السلام عليكم ورحمة الله وبركاته
فى البدايه انا طالبه لسا مخلصة اعدادي انا الحمد لله شاطرة وبطلع من الاوائل بس هو في مشكله الا وهيا الموبايل سلاح ذو حدين يمكن الاستفادة منه في الدراسه لكن هوا بياخد وقت كبير من اليوم في الفيديوهات واللعب والحاجات الترفيهيه عاوزة نصايح للحد من استخدام الهاتف
الحمدلله اننا في اجازه حاولي تقللي الادمان ده قبل الدراسه ازاي؟ بصي اشغلي نفسك بطاعه ربنا زي مثلا لازم انهارده تحفظي ورد معين وتسمعي بودكاست كذا ومتقعديش ع الفون الا لما تخلصي بعد م تتعودي ع النظام ده نزلي برنامج اسمه ديتوكس ده بيقفلك الموبايل الوقت الي انتي محدداه ف انتي اقفليه طول اليوم وشغليه في الوقت الي محدداه لنفسك ده بكون الرفاهيه بتاعك تقعدي براحتك وبعد كدا خلاص، واشغلي نفسك بقا بطاعه ربنا وبهوايات ورسم وساعدي مامتك وكدا
تم النشر الأحد، ٢٩ يونيو ٢٠٢٥
السلام عليكم ورحمة الله وبركاته اولا اللهم بارك عليكي ماشاء الله تبارك الرحمن شدي حيلك اكتر عشان لو داخله ثانوي وكوني عارفه ان ثانوي مختلفه تماما عن اعدادي ما علينا ده مش موضوعنا .. اعتقد محدش معاه موبايل ومش بيعاني من نفس مشكلتك الحل ايه بصي ادعي ده اول حاجه تاني حاجه بقى في ابليكشن تحفة بيقفل الابليكشنز الي بتستخدميها كتير ولو عملتي ايه مش هيفتح ممكن اقولك اسمه وتحمليه ده حل الحل التاني لو فونك سامسنوج ف برضو تقدري تحطي ليمت معين لكل ابليكشن وياريت تبقي واعيه وفاهمه ان ده عمرك الي بيضيع ع السوشيال ده عمرك الي هتُسألي عليه (وعن عمره فيما افناه) ف مبقولكيش وقفي خالص لا استخدميه بس بذكاء ومهارة لأن ده شبابك الي بعد الشر لو ضاع هتندمي انك ضيعتيه ع الموبايل اسفه ع الاطاله وربنا يوفقك يارب ويكرمك 🤍
تم النشر السبت، ٢٨ يونيو ٢٠٢٥
السلام عليكم ورحمه الله وبركاته يا قمر. ما هو غصبا عننا طبعا علشان خاطر يبقى في حاجات كتير جدا بتعمل على الموبايل وحط الحاجات اللي فيها مذاكره بقت بتخليها ماسكين الموبايل فبقى كان الموبايل هو اللي بنعمل عليه كل حاجه ولكن دي مش حقيقه احنا علشان بقى نتخلص من الموبايل لازم نبدا نعمل حاجات ما فيهاش موبايل يعني اتعلم اعمل اكسسوارات حاجات اعملها بايدي فانا مش في ايدي الموبايل خلاص اللعبه تكون بتتعب بعيدا عن الموبايل انا مش هستخدم الموبايل حاجات تتعمل بالورقه وبالقلم حاجات لعبه تتلعب زي السلم وتعبان والحاجات دي ممكن تباني ان هي مش لذيذه بس احنا بدانا نشوفها مش لذيذه عشان خاطر بقينا. مرتبطين بالعاب الموبايل اكثر لكن لما هنبدا واحده واحد الاستراس عليها وفي الاخر بيطلع شكلها حلو قوي الحاجات دي برضه حاجات ناريه تلوين الرسم اي حاجه انا اقدر اعملها بعيدا عن الموبايل ده اللي هيساعدني كثير قوي وبعدين هينمي عندك مهارات كتير انت محتاجاها في حياتك.ه نعمل حاجات بعيدا عن الموبايل الموضوع ده هيبقى احسن حتى لو مثلا ممكن اجرب وصفه جديده من اللي انا بتفرج عليهم في الفيديوهات اخذ الوصفه واكتمها بالورقه والقلم واشيل الموبايل خالص وابدا اروح اطبق الوصفه كل الحاجات دي بتفرق جدا كل ما بدات اخلي في اليوم بتاعي حاجات بتتعمل من غير مبرد احسن كثير دي الكتب كتب بتتمسك في الايد مش بيدي اسه مش همسك الموبايل ااا اجيب حاجه زي دلوقتي الحاجات اللي بتستعملي بالخرز بالسرس كده بيتلزق بتبقى لوحه. وتلزقيه.
