Adham Alfergany

متفهم كلامك تماماً.... انا عارف ان ده ضغط عليكي من أكتر من جانب سواء الدراسه والمجموع والمصاريف والتفكير المفرط والنوم الكتير... شيء صعب جدا اننا نواجه ده في وقت واحد.... بس خلينا نقول حاجه مهمه.... مفيش حياة مثالية ده شيء مش موجود كلنا نفسنا نصحى من الفجر نمسك يومنا ونعبد ربنا كما ينبغي ومنقصرش في المذاكرة والجدول الي بنعمله نخلصه حتى لو فيه 10 محاضرات كل ده احنا بنحاول فيه لكن صعب جدا جدا يتحقق كله مع بعضه ولو اتحقق يوم صعب يتحقق التاني فاهماني؟ الدنيا فيه متغيرات مش هنفضل بنفس الأداء كل يوم وطول الوقت..... عمليا بقا 😁.... بما اني في طب بشري بردو أحب اقولك عندي نفس المشكله والله نوم كتير... يوم حلو اوي ويوم مش أحسن أداء.... ضغط مذاكره رهيب وكل ده بحاول إحله من وأنا قدك كده 😂... طيب هل نجحت؟ ايوه نجحت ولا منجحتش... ايام كنت فيها هيرو وأيام زيرو... وحاولت جدا أوصل لليوم المثالي ولكنه مش موجود فتحول القلق الي كنت فيه الى يقين ان ده الطبيعي والطب لازم تكون مضغوط بس كل المطلوب منك صدق التوكل على الله وهات آخرك.... وآخرك هنا مقصدش نخلص الجدول ولكن نذاكر لحد ما نبقاش قادرين نكمل.... فيا مدام ريلاكس خالص وسيبك من موضوع المصاريف مش مطلوب منك غير باتنين جنيه تركيز واتنين جنيه محاوله هو الطب محتاج كده منزهقش عشان دي بقت حياتنا خلاص 🫠.... لكن التفاؤل حلو والنهارده مكنش كويس بكره اكيد أحلى بردو الكلام كتير وتفاصيل أكتر وانا بصراحه بحب أتكلم مع الشباب الصغيرين في كلية طب عشان كنت في يوم زيهم محتاج حد ينصحني وملقيتش... المهم يفندم في اي حاجه عموما بنعمل الي نقدر عليه وبس وإذا قامت الساعه وفي يد أحدكم فسيلة فليغرسها.... سوبر ايزي.... دمتي سالمه وشدي حيلك في الامتحانات ❤️

ده شيء كويس انك عارفه ان فيه مشكله وده أول طرق العلاج النفسي وأهمها كمان... مش عايز أخوض في تفاصيل علمية ولكن هدي تشبيه يقرب المعلومه.... لو قابلتي مثلا كلب في الشارع وانتي بتخافي من الكلاب عيكون موقف صعب خوف رهيب... رجعتي تاني يوم لنفس الشارع أكيد مش هتقدري تروحي منه وهتغيري الكويق عشان عارفه انا بخاف من الكلاب وخايف لا يحصلي نفس الخوف الي حصلي المره الي فاتت... دي حاجه اسمها فوبيا بالمناسبه... والأعراض الي بتحصل اسمها panic attack نوبة هلع.... نرمي التفاصيل دي في جنب ونيجي نطبق عليكي حضرتك لسبب من الأسباب تولد عندك الخوف ده بسبب موقف قديم وانتي صغيره مثلا وعقلك عشان يتجنب أذى الناس قرر انه بكل بساطه يتجنبهم بشكل مبالغ فيه عشان يحميكي زي فكرة كلب الشارع بالظبط لما غيرنا الطريق... فلما تتحطي في موقف مواجهة مع ناس تحصلك ال panic attack دي الي هي الرعشه والخوف الشديد وهكذا.... علاجها سهل ولكن هياخد وقت شويه هنشتغل بمبدأ gradual exposure أو التعرض التدريجي للمسبب بمعنى انا بخاف من البشر مش هرمي نفسي وسط تجمع واجبر نفسي أتكلم بالعكس هيزود المشكله... لكن هنبدأ الأول بحاجه بسيطه وليكن تتكلمي مع نفسك في المراية وتفتحي مواضيع لمدة أسبوع مثلا... الاسبوع الي بعده نكلم حد قريب مننا مش بنخاف منه يوميا لمدة أسبوع.... وبعد شويه نتحط في مواقف يوميى زي السوبر ماركت فيه مسافه بينك وبين صاحب السوبر ماركت اشتري واتكلمي عادي خالص وامشي وهكذا وبعد كده الكليه نروح للمعيده بعد السيكشن مثلا نتكلم في أي حاجه حتى لو تصحيح عشان الدرجه كل ده مفيش منه أذى عشان انتي الي بدأتي فعقلك مش هيترجم ان ده خطر.... فيه اوقات هتجيلك في النص كده الي هو تعرض مفاجئ... حد غريب كلمك فجأه عادي ممكن تعتذري منه وتقولي متأسفه لو كنت مش عارفه أتكلم كده عقلك هيبدأ يهدى ويكمل الحوار عادي جدا.... في الحقيقه الموضوع يطول شرحه وعايز متابعه كتير انا عارف اتكلمت كاير واتمنى اكون قدرت أوصل معلومه انا مش رغاي خالص بالمناسبه 😁... دمتي سالمه ❤️

