السلام عليكم ورحمة الله وبركاته
انا ٢١ سنه عامه انا مش عارفه ابدا بأنهي مشكله ولا ابدا من فين بس انا فعلا في خطر أتمنى ان حد يساعدني
من زمان خالص كذا حد من قريبنا بيقرب مني خالص وبيحاول يعمل معايا حاجات وحشه ( جنسيه ) وفي منهم بالفعل شخص اعتدى عليا جنسيا بس من غير اذى ليا يعني انا لسه بنت الحمد لله وبرضو بنات اكبر مني يعني انا كنت ٧ او ٨ سنين او ٩ في الحدود دي بيعملو معايا برضو حاجات دي ف بقيت دايما احس بشهوه من ساعة ما كبرت حبه
وصلت لاعدادي كدا وبقيت اعمل العاده وانا معرفش اي هوا ده ولا انها حرام او انها مضره بس كنت بعمل وخلاص بقيت شهوانيه جدا جدا لما دخلت كليه تفكيري كلو جنسي حرفيا مع ان انا والله ملتزمه وبحاول قدر الامكان اقرب من ربنا وابعد عن اي حاجه حرام ولبسي شرعي واي كلمه بطلعها من بوقي بحسبها الاول هل ممكن اخد عليها ذنب ولا لا بس انا وقت الشهوه بكون انسانه تانيه خالص
ودخلت في سكه ان اكلم شباب من الشتات المجهوله والتطبيقات المجهوله واعمل الذنب ده بعدها اعيط واكره نفسي وافضل ادعي على نفسي بالموت علشان ابطل اعصي ربنا لاكن بعدها بساعه ارجع اعمل العاده تاني + افلام اباحيه ربنا يعافيكم
وكل يوم الوضع يزيد وعلاقتي بربنا تقل يوم وتزيد يوم بس سواء قلت او زادات برضو بمارس الذنب ده حتى لو مفيش متعه مفيش لذه برضو بعملو ده اثر على كل حاجه في حياتي وعلي علاقتي بالمجتمع عامة كسرت الموبيل قبل كدا وفضلت من غيرو شوية لكن لقيت نفسي مش بفكر في الذنب اصلا وبعمل حاجات حلوه كتير ورياضه وصلاه وقران لكن لما رجع الموبيل كل حاجه رجعت زي الاول واكتر
انا حاسه ان كل كلامي ملخبط ومش عارفه افكر ولا اركز انا بكتب اي ايدي بتتنفض وانا بكتب بس اللي انا حاساه ان ممكن اجي في يوم واموت نفسي علشان معصيش ربنا مع ان دي كمان معصيه وكفر بس معتش عارفه اتصرف ازاي مع نفسي خصوصا ان انا معنديش دخل انا لسه طالبه يعني حتى مش معايا فلوس ابدا علاج نفسي ده غير ادماني للموبايل بمسكو بالساعات دماغي بتنمل وعنيا بتوجعني واهلي بيزعقو فيا بسبب مسكتي للموبيل بس برضو بمسكو
إي الحل قولوا لي مع العلم اني جربت كذا تطبيق علشان احظر جوجل اللي بدخل منو على الشتات واليوتيوب اللي بيضيع وقتي وافضل اليوم كله عليه لكن في ثانيه واحده بمسح التطبيق اللي بيحظر ده واستخدم الموبيل عادي والموبيل محتاجاه في دراستي وفي نفس الوقت مش محتاجاه اوي ولو اديتو لحد من اهلي وقلتلهم مش عايزاه هيدوه لحد من اخواتي وانا طبعا مش هستحمل ان موبيل يكون مع حد تاني ف هاخدو تاني قولوا لي الحل وقلولي تطبيق يحظر جوجل واليوتيوب نهائيا وميرجعوش تاني ابدا
وعليكم السلام ورحمة الله وبركاته. أختي، أنا آسفة جدًا للي بتمرّي بيه، واللي حصل معاكِ في الطفولة كان صعب ومؤلم، وده طبيعي إنه يأثر على مشاعرك دلوقتي. أنتِ مش لوحدك، وإنكِ بتكتبي وبتطلبي المساعدة خطوة شجاعة جدًا. الإدمان الجنسي وإدمان الموبايل مرتبطين غالبًا بصدمات سابقة، ومحتاجين علاج متخصص. أنصحكِ بشدة تتواصلي مع متخصص نفسي أو معالج إدمان عبر صفحة الخبراء في فدني: https://www.fedni.net/experts . هما هيساعدوكِ بخطة عملية تناسب ظروفكِ، وتقدري تبدئي بخطوات بسيطة زي جلسات أونلاين لو المال محدود. بالنسبة للموبايل، جربي تعملي حساب عائلي أو تستخدمي إعدادات الرقابة الأبوية في الجهاز نفسه (مثل Family Link على أندرويد) مع مشاركة كلمة السر مع أحد أفراد العائلة الموثوقين. ابحثي في فدني عن أسئلة مشابهة للحصول على نصائح إضافية من المستخدمين. أنتِ قادرة تتغلبي على ده خطوة بخطوة، وكل محاولة للرجوع لربنا بتفرق. ابدئي بالتواصل مع خبير دلوقتي، وخدي نفس عميق واستمري.
