السلام عليكم
انا تالته ثانوي عندي ١٧ سنه مش عارفه ارتب كلامي ازاي بس هحاول
فاضل شهرين ونص على امتحاناتي وانا تايهه من اول السنه دي من أسوأ الفترات فى حياتي بدأت بكتم للضغط والخوف عياط كتير من غير ما حد يعرف او يحس بيا
عارفين انا بكرهني اوي كل حاجه بكرهها فيا انا الكبيره لاخواتي المفروض اكون القدوه ليهم واساعدهم واسمعهم حتى فى الدراسه مش ببص عليهم حتى كل واحد يتعلم ويفهم بنفسه من غير ما يسألني لاني ببساطه مش هعرف أفيدهم بحاجه
اهلى مش متعلمين والدتي تعرف تقرأ وتكتب بس والدي لا تربيت فى بيت كله مشاكل بين اهلى ماما اتجوزت بابا غصب عنها مكنتش عايزه وهو كان عارف بس كمل
بابا شخص عصبي جدا ودايما ايده سابقه كلامه انا و وصغيره كنت بشوف خناقتهم بفضل اعيط وبترعب من بابا على حسب كلام ماما قالتلى اني اكتر واحده فيهم اتضربت وهى صغيره مش فاكره منهم غير مرتين بس وعمري ما هقدر انساهم لأنهم تقريبا كسروا فيا حاجه من جوايا
كبرت على نفس الحال وكنت لما بعقد مع بابا يتكلم على ماما والعكس هما ميعرفوش ده كنت بسمع الكلام ومش بنطق حرف غير اني لما ببقى لوحدي بفضل اعيط من كلامهم بعيط من خناقتهم المتواصله
وكل مره بتدخل فيها بتضرب من بابا (اسفه لو كنت بقول كده عليهم بس دي الحقيقه) انا بحبهم هما الاتنين اوي ومقدرش استغنى عنهم برغم كل اللى بيحصل
عارفين اى الصعب برضو اني مقدرتش اخلى اخواتي مش زيي مقدرتش احميهم من الكلام ومن الضرب
عجزت اني اعمل حاجه طلعت انا خوافه وجبانه اوي بترعب من أقل حاجه معنديش ثقه بنفسي معنديش حب لنفسي عمري ما ماما او بابا حضنوني يمكن احساس غبي بالنسبة لكم بس انا كان نفسي اوي فى ده
كان نفسي لما بكون منهاره اجري لحد فيهم بكتم كل حاجه عياط كلام عصبيه تعب انهيار قدامهم وبقيت بالنسبة لهم بارده معنديش مشاعر مش بحس بحد
فى الفتره دي صارحت ماما و لأول مره احكي عن اللى تعبني لاني مقدرتش استحمل وكمان حاولت أذي نفسي كذا مره
اتعاطفت معايا فعلا و وروحت لدكتوره نفسيه وقالت لي اني عندي اكتئاب من وانا صغيره والتراكمات لمشاعري والخوف الزايد عن حده هى السبب اني اتصابت برضو باضطراب القلق ونوبات هلع وكمان حاجه اسمها نوبات العصب العاشر
ماما كانت قاعده وسمعت التشخيص منها فكرت اننا هتقدر ليه مش قادره اذاكر ليه نفسيتي كده بس لا قالتلى انتي فى ثانويه عامه ومقصره فى المذاكره وفي كتير زيي بس انا اللى بستهبل ودلوقتي بقيت زياده ضغط عليها واني مش مقدره الضغط اللى هى فيه ولا المصاريف اللى اندفعت طول السنه مع العلم اني والله العظيم حاولت بكل الطرق اني اساعد نفسي
وكان اوقات كتير لما بتجيلي نوبات الهلع بستخبى منهم عشان محدش يشوفني وازود عليهم يارتني ما جيت انا فعلا مصدر ضغط وازعاج لكل اللى حواليا وفعلا معنديش مشاعر وانا بستهبل وماليش لازمه