أكبر غلطه عملتيها في حق نفسك انك بتقارني نفسك بزمايلك... احساس المقارنه ده كفيل يبوظ أي plan.... بصي يافندم لنتدارك الموقف سريعاً كده.... انتي مش متأخره ولا سابقه انتي في مكانك المظبوط الي ربنا عايزه مفيش داعي للتفكير المفرط وجلد الذات عشان مجرد إحساس بالتقصير... أحب أقولك لو ذاكرتي ٢٥ ساعه في اليوم وزميلتك جاوبت سؤال انتي معرفتيش تجاوبيه هتحسي نفس الاحساس... هل ده معناه تقصير؟؟! إطلاقاً... هنفترض حصل تقصير فعلا بس لسه بدري على الامتحانات تقدري تبدأي من الصفر وتوصلي وده حقيقي على فكره... المختصر المفيد حسيت اني قصرت هقول الحمدلله على الي ذاكرته وبكره هحاول أزود شويه... وقاعده بسيطه.. العلم رزق والفهم رزق وبركة الوقت رزق...( ولإن شكرتم لأزيدنكم).... أظن الرساله وصلت كوباية شاي وهنفرتك المنهج 😁... بالتوفيق

النسيان أمر طبيعي يفندم مع تقدم العمر ربنا يطول في عمر حضرتك بس بشرط انه ميكونش لدرجة نسيان الحاجات الأساسية الي في حيانا اليومية يعني مثلا أطفالك وأسماءهم... ده هيتطلب زيارة طبيب... أما النسيان الي معظمنا بنتعرضله فهو نسيان طبيعي بسبب المهام الكتير والمشتتات الأكتر وخصوصا كونك أم ل 3 أطفال.... فدايما يفندم اعملي To do list أو بمعنى تخلي معاكي نوته كده سواء ورقيه أو على الفون المهام الي المفروض حضرتك تعمليها وتنجزيها دي عاده بسيطة بس مع الوقت بتساعد على تحسين التركيز.... نيجي لنقطه تانيه وهي منع التشتت وده سببه الأول الأيام دي هو السوشيال ميديا والتقليب بلا هدف لأن ده بيأثر على الذاكرة قصيرة الأمد وبالتالي بتقلل القدرة على الاحتفاظ بالمعلومه وبالتالي النسيان...عشان كده نقلل عدد ساعات التعرض للشاشات ونستبدلها بهوايات تانية... وأخيرا من الجانب الطبي ممكن نمشي على مكمل غذائي يكون فيه أوميجا 3 ونهتم بالتغذية طبعا ولو فيه أنيميا أو مشاكل صحية أخرى نهتم بيها... بالمناسبة يفندم حضرتك لو بتاخدي أدوية ممكن يكون النسيان الطفيف من الآثار الحانبية ليها فيفضل دايما استشارة طبيب في الحالة دي... وبس كده يفندم دمتي سالمه ❤️

هو طبعا فيه كلام كتير محتاج أسأل فيه وأفهم سبب الاحساس ده وفي نفس الوقت تقولي الي جواكي ولكن بما ان ده صعب فأنا هعتبرك في حالة burn out بمعنى خلاص مفيش طاقة ولا شغف نعمل حاجه حتى عاداتنا اليومية البسيطه... وبناء على كده هنبدأ نعمل plan أو خطه تدريجيه يعني الأول : بنبدأ نصلح علاقتنا بربنا وده بيكون تدريجي بمعنى أول حاجه ركعتين بعد دوش سخن رايق كده ونشكي همنا لربنا... بعد كده ورقه وقلم وأكتب انا حاسس ليه كده بمجرد ما نكتب الأسباب الهموم هتبدأ تخف وعقلنا هيبدأ يخرج من الدايرة الي هو فيها وينطلق.... وبعد كده هبدأ أصلح علاقتي بربنا تدريجيا وألتزم بالبسيط يعني مثلا أصلي الفروض لو الصلاة حاسسها تقيلة والسنن لما نتحسن نكملها وهكذا.... هناخد اليوم ده بريك بعيد عن دوشة الدنيا مع كوباية قهوة أو أي حاجه تحبيها ونعمل حاجه بنحبها ميكونش فيها شاشات أهم حاجه يعني قراءة.. جيم.. خروج من البيت نتفسح... أكلم حد أرغي معاه وهكذا وواحده واحده عقلك هيخرج من الحاله دي ويرجع لنشاطه والهرمونات والنواقل العصبية كله هيرجع لطبيعته ان شاءالله ... ودمتي سالمه ❤️

