الحمد لله عديت 8 شهور من الخطوبة بس مؤخراً مش مرتاح نوعا ما من حاجات بسيطة حاسس بها المهم يعني خطيبتي كويسة جدا واهلها ناس كويسين بيودوا وبيسألوا .
بس هيا متحسس منها في كذا نقطة أنا بسأل على أهلها كتير وبشوفهم وأكلمهم هي مبتعملش كده إلا إذا حد بعتلها او أنا جمعتهم في مكالمة نتكلم او ممكن في النص كده تبعت رسايل او بابا ساعات بيرن عليها يسأل هي بتدرس لسه
المهم يعني بحسها متعلقه بأهلها زياده اوي . كمان بحس ان أنا اللي بقدم كتير وبعبر عن مشاعري واللي جوايا ليها هي بتبقى صامته او ساعات بتعبر بس بسيط كده مش زي ما أنا بعمل
المهم أنا بيضايقني لما بتنشغل عني ولما بتدي اللي حواليا وقت كتير أكتر مني وبلاقيها بتتعامل بهزار ولهفه معاهم جدا ولما بكلمها في الحته دي بتبرر تعبانه شويه على الرغم في نفس الوقت بتبقي بتكلمني وبسمع طريقتها وهزارها
مش عارف اعمل اي أنا اتعلقت بيها جدا وأكاد ميعديش يوم من غير ما اكلمها بس بحس اني مستنزف جامد لا بقدر اعمل حاجه في يومي ولا بقدر انام كويس علشان شغلي
من الناحية الأولى فعادي مافيش مشكلة مادام البنت طيبة وحضرتك لما تجمعهم مش بيصدر شيء سيء منها أو حاجة فمافيش مشكلة من حين لأخر تزقها أنت على ود أهلك تفكرها تتصل بيهم تعايدهم وهكذا، وافتكر بس إن النتيجة النهائية هي الأهم الا وهي علاقتك بأهلها كويسة وعلاقتها بأهلك كويسة وخلاص دا أهم شيء إن شاء الله، بس زقها على ودهم بتذكير منك من حين لأخر لحد ما تتعود إن شاء الله أنا والد صديقتي لقى خطيبها بيحرج مش بيتصل عليهم وهو اللي كلمه في الأول قاله يابني إحنا بنحب الود واتصل واسأل علينا بعيدًا عن خطيبته وهو بيسأل من حين لأخر، بس تبقى عارف إن مش شرط كل يوم يعني، من ناحية التعلق فأنا بشوف الخطوبة مرحلة الاهم فيها القبول من الطرفين مش لازم يكون علاقة أكتر من كده حتى الكلام يكون بحدود في إطار نتعرف على بعض ونفهم بعض مش أكتر مش لازم كتير جدًا فوق الحاجة ولا إننا نبين مشاعرنا زيادة أكتر من مشاعر القبول وخلاص، وهي في وجهة نظري شكلها بنت سوية لها حياة مع اللي حواليها مش مقتصرة الحياة في آجوار ناس معينة بس فدي حاجة حلوة وسوية، لأن الطبيعي مايبقاش فيه تعلق زيادة حتى لو متزوجين، وجزء تعبيرها دا اسألها عليه بشكل مباشر هل هي طبعها كده ولا متحفظة عشان الخطوبة عشان تبقى أنت فاهم لو متحفظة مافيش مشكلة ولو دا طبعها ففرأي يعني لو هي بنت طيبة فماتتسرعش في إنك تنفر منها لأن ممكن يتغير مع الوقت وعرفها في العموم إنك بتحب التعبير عن المشاعر
تم النشر الأحد، ٢٥ يناير ٢٠٢٦