اه عايزه ابعد عنهم عايزه ابعد عن نفسي انا فى نفق اسود مش قادره اخرج منه
وعليكم السلام ورحمة الله وبركاته أهلآ بحضرتك ما شاء الله لسه بنوتة صغنونة على كل الكلام الكتير والهم الكبير ده لكن تعالي نعرف مع بعض احنا وصلنا لكده ليه نبدأ من أول لحظة بيتولد فيها الانسان ويبدأ في تكوين شخصيته وسلوكه وهذا يأخذ ثلاث مراحل كل مرحله تستغرق سبع سنوات من اليوم الاول حتى عمر ٧ سنوات بيتم فيها تشكيل سلوك الطفل بحيث انه بيتم اعتمادة على كل ممن حوله من حيث المساعدة على الاكل والشرب واللبس والمشي وهكذا حتى إذا بلغ السبع سنوات يبدأ في تغير السلوك من الاعتماد على الأخرين إلى التشارك مع الأخرين بحيث إن الطفل يبدأ في محاولة مشاركة أهله في تجهيز الاشياء واختيارها وهذا حتى عمر ١٤ عام وفي اخر ٧ سنوات وهو من ١٤ إلى ٢١ بيتم اعتماد الفرد على نفسه في اتخاذ القرار وتحمل المسؤلية لذلك يتم تكوين الشخصية والسلوك بعد اتمام عمر ال ٢١ عام مما تم ذكره نرى أن أنك في المرحلة الثلاثة والاخيرة في اعداد الشخصية وطبعآ تم تكوين الشخصية في بيئة مليئة بالضغوط والنزاعات فأصبحت تتحمل أعباء أكبر من عمرها عارفة المشكلة اللي بجد فين ؟ مينفعش ابدآ ان لقدر الله ماما يكون عندها صداع مثلآ وتيجي انتي تكشفي وتقولي للدكتور ان ماما تعبانه فتلاقي الدكتور يكتبلك دوا ويقولك خدي انتي العلاج علشان ماما تخف ! شيئ غير منطقي ان اللي عيان عايش عادي واللي معاه هو اللي بيعاني أنا أقصد من كلامي ان اللي مفروض يبحث عن طبيب نفسي وكان مفروض يروح يتعالج هو بابا وماما وكان واجب عليهم يبحثو عن مرشد اسري يساعدهم في حل مشاكلهم او طريقة ادارتها لانك ضحية لتلك البيئة السلبية واللي من المؤكد هتكون نتيجة اخواتك نفس مسيرك مم التعب والضغط النفسي بسبب عدم توافق وفشل الابوين في ادارة حياتهم ولازك تتأكدي انك مش مريضة نفسيآ لانك مجرد ضحية لأسرة غير متوافقه ولجل أن تنجو بنفسك من تلك السلبيات لازم نتبع الارشادات الاتية ١/ أولآ لابد أن تعرف قدرك ك.إنسانه خلها الله وميزها عن سائر المخلوقات لأن الله خلق كل شيئ بالأمر المباشر إلا الإنسان خلقه الله بيده ونفخ فيه من روحه فأنت انسان مكرم من الله وقد اوجدك الله انثى فكان ذلك أفضل تكريم وتقدير لأن الله أعلى من شأن الأنثى بالقرأن حين سمى سورة بأسم النساء ولم يسمي صورة بأسم الرجال وقد سميت سورة بأسم أمرأة وهي سورة مريم ونوديا نبي في القرأن بأسم أمه وهو عيسى بن مريم كما أنها أنزلت سورة بدون بسمله وبراءة من الله حين انتهك فيها عرض انثى مسلمه وهي امنا عائشه وقد سمع الله قول جدال زوحة في زوجها ووثقة بالقرأن كما أن الله شرع للأنثى تشريعات تضمن حقها وتصون قدرها وكذلك النبي