والله دي مشكلتنا كلنا وحلها اننا نعمل جدول بمعنى أقلل الاستخدام يوم عن يوم بس ده طبعا مستحيل حد يعمله لوحده عشان السوشيال ميديا بالنسبالك بقت مصدر دوبامين من غيرها هتحسي ان الدنيا كئيبه وممله.... هبعد عن الطب شوية وأقول تجربتي بحكم ان عندي مذاكرة كتيره وامتحانات طول الوقت والسوشيال ميديا كنت حاسس انها بتاخد وقت أكتر من حقها ومأثره على تركيزي بسبب الريلز والكلام ده فخدت قرار قاطع اني همسح السوشيال ميديا تماما وكمان همنع تنزيلها واستخدمت أبلكيشن يمنع أدخلها حتى لو نزلتها... طبعا أول أيامي كانت صعبه بسبب ان دماغي مش متعود بس بعد كده كله رجع طبيعي بالعكس رجعت أقرأ كتب وروايات وأذاكر بتركيز ولمده أطول والأهم من ده كله بعدت عن دوشة الأخبار والترندات لأنها فعلا بتأثر بالسلب على نفسيتنا وبس كده وحقيقي محسيتش اني نقصت حاجه لما بعدت عن السوشيال ميديا بالعكس دماغي بدأت تدور على مصادر دوبامين تانيه وتكون أحسن... سوري لو طولت الواحد بينشكح في الكلام وهو بيشرب قهوة 😁

هقولك على حاجه بناء على أساس سايكولوجي بس بطريقه بسيطه توصلك الي أقصده.... لو انت حاسس انك خجول أو خايف ومتوتر فاحنا حواليك مش شايفين ولا حاسين بده خالص... انت بس عقلك بيهيألك ان احنا شايفين الي جواك بس في الحقيقه محدش بيكون عارف الي جواك... طب نتخطى الموقف ده ازاي؟ .... تعامل يا صديقي مع الناس انت مش أقل من حد المهم يكونوا كويسين وشبهك عشان تفكيركم يكون متقارب وحتى والله لو مختلفين جرب يا صديقي وانطلق محدش هيردك متقلقش وواحده واحده الموضوع هيكون سهل... نقطه مهمه الي انت فيه ده مش ضعف شخصية دي ممكن تكون حاجه اسمها illusion of transparency يعني بالعربي وهم الشفافيه ودي انا شرحتهالك فوق... متشيلش هام يا صديقي كلنا عندنا خجل وبنخاف نتكلم خصوصا مع ناس جديده لكن فيه مبدأ انا بحبه بيقول مش يمكن لما أجرب أطلع بعرف 😁

العمر؟ عندك أمراض مزمنه؟ غده... ضغط... سكر.. كبد... كلى اضطرابات في الدوره الشهرية؟ عندك حاله مشابهة في العائلة؟ بتاخدي أدوية حاليا؟ عملتي تحاليل أو أشعات قبل كده؟

أعتقد سبب إحساسك إن مستواكي في النازل انك شايفه زمايلك بشكل ما أو بآخر أحسن منك فالي هو طول الوقت تذاكري جامد جدا وتيجي تحلي تغلطي يجيلك فكرة I am not good enough.... ومع الوقت تحول ده لفقدان شغف وثقه وفي نفس الوقت... بصي لو عايزه نصيحه من واحد بيمر بالحاجات دي طول الوقت ( انعزلي تماما عن الناس وركزي مع نفسك بس واعتبري نفسك أقل واحد في التعليم بس قابله للتعلم فاهمه؟) ... اللي هو مش مهم مستوايا الحالي انا هذاكر عشان أتعلم وأتحسن... واحده واحده هتلاقي نفسك بتتألقي وانتي مش حاسه... بالتوفيق

