محتارة جدا ومحتاجه مساعدتكم
أنا بنت عندي 21سنه كنت أعرف ولد من نفس سني واحنا كنا صحاب لمدة 3 سنين وهو كويس جدا جدا بجد وأخلاق ومحترم جدا وبيفهمني وعمري ما حسيت تجاهه اني خايفه او شيء (دي اول مره اصاحب او ارتبط) المهم اعترف لى انه بيحبني وانا كمان بحبه فقولتله انا كمان نفس الشئ قعدنا مدة شهر بعد ما اعترفنا لبعض وكده شهر بالظبط بعدين انا بقيت حاسة ديما بالذنب وحاسة دايما اني بغلط وان عمر ربنا ما هيسامحني فقولت نبعد لحد ماربنا يكتبلنا الخير كلمته قولتله ده وهو متفهم جدااا معايا وحاليا بقالنا اسبوعين مش بنتكلم مش هنكر انه وحشني جدا وعاوزه كلامنا يرجع تاني ولكن انا مش عاوزه اغضب ربنا
هو كان وعدني انه قدامه سنه بظبط ويجي يتقدملى والسبب عشان دراسته يكون جاهز من كله ومايجيش قدام اهلى ويترفض
سؤالى هل استناه فعلا ولا اشيله من بالى وهل هو ينفع يجيلى الفتره دي عادي ولا اي انا في صراع بين انه لا ممكن ميجيش وبين انه ممكن يجي تنصحوني اعمل اي حاولت مطولش اوي بعتذر ع الاطاله
انا حتكلم من منطلق الشخص الآخر لأني اتقدمت لزميلتي ورغم أنها أبدت قبولها في البداية ورحبت بيا لكن لما طلبت نتقابل ونتكلم قبل متقدم لها بحكم ان معرفتي بيها كلها علي الواتس وجروبات الدفعة وكنت عايز اعرف شخصيتها زي الظاهر علي الجروبات ولا لا رفضت وقطعت العلاقة معايا تماما وتجاهلت حتي رسائلي بدون متعبر حتي عن تفكيرها أو حتي توضحلي هي متصورة أو حاسة بايه، لو عملت كدة أنا كنت فعلا ححترمها اكتر برغم، في البداية كنت متدايق منها جدا لاني كنت بحبها جدا وكنت متألم لدرجة اني دخلت في أعراض اكتئاب لبعض الايام وكنت ببكي كتير لكن بعد كدة عرفت انها كانت صح وحاليا أنا بحبها اكتر من الاول وعندي سعي اجهز نفسي بشكل مبدئي وارجع اتقدملها تاني، فمتقلقيش لو هو انسان ابن حلال وبيحبك فعلا حيحبك اكتر بعد الي عملتيه ده ولو هو ابن حرام وكان واخد علاقته بيكي للتسلية فخسارته مكسب في كل الأحوال انتي كسبانة
تم النشر الثلاثاء، ١٧ فبراير ٢٠٢٦
بصى يا حبيبتى اللى انتى عملتيه دا صح جدا انك بعدتى عنه دلوقتى انتى قدامك حل واحد و هوا انك تصلى ركعتين و تكونى عندك يقين أن ربنا قاعد معاكى و سامعك و اتكلمى معه و ادعى ربنا و قولي له يا رب انا بعد ت عن الذنب دا علشان انا بخاف منك و مش حابه اعصيك يا رب لو فيه خير ليا اجمعنى بيه فى الحلال و لو كان شر ليا أبعده عنى و ارزقنى الصبر و الرضه دى مش صلاه استخاره اعتبريه وقت بينك انتى و ربنا احكيله و تشكيله من كل حاجه مضيقاكى اتكلم بالصيغة و الطريقه اللى تحبيها و خليك عارفه انك لو قولتى كل حاجه لربنا ولا لا فا ربنا مطلع عليكى و عارفك و خليكى عندك يقين فى ربنا أنه هيحلها لانه هوا مجيب المضطر إذا دعاه و هوا اقرب الينا من حبل الوريد و خلى ظنك ف ربنا خير لانه قال انا عند حسن ظن عبدي بي
