السلام عليكم
انا من فتره كنت تعبانه نفسياً جدا وبروح لدكتور نفسي وباخد علاج واتخطبت لشاب كويس جدا وبنحب بعض بس مخبيه عليه الموضوع ده وبقيت اكذب كتير بسبب الموضوع ده انا عارفه انو المفروض متكسفش في حاجه زي دي بس الحقيقه بخاف حد يعرف الموضوع ده انا مش بستحمل اي رد يزعل وعاوزاه يعرف بس خايفه أخسره هو بيحبني بس ممكن يبعد عني يا إما بسبب تعبي يا إما عشان كذبت وخبيت عليه وفي الحالتين انا خسرانه وكمان خايفه يعرف من اي حد الله اعلم حد عارف أو لا بس خايفه جدا
تنصحوني به اي
بصي، خوفك طبيعي جدًا… بس افتكري إن اللي بيحبك بجد هيهمه إنك تبقي كويسة قبل أي حاجة. بعدين لي يبعد عنك بسبب تعبك انتي انسانه و مش ذنبك التعب دا المفروض يبقي عنده تقبل للموضوع عادي اصل حضرتك تعب نفسي يعني عادي ليه علاج بإذن الله يعني مش جنان و لا كدا و كمان انتي ف تعب نفسي زي كدا و فتره صعبه شويه و بالرغم من كدا خايفه علي شعوره ف بصراحه تقديره للموضوع دا و ردة فعله هيبين لك جزء من حقيقته و كدا.. كمان مش لازم تحكي كل التفاصيل ولا من امتى بالظبط. قولي له إنك مريتي بفترة تعب نفسي، وابتديتي تهتمي بنفسك وتاخدي خطوة علاج عشان تبقي أحسن. مش محتاجة تدخلي في مدة أو تفاصيل مش مريحة ليكي دلوقتي. ولو سأل، ممكن تقولي بهدوء إنك لسه بتتعلمي تتعاملي مع الموضوع ومش حابة تدخلي في تفاصيل كتير حالياً، بس الأهم إنك بتتعالجي وبتحاولي تتحسني. ولو زعل شوية أو اتفاجئ، ده طبيعي… بس لو بيحبك بجد، هيقدّر صراحتك وهيهتم إنك تبقي أحسن.
تم النشر السبت، ٢٥ أبريل ٢٠٢٦
السلام عليكم، اولا المرض النفسي زي أي مرض والمتابعة مع طبيب نفسي مش وصمة. ثانيا، الكذب مش حلو طبعا ومش صح تبدئي حياتك الزوجية بالكذب... مفيش حاجة بتستخبى ومصيره يعرف ووقتها موقفك مش هيكون كويس وإنك تفضلي مخبية عليه وهو يعرف هيبقى معناه إنك أصلا حاسة بالعار من الموضوع وشايفة عندك نقص المفروض تخفيه عنك، غير إنك تتعاملي مع الموضوع إنه عادي ومش نقص فيك. ثالثا، هو طبعا من حقه يعرف، خاصة إذا كان التعب اللي عندك ممكن يكون له تأثير مستقبلا على علاقتكم... أنا مش عارفة شكواكِ إيه وممكن تعبك بسيط لكن فيه امراض نفسية تانية بتخلي فيه صعوبة ولها تأثير على الطرف الآخر فمن حقه طبعا يعرف عشان يقرر هيكمل او لأ. لو تعافيتِ الحمد لله وكمان تعبك مش هيأثر على علاقتكم بعدين أعتقد مش لازم تحكي. وعامة، هو لو بيحبك مش هيشوف مشكلة، هل لو أنتِ مريضة بأي مرض عضوي لا قدر الله هيقرر يتركك ببساطة؟ ولو العكس وهو المريض هتتركيه؟ ** طبعا ممكن يزعل لما يعرف إنك كذبتِ وقتها أعطيه وقته عشان يتجاوز الزعل ويتفهم موقفك بس أبدا أبدا إياكِ تحسسيه إنك شايفة نقص فيكِ أو مشكلة تعيبك.. خليكِ قوية وواثقة نفسك وأوعي يحس إنك مرعوبة من رفضه أو نظرته لك بالسلب أو الانتقاص. ثقتك بنفسك وعدم خوفك من موقفه وعدم تمسكه بك هيخليكِ في موقف أقوى، لو أظهرتِ العكس مش هيحس بقيمتك. وصلي استخارة عامة وربنا يعمل اللي فيه الخير. بالتوفيق.