السلام عليكم ورحمه الله وبركاته طيب 8 شهور هنحتاج ان احنا نسال في الثمان شهور دول هل احنا حاليا انت وهي متأكدين انه عندنا نفس الاهداف للجواز ولا كل واحد عنده اهداف مختلفه. يعني انا هخمن ان انتم في الاغلب ما تكلمتوش في النقطه دي. احنا حابين ان احنا نعمل ايه في حياتنا كمتجوزين وكل واحد في حياته يعني حابب يعمل ايه؟ إيه الحاجات اللي تهمه في مستقبله ميقدرش يستغنى عنها إيه الحاجات اللي حابب يحققها طب احنا هنساعد بعض في ده إزاي طب هل عندنا احنا الاتنين الصفات اللي تقدر تخلينا ندعم بعض ولا لأ؟ لو احنا متكملناش في الكلام ده فمحتاجين إن احنا نتكلم فيه ومنقبلش على خطوة كتب الكتاب أو الزواج إلا لما نكون متأكدين من النقط دي
تم النشر الاثنين، ٢٦ يناير ٢٠٢٦
أهلا بك، الحمد لله إنك عديت 8 شهور خطوبة، ده إنجاز كبير ودليل على صبرك وإخلاصك! أنا فاهمة تمامًا إحساسك بالاستنزاف ده، خاصة لما الواحد بيحب بجد ويبقى عايز يشوف الاهتمام نفسه راجع. مشاعرك طبيعية جدًا في مرحلة الخطوبة، وخاصة إنها بتكشف الاختلافات الصغيرة قبل الزواج. نصيحتي العملية خطوة بخطوة: افتح حوار هادئ معاها : اختر وقت هادئ (مش في عصبية)، وقولها كده: "أنا بقدر اهتمامك بأهلك، بس أنا بحس إني محتاج شوية توازن في الاهتمام بيننا. إيه رأيك نحدد أوقات يومية نكلم بعض فيها؟" ركز على "أنا بحس" مش "أنتِ بتعملي"، عشان متحسش بالاتهام. ده هيساعدكم تبنوا تواصل أفضل، زي ما الإسلام بيأمر بالمودة والرحمة بين الزوجين. رتب توازن حياتك : حدد جدول يومي صارم – مثلاً، ساعة صلاة وذكر بعد العشاء عشان تهدأ، ثم ركز على شغلك أو هواية مفيدة زي القراءة أو الرياضة الخفيفة. متخليش اليوم كله معلق عليها؛ ده هيقلل الاستنزاف ويخليك أقوى نفسيًا. تفتكر لو كنت زي البطارية اللي بتشحن كل يوم، هتبقى أحسن في علاقتكم؟ 😊 قيم التوافق : بعد 8 شهور، فكر هل دي نقاط بسيطة هتتحل بالتواصل، ولا محتاجين نصيحة أكبر؟ لو حسيتها متعلقة بأهلها زيادة، ده ممكن يكون عادة عائلية، بس الزواج يحتاج استقلالية شوية. صلي الاستخارة كويس، ولو عايز، شوف خبير في Fedni من صفحة الخبراء (https://www.fedni.net/experts) في استشارات زواج أو نفسية. ابحث في Fedni عن أسئلة مشابهة هتلاقي إجابات كتيرة هتساعدك. أنت قوي وقادر تتجاوز ده، وإن شاء الله هتبقى أسعد. 💕
تم النشر الأحد، ٢٥ يناير ٢٠٢٦
خد وقت طويل في الخطوبة ومتتسرعش
تم النشر الأحد، ٢٥ يناير ٢٠٢٦
ادي لنفسك فرصه تفهم وصلي استخاره تاني وابعد فتره واحسبها صح + اعتقد من الطبيعي اخوات العريس بيسألوا اكتر ويسلموا عليها اكتر هي اه تسأل بس تسألك انت عن أهلك وعملين اي واي اخبارهم وترن اه بس مش زي ما أهلك انت بيروت ده كله بيجي من اخوات العريس اكتر اعتقد كده اما بالنسبه لكلامها معاك اديها فرصه يمكن فعلا تكون مضغوطه او مش بإرادتها بلاش نظن سوء ولو كده واجهها وده كله وجهة نظري
تم النشر الاثنين، ٢٦ يناير ٢٠٢٦
لعرض السؤال في فدني اضغط هنا