مفيش داعي للخوف احنا لسه في البداية يعني بنسخن واحده واحده .. حاولي تتعلمي تحطي جدول مزاكره ليومك ويكون منظم ده هيساعدك تركزي وتنجزي ممكن يكون الجدول بسيط في البداية ومع الوقت هتتحسني .. لو فيه ماده مش ظابطه معاكي أول حاجه تعمليها تسألي زمايلك الي تثقي فيهم ويكونوا بمعنى أصح سالكين .. ممكن تتابعي مدرسين على يوتيوب أو منصات أونلاين وتعرفي النظام وتكملي ..ومتقلقيش مع الوقت هتمشي في المنهج وتفهمي بس حاولي تخلصي مرحلة التوهان دي بسرعه عشان الوقت ميسرقيش .. بالتوفيق

في البداية لازم نكون فاهمين إن الثانويه مش سنة تعليم بس دي رحلة طويله عايزه نفس طويل ..استعداد كويس .. خطه واضحه لتحقيق هدف انتي حاطاه لنفسك ... طب هتتعبي ؟ .. أكيد طبعا بس الفكره إن احنا بنمشي ورا أمل ان مزاكرتنا في ميزان حسانتنا أولا وثانيا بنطبق آية وأن ليس للإنسان إلى ما سعى فالقرار قرارك هتسعى وتتعب هتلاقي وتفوز هتكسل في نص الطريق يبقا متستاهلش وفيه غيرك يستاهل ... كل واحد ليه تجربه مختلفه وقصه فيها عبره ومثال لتوفيق ربنا وحكمته وهتشوفي ده بنفسك فمتنتظريش تسمعي قصة حد وعيشي قصتك بس على يقين إن هدفك هيتحقق...وبس كده .. نيجي بقا لجزء المزاكره مش هقولك على طريقه عشان دي بتختلف على حسب كل واحد بس هفهمك مبدأ كويس .. إنتي وليكن عندك طاقه ومقدره تزاكري 10 ساعات في اليوم .. زاكرتي ال 10 تمام ربنا شايفك وشاف انك مقصرتيش لكن زاكرتي 8 برغم انك قادره تكملي 10 حتى لو هتضغطي نفسك شويه ساعتها يبقى اسمك قصرتي .. أتمنى تكوني فهمتي مضمون كلامي ومش هنقدر نعمل حاجه غير ناخد بالأسباب ونتوكل على الله ونفتكر دايما ان رزقنا مكتوب من البداية أصلا ومش هنشوف غيره فلا داعي للهلع ونشتغل في هدوء وتركيز .. بالتوفيق يا فندم ❤️

بص هو ليه أسباب كتير عشان كده من أرخم الحاجات وبتاخد وقت للعلاج : 1-وراثي من الأهل 2- تغير في الهرمونات زي وقت مرحلة البلوغ 3-عدم اهتمام بالنظافة الشخصية واستخدام حاجات حد غيرك وخصوصا فوط الحمام 4- نقص شرب مايه ونقص فيتامينات 5-روتين اكل غير صحي كل دي أسباب ممكنه جايز يكون واحده منهم عندك أو بعضهم فلازم تحلهم وكعلاج فأنا مقدرش أوصفلك دوا لازم روشتة دكتور ولكن ممكن أقولك حاجات تاخدها من غير روشته عادي من الصيدليه 1- مرهم أو بخاخ يكون keratolytic قول للصيدلي كده وهو هيفهم عشان معرفش أسماء أدويه بصراحه 2- مرهم او كريم مضاد حيوي 3- مرهم او كريم مرطب 4-غسول من نوع كويس الحاجات دي تتاخد مع بعضها كده مش واحد منهم كده الجانب الدوائي ممكن تجيبلك بقا multivitamin تمشي عليه وفوطه ليك لوحدك وتشرب مايه كتير وتستحمى بمايه ساقعه وتظبط اكلك كل ده حاجات ثانويه ولكن الكلمه الأولى و الأخيره للدكتور المختص بخصوص الدواء

ممكن تقولي السبب الي محسسك بضغط وخنقة المزاكره والي يقدر يساعد هيقولك

هو انا عندي سؤال مهم... اشمعنى فكرة الارتباط الي شايفه انها هتخفف عنك؟.... عايز أسمع وجهة نظرك مش أكتر

طيب ده كلام مهم وانا متفهم... ممكن بس تاخدي دقيقه بريك مع ذاتك كده وترتبيلي المشاكل المواضيع الي عايزه تتناقشي فيها بترتيب الأهمية عشان ندي كل حاجه حجمها الطبيعي

ايه المشكله؟.... ايه الي يخليكي توصلي للدرجادي

انتي في جامعه؟ ممكن تروحي قسم النسا في مستشفى الجامعه بتاعتك هيكون أفضل وأحسن تعرفي سبب المشكلة وتحليها وبلاش تنتظري آراء ناس... روحي لدكتور أفضل

