الخوف من الفشل يؤدي إلى الفشل......انا ذيك بالظبط بخاف جدا من الفشل و خصوصا لما ابذل كل جهدي في الحاجة و لكن الي ساعدني اني اتحكم في خوفي هو فكرة ان لو فضلت خايفة و مش بعمل حاجه تقضي على خوفي ده يبقى كده انا هفشل طبيعي جدا اننا نكون عندنا مخاوف و في ناس كتير بتخاف من الفشل و لكن ايه الي يفرق بين اتنين عندهم نفس الخوف من الفشل؟!! واحد خوفه كان دافع ليه انه يبذل مجهود و التاني خوفه كان ذي الحفرة الكبيرة الي مش عارف يطلع منها او ذي السجن الي بيمنعه يعيش حياته طبيعي جدا تخافي من الفشل و لكن هل الفشل هو نهاية العالم؟!!!! هل هو نهاية حياتك؟ هل هيدخلك النار ؟!!!! طب و الناس الناجحين و مشهورين اوي دول الي فشلوا كتير لحد ما وصلوا لنجاحهم ده؟!!! فكرة انك تقضي على الخوف ده نهائيا قد تكون صعبة و لكن انتي عندك خيارين الاول انك تخلي خوفك هو الدافع الي بيوصلك للنجاح التاني هو انك تفضلي على الحال ده بسبب وهم معيشة نفسك فيه و وقتها الوهم ده هيبقى حقيقة النجاح عبارة عن خطوات متتابعة من الفشل و الاخطاء و مفيش شخص ناجح مفشلش في حياته و الي وصل الشخص الناجح للنجاح هو انه كان بيبذل مجهود و بيتعب على نفسه رغم خوفه من الفشل
شكرا لكِ، عباراتك محفزية و رائعة شكرا من كل قلبي حقا🫶
تم النشر الثلاثاء، ١٢ مارس ٢٠٢٤
لعرض الإجابة في فدني اضغط هنا