخطوة دي ذي الي عندهم اضطرابات طعام

تقدري تروحي لدكتور أو أخصائي نفسي عشان تعالجي المشكلة دي لأنه خبير اكتر مني و يقدر يساعدك في مشكلتك لان واضح انه التجربة السابقة هي الي مأثرة عليكي

لا ممكن يكون اونلاين في اخصائيين و دكاترة كتير اونلاين

ممكن تكون بتحاول تهرب من بعض الأفكار السلبية عن طريق انك تخرج كتير او ممكن بسبب البيئة المحيطة بيك

عن نفسي لو حد تعامل معايا بوقاحه هتجاهله و مش ههتم لرأيه و لو زود في الكلام هوضح له انه وقح و لو فهم غلطه تمام بس مش هتعامل معاه ذي الاول و لو مفهمش يبقى همسحه من حياتي

في أسباب كتيرة للموضوع ده مثلا انك بتهرب من المسؤوليات الي عليك و الي هي المذاكرة او ممكن يكون عندك مشاكل في البيت فمش قادر تذاكر او تقعد في البيت مرتاح او ممكن تكون شخص اجتماعي جدا و بتحب الخروجات و بتتخنق من قاعدة البيت

و ليه تذلي نفسك و تذلي اهلك ارفضيه ...في مليون واحد محترم و اخلاق غيره فببساطه ارفضيه و ان شاء الله يجيلك الاحسن منه

كمان شوفي بنات نفس حالتك على السوشيال ميديا و شوفي ثقتهم في نفسهم مثلا لو مش عاجبك ان بشرتك سمرا شوفي البنات السمر الواثقين من نفسهم و شوفي انتي فكرتي في اي لما شوفتيهم واثقين من نفسهم اكيد هتقولي انهم بجد جمال اومال انا ليه مش ذييهم.....ده عن تجربة لان كنت بكره جسمي و كنت نفسي اخس و كل ما اشوف بنت على السوشيال ميديا تخينه و اتخن مني بمراحل بس واثقه من نفسها كنت بقول يااه هي اذاي جميلة كده اومال انا ليه مش جميلة ذييها و أدركت في الآخر ان الموضوع عبارة عن أهتمام بالنفس و حب الذات و الثقه 😂

فأول حاجه تعمليها إنك تجيبي ورقة و قلم او ممكن تكتبي على التليفون عادي.....اول حاجه انك تكتبي ايه الي مش عاجبك في نفسك (في شكلك او شخصيتك او الاتنين) ، تاني حاجه تكتبي الحاجات الي تقدري تغيريها من غير ما تدخلي في دائرة ان الشيء ده حرام لأن في عمليات تجميل بتبقى حرام لانها بتغير من أصل الهيئة الي ربنا خلقك بيها ، تالت حاجه تكتبي الحاجات الي متقدريش تغيريها و تشتغلي كل يوم على انك تحسنيها و "تتقبليها" ، رابع حاجه اكتبي الافكار الي بتيجي في دماغك عن نفسك ذي مثلا انا مش حلوة ، انا محدش بيحبني.... الخ و كل يوم تحاولي توعي ذاتك اكتر بالقراءة في موضوع حب الذات و الثقه بالنفس و تحاولي تغيري افكارك و كلامك السلبي اتجاه نفسك لان ده بيأثر على كونك جميلة فعلا او لا ، خامس حاجه لازم تفهمي و تدركي بجد ان كل انسان عنده جماله الخاص و ان رأي الناس فيكي مش بيحدد انتي مين ..اومال مين الي بيحدد ده؟ انتي الي بتحددي ده و كونك بتسألي عن اذاي تحبي نفسك دي اول خطوة ممكن تاخديها في طريق انك تبقي جميلة بجد و لازم تكوني فخورة إنك اخدتي الخطوة دي و طبعا الموضوع مش هيكون سهل انك تحبي نفسك و تتقبلي نفسك في غمضة عين و لكن مع الاستمرارية و انك تشتغلي على نفسك وقتها هتوصلي لمكان تفتخري بيه بجد ....شخصيتك هتتغير و هيبقى عندك ادراك عالي بذاتك و محدش هقدر يأثر عليكي بكلامه و هتكتفي بذاتك و هتلاقي ان الناس بدأت تحبك و تنجذب ليكي لأنك اهتميتي بنفسك و حبيتي نفسك