تم النشر الخميس، ٢١ مايو ٢٠٢٦
بصي يا بنت الحلال أول حاجة لازم تعرفيها وتحفريها في دماغك إنك مش مذنبة في اللي حصلك وأنتي طفلة صغيرة ده كان اعتداء وتحرش م لكيش أي ذنب فيه وهو اللي بوظ حتة المشاعر عندك وخلاها تظهر بدري وبعنف يعني أنتي مش إنسانة وحشة ولا شهوانية أنتي مجرد ضحية وبتعاني من صدمة طفولة وموضوع العادة والشباب ده مش حب في الغلط ده هروب من الوجع والذنب عامل زي المخدر بالظبط ربنا رحيم بيكي وشايف محاولاتك ولبسك الشرعي وصراعاتك ومش هيكرهك عشان بتضعفي لإننا بشر وبلاش فكرة أموت نفسي دي خالص لأن الانتحار هو اللي ذنب كبير بجد ومفيش مقارنة بينه وبين أي غلطة تانية الشيطان هو اللي بيصورلك كدة عشان ييأسك من رحمة ربنا بالنسبة للموبايل طالما بتفتحي من جوجل ويوتيوب وتطبيقات الحظر بتمسحيها يبجى الحل تدخل على إعدادات الموبايل نفسه وتفعلي خاصية الرفاهية الرقمية أو تعملي حظر للمواقع دي من شريحة المخط والشركة نفسها وممكن تخلي حد من أصحابك يكتب الرقم السري للحظر وميقولكيش عليه عشان متعرفيش تفكيه ولما تيجيكي الحالة والرغبة الشديدة قولي لنفسك هأجل الموضوع عشر دقائق بس وقومي من مكانك اطلعي برا الأوضة اتوضي أو اتكلمي مع أهلك لإن الرغبة بتبقى زي الموجة بتعلى جامد ولو فوتي أول عشر دقائق هتموت وتهدى لوحدها و الفلوس والعلاج متقلقيش منه الموبايل ده مجرد عرض للي جواكي وممكن تؤوحي عيادات الصحة النفسية الحكومية في كل المحافظات تذكرة الكشف فيها عبيطه وهتلاقي أخصائيين يفهموكي وتتكلمي معاهم براحتك من غير ما تدفعي مبالغ كبيرة عافري ومتيأسيش وكل ما تقعي قومي واستغفري وربنا معاكي ..وجد والله ربنا يحفظك ويسعدك 🌷 وحاولي تكوني صحيه صالحه هتفيدك جدا ... ربنا يعافيكي
تم النشر الخميس، ٢١ مايو ٢٠٢٦
اللَّهمَّ أنتَ ربِّي، لا إلَهَ إلَّا أنتَ، خَلقتَني وأَنا عبدُكَ، وأَنا على عَهْدِكَ ووعدِكَ ما استطعتُ، أعوذُ بِكَ من شرِّ ما صنعتُ، وأبوءُ لَكَ بنعمتِكَ عليَّ، وأعترفُ بِذنوبي، فاغفِر لي ذنوبي إنَّهُ لا يَغفرُ الذُّنوبَ إلَّا أنتَ
تم النشر الخميس، ٢١ مايو ٢٠٢٦
شكرا بجد لوقتك واسفه علي الاطاله
تم النشر الخميس، ٢١ مايو ٢٠٢٦
يلا بالاذن ي اختي 🤍🤍
تم النشر الخميس، ٢١ مايو ٢٠٢٦
ربنا يسترنا جميعا دنيا واخره
تم النشر الخميس، ٢١ مايو ٢٠٢٦
ماشين بستر الله
تم النشر الخميس، ٢١ مايو ٢٠٢٦
والله كلنا في حالة يعني
تم النشر الخميس، ٢١ مايو ٢٠٢٦
ومتكسربش نفسك
تم النشر الخميس، ٢١ مايو ٢٠٢٦
حاضر
تم النشر الخميس، ٢١ مايو ٢٠٢٦
جاهدي نفسك وصومي لان الصيام هعالج حاجات كتير
تم النشر الخميس، ٢١ مايو ٢٠٢٦
ربنا يتقبل يارب
تم النشر الخميس، ٢١ مايو ٢٠٢٦
حاضر اللهم اني استعين بك فاعني
تم النشر الخميس، ٢١ مايو ٢٠٢٦
وهدعيلك من قلبي
تم النشر الخميس، ٢١ مايو ٢٠٢٦
ف بالله قربي من الله والصحبة الصالحة وتقعدين لوحدك
