انتي معندكيش عيب ولا حاجه بس الصحبه الصالحه دي رزق واحمدي ربنا انتي دلوقتي مش مصاحبه يمكن لما تصاحبي تصاحبي واحده مش كويسه وتخليكي زيها، ف انتي اقعدي ادعي ربنا يعوضك ويرزقك بالصحبه الصالحه وبعدين اصلا مفيش احسن من الوحده حبي نفسك وقربي من ربنا وهتلاقي معندكيش مشكله خالص وربنا يوفقك❤
تم النشر الخميس، ٢٤ يوليو ٢٠٢٥
انا حاسه بيكي جدا لان مريت بحاجه شبه كدا واتعافيت جزئيا من الموضوع ب اني كنت بلبس هدوم حلوه تبين اني حلوه واقعد اعاكس نفسي في المرايه🙂 واقول اد اي انا جميله وكدا وكنت بتعمد اشوف تعبيرات وشي واقول اني جميله وفاكره اني كنت بدعي ربنا كتير اوي اني اكون جميله وحلوه وكدا والحمدلله بقيت مره عن مره بحب شكلي اكتر ايوا منكرش في اوقات بكون مش حابه شكلي بس انا بقيت متقبلاه ومتقبله ان كلنا كدا في فترات بتمر علينا بنكون مش احسن حاجه، وبعدين ادام انتي شايفه نفسك جميلع ف خلاص ميولعو كلهم وملكيش دعوه بكلامهم وحوار جواز ومش جواز ف ده نصيب ومش عشان محدش بيجيلك كتير يبقى انتي وحشه لا ده نصيييبب ملهاش علاقه بالشكل خالص ف فكك واقعدي قولي لنفسك كلام تحفييزي ولو اي حد لمحلك بطريقه غير مباشره ان شكلك وحش احرجيه وخدي رد فعل عشان كل م تسيبيهم هيتمادو، وربنا يرزقك ويرزقني بالزوج الصالح🤍
تم النشر الاثنين، ١٤ يوليو ٢٠٢٥
الحمدلله اننا في اجازه حاولي تقللي الادمان ده قبل الدراسه ازاي؟ بصي اشغلي نفسك بطاعه ربنا زي مثلا لازم انهارده تحفظي ورد معين وتسمعي بودكاست كذا ومتقعديش ع الفون الا لما تخلصي بعد م تتعودي ع النظام ده نزلي برنامج اسمه ديتوكس ده بيقفلك الموبايل الوقت الي انتي محدداه ف انتي اقفليه طول اليوم وشغليه في الوقت الي محدداه لنفسك ده بكون الرفاهيه بتاعك تقعدي براحتك وبعد كدا خلاص، واشغلي نفسك بقا بطاعه ربنا وبهوايات ورسم وساعدي مامتك وكدا
تم النشر الأحد، ٢٩ يونيو ٢٠٢٥
اقعدي معاه وافهمي ماله واتغير ليه ممكن يكون عنده ضغوطات في شغله مخلياه كدا وممكن يكون من النوع الي هو كتوم ف مش بيحكي ف حاجه تسحبي منه الكلام وتقوليله لو محكتليش هتحكي لمين والمفروض ابقى شريكه حياتك وكدا وحاولي تبقى هينه معاه لو فضل بقا زي م هو ومتغيرش ف صلي استخاره وادعي ربنا يهديكي للصواب❤
تم النشر الأحد، ٢٩ يونيو ٢٠٢٥
قربي من ربنا واتركي العلاقات المحرمه وادعي كتير انه يعوضك ويريح قلبك ومتخافيش ماهي الا دنيا، بلاش تخسري آخرتك عشانها🤍
تم النشر الجمعة، ٢٦ يوليو ٢٠٢٤
بصي حاولي تعبري عن مشاعرك وتبينيله اد اي انت بتحبيه وكدا ويكون شكلك حلو وكدا والزمي قيام الليل في الثلث الاخير من الليل واقراي سوره البقره كل يوم وادعي وصلي على سيدنا محمد عليه افضل الصلاة والسلام بالطريقه الابراهيميه بنيه ان ربنا يهديهولك
تم النشر الجمعة، ٣١ مايو ٢٠٢٤
لعرض الملف الشخصي في فدني اضغط هنا