السلام عليكم ورحمة الله،
انا طالبة ف اولى جامعة واخر مرة فرحت فيها بدرجتى كانت من الاعدادى وحرفياا انا متدمرة لسه نتيجة الترم الاول طالعة دلوقت بتاعت اولى جامعة وجايبة تقدير وحش اوى
عديت النص ف كل المواد وانا من زمان بقيت مستغربة اللى بيحصل ده وازاى معدتش بجيب درجات بعد ما كنت زمان من الاوائل
مش مستمرة على الصلاة عمرى ما صليت اسبوع كامل ورا بعضه حتى ف رمضان مع انى كويسة ومحترمة وكل الناس بتحبنى وتحترمنى انا بضيع وقت كتيير عامة بس بذاكر برضه ومبفوتش ولا محاضرة من غير ما اكتبها ومش دايما باذكرها
وبابا مسافر بقالو عشر سنين ومن ثانوية عامة وهو مفرحش بنتيجة ليا وهو تعبان بره علشانى ومشوفتوش من عشر سنين ونفسه يفرح بيا ودايما حاطط امل فيا انى ابقى دكتورة جامعة ودايما شايفنى حاجة حلوة بس انا مش عارفة انا فيه اى ومبيرفضليش طلب وماما برضه مش عارفة المذاكرة بقت تقيلة عليا ف اوقات كتير كمان الكلية كلها كانت بتذاكر ورايا وانا اللى. ف الاخر زعلت ودماغى متشتتة دايما لدرجة فيه مواد ممكن افتحها قبل الامتحان بيومين وبجد دماغى حاجة صعبة وفيها حاجة بس انا مش عارفة اى هى ف بجد حد متخصص يقولى اعمل اى لانى فقدت الشغف في الحياه كلها ومعدتش عايزة اكمل
وعليكم السلام ورحمة الله وبركاته انا حاليا ف تانية جامعه وحرفيا لو لقيت حد يقولى النصيحتين دول وانا ف اولى كان زمانى مقفله امتياز على الاربع سنين بصى انتى بتراكمى مذاكره يعنى انتى حاطه نفسك ف دوامه انا مش هقدر دا حاجات كتير طب هلحق امتى وتقومى سايبه المذاكرة او تذاكرى بدون ترجيز لان عقلك متشتت ف الاحتمالات دى اول حاجه ودى الاهم انك مش بتصلى لا لازم تصلى دا اجبارى وفرض عليكى دى الحاجه الوحيده غير انها عباده دا غير انها هتصفى ذهنك وهتسيب وقت لعقلك يفكر ف مستقبله تانى حاجه وهي اختر خليلك يعنى اى الصحبه الصالحة اللى هتشجعك وتهون عليكى مشقه الدنيا تالت حاجه اما تذاكرى متستنيش الوقت المناسب يعنى مثلا اما اعمل شاى او الساعه كذا بالظبط هقوم اذاكر انتى بكدا مش بتضحكى على عقلك لا بتضحكى على نفسك لان اللى عاوز يذاكر وينجح بيبدأ على طول ف اى وقت وحطى هدفك وتوكلى على الله والتزمي بالدعاء وربنا يوفقك في حياتك وف دراستك اتمنى اكون أفدتك
تم النشر الأحد، ٨ مارس ٢٠٢٦
يا بنتي، مفيش أحن من ربنا عليكي في اللحظة دي، وهو سامع الوجع اللي جوه قلبك من غير ما تشرحيله. وربنا سبحانه وتعالى بيقول ..وَأَن لَّيْسَ لِلْإِنسَانِ إِلَّا مَا سَعَىٰ... هو بيحاسبك على سعيك وتعبك ومحاولتك، مش على الدرجة اللي بتطلع في الورقة. مجرد إنك قلقانة وشايلة هم إنك تقصري، ده لوحده عبادة تؤجري عليها. والصلاة والعبادة باب رحمة، مش حمل تقيل فوق كتافك. لو فاتك فرض، متسبيش التاني. ربنا غفور يعني بيمسح اللي فات، وشكور يعني بيشكرك على أقل خطوة بتقربي فيها منه. ابدأي بمبدأ أحب الأعمال إلى الله أدومها وإن قل. وسيدنا يوسف مر بضيق، وسيدنا يونس حس إنه مفقود، وكلهم فرجها ربنا عليهم لما سلموا أمرهم ليه. قولي ربي أنا تعبت، تولّني أنت. ارمي حمولك عليه وهو هيفتح ليكي أبواب في المذاكرة وفي حياتك مكنتيش تتخيليها. وتعب بابا وغربته ومحاولتك إنك تفرحيه ده جهاد كبير. حتى لو النتيجة مجتش زي ما كنتي عوزاها، نيتك إنك تفرحيهم عند ربنا أعظم بكتير من الامتياز. وبصي قومي دلوقتي، اتوضي وصلي ركعتين بنية الراحة. متطلبيش فيهم مجموع ولا نجاح، اطلبي السكينة. قولي.. اللهم إني مغلوب فانتصر.. لضعفي وشتاتي. تمام بعتذر عن الإطالة 😊 وجد والله ربنا يحفظك ويسعدك
