أولا اعترفي بينك و بين نفسك بمشاعرك و أن الموضوع بجد مضايقك و انك مش قادرة تتخطيه و بعد ما تتقبلي مشاعرك ابدأي إنك تهتمي بجوانب حياتك يعني بإختصار اشغلي نفسك بحاجات مفيدة لو عملتيها هتحسي بالإنجاز ذي مثلا ابدأي ممارسة الرياضه و الرياضة حلوة جدا جدا في التنفيس عن المشاعر السلبية و كمان اهتمي بنفسك ذي مثلا انك تعملي شيء جديد في شكلك مثلا انك تقصي شعرك أو انك تعملي ضوافرك أو انك تعملي skin care .......اي حاجه تشغلك و تحسسك بالإنجاز و الرضا عن نفسك لما تعمليها في الاول هيكون صعب بس بالاستمرار هتتخطي
أنا حقيقي مش عارفه اقولك إيه انتي جميلة أوي ربنا يخليكي وتسلمي ع ذوقك وكلامك ♥✨
تم النشر الخميس، ١١ مايو ٢٠٢٣
عفوا معملتش اي حاجه و أن شاء الله تتخطيه و تلاقي احسن منه كمان... فكري انه اكيد مش مقدر ليكي و أنه كان موجود علشان تتعلمي منه درس معين و ده الي كاتبهولك ربنا و اكيد ربنا كاتبلك الاحسن منه💖💖💖
تم النشر الخميس، ١١ مايو ٢٠٢٣
بجد شكراً جداً انتى ادتيني أمل كبير أوي وفرحتني حقيقي أنام كنت ف عرض كلام زي دا يفوقني من اللي أنا فيه شكراً جداً بجد ♥
تم النشر الخميس، ١١ مايو ٢٠٢٣
ركزي على نفسك جدا الفترة دي و انك تنمي من قدراتك و مواهبك و كمان فيديوهات التنمية البشرية ممكن تساعدك بس الافضل انك تولي كل انتباهك لنفسك و ما تفضليش عازلة نفسك و عايشة في كآبة لا انزلي و انبسطي و اخرجي مع صحابك و صوري صور حلوة ليكي و انتي في غاية سعادتك مثلا مع صحابك أو عائلتك و نزليها حالة على الواتس و خليه يشوف قد ايه انتي مبسوطه و مش متأثرة خالص بالي حصل حتى لو العكس صحيح بس ما تبينيش قدامه ضعفك و كمان ما تكلميهوش تاني و لو مثلا بعتلك بعد كده او كلمك تاني ردي عليه بشكل طبيعي جدا و لا كأنه حصل حاجه و في النهاية دي اساليب ممكن تحسسك انك انتقمتي منه بس افضل حل هو انك تركزي على نفسك بجد
تم النشر الخميس، ١١ مايو ٢٠٢٣
لعرض الإجابة في فدني اضغط هنا