الذي حين كان على فراش الموت لن يوصي إلا بأمرين (الصلاة _ النساء) فقال استوصو بالنساء خير فما أكرمهم إلا كريم وما أهانهن إلا لئيم عليك ان تعرف قدرك في هذه الدنيا ولا تعرف قدرك بأعين الناس ولكن تأكد من قدرك بتكريم الله لك فأنتي بنوته جميلة ربنا أوجدك في هذه الحياة معززة مكرمة لك حقوق كما ان عليها واجبات فلابد وان نسعى للحفاظ على حقنا في تلك الحياة مهما طانت التحديات. ٢/ لابد وان نتجاهل الماضي بكل ما فيه من ذكريات مؤلمة لأن النظر إلى الماضي لن يصل بنا لمستقبل او حاضر مستقر تخيلي معي لو ان شخصآ ما يقود سياره وهو ينظر إلى الخلف فكيف يكون حاله لا شك انه سوف يصتدم بكل ما يقابله وبيكون أول من يخسر ويتألم هكذا هي حياتنا لا يصح ان نقودها لمستقبل مشرق ونحن ننظر إلى ماضينا المؤلم لأن ذلك يسبب لنا الصدام في الواقع وعدم الوصول إلى مستقبل يرضينا فعلينا تجاهل الماضي فليس من الطبيعي أن نظل طول الوقت نستحضر ذكريات الماضي من مشاكل اسىرية لأن كل ذلك طاقة سلبية تتكون بداخلك لتكون بركانآ يحرقك وحدك بالصمود والصبر دون ان يشعر بك أحد وبالبكاء دون أن يلطف بط أحد فمن الضروري الا نستحضر الماضي لان ليس فيه إلا الالم . وبعد ان نعرف قدرنا ثم نتجاهل ماضينا فعلينا ان ننتقل لثالث خطوة ألا وهي ٣/ حب النفس كيف نطلب من المجتمع ومن الاخرين ان يتقبلو وجودنا ونحن لا نحب انفسنا او نهتم بها عليك ان تحبي نفسك وتنظري لما فيها من صفات إيجابية ولا تنظري لما فيك من نقاط ضعف لأن كلآ منا يحمل نقاط ضعف وعلينا علاجها وليس تنشيطها فلابد وان تنظري لنفسك ولطيبة قلبك وصفاء ونقاء مشاعرك ورقي ذاتك فحين تعرفين قدرك كما ذكرنا أولآ ثم تتجاهلي الماضي ثم تحبي نفسك فسوف يتحقق الاستقرار النفسي وبعد ان نحقق الاستقرار النفسي فعلينا أن نحميها من اي سلبيات وهذا ما نعرفه في الخطوة الرابعه ٤/ تقبل الاختلاف مع الأخرين ليس من الطبيعي أن ننال إعجاب وتوافق المجتمع بأكمله فهذا لن يحدث مع سائر الانبياء وما زلنا حتى الان نختلف بإماننا لهم فمن الناس من يومن بالانبياء كلهم ومنهم من يؤمن ببعضهم ومنهم من لا يؤمن بهم بل أن الناس لن تجتمع على الايمان بالله فمن الناس من لا يؤمن بالله ويؤمن بالبقر ومن الناس من يؤمن انه خلق من الطبيعة إذآ الاختلاف موجود من قديم الزمان ولن يكن محددآ لنا فقط بل انه مع الانبياء ومع الله فمن الطبيعي ان ترى الاختلاف وعدم التوافق معك لذلك لابد وان تتقبل ان رؤية أسرتك وأفكارهم غير رؤيتك وأفكارك فإذا كان بيننا اختلاف فهذا لا يؤدي إلى الشجار والتناحر بل علينا الايمان بأن كلآ منا يرى العالم من وجهة نظره فهناك من تتوافك رؤياهم وهناك من تختلف رؤياهم ومن تختلف رؤياهم عليهم بقبول الاختلاف كونه سنة من سنن الكون ولت