السلام عليكم محتاجه حل ضرورى لمشكلتي اسفه لو هطول عليكو شويه انا عندى 22 سنه و انا و ابن عمى اللى اكبر منى 6 سنين قرينا الفاتحه من حوالى شهرين تلاته مش دى المشكله المشكله فيا انا من قبل ما يتقدملى كنت حاسه ان أهلي عايزين الجوازه دى و كانو بيقولوا كدا من زمان من وقت ما توفى بابا و انا عندى 14 سنة بس انا كنت مش حاسه ان هوا دا الشخص اللى عايزه اكمل معه تصرفاته أفعاله مش هنكر انى اعجبت بيه بعد وفاة بابا و كمان بسبب كلام خالتى أن هوا دا الشخص اللى هيحافظ عليا و يصونى كنت بميل لكلامها من دون وعى منى و فعلا حسيت بمشاعر ناحيته بس لما كنت بتكلم لصحبتى على مشاعرى دي وقتها قالت لى خلى بالك لأنها ممكن متكونش مشاعر حقيقيه و دا غير الكلام الكتير اللى بسمعه و كانت بتوعينى و انا شوفت أن كلامها منطقى جدا و قعدت فتره كل ما اصلى ادعى ربنا لو هوا هيكون زوج ليا يجمعنا سوا و لو مكنش هوا المناسب ليا يشيل حبه من قلبى قعدت فتره كنت بدعى بكدا بس بعدين بدأت اشوفه أنه اه كبير دا غير أنه وقف جنبى فى اكتر وقت كنت محتاجه حد يكون جنبى المهم لما عمى قالى أنه متقدم ليا و أنه موافق عليه قلت يمكن دى حكمه ربنا و برضه مرضتش اكسر كلمه عمى خصوصا انى بحب عمى اوى و بعزه و أنه كمان في مقام بابا الله يرحمه واقت و قرينا الفاتحه الأمور كانت تمام بس انا وقتها مكونتش بحب لما كانو بيسيبونا لوحدنا ولا لما كان بيمسك ايدى كنت بحس بخنقه و بكون مدايقه دا غير انى من جوايا مكونتش مبسوطه بالعلاقة دى أو أنهم يربطو اسمي باسمه دى كانت بدايقنى اوى و بحس بخنقه من حوالى شهر كنت مدايقه جدا و كنت مخنوقه منه و كل ما افتكرت اقعد اعيط و كنت بقول لنفسى مش هوا دا جوزى اللى انا عايزاه مش هوا دا اللى انا عايزه اكمل حياتى معه أنا عايزه شخص يكون يوم القيامه ياخدنى من ايدي و ندخل الجنه عايزه شخص يساعدنى ع طاعه ربنا إنما هوا كل ما بيتكلم معايا عن الصلاه و انى بصلى فتره و وبقطع فتره بحس برضه بضيقة و بغير الحوار ع طول لانه بيحسسنى انى انا مقصره و هوا كمان ع فكره مش بيصلى ولا ملتزم مش هنكر أنه بيقولى كلام حلو كتير بس لما بنهزر مع بعض بيمسك ايدى جامد و كمان بيضربنى ع ايدي لدرجه بتجمر و بكون مدايقه و بطلب منه كتير يبطل هزار مش عارفه إذا كان قصده أنه يوجعنى أو بهزر بس بيكون باين أنه بيهزر و المشكله انى مش عارفه اشوفه زوج ليا مش عارفه اتقبله و صليت استخاره مرتين بنيه انى افشكل دى مره اول ما قمت من النوم و قلت انا هفشكل حسيت براحه كبير مش هقول انى ملييش عيوب لا انا عندى عيوب كتير عارفه انى سعات بكون بارده معه بس المشكله كلامه مش هكون حاسه الكلام مش هتعرف أقوله و فى حاجه تانى هى ممكن تكون حاجه عاديه بس بالنسبه ليا انا لا عمى