تم النشر الخميس، ٢١ مايو ٢٠٢٦
يبتي والله حاسه فيكي والله بجد حاطة حالي مكانك والأمر مش سهل دا اختبار ليكي بجد ايامي تيأسي والله ممكن ذنبك دا لو استثمرتيه يدخلك الجنة
تم النشر الخميس، ٢١ مايو ٢٠٢٦
والله ما قادره انتي عيطتيني اوي بد حاسه بالعجز اني مش قادره اساعد نفسي
تم النشر الخميس، ٢١ مايو ٢٠٢٦
حاضر والله
تم النشر الخميس، ٢١ مايو ٢٠٢٦
شيلي الفون بالله
تم النشر الخميس، ٢١ مايو ٢٠٢٦
كمان ادعيلي ان ربنا يسامحني ويغفرلي ويهديني ويصلح حالي ويرضا عني
تم النشر الخميس، ٢١ مايو ٢٠٢٦
حاااضر 🤍🤍هدعيلك والله ربنا يفرج همك ويجبر بخاطرك
تم النشر الخميس، ٢١ مايو ٢٠٢٦
ادعيلي بالله عليكي
تم النشر الخميس، ٢١ مايو ٢٠٢٦
هو بصي ابتلاء من الله واحنا منعرفش رد فعلهم اي لو قلتي ف انتي خلاص توبي لله بجد وشيلي الفون عشان هو الأساس بجد
تم النشر الخميس، ٢١ مايو ٢٠٢٦
ايوا بجد عايزه فون زراير لاكن لساني لو في مره جه وطلب فون اخويا هيجبهولي علي طول ودي اكتر حاجه بتحزني وبتقطع قلبي ان اي حاجه اطلبها لاقيها لاكن قلبي متقطع اكتر اني في مشكله ومش قادره اقول لحد فيهم ساعدني
تم النشر الخميس، ٢١ مايو ٢٠٢٦
فهمت عليكي بصي بيعيه وجيبي فون زراير حد بس م تتعافي يبتي والله مالو لازمه وكدا كدا الاجازة اهو جايالك
تم النشر الخميس، ٢١ مايو ٢٠٢٦
ماشي لو قلت برضو الفون هيكون قدامي بس في ايد تانيه بقي ولو قلت هغير رايي وعايزه الفون هيدهولي ولو كسرت الفون هيصلحوه لو قلتلهم صلحوه
تم النشر الخميس، ٢١ مايو ٢٠٢٦
يبتي يشكو لي قولي انك بتضيعي وقتك عليه شيلو مني اي المشكله
تم النشر الخميس، ٢١ مايو ٢٠٢٦
والله انا عايزه اوقف عايزه ومش راضيه عن نفسي وكل لحظه بجلد ذاتي الموضوع مش سهل بالنسبالي انا لو سلمت الفون هيشكو وكمان الفون هيدوه لحد من اخواتي عارفه لو انا متاكده ان لما اديه الفون هيبعوه او يخفوه والله هدهولهم وممكن استحمل الشك عادي لاكناما متاكده ان الفون هيفضل قدامي برضو
تم النشر الخميس، ٢١ مايو ٢٠٢٦
بصي ي اختي دا ادمان والعلاج هياخد وقت لاسف لوحدك مش هتعرفي تعالجي الأمر انتي ربنا سترك من وانتي 10 سنين متخيلة ومازلتي ف ستر ربنا ف لازم تفوقي لنفسك ب اسرع وقت قبل م تتزوجي نصيحه احفظي كتاب الله اقوي علاج وصلاتك والأهم شيلي الفون شيليه عشان ربنا وحياتك ضحيه بيه عشان الجنة واهلك تعبو فيكي وهتضيعي نفسك بجد وممكن الستر ينتهي احنا منعرفش ف بجد كفايه الادمان دا لازم تخلصي منه سلمي الفون لاهلك لو فارقه نفسك معاكي سلميه ليهم يبتي هنتظري لما تضيعي انت بتموني نفسك بالبطن وهتتحاسبي جاهدي نفسك والجئي لحفظ القرآن واسمعي بودكاست ديني والله هتتغير بس خدي الخطوه دا ادمان هتعبك وحياتك هبقي ملهاش طعم وغم وحزن وتوفيق مش هتلاقي طب لييي نقطع الطريق وفوق لنفسنا والتوبة منتظراكي
تم النشر الخميس، ٢١ مايو ٢٠٢٦
لعرض السؤال في فدني اضغط هنا