انا بنت 20 سنة حاليا طالبة جامعية
تعرضت لحاجات جنسية كتير اوي ونا صغيرة تقريبا كان سني وقتها 8 سنين زي ان واحد قريبي كان بيعمل معايا حاجات وكده ونا مكنتش فاهمة حاجة خالص حرفيا وبعدين اما الموضوع اتعرف و ماما عرفت قالها دي كدابة معملتلهاش حاجة هو من محارمي عامة وخلاص يعني
الحوار عدى من غير ما امي تعرف حد ( انا عاذرة والدتي على حاجات كتير هيا عملتها لانها شايله مسئولية البيت لان بابا وقتها مكنتش شايل المسؤلية ف انا عذرها) ونا مخدتش رد فعلا بسبب الموضوع ده خالص يعني اللي هو انا كنت صغيره مش فاهمة اي اللي بيحصل او الموضوع ابتدى ازاي فاهمين مش قادرة افتكر اي حاجة غير لقطات معينة زي الضرب عشان بحصل اللي كان بيحصل...
المهم اني كبرت شوية وكنت رابعه ابتدائي او 5 ابتدائي تقريبا المهم صحابي بردو البنات كانو بيحكولي على حاجات جنسية كتير يعني بس مكنش في حاجة بتحصل مجرد كلام بس كبرت تاني ودخلت تانية اعدادي كده اتعرفت على بنت عرفتني عالم الاباحية مكنتش اقدر اتخيل ان في حاجة كده في الوجود اساسا وعرفتتني العاده ومن وقتها ونا بعملها بس اوقات بقطعها
مشكلتي اني حاليا عندي هوس جنسي بطريقة مأثرة على حياتي كلها بجد وبقيت بكلم رجاله على المواقع وبخليهم يبعتولي نودز ليهم وببلكهم بعدها او اما احس اني زعلانه من القرف اللي بيحصل ده من غير اي مقدمات... وممكن اسألهم في الجنس عامة و الحاجات دي بتهديني لان بشوف ان شهوتي عاليا جدا ف اما بتكلم مع الرجاله دي بحس اني هديت فاهمين ممكن محتاجش اعمل العاده عموما كلامي مع الرجاله دي بس بيتمحور حول الجنس
انا وصلت لمرحلة وحشة جدا مش عارفة اعمل اي عشان اقدر اعدي منها بس انا حبيت اعرفكم الحوار ده جه ازاي عشان لو تقدرو تفدوني...
حاليا مش هقدر اروح لدكتور نفسي لان أهلي مش هيدوني الفلوس اللي تخليني اعمل الجلسات دي عشان اتخطى اي حاجة حصلت بس ان شاء الله ناوية اعمل كده عشان اتعافى من اي حاجة حصلت
فيدوني ازاي اقدر اعالج الهوس الجنسي اللي عندي ده ارجوكم انا مش عارفة اعمل في نفسي اي بجد
مع العلم ان الذنب اللي بعمله في حياتي هو متمحور حول الجنس و الشهوة بس وممكن بردو ان من جوايا ممكن اكون مستهونة بده،انما انا بأدي باقي الشعائر و الطقوس الدينية وشكرا ليكم اي استفسار لو في حاجة مش واضحه في سؤالي ونا هرد عادي...
بصي يا بنت الحلال ارمي التلفون ده من إيدك أو امسحي الأبليكيشنز اللي بتجيب رجلك للسكك دي خالص مفيش جحاجة اسمها هكلمهم بس عشان أهدى ده فخ وأنتي بتضحكي بيه على نفسك اقطعي الحنفية دي خالص ومتقوليش مش قادرة خدي خطوة بلوك دليت لكل حاجة في ثانية واحدة من غير تفكير. و لما تيجيلك الحالة أو الرغب دي وتلاقي نفسك هتضعفي غيري وضعيتك يعني لو قاعدة في سريرك قومي اقفي.. ادخلي خدي دوش مياه ساقعة يفرمل جسمك وعقلك ..أو انزلي اتمشي في الصالة وسط أهلك المهم متقعديش لوحدك في أوضة مقفولة والنت شغال غيري المكان والوضعية عشان تفصلي وتشتتي عقلك. ومتوقفيش حياتك عشان أهلك مش معاهم فلوس فيه مستشفيات جامعية فيها عيادات نفسية حكومية تذكرتها بكلام فاضي ودكاترة شاطرين وسرية تامة أو لو في اخت هنا ولا حاجه تتابع معاكي ..وأنتي بتدرسي في الجامعة يعني عندك طاقة ووقت اسحلي نفسك في المذاكرة انزلي كورسات اتعلمي مهارة تجيب لك قرش اعملي أي سبوبة أو شغل أونلاين..اوصفحه دينيه.. والطاقة اللي بتروح في السكة الغلط دي لازم تتوجه في حتة تانية تفيدك وتبني مستقبلك الحركة والمسحولية هي اللي هتنسيكي لكن الفراغ والقعدة لوحدك هما اللي بيخربوا الدنيا ... ةدوحد والله ربنا يحفظك ويوفقك لما يحب ويرضى... ويعافيكي و لازم تعرفي وتتأكدي إنك مش مذنبة ولا وحشة خالص واللي حصلك وأنتي عندك تمان سنين ده ذنب الحيوان اللي أذاكي ومش ذنبك أنتي والوضع اللي أنتي فيه دلوقتي ده مش قلة أدب منك ده عقلك بيحاول يتعامل مع صدمة قديمة ومأثرة فيكي من جوه من غير ما تحسي والكلام مع رجالة أغراب على النت وبعت الصور ده مش بيهديكي ده بيزود الطين بلة وبيخليك تلفي في دايرة مقفولة من جلد الذات...
