farida Moon

من الناحية الأولى فعادي مافيش مشكلة مادام البنت طيبة وحضرتك لما تجمعهم مش بيصدر شيء سيء منها أو حاجة فمافيش مشكلة من حين لأخر تزقها أنت على ود أهلك تفكرها تتصل بيهم تعايدهم وهكذا، وافتكر بس إن النتيجة النهائية هي الأهم الا وهي علاقتك بأهلها كويسة وعلاقتها بأهلك كويسة وخلاص دا أهم شيء إن شاء الله، بس زقها على ودهم بتذكير منك من حين لأخر لحد ما تتعود إن شاء الله أنا والد صديقتي لقى خطيبها بيحرج مش بيتصل عليهم وهو اللي كلمه في الأول قاله يابني إحنا بنحب الود واتصل واسأل علينا بعيدًا عن خطيبته وهو بيسأل من حين لأخر، بس تبقى عارف إن مش شرط كل يوم يعني، من ناحية التعلق فأنا بشوف الخطوبة مرحلة الاهم فيها القبول من الطرفين مش لازم يكون علاقة أكتر من كده حتى الكلام يكون بحدود في إطار نتعرف على بعض ونفهم بعض مش أكتر مش لازم كتير جدًا فوق الحاجة ولا إننا نبين مشاعرنا زيادة أكتر من مشاعر القبول وخلاص، وهي في وجهة نظري شكلها بنت سوية لها حياة مع اللي حواليها مش مقتصرة الحياة في آجوار ناس معينة بس فدي حاجة حلوة وسوية، لأن الطبيعي مايبقاش فيه تعلق زيادة حتى لو متزوجين، وجزء تعبيرها دا اسألها عليه بشكل مباشر هل هي طبعها كده ولا متحفظة عشان الخطوبة عشان تبقى أنت فاهم لو متحفظة مافيش مشكلة ولو دا طبعها ففرأي يعني لو هي بنت طيبة فماتتسرعش في إنك تنفر منها لأن ممكن يتغير مع الوقت وعرفها في العموم إنك بتحب التعبير عن المشاعر

أولًا هي مش غلطانة حقها ترفض وهي وأنت شايفة إنكم غلط في حتة التسرع واختيار أشياء لبيتكم..إلخ، لأن مادام كان فيه شك من الأول واحتمال بالرفض للسبب دا وكان فيه اتفاق إنكم هتشوفوا كلام الدكاترة الأول وبعدين هتقرروا على هذا الأساس كان لازم تستنوا وما تتعمقوش في حاجات تانية، محافظة على مشاعرك ومشاعرها، ثانيا زي ما قلت حقها ترفض والأمور والقبول بالشخصيات دا نصيب، ولكن أنت ما ظلمتهاش ولكن زي ما قلت ما كنش ينفع تدخلوا في تفاصيل قبل التأكد من المقبول والموافقة، ولكن دا في الأخر شيء لا يعيبك إطلاقا لأن شخصيتك هي أقرت فيها بصفات حسنة وقابلاها، وأكيد فيه غيرها هتشوف نفس الصفات الحسنة دي وتقبلك، ولكن التخوف دا شيء طبيعي عند البشر ممكن حد يتخوف من غير منطق بالرغم من كلام الدكاترة وحد تاني ياخد بالأسباب وخلاص هو سأل دكاترة وهياخد برأيهم، فالناس بتختلف ودا نصيب في الأول والآخر ولعله خير أو هي مش مناسبة. ربنا يرزقك بالشخصية إلي تناسبك ويرزقك حبها.

بصي خلينا متفقين ماحدش فينا مش بيغلط وطبيعي الإنسان بكون ضعيف ويرجع لأخطائه نفسها في اليوم ولو مية مرة، وعن تجربة بقولك حل ال صلاة إنك ما تبطليش محاولة ودي أهم من أي شيء أخر وتركيز عليها لازم يكون الأساس يعني إيه يعني تقومي وتنامي وكل همك أنا صليت الفرض ولا لا، لو راح عليا صلاة أصليها وأحاول أجيب إلي بعدها في أول وقتها، طب كسلت وانشغلت طول اليوم قبل ما تحطي راسك على المخدة الفرض الي كسلتي أو نسيتيه صليه، ابدأي مع نفسك واخدة واحدة ولكن حطي في بالك مهما حصل مهما كسلتي مهما أخرتي الصلاة مهما ومهما لازم تجيبي الصلاة وتصليها قبل ما تنامي، والزميل نفسك بقراءة الأذكار صبح وليل وإن شاء الله ربنا يصلح حالك، وزي ما قولتلك عادي نرجع للغلط أهم حاجة تستغفري وماتبطليش محاولة

