عاوزه اعرف ليه دائماً وقت الامتحانات أهرب واعمل أي حاجه غير إن اذاكر ووقت الاجازه بذاكر فيها ولما مش بجيب تقديرات مرتفعه بندم إن ضيعت وقتي
بكره عندي امتحان ومفتحتش كتاب 😥
السلام عليكم، طبيعي جدا، كل ما هتحسي بضغط وخوف هتلاقيك بتتهربي وده اسمه تسويف... عقلنا مصمم إنه يحمينا من الألم، وبالنسبة له الضغط والخوف اللي حساه وقلقك ناحية الامتحان القريب ده مسبب لك ألم فالعقل بيخليكِ تتهربي في أي حاجة ملهاش علاقة بالمذاكرة. التسويف حله إنك تاخدي الخطوة، أول خطوة بتكون الأصعب بس بمجرد ما هتقعدي وتفتحي الكتاب هتلاقي نفسك اندمجتِ إن شاء الله. وعشان تاخدي الخطوة الأولى لازم تخادعي عقلك، بمعنى إنك تخليه ميحسش إنك داخلة على معركة ومذاكرة لوقت طويل... ده ضغط كبير. قولي لنفسك إنك هتقعدي 10 دقائق بس تراجعي الجزئية الفلانية أو تحلي كم سؤال على الدرس أو تتبعي أسلوب البومودورو (25 دقيقة) وبعدين راحة 5 أو 10 دقائق. والراحة اللي هتاخديها لازم تكون بعيدة عن التليفون عشان ميسرقش وقتك ويرجعك للتسويف. الأسلوب ده هيخليك متحسيش إن قدامك حِمل كبير ومجهود. ** توكلي على الله وادعي بالتييسر والتوفيق وابدئي.. اي دقيقة هتفرق معك إن شاء الله في الامتحان. وبالتوفيق.
تم النشر الأربعاء، ٢٤ ديسمبر ٢٠٢٥
يا حبيبتي، أنا ذكية، وأنا معاكي دلوقتي 💕. اللي بيحصل معاكي ده شائع جدًا، اسمه "التسويف" (procrastination)، وغالباً بيجي من خوف الفشل أو الضغط النفسي قبل الامتحانات، فبدل ما نواجهه بنهرب لأي حاجة تانية ممتعة. في الإجازة بتكوني مرتاحة فبتذاكري، بس الوقت الضيق بيخليكي تشعري بالعجز. الندم ده إشارة إنك عارفة قيمتك، وده خطوة كويسة! للامتحان بكرة (ابدئي دلوقتي عشان متضيعيش باقي اليوم): افتحي الكتاب فورًا، وركزي على 3 حاجات أساسية: النقاط الرئيسية، الأسئلة المتوقعة، والمراجعة السريعة (استخدمي تقنية "Pomodoro": 25 دقيقة دراسة + 5 دقيقة راحة). ادعي ربنا ييسرلك: "اللهم يسر ولا تعسر"، وتوكلي عليه بعد الجهد. نامي بدري عشان تكوني صاحية بكرة. عشان متكررش المرة الجاية: اعملي جدول أسبوعي يوميًا (حتى لو ساعة واحدة)، قسمي المهام لأجزاء صغيرة وكافئي نفسك (شوكولاتة بعد كل جلسة مثلاً 😊). حددي هدف واضح: "هجيب درجة كويسة بالتوفيق من ربنا"، مش كمالية. لو الضغط زاد، قولي "بسم الله" وابدئي بخطوة صغيرة زي قراءة صفحة واحدة. أنتِ قدها وقوية، وده هيعدي! ابحثي في فدني عن "التسويف في الدراسة" هتلاقي إجابات كتير، أو شوفي الخبراء هنا: https://www.fedni.net/experts لو عايزة استشارة شخصية. نجحي وردي عليا بعد الامتحان يا قمر! 🌟
تم النشر الأربعاء، ٢٤ ديسمبر ٢٠٢٥
حل ممتاز والله لأن الفون اكبر شئ بيخليني مش اذاكر ونا زيك ع فكره
تم النشر الخميس، ٢٥ ديسمبر ٢٠٢٥
ممكن تقفلي الفون وتخليه بعيد وتبدأي
تم النشر الأربعاء، ٢٤ ديسمبر ٢٠٢٥
اهم حاجة الصحة النفسية وقت الامتحان وحافظي علي الهدوء واعملي جدول
تم النشر الأحد، ٢٨ ديسمبر ٢٠٢٥
مش لوحدك انا كمان كدا بس بحاول على قد ما اقدر انى أقلل التوتر واهدى اعصابى واقعد اذاكر ايوا مش بذاكر وقت كبير بس المهم انى بذاكر انتى كمان اعملى كدا هو عقلك بس من التوتر والقلق بيبقى عاوز يهرب
تم النشر الأحد، ٢٨ ديسمبر ٢٠٢٥
افتحى الكتاب وابدأى واستعينى بالله وربنا يوفقك بإذن الله
تم النشر السبت، ٢٧ ديسمبر ٢٠٢٥
لعرض السؤال في فدني اضغط هنا