تأخذ هذا الاختلاف على محمل الجد ولا تيقن أن رؤية الاخر لك صحيحة بل هي رؤية نابعه من أفكاره والتي بالتأكيد قد تختلف مع افكارك وعليك بتجاهل النقض او اللوم ولا تقارن نفسك بالأخرين او تأخذ اختلاف الاخر معك على أنه حكمآ عليك أن تصدقه كن مثل قطعة المغانطيس فاها جانبين جانب يستقبل كل ما هو يحمل نفس صفاته ويجذبه له والجانب الاهر ينفر من الاشياء التي لا تحمل نفس عناصره فأنتي عليكي ان تتقبلي كل ما هو ايجابي وتتجاهلي كل ما هو سلبي وحتى يتحقق ذلك فلابد وان نهتم بكل ما نرتاح له وذلك كالأتي ٦/ التماس العذر للأخرين وكما ذكرتي في كلامك أن الأب بسيط وعصبي وكذلك الأم بسيطة في تعليمها ومحدودة في ثقافتها وهذا عذر كافي ليرفع عنهم تعمدهم في إلحاق الأذى بنا فمن المؤكد أنهم يضرونك عن جهل وليس عن عمد لانهم لا يعلمون أن طريقتهم ليست الطريقة التي يتربى بها وينشأ بها شخص سوي ونرى أن كلآ منهم يسعى ويجتهد أن يحسن من صورته أمامك من خلال السب والقذف على الطرف الاخر ولا يعلم كلآ منهم ان طريقتهم تترك بداخلك بركان من الغضب والألم لا تستطعين البوح به وتحتفظي بالألم وحدك دون أن يشعر بك أحد لذلك من الضروري ان نتجاهل تصرفاتهم مع الاخذ بالعذر لهم انهم لا يتعمدون أذيتك ولا يشعرون بجرم ما يفعلون بحقك وحق أخوتك . ٧/ ممارسة هواية مفضلة حاولي ان تحافظي على ممارسة ما تحبه من رسم او قراءة او اعمال منزلية او تواصل مع من تحب وبذلك تحافظي على طاقتك ان تكون دائمآ إيجابية ولا تتأثر بسلبيات المجتمع من مشاكل وخلافات لأنك تستثمري طاقتك فيما يحقق لك النفع بعيدآ عن الضرر وسلبيات بيئتك ٨/ تجنب الوحدة والانطواء مهم جدآ ان يكون عندك صديقات تتبادلي معهم الافكار والنقاشات ويساعدونك على المذاكرة لان الوحدة والعزلة يتم فيهم تنشبط الطاقة السابية التي تمنعك عن تحقيق اي انجاز في حياتك ٩/ تنظيم وقتك عليك ان تنظمي وقتك بين عدد سعات نوم كافي + وقت للعبادة ( صلوات وأذكار )+ عدد سعات للمذاكرة ولو مجرد سعتين كل يوم حتى نستطيع أن نحسر المعلومات الكافية فيما تبقى من الوقت قبل الامتحانات وهذا يتحقق من خلال الاستعانة بملخصات أو ببرامج تعليمية أو حلقات تعليمية مجانية من النت ومهم جدآ ان نضع وقت ولو ساعة للترفية عن النفس من خلال ممارسة ما يرتاح له عقلك وجسك سواء بالاستماع الى الاغاني او اللعب على الهاتف أو النواصل مع أحد المقربين منك . ١٠/ أخيرآ من الضروري ان يكون بجانبك شخصية تدعمك سواء صديقة أو قريبة او شخصية غريبة المهم يكون في مصدر دعم حتى نستمر في تحقيق التعافي مما مضى ثم الاستقرار فيما نحن عليه الأن لنصل إلى النجاح فيما هو قادم ويارب يوفقك لكل الخير وينجحك ويرزقك ما تتمني ويبعد عنك كل هم وحزن ويراضي قلبك
تم النشر الأربعاء، ١ أبريل ٢٠٢٦