انا كنت كده برضو كنت بكره نفسي جدا و بشوف كل البنات حلوة إلا انا بس بعد كده أدركت أن كل انسان حلو و مفيش حد وحش بس فيه الي مش عارف نقاط جماله و مش مدرك انه جميل فبدأت اني اهتم بنفسي و لو في حاجه في شكلي مش عاجباني و "اقدر اغيرها" بغيرها و لو حاجه "مقدرش اغيرها" ببساطه لان ربني خلقني بالهيئة دي و مش مسببة أمراض يبقى بحاول اتقبلها.....انتي عارفة قد ايه البنات السُمر جمال اوي؟ مش بقول كده علشان اجبر بخاطرك بس بجد البنات عموما حلوين و لكن ايه الي بيخلي الشخص ميبقاش حلو هو عدم ثقته في نفسه و الأفكار السلبية عن ذاته

للاسف مش بعرف اعبر عن حبي للأشخاص بشكل صحيح مثلا بحاول اساعدهم او اني اهزر و اتكلم معاهم و أحيانا بتجاههلم على حسب الشخص لكن اني اقول مباشرة مشاعري الحقيقة اتجاههم لا معرفش

لا لا مش لوحدك أغلبنا كده بنحب نعاند خصوصا في فترة المراهقه😂😂😂😂

تكبير الدماغ بيريح الواحد في مواضيع كتير 😂😂😂

حتى انا عنادية و بحب امشي الي في دماغي بس استسلمت خلاص لان نفسيتي و راحتي اهم فبقيت بقولهم حاضر أو مش برد و خلاص😂😂😂😂

طب ما انتي كده بتتعبي نفسك كمان كبري دماغك و الله الموضوع مش مستاهل 😂😂😂

فاهمه كلامك بس لو مامتك سمعت الكلام ده هتزعل فأنتي حاولي تجبري بخاطرها هي كمان

بصي فاهمه كويس انك مضايقه من انهم بيعاملوكي انك طفلة و مش عارفه حاجه بس و الله بعدين هتقولي أن كان معاهم حق ممكن ما تكونيش مدركه الشيء ده دلوقت بس في المستقبل هتدركي قد ايه هم كانوا بيحاولوا يحموكي مش اكتر .....انتي تقبلي نصيحتهم عادي و قوليلهم حاضر و بس كده مش هتخسري اي حاجه لو قولتي كلمة حاضر😂

اظن انك شايفه باباكي فاهمك اكتر لان هو بيتكلم معاكي براحه و بإسلوب يخليكي تحكيله كل حاجه و انتي واثقه فيه ........ممكن مامتك تكون اتربت على أسلوب الزعاق و الحرمان فبقت بتعمل الشيء ده لاشعوريا لأن الأسلوب ده بقي في عقلها اللاواعي و هي مش عارفه ان كده بتخليكي تبعدي عنها فأنتي قوليلها عادي جدا انها تغير اسلوبها في النصح

جربي تقوليلها انا هعمل معاكي اتفاق هصاحب أصحابي دول عادي و لو بقيت ذيهم أو بدأوا يسحبوني لطريقهم وقتها هقولك و هبعد عنهم فورا ......بصي بدل ما تفكري في أنه هي مش فاهماكي حاولي تحطي نفسك مكانها و تخيلي أن عندك بنت و بنتك جات و قالتلك ماما انا عندي صحابي مرتبطين و بيحبوا فلان و بيخرجوا مع فلان تخيلي مش اكتر ... مش هتكوني عارفه ان ده غلط و هتكوني خايفه على بنتك من انهم يسحبوها لطريقهم ده؟ .....فكري مثلا أن أوه ماما خايفه عليا مش اكتر بس اسلوبها في النصح غلط فممكن انا اروح و اقولها أن بدل ما تنصحيني بالزعاق انصحيني براحه و وبالإقناع

طب خلاص اتكلمي معاها ذي ما بتتكلمي مع باباكي.....بصي مامتك محتاجه تعرف إنك بتحبيها ذي باباكي و كمان كل شخص ليه أسلوب بيفضله في أنه يحصل على الحب و الاهتمام فلازم تراعي مشاعر مامتك و انها نفسها تتكلم معاكي بشكل طبيعي من غير ما تمسكي في كل كلمه هي بتقولها .....حاواي تفتحي معاها مواضيع في حاجات هي بتحبها