اللى هوا برضه عمه هوا اللى هيجيب الدهب هديه ليه لانه بيعتبره ابنه بس انا مدايقه من النقطه دى بسبب أنه ممكن بكره و بعده لو اتزنق هشوف أنه ملهوش حق في الدهب انا معنديش مشكله أنه يجبلى دبله بس تكون من عرقه و شقاه و كمان انا مش حابه اقعد في البلد لأن في الأرياف انا مش بعرف اخد راحتى زى لما بكون في القاهره طول الوقت و احنا في البلد لازم اقعد بالطرحه و لابسه كم في عز الحر لدرجه انا بحس بصداع اول ما قلع الطرحه فمش حابه أن بعد الجواز انى معرفش اخد راحتى في بيتى انا تعبت اوى و مش عارفه اعمل اى دا غير أنه قبل كدا قالى أنه عنده اكتئاب و لو اتكلمت معه و حاولت أقوله أن فى حاجه مديقانى فيه يقولى انا مش وحش انا مش شايفاه وحش انا عايزه آخد خطوه الانفصال قبل ما نجيب الدهب بس اللى مانعنى لحد دلوقتي انى خايفه ع مشاعره و كمان هوا معش طفوله سليمه بالعكس عمى من لما كان صغير دائما كان بيضربه جامد لدرجه كان بينزف دم و اوقات كان بيعمل أنه رغم عليه علشان يبطل ضرب فيه و كمان كبر و هوا بيشوف أبوه بيتحانق مع أمه و بيضربها و كل حاجه بتكون بزعيق و شخط و كمان لما قولتله انا بفكر في الانفصال خالتى قالتلى متخليش حد يفرح فيكى دا غير أن دا ابن عمك و لو فشكلتى في شهرين الناس هتقول أن فيكى حاجه او عيب هى قالتلى أن دا مش هيفرق بس البنت سمعه و دى حاجه مخوفانى برضه فا قولتله انى تراجعت عن الفكره و هكمل معه الكلام دا بقاله اكتر من اسبوع و المشكله انى برضه قلت اديه فرصه كمان و احاول انى اقرب ليه بس مش حاسه بكدا حاسه انى اضطربت اكتر من الاول و دا غير انى خايفه من أن أبوه و عمى يحصل بينهم مشاكل بسبب كل دى حاجات بتيجى في بالى و كلهم بيخوفونى و كمان بابا و ماما انفصلو و انا عندى 6 سنين فا انا مش حابه اعيش تجربه فاشله خايفه اتجوز و اخلف طفل يحس أنه نتيجه جواز فاشل زى ما انا اوقات كتير بسه بكدا اسفه كمان مره انى طولت عليكم
تم النشر الجمعة، ١٩ سبتمبر ٢٠٢٥
بصى الفشل مش نهايه حياتك مش معنى انك فشلتى مره انك هتفشلى التانيه أو التالته لا الفشل اوقات بيكون نهاية فتره من حياتك و تبداى بدايه حياه جديده مش اعرفى انتى قصرتى ف اى و حاولى تكمليه و كمان اهم حاجه أن دا ممكن يكون اختبار من ربنا علشان يشوفك انتى هتكونى صبوره ولا لا و متنسيش أن ربنا دايما بيختار لينا الاحسن حاولى مره و التانيه و المئه لحد ما تنجحى الفشل بيكون نجاح لو اتعلمتى منه أما الفشل فعلا انتى تستسلمى للأمر الواقع انتى قويه و هتقدرى تعدى المرحله دا انا واثقه فيكى
تم النشر السبت، ١١ مايو ٢٠٢٤
