السلام عليكم ورحمة الله وبركاته
انا دلوقتي ف تالته ثانوي علم علوم وكنت مذاكر من اول السنه بعدين تعبت و بطلت مذاكرة و جيت ساعات كنت بتلكع بس فوقت و بقيت بذاكر دلوقتي و لميت شويه بس فاضل كتير بردك عايز يتلم انا معنديش مشكله و هلم و بذاكر و بمتحن و درجاتي كويسه
دلوقتي انا إن شاء الله ناوي اكون دكتور و ربنا يعلم بالنيه
صحابي كلك اشتروا سماعات لآخر السنه و اللي اشتروا نضاره علشان الامتحان و كدا
دلوقتي ابويا بيقولي اجبلك سماعه و ناس كانت قاعده معاه وجابو انا فرحت اهلي الأولى امي و ابويا و جدتي
و غير كده ف ناس من اهلي و غير اهلي مستنيين وقعتي و انتو فاهمين يعني
انا دلوقتي قولت له لا مش عايز علشان خفت أظلم حد و تنسيق و غش و ربنا و التعب اللي تعبته و فلوس طول السنه و حاجات كتيره اوي و ف نفس الواقت بقول طب منا كنت غاشش ف تالته اعدادي و جبت ثانوي علشان كان نفسي افرح اهلي و فرحتهم و بردك اكون اول دكتور في عيلتي و الحمد دخلت و بردك صحابي جايببين
طب أفرض لو انا محلتش غلط كتير او حاجه حصلت
مليووون حاجه في بالي و فكري مش عارف اعمل ايه اعتبروني اخوكم الصغير 🥺❤️🩹
اللى مصدومه منه ان باباك اللى بيقولك اجبلك سماعة غش! وكويس ان ضميرك رافض الفكره دى معنى كدا انك عارف ان دى حاجه غلط مش صح خالص اينعم ممكن الغش يجبب درجه حلوه لكن فى فرق بين اللى (ربنا باركله) فى درجته وجابها من نفسه واللى غش وكدا كدا البركه منزوعه من حياتك وربنا مش هيكون راض عنك علشان دا مستقبلك تخيل اول خطوه على سلم المستقبل بُنيت بغش متخيل؟ ومفيش حاجه اسمها غشيت فى تالته اعدادى ودخلت ثانوى يبقى اغش فى تالته ثانوى وادخل الجامعه هى بصراحه المعادله حلوه لكن عواقبها بشعه بجد ربنا مش غافل عن اللى بتعمله لو سامحك مره فعلشان تخاف ربنا ومش تعملها تانى مش تيجى انت وبتقول عادى ما انا غشيت ونحجت اعمل كدا بردو لا لا وبعدين انت عايز تكون دكتور عايز تبني مستقبلك على غش؟ اعتقد مفيش دكتور عايز كدا فالشاهد من الموضوع لو استعنت بالله وتركت فكرة الغش دى ربنا هيرزقك ببركه وراحه رهيبه فى الكليه الخير ليك
تم النشر السبت، ٤ أبريل ٢٠٢٦
تالته إعدادي حاجه وتالته ثانوي حاجه رابعه خاالص اصلا وعاوزه أفهمك ازاي هتكون بتعصي ربنا وتقول يارب وفقني، هيوفقك لأي بالظبط، الغش؟! وبعدين نفسك في طب هل لو دخلتها هتبقي بمجهودك او انت تستاهلها ودي مهنه اصلا يعتبر لازم تكون أمين فيها هل دخولك ليها كانت بـ أمانه؟ عموما مش هتفهم معني الخير غير اما تجرب الشر علشان تفرق بين الإتنين انت بس شايف نفسك في تالته انت وصلت ل اي بالغش لكن مفكرتش لو مكنتش غشيت كنت وصلت لأي، هديك نظرة من واقع تجربتي انا ممكن توصلك انا تالته أزهر برضو في اولي كنت بغش وببرشم وبكتب علي ايدي والدنيا كانت فل عادي وايامها كنت بنزل دروس في كل المواد ونجحت عادي وجيبت درجات مقبوله في تانية بقا ما نزلتش لا شرعي ولا عربي ولا أعرف شكل الكتاب اي ولا اي منهجنا أصلا