طب جربي تسأليها ايه الي ممكن اعمله علشان تعرفي اني بحبك 🤡

طب ما دي شخصيتها و هي مش بتحب المناكشات فممكن تقللي من مناكشاتك ليها 😂😂

لان هي مش هتعرف لوحدها يعني أن دي شخصيتك و ده اسلوبك فحاولي تقوليلها🤡

او ممكن تفهميها أن دي طريقتك فإنك تعبري عن حبك ليها و ممكن تتفهم الموضوع و تبقى مناكشات ذي العسل على قلبها😂😂😂

طب مثلا حاولي انك مش دايما تعصبيها 😂😂

طب بدل ما تنكشيها حاولي مثلا تساعديها في حاجه أو انك تتكلمي معاها في مواضيع و كده بحيث انها تحس انك قريبه منها و بتحبيها

عفوا معملتش اي حاجه و أن شاء الله تتخطيه و تلاقي احسن منه كمان... فكري انه اكيد مش مقدر ليكي و أنه كان موجود علشان تتعلمي منه درس معين و ده الي كاتبهولك ربنا و اكيد ربنا كاتبلك الاحسن منه💖💖💖

ركزي على نفسك جدا الفترة دي و انك تنمي من قدراتك و مواهبك و كمان فيديوهات التنمية البشرية ممكن تساعدك بس الافضل انك تولي كل انتباهك لنفسك و ما تفضليش عازلة نفسك و عايشة في كآبة لا انزلي و انبسطي و اخرجي مع صحابك و صوري صور حلوة ليكي و انتي في غاية سعادتك مثلا مع صحابك أو عائلتك و نزليها حالة على الواتس و خليه يشوف قد ايه انتي مبسوطه و مش متأثرة خالص بالي حصل حتى لو العكس صحيح بس ما تبينيش قدامه ضعفك و كمان ما تكلميهوش تاني و لو مثلا بعتلك بعد كده او كلمك تاني ردي عليه بشكل طبيعي جدا و لا كأنه حصل حاجه و في النهاية دي اساليب ممكن تحسسك انك انتقمتي منه بس افضل حل هو انك تركزي على نفسك بجد

معلش خلاص فاضل كام يوم على رمضان و بعد كده هنرجع طبيعي انتي بس قاومي النوم 😂😂😂😂

اهتمي بنفسك و اشغلي نفسك بهوايات و أنشطه جديده كمان اتعرفي على أشخاص جديده و ركزي على اذاي اطور من نفسي و بالتدريج هتنسي الشخص ده ...ذي ما هو نسيكي و عايش حياته و مبسوط لازم انتي تكوني مبسوطة برضو و بلاش تفضلي في دوامة انك ضحية أو أنه سابك و الكلام ده لأنه مش بيجيب غير الإكتئاب....و اعرفي أن ده قدر و اكيد فيه غيره كتييير جدا فمتوقفيش حياتك علشان شخص واحد ❤

قبل ما تنامي جربي تجيبي ورقه و تكتبي فيها خمس نعم انتي بتحمدي ربنا عليها كمان جربي تتأملي الطبيعه .....و كمان أنظري للمواضيع بشكل موضوعي و منطقي بعيدا عن الانحياز للجانب السلبي ...كمان اتعلمي انك تحبي نفسك و لازم تعرفي ان اي انسان طبيعي أنه يغلط و طبيعي أنه يكون عنده عيوب بس في نفس الوقت عنده مميزات فالاحسن بدل ما نركز على الجانب السلبي بس لا نركز على الجانبين .... الجانب السلبي نحاول نعالجه لو كان ممكن ده و الجانب الإيجابي نحمد ربنا عليه و نحاول نطوره لو كان ممكن