بصى اى علاقه فى الدنيا بدايتها مترضيش ربنا نهايتها مش هترضيكى تمام اعملى حساب لبكره و بعده لو ربنا رفع من عليكى ستره هتعملى اى شكلك هيكون اى قدام ابنك او جوزك شكلك انتى قدام نفسك اى و انتى ف علاقه محرمه أنا مش بجلدك بس بقولك راعى ربنا فى الشخص المحترم اللى معاكى اللى صاينك و كمان تلشخص اللى انتى بتكلميه دا شخص مش محترم ازاى يكلم وحده و بيعلقها بيه و هوا عارف انك متجوزه ( أنا عارفه انك عارفه الكلام دا كويس اكتر منى ) بس حبيت افكرك بيه اى رايك ما تجربى تصلى ركعتين لله فى الليل كدا بينك و بين ربنا عز وجل و اقعدى تستغفر ربنا على الذنب دا و ادعى من قلبك أن ربنا يبعد عنك البلاء دا و ربنا يهديكى يا رب
تم النشر الجمعة، ١٠ مايو ٢٠٢٤
بصى قبل ما تطلعى من البيت تسالى مامتك و لو ليكى اخوات بابكى مثلا عن أن لبسك مظبوط ولا لا مش لازم تقوليلهم أنا شكلى حلو هاتيها بطريقه اى أن لبسك من وره مش مظبوط حاسه مثلا أن الطرحه مش مظبوطه رجلك مثلا باين أساليهم الاسئله دى و حاولى ع قد ما تقدر كل ما تشوف نفسك ف المرايه امدحي نفسك و شكرى ف نفسك ع قد اى انتى جميلة حتا لو مكونتيش بتهتمى بنفسك بس برضه لسه شكلك حلو و لما تنزل البسى نضاره شمس سوده حتا لو غصب عنك عينك راحت ناحيه الاولاد محدش فيهم ياخد باله و وحده وحده هتتحسنى و غير كدا هقولك ع حاجه حتا لو كلام صحابك بياثر فيكى اوعى تبينيلهم انك متاثره علشان لو خدو بالهم هيزيدو اللى بيعملوه لازم تبينيلهم قد اى انتى لبسك محتشم و ان جسمك غالى عليكى اوى و انك مش بتسمحى لحد يعرف تفصيل شكل جسمك دى حاجه كويسه فيكى
تم النشر الخميس، ٩ مايو ٢٠٢٤
تم النشر السبت، ١١ مايو ٢٠٢٤
بصى ثانوي صعبه جدا بس مش فى المواد اللى بتدرس فيها لا صعبه ف فكرتك انتى عنها اقولك ع فكره اى رايك تجربيها تمام انتى خايفه من كلام الناس اى رايك انك كل الكلام اللى انتى خايفه منه تكتبيه فى ورقه تكتبى انتى خايفه أنهم يقولو عليكى فاشله خايفه من نظراتهم كل حاجه تكتبيها ف ورقه و بعدين الورقه دى تولعى فيها ترميها ف الزباله علشان لما تروح تمتحنى و اتعرضتى للمواقف دى مديتيهاش اى اهميه ( أنا و انتى عارفين كويس أن كلام الناس لا بيقدم ولا بياخر تمام فا لو خايفه من كلامهم اعملى كدا ع الأقل هتقلل التوتر اللى ممكن يحصلك ايام الامتحانات ) و متشغليش بالك بكلام الناس علشان عمره ما كان هيقدم ولا ياخر تفكيرنا احنا هوا اللى بيقدمنا و بياخرنا خليكى قويه و كمان اهلك بيدعموكى و دا اكبر سبب ع محبتهم ليكى حتا ف أسوأ حالاتك فكرى ف نفسك و فى اهلك لأن دول هما الأهم
تم النشر السبت، ١١ مايو ٢٠٢٤
بصى يا حبيبتى انتى كدا مش وحشه أن انتى عارفه أن اللى بتعمله دا غلط و عايزه تصححيه بالعكس دى مشكله ف حياتك و هتعدى انتى بس قربى من ربنا و ربنا عز وجل هيبعده عنك و عن تفكيرك و هيباركلك ف حياتك
تم النشر السبت، ١١ مايو ٢٠٢٤
لعرض الملف الشخصي في فدني اضغط هنا