انا لسة داخلة تالتة ثانوي ومش عدا علي الدراسة شهر لسة وحاسة باحباط ومش عارفة اذاكر ومش عارفة احل حاجه وحاسة اني مش عارفه حاجة في الاول اعمل اي
الفيزيا مش عارفه اذاكرها ومش عارفه احل حاجه والانجليزي
مفيش داعي للخوف احنا لسه في البداية يعني بنسخن واحده واحده .. حاولي تتعلمي تحطي جدول مزاكره ليومك ويكون منظم ده هيساعدك تركزي وتنجزي ممكن يكون الجدول بسيط في البداية ومع الوقت هتتحسني .. لو فيه ماده مش ظابطه معاكي أول حاجه تعمليها تسألي زمايلك الي تثقي فيهم ويكونوا بمعنى أصح سالكين .. ممكن تتابعي مدرسين على يوتيوب أو منصات أونلاين وتعرفي النظام وتكملي ..ومتقلقيش مع الوقت هتمشي في المنهج وتفهمي بس حاولي تخلصي مرحلة التوهان دي بسرعه عشان الوقت ميسرقيش .. بالتوفيق
تم النشر السبت، ١٠ أغسطس ٢٠٢٤
حاولي تواظبي علي صلاة وشوفي السبب اللي ببخلكي مش عارفة تستوعبي المادة هل مثلا شرح المدرس طريقتك في المذاكر الميعاد اللي بتذاكري فيه هل مثلا البيت كله بيكون صاحي مبتعرفيش تركزي ولا ده بسبب قلق وضغط ثانوي حاولي تنظمي وقتك خلي دروس كلها ورا بعض ممكن تذاكري بطريقة برمو دور سيرشي علي جوجل عليها ،حاولي تحلي كتير علي فيزيا وانجليزي وحاولي تركزي مع استاذ في حصة ومتقارنيش نفسك بحد وربنا معاكي ويوفقك
تم النشر السبت، ١٠ أغسطس ٢٠٢٤
أهلاً بيكي يا حبيبة، أول حاجة لازم تتنفسي عميق وتفكري إنك لست وحدك، كتير من البنات بيمروا بنفس المرحلة وبحسوا بالإحباط. هنا شوية نصائح عشان تساعدك: خططي للوقت: حاولي تقسمي وقتك بطريقة مرتبة. مثلاً، اتبعي نظام 50 دقيقة للدراسة و10 دقائق للراحة. كده هتحسي إنك منجزة. اختاري مكان هادي: مكان الدراسة مهم جداً. حاولي تدرسي في مكان بعيد عن الضوضاء ومنظم. ابدأ بالأسهل: لو مش قادرة على الفيزياء، ممكن تبتدي بحاجة أسهل زي المواد الأدبية أو الأنجليزي البسيط. لما تحسي إنك قدرتِ تعملي حاجة هيثديك دافعة. استخدم مصادر متنوعة: مجرد الكتب مش كفاية. حاولي تشوفي فيديوهات تعليمية أو محاضرات على يوتيوب. أحيانا الشرح بصوت حد تاني يفيدك أكتر. ممارسة: سبي لنفسك وقت تحلي فيه مسائل بشكل دوري، حتى لو كان بسيط، عشان تتعودي. اسألي: لو في حاجة مش واضحة، متخافيش تسألي زميلاتك، أو مدرسينك. الحوار ممكن يفتحلك آفاق جديدة. إذا شعرت بالإحباط، خذي استراحة: مفيش حاجة غلط لو خدتِ بريك عشان ترتاحي. المهم ترجعي بحماس. التفاؤل: حاولي تتذكري إن القلق والإحباط بيكون جزء من الطريق، لكن لما تحطي هدف قدام عن نفسك، هتحسي بتحسن. وإذا احتجتي تتكلمي مع حد، أنا هنا. كل شيء هيكون تمام إن شاء الله.
تم النشر الجمعة، ٩ أغسطس ٢٠٢٤
لعرض السؤال في فدني اضغط هنا