تم النشر السبت، ٧ مارس ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا ذكية هنا معاكي، وأنا فاهمة تمامًا اللي بتمرّي بيه.. الإحباط ده من الدرجات، الدماغ المتشتت، والشعور إن الشغف راح، ده كله بيحصل لكتير من البنات في سنتك، خاصة مع ضغط الجامعة والأهل. أنتِ كنتِ من الأوائل زمان، يعني عندكِ القدرة، بس محتاجة خطة عملية عشان ترجعي أقوى. متقلقيش، هنحلّها خطوة خطوة، وأنتِ مش لوحدك. 1. ابدئي بالصلاة.. دي الأساس يا قمر الصلاة هي اللي هترتب دماغك وترجّع التركيز. حددي وقت ثابت للخمس صلوات. في رمضان، خلّيها هدفك اليومي. قولي "اللهم أعنّي على ذكرك" قبل كل محاضرة، هتلاقي الدماغ بيروق شوية. التوكل على ربنا هيخفّف الضغط عن أبوكِ وأمكِ. 2. نظّمي وقتك عشان متضيعيش اليوم أنتِ بتحضري المحاضرات وبتكتبيها، برافو! بس الضياع ده من عدم جدول. حملي تطبيق بسيط زي "Google Calendar" واكتبي: ٤٠ دقيقة مذاكرة + ١٠ دقايق راحة (تقنية بومودورو). حددي ٣ مواد بس كل يوم، وذاكري الأهم الأول. آخر اليوم: راجعي ١٠ دقايق اللي كتبتيه، مش لازم تفتحي الكتاب كله قبل الامتحان بيومين. هدف صغير الأسبوع ده: اجيب درجة فوق النص في مادة واحدة بس، وكافئي نفسك بحاجة حلوة زي فيديو مضحك. 3. استعادي الثقة والشغف اكتبي ورقة: "أنا نجحت زمان لأن…" (ذكّري نفسك بنجاحاتك). أبوكِ شايفكِ حاجة حلوة، قوليله خبر الترم الجاي هيبقى أحسن، هيفرح أوي. لو الدماغ "غريبة" زي ما بتقولي (تشتت شديد)، ده ممكن يكون إرهاق أو نقص تركيز، بس متخافيش – ابدئي بشرب مية كتير (٢ لتر يوميًا) ونوم ٧ ساعات ثابت، ومشي ١٥ دقيقة يوميًا بعد المغرب. الشغف مش هيرجع مرة واحدة، بس مع النجاحات الصغيرة هيجي لوحده. أنتِ طالبة أولى، الترم التاني هيختلف! يا بنتي، أنتِ كويسة ومحبوبة زي ما قلتِ، ده دليل إن عندكِ قوة داخلية. لو عايزة دعم أكتر، روحي على صفحة الخبراء في فدني https://www.fedni.net/experts وابحثي عن مدربين حياة أو استشاريين نفسيين، فيه خبراء رائعين هيساعدوكِ شخصيًا. كمان، دوري في فدني على أسئلة مشابهة هتلاقي إجابات كتيرة مفيدة. أنتِ هتقدري، صدقيني! 💕. ربنا يوفقكِ ويفرح قلب أبوكِ وأمكِ.
تم النشر الخميس، ٥ مارس ٢٠٢٦
وعليكم السلام ورحمة الله وبركاته حضورك للمحاضرات مش سبب كافي ، ممكن تكوني بتحضري بس مش بتركزي أو بتفصلي . فعلشان تحافظي على تركيزك في المحاضرة اكتبي ملاحظات وخططي ورا الدكتور و حاولي تقعدي بعيد صحابك علشان مش يشتتوكي . وبعد المحاضرات لخصي الحاجات اللي اخدتيها . علشان تذاكري منها في ليالي الامتحان . صاحبي دحيحين الدفعة علشان الصاحب ساحب . شاركي في تحديات المذاكرة الموجودة على يوتيوب، شوفي فلوجات مذاكره هتشجعك .
تم النشر الجمعة، ٦ مارس ٢٠٢٦
لعرض السؤال في فدني اضغط هنا