اولا ربنا يعينك علي اللي انتي فيه بس خليكي عارفة ان دا ابتلاء من ربنا وكله ب اجره ان شاء الله - ثانيا اذا حابة اساعدك في جدول للدراسة انا كمان تاتة ثانوي ومراكمة وان شاء الله نلحق وارمي اي حاجة ورا ضهرك دلوقتي لغاية الشهرين دول ما يعدو -بالنسبة لاخواتك المساعدة النفسية اهم من الدراسة يعني مش لازم تشرحي بس علي الاقل طمنيهم من ناحيتك وقوليلهم انك معاهم ولو حد عايز يقول حاجة او مدايق من حاجة يحكيلك دا هيساعدهم انهم مش هيراكوا الشعور جواهم الجدول اللي ماشية عليه قسمي اسبوعك 5 ايام اساسية كل يوم مادة مثلا السبت احياء الحد انجلش الاتنين عربي التلات فيزياء الاربع كيمياء هيتبقي عندك الخميس والجمعة الخميس لو في حاجة لسة مخلصتش في الايام اللي فاتت خلصيها او خليه للمادة اللي متراكمة اكتر والجمعة خليه حفظ كلمات انجليزي وفي الاخر عايزة اقولك ( لَا يُكَلِّفُ اللَّهُ نَفْسًا إِلَّا وُسْعَهَا ۚ ) وانتي بنت قوية وقدها ان شاء الله
تم النشر الأربعاء، ١ أبريل ٢٠٢٦
وانا بكتب الرساله كنت فى حاله نفسيه سيئه جدا وذكرت الجانب المظلم وفيه حاجات مقولتهاش زي ان بابا حنين علينا وبيخاف علينا برضو ومش بيحرمنا من حاجه لو قادر انه يعملها وانا بحبه جدا و مهما عمل هيفضل كدا بابا الراجل الوحيد اللى في حياتي مصدر الأمان ليا والحب اه طريقته غلط واه جهله فى تربيتنا ومعاملته لينا كبنات غلط ومش متفاهم نهائي بس برضو عارفين بخاف عليه اوي اوي من اى حاجه مش عارفه ده ايه تناقض كبير بس زي ما فيه حلو فيه وحش انا ابتديت أقرب من ماما فى تالته اعدادي قبلها مكنتش كده وبخاف منها او بالاصح انا بخاف من كل الناس بقت قريبه مني جدا وصحبتي كمان وحكتلى كل حاجه عن الخلفات اللى على طول بينها هي وبابا وسببها الرئيسي عدم التفاهم بينهم بابا مباقش يضربني عشان شايف اني كبرت على الضرب بس اخواتي لا على حسب كلام الدكتور انه عملى عقده واني لازم اتخاطها حاولت اعمل كده وفشلت بس هفضل هحاول شكرا على كل كلامكم وتعليقاتكم ربنا يجزيكم خير انا هحاول اركز فى دراستي حاليا عشان الامتحانات وبعدين اعالج صحتي وعقدي النفسيه ادعولي. ❤️🩹
تم النشر الخميس، ٢ أبريل ٢٠٢٦
موضوع مؤلم الي صار معك بس مش نهايه الحياة انا اخواتي الكبار واحد بارك بالبيت والتاني في غير دوله انا هلق عم ابعتلهم مصاري وعم اعطيهم مصروف ما دخلها ابدا لا تحملي نفسك انو اذا نجحو او فشلو هاد مو ذنبك انتي حاولي تعليمهم دين تعلميهم شو عيب وشو لا ولباقي لائلهم اذا ابوكي ظالم رح يتحاسب على عم يعمله فيكم لا تخافي
تم النشر الخميس، ٢ أبريل ٢٠٢٦