تم النشر الاثنين، ١٦ فبراير ٢٠٢٦
أهلاً يا حبيبتي، أنا ذكية، وأشعر بصراعك ده كويس جداً، وأنتِ بنت طيبة وواعية إنك حسيتِ بالذنب ده، ده دليل على إيمانك القوي. ربنا يبارك فيكِ ❤️ النصيحة الصريحة من منظور إسلامي وعملي: العلاقة الخاصة دي مش شرعية ، حتى لو كان هو طيب ومحترم. اللي بينكم كان حلو، بس الاستمرار في الكلام الخاص ممكن يزود الذنب ويفتح باب الشيطان. أنتِ عملتِ الصح لما طلبتِ البعد، وده اختبار من ربنا. هل تنتظريه؟ لو هو جاد فعلاً خليه يتقدم رسمياً دلوقتي عبر أهله، حتى لو دراسته مش خلصت تماماً. الخطوبة الشرعية تحميكم وتريح ضميرك. لو مش قادر يعمل كده، يبقى مش الوقت المناسب، وأحسن تشيليه من بالك وتدعي ربنا يكتبلك اللي فيه الخير. الفترة دي مش تنفع علاقة خاصة ، عشان الفتنة كبيرة، وأنتِ عارفة اللي حصل مع الذنب. الانتظار لازم يكون بالدعاء والصبر، مش بالكلام اليومي اللي بيوحش أكتر. إيه تعمليه دلوقتي؟ ادعي ربنا كتير : "اللهم إن كان خيرًا لي فاقسمه إليّ، وإن كان شرًا فاصرفه عني واقسم خيرًا منه". امنعي التواصل لحد ما يتقدم رسمي، وركزي على نفسك: دراسة، رياضة، قراءة قرآن، أهداف شخصية. أنتِ 21 سنة، الطريق طويل ومليان خير، ربنا هيكتبلك الأفضل. لو عايزة نصيحة أكتر، ابحثي في فدني عن أسئلة مشابهة أو روحي للخبراء هنا: https://www.fedni.net/experts – فيه متخصصين في الإرشاد الأسري والنفسي. قوية يا بنتي، ربنا معاكِ! 💪
تم النشر الأحد، ١٥ فبراير ٢٠٢٦
ما هو دا اختبار من ربنا -عامل زي اللي بيشرب سجاير وعايز يبطل فلازم يكون عنده عزيمة قوية علشان يعرف يحارب نفسه
تم النشر الأحد، ١٥ فبراير ٢٠٢٦
سيبي الامور تمشي زي ما ربنا كاتبها من غير ما تفكري كتير يعني ركزي في مذاكرتك وادعي ربنا يكتبلك الخير دايما ولو ليكوا نصيب في بعض ربنا هيجمعكوا بس اهم حاجة بلاش تغضبي ربنا تاني وترجعي تكلميه ومتقلقيش مفيش حد بياخد نصيب غيره
تم النشر الأحد، ١٥ فبراير ٢٠٢٦
لو رجعتي هيجيلك تأنيب ضمير تاني وساعتها الشيطان هيبقا أقوى وممكن يقدر عليكي ويقول : انتي رجعتي ومقدرتيش تقاومي انتي مفيش منك أمل وهكذا .... وممكن الشيطان يقنعك ويخليكي تيأسي .... فخليكي بعيد عن الشر ..... وثانيا انا مش بحبذ الزواج اللي أساسه علاقة محرمة لأن الأساس مضطرب وده بيأثر على الثقة بين الطرفين
تم النشر الاثنين، ١٦ فبراير ٢٠٢٦
لعرض السؤال في فدني اضغط هنا