تم النشر الأربعاء، ٢٠ مايو ٢٠٢٦
الانسان بيتم تشكيل وعيه ونمط سلوكه من خلال البيئة المتواجد فيها يعني مثلآ هنلاقي ان الطفل اللي موجود في اسرة دايمآ فيها صراخ وزعيق هيطلع الطفل عصبي وعدواني وكذلك لو تواجد في بيئة مليئة بالضوابط الايمانية هيكون شخص ملتزم ولو موجود في بيئة فيها ازمات اسرية هيطلع شخص ناقم على من حوله فكل شخص بيتأثر ويتطبع بطباع بيئته وبما انك تعرضتي للاستغلال الجنسي منذ الطفولة سواء من الاقارب او من الزميلات او من الغرباء على وسائل التواصل فكل ذلك سبب مباشر ان يكون كل تركيزك على الشهوة والتفكير في طرق اشباعها ولكن دائمآ ما يصاحبك الندم لانك شخصية طيبة وانسانة سوية لكن تعرضك للاستغلال هو ما جعلك ضحية لضعفك لذلك من الضروري انك تأخذي بزمام المباردة بما انك تبحثين عن وسيلة للتعافي فلابد من تعديل سلوكك مع مختص تعديل سلوك ومن الافضل ان تكون سيده ويوجد على الجروب كثير من المختصين الذين يقدمون المساعدة والدعم بسعر مخفض او بدون رسوم وادخلي على المختصين واشرحي ظروفك انك صغيرة وبدون دخل لانك طالبة وهتلاقي الكثير لا يبخل بما وهبه الله من علم ولكن من الافضل ان تكون سيده ولو في الامر صعوبة للتواصل فمن الممكن ان اقدم لحضرتك جلستين مجانآ وبدون اي رسوم نضع فيهم الارشادات التي سيتم البداية بها والنجاح فيها يعتمد على عزيمتك وارادتك على التعافي خصوصآ ان سنك صغير ومن الضروري الحفاظ على سلوك سوي وكذلك عدم اهدار صحتك ووقتك في نشاط سلبي سيكون له عواقب كثيرة بالمستقبل وان شاء الله ربنا يبعد عنك الفتن ويصلح حالك للخير ويبعد عنك كل شر
تم النشر الأربعاء، ٢٠ مايو ٢٠٢٦
أنا آسفة جداً إنك مريتي بكل ده، وأقدر إن الموضوع صعب ومؤثر عليكِ. اللي حصل في طفولتك مش ذنبك، والهوس الجنسي ده غالباً رد فعل طبيعي للصدمة. خلينا نركز على خطوات عملية دلوقتي: ارجعي لربنا : استغفري كتير، اقرئي قرآن يومياً (حتى لو صفحة)، وادعي إن الله يشفيكِ ويبعد عنكِ الشهوة. الصلاة والذكر بيساعدوا في تهدئة النفس وملء الفراغ. اقطعي المحفزات : امسحي التطبيقات أو المواقع اللي بتفتحي فيها الكلام ده، واملي وقتك بدراسة أو هوايات مفيدة زي القراءة أو الرياضة الخفيفة. لما تحسي بالرغبة : غيري المكان أو ابدئي نشاط سريع زي المشي أو كتابة مشاعرك. أنتِ مش لوحدكِ، وفي ناس كتير مرت بنفس التجربة. ابحثي عن أسئلة مشابهة في فدني عشان تلاقي إجابات إضافية. لو قدرتِ، روحي لصفحة الخبراء في فدني (https://www.fedni.net/experts) واستشيري معالج نفسي متخصص في الصدمات، حتى لو جلسات قليلة. ربنا يشفيكِ وييسر أمركِ يا رب.
