السلام عليكم ورحمه الله
أنا علي بقالي 4-5 سنين مدمن علي هاتف والانترنت بالأخص اي حاجه فيها متعه موقته ذي يوتيوب فديوهات تافه أو اخبار ذي الجزيره مش هتفيدني في حاجه عمري ما لقيت خبر عدل مع أن أنا منتج جدا بس اول لما بقع أو مثلا وانا بتعلم في حاجه جت صعبه
+ ادمان الاباحيه و العاده السريه بس مش ديما يعني مثلا كل شهرين او شهر مره بس بتبقي جحيم ولله وبيجي اكتئاب موقت برضوا وبرجع اصلي وهكذا
مش عايز حد يقولي كلام ملهوش لازمه قول حاجه مفيده أو ادعيلي حاجات واقعيه فعلا بزعل لما ابقي عندي 18 سنه وفقدت سيطره علي نفسي او مش قادر أتخلص من حته حديده مشكله مش فيها المشكله لما بسبها بسيبها خالص حرفيا ممكن شهر ولا امسك تلفون
المشكله في دراسه واغلبها على النت ولما امسك تلفون بتشتت بسرعه وبسرح بقا وعندي مشكله الكمال بطريقه غبيه جدا
حاولت كتير وخسرت كتير بس عادي يعني الحمد لله مكمل لحد ما اوصل
طريقه سردك نفسها فيها صعود وهبوط وبنسبه كبيره دي حالتك. الكماليه واضحه في تأرجرح الإدمان او الترك عامه. الكماليه جميله وبتساعدنا نشوف تطلعات إبداعات لينا بس اول ماتوصل انه كماليه معطله زي بتاعت الأطفال ياخد كيس الشيبسي كله يامش هاكل كده دخلنا في الكماليه اللي الشيطان بيعملها مركز لينا كده عشان ماتطلعش خطوه قدام يااما تشتغل على اخر ذاتك فتبقي مخلص طاقه وتريح بعدها مده كبيره اوي. طيب قبل مانقول حل محتاجين نقول حاجه كمان مرحلتك العمريه فيها عنفوان زايد ف كل الاتجاهات فاانت محتاج تطمن ان ده مش هيبقي نهج حياتك هي فتره بس. طيب نعدي ازاي بقي؟؟ هنحتاج تقسم حياتك steps صغننه زي ماربنا خالق الكون كله بتبقي حاجات صغيره اوي تتجمع تطلع مضمون مبدع. يعني المذاكره ماتحطش في اليوم load كبير اوي عليك. ذاكر حاجه انهارده بس طيب اراجع شابتر قديم لا خليها صفحه واستخدم promodor ذي مؤقت كده جنبك ف الفون هينبهك كل ربع ساعه تاخد بريك ٥د. المذاكره نفسها اكتب باايدك راجع وحل امتحانات متقلقش ومتخافش وربنا معاك وانت بتعمل قد ماتقدر. طيب الصلاه بقي تقدر تخليها ف المسجد مش متخيل ازاي ده هيعدل يومك ودماغك والأهم مش هتحس انك لوحدك ووقتها فكره العاده هتقل لأنها بتيجي من الانعزال واني لوحدي. طيب محتاج نشاط ممتع انزل العب اي حاجه اتعامل مع حد ابسطه هات هدايا لاطفال وجه دماغك للمعنى ف العموم. طيب الفون نفسه اعمله limit في البرامج فيه انك نظبطها ع وقت ويقفل الapp او امسح اللي مش محتاجه خلاص غلبت اوي او اظبط لنفسك ساعه امسكه فيها وشغل اي alarm هينبهك. ان الساعه خلصت. اخر حاجه والأهم ف حياتك اتعامل مع نفسك بصبر انت هتحتاج وقت مش شرط كل حاجه اوقفها علطول مش شرط أعنف نفسي السلوكيات محتاجه صبر وفهم بنفسنا. وطبعا اطلب من ربنا الاعانه. إياك نعبد واياك نستعين♥️
تم النشر السبت، ١٠ مايو ٢٠٢٥
وعليكم السلام ورحمة الله يا علي، أولاً أحب أشكرك على صدقك وشفافيتك في مشاركتك، وهذا بداية قوية جداً لأي تغيير. واضح إنك تمر بتحديات متشابكة لكنها ليست مستحيلة للتغلب عليها، وأنا هنا معاك خطوة بخطوة. خليني أساعدك بتفصيل بسيط ونصائح قابلة للتطبيق، بإذن الله: 1. إدمان الهاتف والإنترنت (مواقع الفيديو والأخبار التافهة) اعرف متى ولماذا تستخدم الهاتف: هل هو للترفيه أم هروب من ضغوط أو صعوبات؟ الكتابة عن مشاعرك يمكن تساعدك تفهم السبب. حدد أوقات معينة لاستخدام الهاتف: مثلاً ماتجليش تستخدمه بعد وقت معين بالليل أو خلال وقت الدراسة. استخدم تطبيقات لتنظيم الوقت: فيه تطبيقات تساعد تقطع وقت الشاشة أو تراقب استخدامك، استغلها. ابحث عن بدائل مفيدة: مثلاً استبدل وقت الفيديوهات الفارغة بقراءة كتاب أو تعلم مهارة تحبها. ضع الهاتف بعيداً أثناء الدراسة: حتى ما تصرف تركيزك. 2. الإدمان على الإباحية والعادة السرية والمشاعر المصاحبة أنت إنسان يحب الخير ويريد التغيير، وهذا بحد ذاته خطوة عظيمة. حاول تعرف المحفزات: فمتى وأين تميل لذلك؟ هل هو وقت فراغ، توتر، ملل؟ اجتهد في ملء وقتك بعبادة، رياضة، نشاطات مفيدة تلهيك وتعينك. حدد هدف روحي وشخصي واضح يذكرك ليه تترك هذه العادات (مثلاً رضا الله، تحسين صحتك النفسية والجسدية). لا تغضب على نفسك لو تراجعت، هذا طبيعي ومهم أنك تحاول وتعاود من جديد. ادعو الله بصراحة وطلب العون، الله مع الصابرين. 3. الاكتئاب المؤقت والتأثير في الصلاة والحالة النفسية الصلاة هي قوتك، حاول تثبت عليها قدر المستطاع حتى في أوقات ضعفك. إذا شعرت باكتئاب أو إحباط، اجعل ذكر الله وقراءة القرآن واعتماد الدعاء والذكر يومياً جزء من روتينك. تذكّر أن النفس أحياناً تميل للضعف، وهذا اختبار لصبرك وإرادتك. 4. مشكلة التشتت والكمال المفرط التشتت مشكلة شائعة مع كثرة الانترنت والهاتف، كل ما تركز على مهمة صغيرة بمدة قصيرة (مثلاً 25 دقيقة) ثم تأخذ استراحة 5 دقائق (طريقة بومودورو)، تساعد. الكمال المفرط ممكن يسبب ضغط نفسي، حاول تذكر أن الإنسان مجبول على الخطأ، والتقدم الحقيقي هو الاستمرارية، وليس الكمال. احتفل بكل إنجاز صغير، ولو بسيط. نصيحة أخيرة: لا تهمل صحتك الجسدية، أحرص على نوم كافي، أكل صحي، ومشي ولو بسيط لأن هذا يساعد النفسية. إن احتجت لدعم أكبر ولا زالت الأمور معقدة، ممكن تتواصل مع خبراء نفسيين في فدني من خلال صفحة الخبراء: https://www.fedni.net/experts وأخيراً، أقول لك بكل أمانة، أنت قادر على التغيير والتحكم في حياتك، وربك أرحم الراحمين وسيعينك. أنا وأنت معك في كل خطوة، ولا تتردد ترجع تسأل أو تشارك أي شيء. أسأل الله أن يثبتك ويعينك ويقوي عزيمتك. ذكية 🌷
تم النشر السبت، ١٠ مايو ٢٠٢٥
بص انا كنت زيك بس كنت بدمن سوشل ميديا أول حاجه عملتها سبت موبايل عند اختي كبيرة قلتها أدهولي ساعه واحده بس في اليوم بدأت أعرف حاجات كتير وجديد عليا زى مثل كتب الرسم مثلا انت ممكن تنزل تلعب كوره مع صحابك ممكن
تم النشر الأحد، ١١ مايو ٢٠٢٥
+ركز على مستقبلك
تم النشر الأحد، ١١ مايو ٢٠٢٥
انت عارف التطبيقات اللى اما تضيع عليها وقتك عليه حاجات انت مش عايزها روح اقرب سيبر ليك وقوله يلغيلك تفعيل التطبيقات من على الموبيل بتاعك تمام وخلى عندك ورد يومى وحاول تحافظ على صلاتك وقول اذكار الصباح والمساء وحاول متقعدش لوحدك كتير دي هيخليك تبعد عن الموبيل واحده واخد خلى الموبيل تستخدمه للضروره القصوى زي هتكلم حد او هتبحث عن حاجه انت عارفها مهمه بس واركن الموبيل
تم النشر السبت، ١٠ مايو ٢٠٢٥
أشغل وقتك بين عمل او دراسة او ممارسة رياضة او العبادة
تم النشر الاثنين، ١٢ مايو ٢٠٢٥
انا اختك فى نفس السن اعتبره نصحيه لوجه الله اول السلام عليكم ورحمه الله وبركاته
تم النشر السبت، ١٠ مايو ٢٠٢٥
استغفر الله العظيم كل مشكله وليها بس محتاجه الاستمرار
تم النشر السبت، ١٠ مايو ٢٠٢٥
اعتبرني اخوك الصغير
تم النشر السبت، ١٠ مايو ٢٠٢٥
لعرض السؤال في فدني اضغط هنا