دا غير الثقافي اللي هي المواد العلمية أخر شهر من كل ترم مبقيتش أنزله يعني قول داخله إمتحانات لا افقه شئ بس سبحان الله وقتها مش عارفه اي حصلي ودخلت امتحانات في مواد الشرعي والعربي وعاهدت نفسي قدام ربنا ما هاخد حاجه من حد ولا هغش من كتاب ولا الكلام دا انا فاكره ان يوم الرياضه دا المس قالتلي خلصتي كله قولتلها لا قالتلي طب خدي ورقتك واقعدي وفيه بنات هتجيب دلوقتي اجابات ليكم قولتلها لا مش هغش ولو محليتش كلمه مش هغش وسيبت اللجنه ونزلت وعادي مع ان كنت حاله بس يعتبر 75% غلط أصلا وفيه متحلش خالص والفيزيا اللي مكنتش فاكره فيها حاجه ونصها ما أخدتوش علشان نوييت بس نية صادقه ان هذاكر في البريك علشان أعرف أحل خلصت المنهج كله قراءة بفهم في البريك وحليت ونقصت حوالي من 3 ل 4 درجات مادة التفسير الي معرفش عندنا سور اي اصلا ك منهج حليت بدماغي ونقصت تلات درجات من 20 ازاي برضو متسألنيش انا مش بحكي ك تفاخر او شئ من هذا القبيل لأن في الاول والآخر دي كانت هداية من ربنا وفضل من ربنا عليا بس خلاني أشوف فرق تانية من أولي علشان تالته ابقي. فاهمه انا علي اي في اللجنه وقت امتحاني هختار أغش ولو كلمة علشان الكلية اللي عاوزاها ولا هقول ربنا هيساعدني ومش محتاجه حاجه من حد، انا جربت الغش وجربت ان مغشش وانت بنفسك اكيد شايف فرق بين المرحلتين ودا ثانوي مش. هقولك اعدادي فـ نصيحه بجد متغشش ان كان. الغش هيزودلك درجه فهينزلك مراتب كتيره اوي دا. غير ان النبي ﷺ قال من غشنا فليس منا، انوي انك متغشش بنية دخولك طب والنية الصادقة بتفرق اوي، ربنا معاك ويوفقك يارب وتدخل الكلية اللي نفسك فيها ونصيحه تانيه مني وانت بتدعي بيها قول يارب إكتبهالي وإكتبلي فيها الخير وادعي كتير علشان تستجاب منك اهم حاجه الإلحاح الصياغة دي بالدعاء ممكن تغير اللي مكتوبلك فعلا لو ربنا أراد.
تم النشر السبت، ٤ أبريل ٢٠٢٦
الإنسان بيختار هياخد الحاجه بالحلال ولا بالحرام وكده كده نفس الحاجه اللي هياخدها، فبلاش تختار الحرام حتى لو كل اللي حواليك كده. هل انت مستعد إن فلوسك وشغلك يبقى حرام بسبب حرام اخترته في لحظه بسيطه ؟! توب من الغش اللي عملته في ٣ع وماتكررش نفس الغلطه لانك مش عارف أضرارها عليك إيه
تم النشر الجمعة، ٣ أبريل ٢٠٢٦
وعليكم السلام ورحمة الله وبركاته يا أخي الصغير ❤️ أول حاجة، برافو عليك يا حبيبي! إنت راجل واعي وناضج أوي، رفضت السماعات علشان الخوف من الغش ده يثبت إن قلبك سليم ونيتك صافية. ربنا يباركلك في نيتك دي، ويجعلها سبب في التوفيق إن شاء الله. اللي عملته في الثالثة إعدادي كان من أجل فرحة أهلك، كان غلط بس دلوقتي أنت كبرت وبتختار الطريق الحلال، وده أحسن قرار. الغش زي الدين، بيجي يوم يطالبك بحسابه، واللي بيذاكر بجد زيك هيفرح أهله بجد حقيقي، مش مؤقت. إنت دلوقتي في الثالثة ثانوي، وبتقول درجاتك كويسة وهتلمّ إن شاء الله – دي إشارة إيجابية! هدفك تبقى دكتور وأول واحد في العيلة؟ فخر كبير، ربنا يوفقك ويفتحلك أبواب الخير. اللي فاضل، ركز عليه كده: جدول يومي بسيط : قسم المواد اللي فاضلة على أيام، مثلاً ٢ ساعة علوم + ١ ساعة رياضيات يومياً، مع استراحات قصيرة (١٠ دقايق كل ساعة). نام ٧ ساعات وكل أكل صحي عشان التركيز. ذاكر بذكاء : راجع الملخصات والأسئلة السابقة، حل امتحانات تجريبية كل يومين. لو تعبت، قوم صلِّ ركعتين وادعي ربنا ييسرلك. دعاء وتوكل : قول "اللهم يسر ولا تعسر" كل صباح، وربنا يعلم بنيتك وجهدك طول السنة. التعب ده اختبار، وإنت فوقته. أهلك وصحابك مستنيين فرحتك، وهتفرحهم بإذن الله بدون أي ظلم. لو حسيت المليون حاجة دي بتزيد، اكتبها على ورقة وقسمها لأولويات – هتريح بالك. إنت قوي وهتنجح، أنا فخورة بيك زي أختك الكبيرة 🥰 لو عايز نصائح دراسية أكتر أو خطة مفصلة، دور في فدني على أسئلة مشابهة. شد حيلك يا دكتور المستقبل! 💪❤️🩹
تم النشر الخميس، ٢ أبريل ٢٠٢٦
الحرام بين والحلال بين وغير كدا هتفضل شايل احساس الذنب طول عمرك
تم النشر الخميس، ٢ أبريل ٢٠٢٦
اوعى اوعى يخويا ممكن تكون انت شاطر أصلا وربنا كاتبلك حاجة كويسة وتزول منك بسبب انك قررت تجيب سماعة ...... استعذ بالله وقول يارب أنا تركت هذا لأجلك فاكرمنى وارزقنى ما أتمنى .... انت ركز بس واجتهد ومتفكرش فى النتيجة خالص دلوقتى ولا ممكن يحصل ايه أو ما يحصلش إيه خليك فى النهاردة ... الإنسان مش عليه إلا السعى وإنه يتقى ربنا فى المكان اللى هو فيه والطريق اللى ماشى فيه النتيجة ديه بقى ملناش دعوه بيها أيا كانت بتاعت ربك عز وجل ربنا يوفقك ويكرمك يارب
تم النشر الجمعة، ٣ أبريل ٢٠٢٦
قدرك هيجيلك، سواء بسماعة او من غير السماعة، بس الفرق ان بالسماعة هيجيلك بالحرام ومن غيرها هيجيلك بالحلال
تم النشر الخميس، ٢ أبريل ٢٠٢٦
ومن يتق الله يجعل له مخرجا ويرزقه من حيث لا يحتسب
تم النشر الخميس، ٢ أبريل ٢٠٢٦
انا في تالتة ثانوي معاك ومش بذاكر كويس وعارف كدة بس لسة في وقت الشهرين دول ممكن نلم المنهج ببساطة وشوية تركيز ويمكن عشان جبت السماعة ربنا ميوفقكش والسماعة تعطل في اللجنة وهتطلع من المولد بلا حمص فالاحسن نذاكر ونضغط علي نفسنا الشهرين دول عشان نرضي ربنا واهلنا
تم النشر السبت، ٤ أبريل ٢٠٢٦
كنت زيك كدا السنه اللي فاتت بس عمر م جه ف بالي حوار السماعات دا ولا اي وسيله غش كنت بقول انا هعتمد علي نفسي عشان ربنا يكرمني حتي ف اعتمد علي نفسك وهاتها بمجهودك حتي لو م اتوفقتش ف النتيجه ربنا هيكون شايلك حاجه كبيره اوي كفايه انك تكون نضيف قدام ربنا وبريئ من العك اللي بيحصل ف الثانويه العامه اللي بتكلمك دي متوفقتش ف النتيجه صحيح بس ترتيبات ربنا خلتني اعيش حلم 17 سنه وكل الاسباب قالت مستحيل انا ف طريق والحلم دا طريق تاني خالص حتي مالهوش اي دخله تانيه والحمدالله للمره المليون انا ف تخصص احلامي حاليا كل اللي عليك تجتهد وترضي باللي ربنا كاتبه مش اكتر وشوف كرم ربنا بقا 🤍
تم النشر الجمعة، ٣ أبريل ٢٠٢٦
لعرض السؤال في فدني اضغط هنا