تم النشر الخميس، ٢٦ يونيو ٢٠٢٥
وعليكم السلام ورحمة الله وبركاته يا عزيزتي، أولًا مبروك على تفوقك وتفانيك في الدراسة، هذا شيء نفتخر به جدًا! 😊 أما بخصوص موضوع الموبايل، فهو فعلاً سلاح ذو حدين كما قلت، يمكن يكون أداة مساعدة أو مصدر إلهاء. هنا بعض النصائح العملية اللي ممكن تساعدك تسيطري على استخدامك بشكل أفضل: حددي أوقات محددة لاستخدام الموبايل مثلاً، بعد الانتهاء من المذاكرة أو أداء الواجبات، خصصي وقت معين لاستخدام الهاتف للترفيه. حاولي الالتزام بالخطة التي تضعينها لنفسك. استخدمي التطبيقات التي تساعد في التحكم بالوقت هناك تطبيقات تحسب لك الوقت الذي تقضينه على الموبايل وتساعدك تحددين وقتًا لا تتجاوزه. هذه التطبيقات تذكرك عندما تبدأ بالتشتت. أغلقِي الإشعارات غير الضرورية كثير من الناس يتشتتون بسبب الإشعارات التي تصلهم يوميًا. حاولي إيقافها أو تقليلها لتقللي من أسباب التشتيت. وفرِي لنفسك بيئة دراسية خالية من الهاتف ضعي الهاتف بعيدًا عنك أثناء المذاكرة، أو حتى في غرفة أخرى، عشان ما يكونش في متناول يدك، هذا يساعدك تركز أكثر. استغلي الموبايل لأغراض مفيدة مثل استخدامه في البحث العلمي، مشاهدة فيديوهات تعليمية أو الاستماع إلى مراجعات صوتية. حددي أهداف يومية اكتبِي ما تودين إنجازه خلال اليوم، واجعلي هذه الأهداف هي المحفز الأساسي لك بدلًا من تصفح الهاتف. وأخيرًا، تذكري أن التوازن مهم جدًا، فلا تحرمِي نفسك من الترفيه لكنه يجب أن يكون في وقته المناسب. إذا أردتِ، يمكنك متابعة صفحات المشورة والتطوير الذاتي في فدني وكذلك البحث عن خبراء متخصصين يمكنهم تقديم لك خطط أكثر تفصيلًا حسب نمط حياتك. أتمنى لك دوام التفوق والنجاح، وإذا احتجتي أي مساعدة أو دعم، أنا هنا دومًا! 🌷
تم النشر الخميس، ٢٦ يونيو ٢٠٢٥
ممكن تحددي عدد الساعات اللي هتستخدمي فيها التليفون من خلال 1-الدخول إلى الاعدادات. 2-البحث عن الرقابة الأبوية والدخول عليها 3-كملي انتي بقى على حسب التليفون بس هي في أغلب التليفونات موجودة هنا😅. وفي برامج ممكن تعمليها وتعمل نفس الحاجة وفي بردوا في الرقابة انك تحددي عدد الساعات اللي تستخدمي فيها تطبيقات معينه وفي هواتف فيها وضع التركيز أو focus ممكن تتفقي مع مامتك أنها تأخذه هو منك في أغلب الوقت اللي انتي في البيت فيه وبس كده السلام عليكم 🤎
تم النشر السبت، ٢٨ يونيو ٢٠٢٥
السلام عليكم ورحمة الله وبركاته
تم النشر السبت، ٢٨ يونيو ٢٠٢٥
ودا كله بالتدريج، لحد ما عقلك يعتمد علي المذاكرة كمصدر اساسي للمكافئة، ولكن رفقا بنفسك، لو انتي اقنعتني نفسك زي الطفل الصغير هيديكي الحماس والشغف وتسيبي الموبايل عن تجربة، وهتقولي عايزه اذاكر كمان لحد ما تزهقي.
تم النشر الجمعة، ٢٧ يونيو ٢٠٢٥
مش هقلك حدود وحواجز، انصحك انك تستبدلي مكافئة الموبايل بحاجه تانبة مبتاخدش وقت (ودا يعتمد عليكي انتي)، انتي لو ضغطتي علي نفسك هيجيلك احتراق ذاتي وانتي وانا مجربينه كتير، وحاولي تلاقي طرق تسهل عليكي المذاكرة، انا تالتة ثانوية واكتشفت ازاي اذاكر صح في اللحظات الاخيرة، هروح انام، لو احتاجتي ازاي تذاكري صح هقلك لو حبه.
تم النشر الجمعة، ٢٧ يونيو ٢٠٢٥
فعلا الفون مش بتقدري تقاوميه وتقنعي عقلك بهفتحه ثانيه بس اشوف المسچ دي واقفله أو هشوف حاجه سريعه وخلاص وفجأه تلاقي قعدتي عليه ساعتين وثلاثه واكتر وحتي الأبليكشنز مش بيساعدوا اوي لانك ممكن تدخل تغيري الوقت اللي حددتيه فممكن اسهل حل تفصليه وديه لحد في البيت أو تبعديه عنك جدا انك تكسبي تقومي تحبيه لانك مهما عملتي هتروحيله
تم النشر الجمعة، ٢٧ يونيو ٢٠٢٥
اعطيه لحد من البيت، ،، مفيش حل غير كده مهما عملتى بعد ما تخلصى مذاكره يبقى خديه
تم النشر الجمعة، ٢٧ يونيو ٢٠٢٥
حط حدود وحواجز بينك وبينه .. تحطه برا الغرفة مثلا ، تخرج الشاحن مثلا بحيث ان كل ٣ ايام شحنة .. وعلى حسب نظامك
تم النشر الخميس، ٢٦ يونيو ٢٠٢٥
لعرض السؤال في فدني اضغط هنا