لو خلاص متأكده انه مش الشخص المناسب يفضل تبعدي عنه... انتي قولتي انه هو بقى قاسي وصعب خلاص فمفيش داعي للتعلق العاطفي بيه عشان مش بيوفرلك الي انتي محتاجاه

ممكن تقفلي الفون وتخليه بعيد وتبدأي

طيب بسيطه.... محتاجين بس وقفه أو قعده مع النفس مش هيفرق الوضع التشريحي يعني ولكن هنجيب ورقه وقلم ونسجل المشاكل بترتيب الاولويه وتحت كل مشكله أسبابها... مثلا الصلاة أسبابها: مش عارفه... كسل... فقدان للمعنى... الحل واحد بالمناسبه كده كده اني هبدأ اصلي وأحاول تاني وتالت وعاشر مفيش مانع... شويه شويه هنرجع نصلي ونلتزم ان شاء الله.... جلد الذات بلاش ياريت ده وضع طبيعي ان أحيانا البني آدم ميلاقيش دافع يكمل عشانه أو يحس بإرهاق ويقول كفايه كده... الكلام كتير الحقيقه بس لو هلخصه حل كل المشاكل التانيه هتبدأ بالصلاة عشان الدراسه والفهم رزق والإقبال عليها توفيق فلو صلحنا علاقتنا بربنا وبس كان عندنا نية نرجعله الطريق كله هيبقى سهل... مش هكتب مشكلة الدراسة عشان انا طالب زي زيك قد أكون بس أكبر منك ولكن مريت بحالتك كتير جدا وشايف إن اول مشكلة تتحل هو الي قولته بعده كده الباقي هيتحل فورا.... نقول تاني جلد الذات مفيش منه فايده بالعكس هيزود الضغط ويجبر عقلك يهرب من مسؤولياته... دمتي سالمه ❤️

دي حاجه اتكلمت عنها قبل كده اسمها illusion of transparency أو بالعربي وهم الشفافيه... بمعنى أنا واقف أتكلم مع حد وخايف ومرعوب من جوايا وحاسس ان الشخص ده اكتشفني وشايفني خايف بس الحقيقه ده محصلش الشخص ده مش شايف الي جوايا خالص او اني خايف وكده عشان كده اسمه وهم وده مش مرض بالمناسبه خالص دي حاجه موجوده فينا كلنا وبيشتكي منها ناس كتير لما تعمل بريزنتيشن مثلا أو تقوم تجاوب وسط ناس تانيه أو في المواصلات مثلا تلاقي الراجل صوته العادي عالي جدا لكن لما ينادي على السواق صوته يبقى ناعم ولا أرق بنت 😁😂... بس ده شيء عادي جدا.... نقول تاني نبدأ بالبسيط ودايما أحب آخد حاجه زي دي تحدي مع نفسي الي هو مش انا بس الي كده الناس كلها كده وبتتحسن اشمعنا انا.... وكل ما تعملي خطوه تحسيها ناجحه زي اتكلمتي مع حد من غير خوف سجليها سواء فيديو تشجعي نفسك بيها أو في النوت بتاعتك دي لحظه متتفوتش... دمتي سالمه يفندم ❤️

نحلها واحده واحده.... ايه الي مانعك تنتظمي في الصلاة؟؟.... كسل ولا فقدان لمعنى الحياة ولا ايه بالظبط.... بالنسبة بردوا لكونك في تالته ثانوي ايه مشكلتك معاها؟.... عدم مذاكره؟ طب ايه الأسباب الي مش مخلياكي تذاكري ؟...... ممكن نناقش مشكلة مشكله عشان الكلام بشكل عام اوي كده وكله مع بعضه هيجيب توهان أكتر... بالمناسبة التوهان أحيانا بيكون أول طريق العوده فمفيش داعي للهلع 🙂

ممكن تقولي الأسباب والي يقدر يقترح حلول مش هيتأخر

والله هو الأناتومي أفضل حاجه فيه انك تسمعي لدكاتره تحفظك وتوريكي صور عشان تقدري تتخيلي لكن تقرأي مع نفسك كده مش هتعرفي تحفظي فأنا برشح دكتور أيمن خنفور شرحه حلو جدا وأحيانا كنت بكتفي اسمع شرحه بس مش لازم أقرأ كمان

مادة ايه بالظبط؟

لكل مادة طريقة للمذاكره... بس بشكل عام لازم الأول مصدر شرح كويس يعني أسمع دكتور معين بفهم منه اعرف منه الموضوع كويس وبعدها عندي كتاب الكلية أسمع شرح الكلية مع الكتاب كل ده احنا في جزئية الفهم الي هي يعتبر أول مرة مذاكرة بحد أقصى هتلاقي عندك 30٪ من المعلومه ثابته عندك ده كافي جدا... مع المراجعه الفهم هيزيد ومعاه الحفظ هيزيد... لكن يستحيل تحفظي حاجه من غير فهم هتنسيها بسرعه جدا