تم النشر الثلاثاء، ١٩ مايو ٢٠٢٦
في فريق واعي للكلامي ده . عاوز اقولك نصيحه ما ترميش المشكله على حد المهم انك في مشكله ولازم تتحل. مش ببرأ اي حد وصلك لكده. بس دلوقتي لازم نحل المشكله. تتحل ازاي ابعدي عن النت وكل وسائل التواصل، ابعدي عن اي صاحبه تذكرك بحاجه زي كده، ابعدي عن الافلام والمسلسلات ،ابعدي عن الاغاني، حاولي تحضري دروس للعلم الشرعي لو مش هاتقدري شوفي اي منصه موجود كتير زي البناء المنهجي وأكاديمية زاد وابدئي اتعلمي حاولي تلعبي رياضه في البيت املي يومك بمذاكره بشغل طبعا حافظي على الصلاة. بالمناسبه احنا في افضل ايام الدنيا وفيها يوم عرفه الدعوات بتكون مجابه فيه ادعي باللي نفسك فيه . حابب اقول حاجه ان الطبيب النفسي مش ساحر هو هيحاول يرشدك ارشادات زي كده فإنتي ابدئي وممكن ما تحتاجيهوش . تابعي دكتور عبدالرحمن ذاكر الهاشمي هو طبيب نفسي. أنصحك بدورة التربية الإيمانية للمهندس فاضل سليمان
تم النشر الثلاثاء، ١٩ مايو ٢٠٢٦
بصى اول حاجه احذفى اى تطبيق ممكن يوصلك الشهوه أو اى تطبيق ممكن يوصلك لشباب والتطبيقات إلى مش بتتمسح حاولى تخفيها. ثانيا. خليكي مدركه قد اى العادة مبوظه حياتك حاولى تخفيها من تفكيرك كل ما تيجي على بالك غيري الموضوع بأى شكل زى روحى اتكلمى مع اختك في اى حاجه حتا لو تافهه. ثالثا حاولى تقولى وقت الفراغ بقدر الإمكان متسبيش نفسك للفراغ عشان ميقتلكيش رابعا صلى اهم حاجه الصلاة اهم حاجه. اقرأى قران عارفه الصلاة والقرآن اهم حاجه اهم حاجه. خامسا ممنوع الاستسلام فشلتى مره كملى مرتين كملى الف كمل الاستمرار مفتاح النجاح. ولو احتجت ابقى صيقتك وتساعدك أنا معاكى وصومى الايام دى حظك حلو اهو جايه فى اىيام مقترحه هتساعدك جدا لو احتجتى حاجه أنا موجوده
تم النشر الأربعاء، ٢٠ مايو ٢٠٢٦
الفكرة بس اسألي نفسك بعد كدة هروح لفين، لإن جرعة امبارح معادتش بتكفي النهاردة، (جرعة قصدي احساس السعادة اللي بتحسيه)، طيب وبعدين هكمل في الطريق لحد فين، لازم تاخدي لنفسك وقفة قوية مع نفسك وتتربي وتعزمي على عدم العودة، وادعي ربنا وانت عايزة توقفي بجد، ولو وقعتي تاني توبي، اهم شيء كل ما تقعي توبي، وحذار في انك تزودي في الجرعة، لإنك مهما هتزودي مش هتشبعي ومش هتقفي ولا قدر الله ممكن نوصل لمرحلة اللاعودة، وادعي ربنا دايما اللهم ردني إليك ردا جميلا، واسأل الله لك العفاف
تم النشر الثلاثاء، ١٩ مايو ٢٠٢٦
الحمدلله بصلي ووضحت في اخر السؤال اني بعصي ربنا في جانب معين...، وبعمل باقي الحجات المفروضة
تم النشر الخميس، ٢١ مايو ٢٠٢٦
هل انتي بتصلي يا اختي
تم النشر الخميس، ٢١ مايو ٢٠٢٦
واعي https://share.google/72TmpxBRw5B6opony
تم النشر الثلاثاء، ١٩ مايو ٢٠٢٦
لعرض السؤال في فدني اضغط هنا