في البداية لازم نكون فاهمين إن الثانويه مش سنة تعليم بس دي رحلة طويله عايزه نفس طويل ..استعداد كويس .. خطه واضحه لتحقيق هدف انتي حاطاه لنفسك ... طب هتتعبي ؟ .. أكيد طبعا بس الفكره إن احنا بنمشي ورا أمل ان مزاكرتنا في ميزان حسانتنا أولا وثانيا بنطبق آية وأن ليس للإنسان إلى ما سعى فالقرار قرارك هتسعى وتتعب هتلاقي وتفوز هتكسل في نص الطريق يبقا متستاهلش وفيه غيرك يستاهل ... كل واحد ليه تجربه مختلفه وقصه فيها عبره ومثال لتوفيق ربنا وحكمته وهتشوفي ده بنفسك فمتنتظريش تسمعي قصة حد وعيشي قصتك بس على يقين إن هدفك هيتحقق...وبس كده .. نيجي بقا لجزء المزاكره مش هقولك على طريقه عشان دي بتختلف على حسب كل واحد بس هفهمك مبدأ كويس .. إنتي وليكن عندك طاقه ومقدره تزاكري 10 ساعات في اليوم .. زاكرتي ال 10 تمام ربنا شايفك وشاف انك مقصرتيش لكن زاكرتي 8 برغم انك قادره تكملي 10 حتى لو هتضغطي نفسك شويه ساعتها يبقى اسمك قصرتي .. أتمنى تكوني فهمتي مضمون كلامي ومش هنقدر نعمل حاجه غير ناخد بالأسباب ونتوكل على الله ونفتكر دايما ان رزقنا مكتوب من البداية أصلا ومش هنشوف غيره فلا داعي للهلع ونشتغل في هدوء وتركيز .. بالتوفيق يا فندم ❤️
صح بس العبره انك خلصت اللي عليك مش لازم تذاكر اكتر من الوقت المطلوب منك... واهم شيء تستخدم قدراتك
تم النشر السبت، ١٠ أغسطس ٢٠٢٤
تحت أمرك .. بالتوفيق
تم النشر السبت، ١٠ أغسطس ٢٠٢٤
ونعم بالله طبعا و شكرا جدا بجد كلامك حفزني اوي و اداني دفعة كويسة لقدام 🤍
تم النشر السبت، ١٠ أغسطس ٢٠٢٤
لعرض الإجابة في فدني اضغط هنا