ليه لفظ جبانه ليه منقولش رقيقه مثلا... مهذبه مثلا... صافيه قلباً وقالباً مثلا.... قبل ما نقول انها مشكله ممكن نجرب نبص من ناحيه تانيه ونشوف هل ده هيتغير ولا لأ.... العقل بيترجم المشاعر الي بنحسها وبيظهرها على سلوكنا بمعنى لو قعدتي تقولي انا جبانه انا جبانه عقلك هيقولك من عنيا هظهرك جبانه عشان مينفعش تحسي انك جبانه وماشيه تهزري وتنكشي الناس فاهمه؟.. عقلنا بيواكب الإحساس بالأفعال وده ببساطه لأنه عقل 🙄

العفو أنا معملتش أي حاجه بالتوفيق في الي جاي ❤️

فهمت.... دي حاجه بنقول عليها ال depenance أو المعروف ب( التعلق)... ودي حاجه شائعه اليومين دول بالمناسبة... بس عارفه دي حاجه بتواجهنا كلنا... خليني بما اني شايف حالتك من بعيد أقولك انتي كده أحسن.... شخص سيء أو مش سيء أيا يكن وخرج من حياتك... الأسباب مش مهمه هو خرج خلاص.... بصي لنفسك وركزي في حياتك انتي تستاهلي الأحسن... متحاوليش تفكري عشان متدخليش نفسك في دايرة هل ممكن انا السبب وانا الي وحشه؟ طب انا عملت ايه؟... مفيش داعي للتفكير الكتير الدنيا هتمشي والله ولو فضلتي زعلانه محدش هياخد باله بس انتي الي هتتأذي.... Always act as a good person... يعني خليك فل هتسوق الكل 😁 ده مبدأ حلو بردو بحبه

طيب لو مفيش مانع ممكن تحكي هنا المشكله كده كده هويتك مجهولة ونحاول نرتب الدنيا

هتستفيدي بحاجه من جلد الذات؟... ولا هتستفيدي أي حاجه غير زعل أكتر... خلينا نقول خلاص هنفتح صفحه جديده مع نفسنا صفحه بيضه جديده لانك 😁... ونبدأ نكمل حياتنا أو نبدأ من أول وجديد... مفيش أي مشكله من الغلط عشان من غيره مش هنعرف الصح

فيه جملة دايما بحبها في الأوقات الي زي دي....( لا بأس ببداية جديدة)... الدنيا مش هتوقف لما نزعل أو نندم فالأفضل نبدأ من جديد على نضيف.... دمتي سالمه ❤️

مقدر قلقك يفندم الأمر بسيط ان شاء الله حاول تروح بس زي ما قولت لحضرتك والدكاتره هيدلوك على الخطوات اللازمه... أما بالنسبه لحتة الوقاية فبشكر حضرتك على وعيك وتفهمك للموقف بس كان لازم أأكد عليها بصفتي دكتور.... دمت في أتم صحه وعافية ❤️

ممكن حضرتك تروح لأقرب مستشفى جامعي قسم الأمراض المتوطنه ومعاك التحليل وهما هيوجهوك تعمل ايه بس أرجوك التزم بتعليمات الوقاية وممنوع حضرتك تتبرع بالدم في الوقت الحالي.... لو مفيش مستشفى جامعي قريب ممكن أي مستشفى حكومي وهما بردوا هيقولوا لحضرتك تعمل ايه أو تروح فين.... شفاك الله وعافاك من كل سوء

واضح عندك كلام كتير محتاجه تقوليه... ممكن نقسم الأسباب ونناقشها واحده واحده هنا كده كده هويتك مجهولة فتقدري تتكلمي بحرية

شكرا ربنا ما يحوجك لأي دكتور

واضح عليكي أصلا... انا عن نفسي عندي فضول أسألك على حاجات في حالتك بحكم اني في طب وكده بس للأسف الوضع لا يسمح at all... ولكن عموما ربنا يعافيكي من كل سوء

نو نو مقصدش انك بتوهمي نفسك... الأعراض حقيقية بس طريقة كتابتك للأعراض ووصفها بيدل انك فاهمه عندك ايه ده كان قصدي متقلقيش مينفعش دكتور يسفه من شكوى مريض أيا كانت... المهم حاولي بس تروحي لمستشفى الجامعه زي ما قولت طالما مش هتعرفي تتواصلي مع الدكتور بتاعك في الوقت الحالي ده هيكون أضمن وأحسن حل

