العمر؟ عندك أمراض مزمنه؟ غده... ضغط... سكر.. كبد... كلى اضطرابات في الدوره الشهرية؟ عندك حاله مشابهة في العائلة؟ بتاخدي أدوية حاليا؟ عملتي تحاليل أو أشعات قبل كده؟
شكرا ربنا ما يحوجك لأي دكتور
تم النشر الأربعاء، ٢٦ نوفمبر ٢٠٢٥
مقدرة فضولك صاحبتى فى طب بردو بحس منها كدة ، معلش بقى تتعوض .. سلمك الله كل شر يارب و ربنا يوفقك فى دراستك و تخلصها على خير جايز ساعتها ابقى اتعالج عندك و لا حاجة 😂
تم النشر الأربعاء، ٢٦ نوفمبر ٢٠٢٥
واضح عليكي أصلا... انا عن نفسي عندي فضول أسألك على حاجات في حالتك بحكم اني في طب وكده بس للأسف الوضع لا يسمح at all... ولكن عموما ربنا يعافيكي من كل سوء
تم النشر الأربعاء، ٢٦ نوفمبر ٢٠٢٥
محصلش حاجة عادى اما مش بتضايق ، انا فاهمة ايوة انا عندى معلومات مش بدور علشان تعبى لا اه طبعا ادانى خبرة شوية من كتر ما تعبت بقيت بعرف الفرق بين الاعراض بس انا كان نفسى ادرس حاجة ف المجال الطبى تقدر تقول هواية يعنى بحب اتفرج و اسمع دكاترة و اقرأ و كدة نوع من انواع الثقافة يعنى
تم النشر الأربعاء، ٢٦ نوفمبر ٢٠٢٥
نو نو مقصدش انك بتوهمي نفسك... الأعراض حقيقية بس طريقة كتابتك للأعراض ووصفها بيدل انك فاهمه عندك ايه ده كان قصدي متقلقيش مينفعش دكتور يسفه من شكوى مريض أيا كانت... المهم حاولي بس تروحي لمستشفى الجامعه زي ما قولت طالما مش هتعرفي تتواصلي مع الدكتور بتاعك في الوقت الحالي ده هيكون أضمن وأحسن حل
تم النشر الأربعاء، ٢٦ نوفمبر ٢٠٢٥
لا اتخرجت السنة دى ، بس ايه اللى عرف حضرتك انى بدور كتير انا مش بدور ولله و لا حاجة انا بس بقالى سنين بتعب كتير كل شوية حاجة فكلها حاجات كانت بتطلب من يعنى من دكاترة انا مش فى دماغى ولله طول ما الموضوع مش مأثر على يومى بس انا مش عارفة اعمل اى حاجة بس و بيحصلى حاجات مش بسيطة بصرلحة فمتقلقش مش واهمة نفسى بعنى ، و شكرا جدا لحضرتك
تم النشر الأربعاء، ٢٦ نوفمبر ٢٠٢٥
تمام بصي هو أنا مينفعش نتكلم في تفاصيل هنا عشان دي حاجه خصوصية وكمان مقدرش أقول تشخيص أو علاج بمجرد شات كده لإن لازم يبقى فيه كشف عشان الدكتور يفحص بنفسه فالمختصر المفيد... انتي سنك يقول انك في الجامعه فلو تقدري تروحي مستشفى الجامعه يكون أفضل سواء عيادة النفسيه وبعدها ممكن الدكتور يحولك لعيادة الباطنه وياريت طلب شخصي يعني متدوريش على تشخيص لحالتك من جوجل عشان شكلك بتدوري كتير😁... انتي تمام وزي الفل ان شاء الله
تم النشر الأربعاء، ٢٦ نوفمبر ٢٠٢٥
22 ، معنديش امراض مزمنة طبق اخر تحاليل عملتها معنديش سكر و معنديش ضغط كمرض مزمن لكن ضغطى بيضطرب كتير يعنى طول الصيف منخفض بسبب الحر و الشمس و بيرتفع مع الانفعال او الضغط العصبى ، اخر مرة حصل اضطراب بسيط فى الدورة الشهرية انه نزل دم كذا يوم ورا بعض بعد ما كانت خلصت بأسبوعين تقريبا و طبيبى النفسى قالى نتابع الموضوع علشان نتأكد سببه نفسى لانى كنت مضغوطة و لا حاجة عضوية بس من وقتها محصلش حاجة غريبة ، حالة مشابهة بمعنى ايه لو قصد حضرتك حد بيحصل معاه الاعراض دى فعلى حد علمى لا بس اكيد جدى و جدتى من الناحيتين كان عندهم امراض مزمنة بحكم السن يعنى لكن مكنش بيحصل معاهم كدة ، ايوة باخد علاج نفسى مع الدكتور بتاعى بس كنت باخد علاج قوى بقالى اربع شهور و حاليا بوقفه تدريجى طبعا تحت اشراف الطبيب و باخد دوا تانى لسه مكمل معايا شوية بس هو خفيف جدا يعتبر ملهوش اعراض جانبية هو مجرد بس بيززود السيرتونين شوية ، عملت كتير جدا عملت غدة تلات مرات فى اوقات مختلفة سليمة ، عملت معظم تحاليل الامراض المناعية لان عندى الم مزمن فى جسمى و كويسة ، عملت صورة دم كاملة كذا مرة و بردو كويسة ، عملت رنين على المخ و على اماكن تانية كمان بسبب الالم ، عملت تحليل سكر اكتر من مرة كويس ، يمكن االى عمرى ما عملتهم وظائف كبد و كلى و فحوصات على القلب معملتش اخر مرة عملت فيها سونار على القلب من اكتر من خمس سنين كان وقتها مفيش حاجة بس طبعا مكنتش مريت بكل اللى مريت بيه دلؤقتى من امراض نفسية و تعب جسدى وولا كنت خدت لسه اى ادوية تقيلة
تم النشر الأربعاء، ٢٦ نوفمبر ٢٠٢٥
لعرض الإجابة في فدني اضغط هنا