سمعت قصتك عنجد شي مؤلم انو اكتر ناس لازم تحسي حالك بالأمان معاهم يسببو لكي خوف انتي بتحبيهم بس في نفس الوقت ما تحبي تصرفاتهم انصحك ما تحولي نفسك اكبر من قدرتك لا يكلف الله نفساً إلا وسعها ربنا ما كلفنا انو نربي اخواتنا الصغار لائنو بيعرف شي ما خرجنا نعمله انتي حاولي تحسني من مشاعرهم بس انصحك انك ما تحملي نفسك انك تكوني قدوه انتي كمان بنت وانسانة وبتعملي اغلاط وبتصلحي اغلاط اما عن الدراسه لا تحملي الموضوع فوق اهميته هل اذا رسبتي رح تموتي لا بس اعملي اللي في يدك و اعرفي انو إذا ربنا كاتب لك تنجحي شو ما صار في الكوكب والحروب رح تنجحي وتاخدي الشهاده واذا في قدرك مكتوب ترسبي هاي السنه شو ما عملتي رح ترسبي انصحك تحاولي تقربي من الله اكتر قرآن التزمي في صلاتك تسمعي دروس شيوخ
تم النشر الخميس، ٢ أبريل ٢٠٢٦
اكتر و اكبر غلطه بنغلطها في حق نفسنا هي أننا بتحكم على نفسنا و مشاعرنا بتبقى القاضي و الجلاد و الضحيه في نفس الوقت انتي صرختي بمشاعرك و انكرتيها في نفس الوقت كوني رحيمه بنفسك و متنكريش عليها وجعها و متحكمهاش أو تحكمي عليها صحيح الظروف اللي اتربيتي فيها انتي كنتي ضحيتها لكن تعافيكي من الاسائات دلوقتي ده مسؤوليتك و اول خطوه للتعافي هو انك تنفثي عن غضبك و خوفك و مشاعرك من غير ما تمنطقيها أو تناقشيها و تكوني رحيمه بنفسك متحسبيهاش على شعورها بالوجع .. ربنا خلقنا مختلفين اللي بيوجعك غير اللي بيوجعني بس الوجع واحد مفيش فيه كبير و صغير كل الوجع متقدر طبطبي على نفسك و احضنيها .. اكتبي اوجاعك و غضبك في ورقه و بعدين قطعيها خرجي اللي جواكي مع نفسك من غير ما تخافي من نفسك .. حبيبتي انا مقدره وجعك جدا نصيحتي ليكي كوني رحيمه بنفسك و تأكدي أنك مش مطلوب منك تكوني قدوه لأي حد و لا مسؤوله عن تصرفات غيرك تجاهك أو تجاه نفسهم انتي بس محتاجه تكوني افضل نسخه من نفسك لنفسك مش للأخرين
تم النشر الخميس، ٢ أبريل ٢٠٢٦
وعليكم السلام ورحمة الله وبركاته.. بصى أنتِ لسه في بداية الطريق أنتى مش بتمثلي ولا بتستهبلي نوبات الهلع والاكتئاب دي وجع حقيقي نتاج سنين من كتمان الخوف ومشاكل البيت، وده مش ذنبك. الثانوية العامة مهمة، بس صحتك النفسية أهم ف هدي جلد الذات على نفسك شوية، "لا يكلف الله نفساً إلا وسعها". وتذكري قول النبي ﷺ: (عجبًا لأمرِ المؤمنِ، إنَّ أمرَه كلَّه خيرٌ)، فصبرك على ظروف بيتك وتعبك ده في ميزان حسناتك ومش ضايع عند ربنا. طلعي السواد اللي جواكي بالكتابة أو الصلاة، واعرفي إن بعد الضيق فرج، (فَإِنَّ مَعَ الْعُسْرِ يُسْرًا). أنتى كويسة انك عديتى كل ده ولسه مكملة ركزى فى حياتك وفى نفسك والزمى الدعاء ربنا يوفقك
تم النشر الخميس، ٢ أبريل ٢٠٢٦
لا تقولي انك معقده هاد كلام ما بيجي الا من انسان واعي فاهم الي عم يمر فيه بس بدك تصبري علي عم يصير مع ومع الوقت رح تتحسني
تم النشر الخميس، ٢ أبريل ٢٠٢٦
لعرض السؤال في فدني اضغط هنا