تمام بصي هو أنا مينفعش نتكلم في تفاصيل هنا عشان دي حاجه خصوصية وكمان مقدرش أقول تشخيص أو علاج بمجرد شات كده لإن لازم يبقى فيه كشف عشان الدكتور يفحص بنفسه فالمختصر المفيد... انتي سنك يقول انك في الجامعه فلو تقدري تروحي مستشفى الجامعه يكون أفضل سواء عيادة النفسيه وبعدها ممكن الدكتور يحولك لعيادة الباطنه وياريت طلب شخصي يعني متدوريش على تشخيص لحالتك من جوجل عشان شكلك بتدوري كتير😁... انتي تمام وزي الفل ان شاء الله

بسط الأمور واشتغل بخطوات صغيرة بوتيره مناسبه لقدراتك انت وكافئ نفسك بعد كل تارجت تحققه... عقلنا مش بيحب الانضباط الا لما يعرف انه هيتكافئ بعد ما ينجز المهمه الي قدامه أيا كانت

عندك الأستاذ حسام خليل وعبدالمعبود على يوتيوب جربي تسمعيهم وشوفي نفسك

اعمليه مبسط الأول وجربي تاني

ايه السبب؟

تحت أمرك .. بالتوفيق

فيه فعلا مرض نفسي اسمه panic attack أو نوبة الهلع واه بعض النواقل الكيميائية في المخ بيكون فيها خلل وده ليه علاج دوائي سواء كان لتظبيط كيميا المخ أو السيطره على الأعراض التانيه زي ضربات القلب ولكن ده بعد التشخيص الصحيح على انه نوبة هلع وده من خلال استشارة دكتور نفسي وتقوله الي حصل بالظبط والعلاج هو الي بيوصفه لكن ما أنصحكش تجيب أي دواء نفسي من غير روشته عشان ده مفيهوش هزار وضرره أكبر من نفعه .. شفاك الله وعافاك

العفو انا معملتش حاجه .. بس زي ما قولتلك تابعي والفتره الجايه طالما فيه امتحانات متوقع ان ده هيزيد فحاولي تبعدي عن أي stress على قد ما تقدري وبلاش كافيين كتير عشان أكيد ده ليه تأثير .. وبالتوفيق في الامتحانات

هو الأعراض في البدايه أنا شكيت ان عندك stress بس الامتحانات والمزاكره الكتيره .. بس احنا في أجازه وانتي بتقولي معندكيش الضغط أو السكر .. فياريت تعملي كده هتتابعي الموضوع يومين أو تلاته من غير مزاكره أو تلفون كتير وتتابعي في الصيدليه ضغط مرتين في اليوم الصبح وبالليل وكذلك السكر ممكن تقيسي السكر في الصيدليه لو محصلش أي تغيير توجهي مباشرة لدكتور باطنه.. وان شاء الله خير وربنا مايحوجك لأي دكتور ولا طبيب

كام سنه بالظبط ؟ .. الموضوع ده بدأ عندك من امتى ؟... بيجي ويزيد في أوقات معينه أو مواقف معينه غير المزاكره ولا طول اليوم موجود مع أي حاجه بتعمليها ؟ ... عندك ضغط أو سكر أو أي مرض مزمن أو بتعاني من ضغط نفسي الفتره دي ؟ ... خدتي أدويه ولا لأ؟ .. لو آه ايه هي الأدويه ومين نصحك بيها وارتاحتي عليها ولا لأ؟ ... فيه حد في العيله بيعاني من نفس المشكله أو مر بحاجه شبهها ؟

كام سنه ؟ ....متزوجه ولا لأ ؟... مع حضرتك أولاد وأعمارهم كام سنه ؟... أخبار البريود منتظمه ولا فيها مشاكل ؟... بتحسي بجوع أو عطش وريقك ناشف معظم الوقت فبتشربي كتير الفتره الي فاتت غير المعتاد ؟... فيه ألم في منطقة أسفل البطن ؟... فيه ألم أثناء التبول ؟... حد من عيلة حضرتك اشتكى من ده قبل كده أو شوفتيها في حد من قرايب حضرتك ؟ ... أتمنى الإجابة عن الأسئلة دي بعد اذنك

ممكن تروحي لدكتور نفسي

ده تحليل صورة دم وسكر وسكر تراكمي .. التحاليل تمام

ممكن تعرفني الحالة بتشتكي من ايه ؟

أكيد فيه أسباب حزن .. ابعدي عنها أو حليها هتفرحي

معدل استخدامك للسوشيال ميديا قد ايه في اليوم؟

انا أسف والله بس التفاصيل كتيره ودخلت في بعضها عندي بس الي أفهمه وأقدر أنصحك فيه انك في 3 ثانوي ومحتاجه تدخلي كليه كويسه صح؟