تم النشر السبت، ٢٥ أبريل ٢٠٢٦
وعليكم السلام ورحمة الله وبركاته يا عزيزتي، أشكركِ على ثقتكِ وشجاعتكِ في مشاركة هذا اللي في قلبكِ، ده مش سهل أبدًا، وأنتِ قوية جدًا إنكِ طلبِتِ مساعدة نفسية قبل كده – دي خطوة إيجابية ودليل على قوتكِ، مش ضعف. الخوف اللي عندكِ طبيعي تمامًا، خاصة مع حبكم لبعض، بس خليني أقولكِ رأيي بكل صراحة وحنان: الصدق هو الأساس في أي علاقة، خاصة الخطبة اللي هتؤدي لزواج إن شاء الله. في الإسلام، الزواج مبني على الثقة والرحمة (زي ما قال الله تعالى: "وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا")، والكذب بيبني جدران بينكم هتكبر مع الوقت. لو هو بيحبكِ زي ما بتقولي، هيقدر يحبكِ مع تاريخكِ كله، وهيشوف فيه دليل على إصراركِ على التحسن. نصيحتي العملية خطوة بخطوة: اختاري الوقت المناسب: اجلسي معاه في مكان هادئ، لما تكونوا مرتاحين، وقولي له "عايزة أشارككِ حاجة مهمة عني، عشان نكون أقرب لبعض". كوني واضحة ومختصرة: قولي له الحقيقة باختصار: "كنتِ تعبانة نفسيًا فترة، روحتِ لدكتور وخدِتِِ علاج، والحمد لله دلوقتي أحسن بكتير، بس كنتِ خايفة أقولكِ عشان مش عايزة أخسركِ". متدخليش في تفاصيل كتير إلا لو سأل. ركزي على الحاضر والمستقبل: قولي له "دلوقتي أنا بخير، وده خلاني أقوى، وعايزة نبني حياتنا مع بعض بكل الثقة". استعدي لردوده: لو قبل، ربنا يبارك. لو تردد، ده اختبار للحب الحقيقي – وأحسن تعرفي دلوقتي قبل الزواج. لو خايفة جدًا، جربي تكتبيله رسالة صوتية أو مكتوبة أولًا، عشان تتحكمي في كلامكِ. وتذكري: اللي بيحبكِ بجد هيبقى فخور بصمودكِ، مش هيبعد. لو عايزة دعم أكتر، ابحثي في فدني عن أسئلة مشابهة أو روحي لصفحة الخبراء https://www.fedni.net/experts – فيه متخصصين نفسيين ومدربين حياة هيساعدوكِ بشكل شخصي. أنتِ هتقدري، يا قمر! ربنا ييسر أمركِ ويجعل خطبتكِ بركة. لو عايزة تكملي الحديث، أنا هنا. 💕
تم النشر الجمعة، ٢٤ أبريل ٢٠٢٦
الاحسن انك تقوليله علشان يبقي في ثقة ما بينكم وعلشان متكتميش كل حاجة في قلبك ولاء انتي مش هتبقي خسرانة خالص بالعكس انت هتعرفي معدنه بجد لما تقوليله هتشوفيه هيقف جمبك ويساعدك علي التعافي ودا فعلا هيكون بيحبك بجد ولا مش هيتقبل الموضوع خالص ومعاملته هتتغير ف كدا يبقي ربنا نور بصيرتك انه مش الشخص المناسب ليكي وعلي الاقل هترتاحي من انك مخبية حاجة طول الوقت ودا ممكن يخليكي تتعبي ف انتي في كلا الحالتين كسبانة
تم النشر السبت، ٢٥ أبريل ٢٠٢٦
صح شكرا جدا ليكي🤍
تم النشر السبت، ٢٥ أبريل ٢٠٢٦
شكراً جدا لنصيحتك جزاك الله خيرا
تم النشر السبت، ٢٥ أبريل ٢٠٢٦
وعليكم السلام ورحمة الله وبركاته الكذب هيكون ليه عواقب كثيرة جدًا جدًا جدًا لا تبني حياتك على الكذب، الأمر الثاني لو أنتِ حاليًا متعافية وما محتاجة علاج ولا دكتور خلاص وقفي الأمر ولا تتكلمي في الموضوع تاني، ولكن أنتِ لسه بتروحي ولسه في فترة تعافي خلاص قولي لـ خطيبك على الأمر في حاجات يا غالية ممكن الخاطب مثلًا ما يكون عايزها في شريكة حياته ومش معنى كلامي إني بقولك على تعبك لا والله أنا مقدرة جدًا جدًا ولكن كلامي هنا لو فعلًا الموضوع هيأثر على حياتكم الزوجية مستقبلًا، ولكن لو أنتِ خفيتي خلاص كملي طريقك وعف الله عما سلف ولكن لو كذبتي في أمر يخصكم ومشترك بين الخاطب والخاطبة من حقه يعرف، فهماني وصدقيني أمر الكذب هيفضل حمل على قلبك بلاش تكذبي وأبدي حياة جديدة جدًا الكذب في النهاية هيكون فيه كوارث!! لو أنتِ شايفه الأخ هيكون متفهم وهيكون معاكِ وهيساعدك في رحلة العلاج خلاص أخبريه وتوكلي على الله. 🫂🤍
تم النشر السبت، ٢٥ أبريل ٢٠٢٦
العفو يا قمر ربنا يختار ليكي الصالح يا رب
تم النشر السبت، ٢٥ أبريل ٢٠٢٦
لعرض السؤال في فدني اضغط هنا