عفوا

اولا المشاكل النفسية موجوده من زمان حتى في جيل التسعينات برضو بس مكانش عندهم وعي كافي بالصحة النفسية و المشاكل و الاضطرابات النفسية و اضرارها على الإنسان و ده سبب من الأسباب إن مكانش السبب الرئيسي الي خلا جيل التسعينات مش بيشتكي من مشكلات نفسيه و لكن في جيلنا الحالي أصبح في وعي كافي بالمشاكل النفسية فبدأ كل شخص يوعى لنفسه و يعرف أن عنده مشكلة أو اضطراب نفسي و بدأ يحاول يتعالج منه فعلشان كده بقينا نشوف كمية مشاكل نفسية كبيرة بتظهر في الجيل ده. ثانيا المشكلات الجسدية أو المالية أو العائلية و الاجتماعيه ممكن تسبب مشاكل نفسية للفرد وبالتالي نستنتج أن احنا معرضين لمشاكل نفسية كتير جدا ذي الصدمات و ذي اضطرابات الشخصية و مشاكل تانيه كتير. اظن ان الفكرة هي أن ازداد الوعي بموضوع الصحة النفسية فعلشان كده بنلاحظ أن الجيل ده مهتم بالصحة النفسية و المشاكل النفسية و ما إلى ذلك.

غسول مناسب لبشرتك و مرطب مناسب لبشرتك أيضا و مرطب شفاه و واقي شمس يمكنك استعمالهم كل يوم كروتين خاص للعناية بالبشرة. هتلاقي الحاجات دي في محلات الميكاب أو الصيدليات و بأسعار و انواع مختلفه اختاري المناسب ليكي❤

من الأفضل مراجعة طبيب مختص

اما الجواز عن حب حلو برضو و أظن أن أغلبنا سواء رجال أو نساء بنسعى خلف الزواج عن حب و أظن أن ده بسبب الافكار و التصورات الخاطئة الي واخدينها عن الزواج عن حب.....الزواج عموما سواء صالونات أو عن حب في الحالتين مش بيكمل و يستمر الزواج من خلال الحب بس لا بل فيه اشياء كتيرة تانيه هي السبب الرئيسي في استمرار الزواج أو أي علاقه عموما ذي مثلا التفاهم و الانسجام .....قرأت قبل كده ان الحب مش هو السبب في استمرار الزواج لان مشاعر الحب مشاعر ذي اي مشاعر تانيه بتروح و تيجي و قرأت أن رغم انك بتحبي شخص بس ممكن في نفس الوقت تكوني بتكرهيه و الصراحه هو كلام منطقي لان المشاعر شيء بيصعب التحكم فيه انتي ممكن تحبي حد في الاول و بعد كده تحسي ان لا مبقتش بحبه ذي الاول أو بقيت بكرهه وفعموما يعني مش هتفرق اذا كان زواج صالونات أو حب المهم انك تقرري بنفسك انك عايزة الشخص ده و انك قريتي تكملي حياتك معاه و لازم تحطي انتي و هو قواعد معينه تمشي عليها علاقتكم و لازم تعرفي كويس ان الزواج مسؤولية مش مجرد حب بس (و آسفه على الكلام الطويل😂😂🙂)

و بعد كده في خلال فترة الخطوبة ممكن يبقى جواز عن حب بعد كده لانك ممكن تحبي الشخص ده

جواز الصالونات مش وحش للدرجه و ياما ناس كتير اتجوزت جواز صالونات و عايشين حياة حلوة الفكرة ان جواز الصالونات ده في الاول فترة الخطوبه و التعرف هتبقى مدتها ايه لان فيه بنات كتير بتتجوز جواز صالونات و لا اما اهلها بيجبروها تتجوز في وقت قصير جدا و بعد كده بتتصدم أن الشخص ده مش مناسب ليها و بالتالي بتحدث مشاكل بينهم و ممكن تؤدي للطلاق لا اما هي ذات نفسها ممكن مثلا تكون انبهرت بالشخص ده من اللحظه الأولى أنه مثلا غني أو وسيم او عجبها الكلمتين الي قالهم في بداية تعرفهم و بعد الجواز نفس الوضع بتتصدم أن الشخص الي هي اتجوزته ده و كانت فكراه مناسب ليها طلع مش مناسب فعلشان كده لو شخص هيتجوز جواز صالونات سواء رجل أو امرأة لازم يحدد مع الطرف الآخر مدة الخطوبة و من وجهة نظري شايفه ان لو بقت فترة الخطوبة حوالي خمس سنين هيكون في أننا نتعرف على الشخص الي قدامنا و لو كانت اكتر من خمس سنين يبقى كويس(ممكن تقولي ايه ده اذاي خمس سنين ده كتير اوي بس فكري أن الشخص ده بعد كده هتقضي معاه بقيت حياتك😂)