لازم جلسات تخاطب وتعديل سلوك وده ضروري

مقدرش ومينفعش أشخص حضرتك فيه أسباب كتير ممكن تغير لون الجلد فأهم حاجه زيارة طبيب للاطئنان مش اكتر أحسن من أي كومنت هتشوفيه أو تسمعيه من حد مش مختص .وإن شاء الله الأمر بسيط .. شفاكي الله وعافاكي 🌷

مراجعة دكتور باطنه

اختصاراً للوقت ... إنتي مش مريضه بمعنى الكلمه إنتي وقعتي في مستنقع أفكارك بمعنى الكلمه وده بقولك تاني محصلش بين يوم وليله دا من كتر الي شوفتيه وقرأتيه وكتمتيه لنفسك ...على افتراض إنك حتى لو مريضه نفسيه واحنا ولله الحمد كلنا مرضى نفسيين بشكل أو بآخر ..فأول طريقه للعلاج حد تثقي فيه تحكيله الكلام ده ويشاركك التفكير ...على رأي دكتور محمد طه الدكتور النفسي علاقه واحده صحيحه آمنه كفيله تشفيك من كل حاجه وده صحيح ميه في الميه... بكرر تاني الي انتي فيه مش مرض بس مش هيروح من عندك بكره الصبح ده هيروح مع الوقت ... كل تخيلاتك إنك في علاقة حب كويسه أو انك تشوفي نفسك حلو أو إلى آخره دي مش خيالات دي أهداف إنتي نفسك فيها وعايزه تعيشيها في الواقع ولو ده حصل كل الي بتعاني منه هيختفي تلقائيا وعشان ده ممكن يكون صعب أو مش صعب الله أعلم بظروفك ...ولكن في كل الأحوال أتمنى إنك تركزي لو بتبطلي تخيل لما تفكري اشغلي وقت بالدراسه طالما هتفكري أو أي نشاط واستغلي الساعات الي بتفكري فيها في نشاط واقعي ..تقعدي مع إخواتك ..تكلمي صاحباتك ولو معندكيش صحاب خدي الخطوه واعملي صحاب انتي خسرانه ايه ...ليس بالإمكان أسوأ مما كان ...متهربيش من الواقع والقرار قرارك ... كده كل حاجه بقت واضحه قدامك سواء مني أو من غيري ... عن نفسي مريت بكل الي انتي فيه لكن الفرق إني معنديش وقت أهرب من حياتي عشان محتاج أحقق فيها حاجه ولو هدف تافه بس كفيل يخليني أركز وأطنش وأواجه الي بيزعلني أو يعكر مزاجي ... ودوري التوعيه طالما مقدرش أعالج وعشان كده بقولك حاولي تقعدي مع نفسك وتاخدي قرار إما واقع طبيعي أو واقع طبيعي مهو مفيش اختيار تاني صح ومفيش مانع تتكلمي مع أهلك ياريت ...ولو لزم الأمر دكتور نفسي مفيش مانع مش عيب ولا حرام ... كلامه ع الأقل هيىحمك من التفكير والاوهام الي ممكن تسيطر عليكي ...بالتوفيق

ماشي مهو ده محصلش بين يوم و ليله انا لسه قايلك إنك قعدتي فتره طويله كده بنفس الشكل وكل يوم الموضوع بيزيد وعرفنا الأسباب

لا مفيش حد بيقعد 6 ساعات يتخيل ..بس خليني أسألك سؤال انتي بتردي علينا بقالك أكتر من ساعتين هل كنتي بتتخيلي وانتي بتكلمينا ؟

الي عاوزك تفهميه إنك اه في البداية تأثرتي نفسيا ولكن الخطوات الي خدتيها زودت عليكي الضغط بشكل كبير لحد ما الموضوع زاد عن حده ..وأدينا أهو بنكتشف ونفكر ونفهم مع بعض من كلامنا

تعالي بقا أقولك حاجه مهمه ... إنتي سألتي عن متلازمة جوسكا وشاكه إنك مصابه بيها ويمكن متأكده كمان وقرأتي عنها أكيد إن الواحد بيفضل يعمل حديث مع نفسه ويتخيل ويبعد عن الواقع بس فيه نقطه مهمه ... مريض جوسكا خيالاته كلها مأساويه يعني مفيش خيالات حلوه وعشان كده سألتك ببتخيلي حاجات حلوه ولا لأ واديكي جاوبتي وقولتي حلو ووحش الي هو الطبيعي بتاعنا أصلا ..سيربرايز🙂