يمكن انتي مازلتي متأثرة بالتجربة السابقة و خايفة تحبي حد عشان ميحصلش معاكي نفس الي حصل زمان فعشان كده بتحاولي تقنعي نفسك ان مفيش حاجه اسمها حب و انه كذب في كذب بس في الحقيقة الحب موجود صح انه مش ذي الي في الروايات الخيالية دي بس هو موجود في الواقع و صح ان الجواز مش شيء خيالي و رومانسية طول الوقت ذي ما في الروايات أو المسلسلات و لكن الجواز في الواقع مسؤولية و حب و دعم و مشاركه و تفاهم و تضحية الجواز مسؤولية صعبة بجد و يعتبر قرار مصيري لأن من اللحظة الي بتبدأي تعيشي فيها حياتك مع شريكك وقتها بتبدأ عيلة جديدة و مسؤوليات أكبر ذي الأطفال و المشاكل مع الشريك و عيلة الشريك ده و عيلتك و حاجات كتير تانيه و ممكن الزواج يفشل عادي جدا و يحصل طلاق الفكرة هنا أن للزواج منعطف في حياة الشخص ذي اي منعطف تاني بمجرد ما تاخدي قرار الزواج لازم تكوني عارفة انه مش بالشكل الي موجود في الروايات أو المسلسلات بل هو مسؤولية و ده ميمنعش ان في رومانسية و حب و كل حاجه بس الفكرة هنا في اختيار الشخص المناسب و الشخص الصح الي فعلا تقدري انك تعيشي معاه حتى لو كان بينكم مشاكل بس بتحلوها مع بعض من غير ما حد يعرف و بتبنوا أسرة صحية و متماسكة و ده كله في نظري مسؤولية مش مجرد حب و بس عشان كده لازم الواحد يفكر كويس جدا قبل ما يقرر قرار مصيري ذي ده
تقدري تروحي لدكتور أو أخصائي نفسي عشان تعالجي المشكلة دي لأنه خبير اكتر مني و يقدر يساعدك في مشكلتك لان واضح انه التجربة السابقة هي الي مأثرة عليكي
تم النشر الأحد، ٩ يوليو ٢٠٢٣
فعلا عندك حق .. احيانا لو لقيت شاب شكله متعلم و كويس بس يقولي انا عايزه ارتبط بيكي و أنه محتاج حد يحبه و تحسسه بالرومانسية و الحنان ..مش عارفة ليه بهرب منه و بحس انها افكار مش منطقية و سطحية وملهاش اي معني...
تم النشر الأحد، ٩ يوليو ٢٠٢٣
لعرض الإجابة في فدني اضغط هنا