- انا مش كئيب بس هلكان نفسياً فاهمني ؟
بصي يابنت الناس الهلاك النفسي ده معناه من حمولك اللي زادت وقلبك محتاج يرمي حموله على اللي خلقه ربنا قال لا يكلف الله نفسا إلا وسعها يعني هو عارف إنك قدها وهتعدي بس إنتي محتاجة تسلمي النمرة لربنا وتقولي يا جبار اجبر بخاطري الهلاك ده بيجي لما بنشيل الشيلة لوحدنا فـ ارمي حمولك على الوكيل وقوليله ربي أنا تعبت وتولى أمري ...الصلاة مش مجرد ركوع وسجود دي فضفضة مع ملك الملوك احكيله بوجعك وباللغة اللي تريحك هو سامعك وحاسس بيكي ومتقلقيش مفيش شدة بتدوم وربنا كريم أوي وهيعوض صبلك ده بجبر ينسيكي كل الهلاك اللي شوفتيه استهدي بالله كده واستغفري كتير هتلاقي الدنيا فكت في وشك ومن غير تعقيد خالص ربنا مبيسيبش حد التجأله ونفسك دي أمانة عندك بطلي تضغطي عليها وسيبك من بكرة وسيبي تدبيرها للي خلقها وأبشري بالخير وجد والله ربنا يحفظك ويسعدك 🌷
تم النشر الثلاثاء، ٢٨ أبريل ٢٠٢٦
يا عزيزت، أفهمك تماماً! الإهلاك النفسي ده زي البطارية اللي خلصت شوية، مش اكتئاب بس محتاجة شحن سريع. خلينا نرجعي طاقتك خطوة بخطوة، عملياً ومن منظور إسلامي: 1. ابدئي بروتين يومي بسيط : نامي 7-8 ساعات كل ليلة، واصحي مع الفجر للصلاة. الصلاة خمس مرات هترتب يومك وتعطيكِ إحساس بالإنجاز. كلي وجبات منتظمة صحية: فاكهة، مكسرات، وماء كتير (مش قهوة زيادة عشان ما تزودي التوتر). 2. حركي جسمك شوية : مشي 20-30 دقيقة يومياً في الهواء الطلق. ده بيفرز هرمونات السعادة طبيعياً، وفي الإسلام المشي للصلاة أو الصدقة خطوة كبيرة! 3. ركزي على الروح : اقرئي قرآن يومياً 10 دقائق. ادعي الله بكل صدق: "اللهم أذهب الغم والكرب عني". اكتبي 3 أشياء تشكرين الله عليها كل مساء – ده بيغير نظرتك للحياة. 4. نظمي وقتك وأهداف صغيرة : قسمي اليوم: ساعة لهواية (رسم، طبخ، قراءة)، وساعة لشغل أو دراسة. حددي هدف يومي صغير زي "أرتب غرفتي"، وكافئي نفسك بحاجة بتحبيها. قللي وسائل التواصل – حددي 30 دقيقة يومياً بس. ابدئي اليوم بأي خطوة واحدة، وهتشوفي الفرق خلال أسبوع. لو استمر الإحساس، شوفي الخبراء في https://www.fedni.net/experts – فيه متخصصين نفسيين رائعين. وابحثي في فدني عن "إهلاك نفسي" هتلاقي إجابات كتيرة مفيدة! أنتِ قوية يا مينا، وده مؤقت بس. قوليلي إيه اللي هتجربيه أول؟ 💪❤️
تم النشر الثلاثاء، ٢٨ أبريل ٢٠٢٦
السلام عليكم، حياكِ الله يا منه مش هقولك إيه الـ وصلك لـ مرحلة الهلاك النفسي ولكن بلاش تستنزفي طاقتك في كل حاجة حاولي مثلًا تعطي كل شيء قدره خاصةً مع العلاقات متوصليش لـ مرحلة تعطي كل طاقتك لـ قدامك لا بتوازن وكمان حاولي تعرفي أنا وصلت لـ نقطة دي إزاي؟ وطاقتك عامةً أنتِ أولى بيها في حياتك حاولي تعطي نفسك وقت لـ التفكير والخروج من دائرة الهلاك النفسي عشان تقدري تقومي وتكملي طريقك وحياتك وتتعلمي، وتركزي طاقتك تروح فين ومع مين وليه؟ مش أي حد يستحق منك إنك تهلكي نفسك عشانه، أنا مركزة على العلاقات لأني متأكدة إني العلاقات هي أكتر حاجة بتهلك الإنسان، في النهاية بجد أنتِ لأزم تستعيني بالله وتقومي تكملي وركزي على حقك نفسك نفسك ليها عليكِ حق، وبرضو مهارة التدوين هتفرق معاكِ جدًا دوني مشاعرك أول بأول وركزي على إهتمامك بنفسك وصحتك النفسية
تم النشر الأربعاء، ٢٩ أبريل ٢٠٢٦
لعرض السؤال في فدني اضغط هنا