رأي الأستاذ حسني موفق، وفعلا بلاش ناس كتير تعرف المشكلة دي، واصبري يعني لسة متجوزين من قريب مش بقالكم كتير أظن كل ما ترتاحي نفسيا معاه كل ما الأمر هيبقى أسهل في حله إن شاء الله ولا تستعجلي لعل للتأخير خير الله أعلم

*واثقة إنها مش حاجة تقلقي منها أو تخافي منها مافيهاش فضيحة، وابعدي عنها ما تتكلميش في حاجة تخصك معاها تاني

القصد إنها مش مشكلة ومش عيبة في حقك لو أيا مين كان عرف دي حاجة عادية وطبيعية، وأنتِ ماعملتش شيء يقل منك أو حتى روحتي تكلميه وكنتِ حتى رافضة إنها تعمل أكونت فيك تكلمه هي تشوفه فمافيش حاجة تخافي منها خالص، وماتبينيش عموما إنك قلقانة من حاجة زي كده لأنها لو صديقة مش كويسة فعلا هتستغل خوفك فخليك واثق الخُطى إ

أنتِ قلقانة من إنها تفشي سر إنك أعجبتي بيه ؟

الله يعينها بجد، ومش بالضرورة كل أب معاملته شبه كويسة مع الأولاد بشكل ظاهري يبقى زوج كويس فأنا متفهمة دا، بصي اهدي خالص واحتسبي الأجر لله ومعاملة والدك مالهاش علاقة بعقوقك لوالدتك فإن شاء الله أنتِ مش عاقة بس ممكن تكوني بارة بيها أكتر بأفعالك أنتِ لو لوحدك مدركة دا فأولا نلهب إخواتك من غير زرع كره باباكي فيهم بمعنى نبيهم لأن مامتك متحملة كتير وواجبكم تخففوا عنها طول الوقت، أولا بغض النظر عن سنكم بتذاكروا أو بتشتغلوا لازم تقسموا شغل البيت عليكم ماتسيبوهاش تشتغل حتى لو هي اتعودت تقوم كده كده تنضف وبقت تبقوا أنت سابقين وعاملين أغلب الشغل بحيث لو قامت حتى ماتلاقيش نفس مقدار الشغل التقيل اليومي، ثانيا الدعم بالكلام بينكم وبينها في الرايحة والجاية اطلبوا تريحوها وتساعدوها، امدحوا أكلها دايمًا امدحوا أنها روقت يعني شوفتي المطبخ هي اللي عملته وروقت قوليلها تسلم أيدك المطبخ زي الفل وبيبرق مانتحرمش منك طبخت امدحي الاكل وقوليلها تسلم أيدك الاكل جميل، وخاصة المدح وووالدك قاعد كمان أو لو هو بدأ ينتقدها بكل أدب وهدوء قوليله لا دي الاكل مظبوط جدا وعجبني وهكذا، ثالثا والدك مادام بيصرف كويس ولو أنتم فيه فلوس متيسرة في إيدكم سواء من شغل أو مصروف هاتولها هدايا أو حتى أي هدية صغيرة أمل حتى حلويات وكلوا معاها شاركوها اقعدوا معاها ونسوها دا آهم حاجة ما تخليهاش تحس أنها لوحدها وتحس بالوحشة وسطكم

دي طبيعة الحياة لو هنقف ونكرر جوانا نقف على كل شيء عشان سايب نقط سلبية العجلة مش هتمشي، لازم نتصالح مع مقدار أخطاءنا في تصرفاتنا والأهم نشيل مسؤولية الأخطاء دي والذكاء إننا ما نكررهاش تاني، أنت حاليا بقيت عارف إجابة الدكاترة بشكل عام، والي رزقك بفرصة ومكملتش وخلا فيه مشاعر ممكن يعطيك فرصة تانية وتكمل ويبقى فيه مشاعر تاني أقوى من الأول، خذ بالأسباب وما تحملش نفسك فوق طاقتك

إحنا كبار مش ناس صغيرة يعني الغلط بيتوزع على الطرفين طرف بدأ بالفكرة الغلط والتاني يا إما يقبل ويمشي على هواه يا إما يرفض، غير كده اللوم عليها وإن الذنب ذنبها كله هل دا هيفيدك أنت بحاجة في نهاية الأمر؟ لا إطلاقا بالعكس لما تدرك إلمشكلة وتحدد الغلط فين بكل صراحة دا يخيلك تخرج بتجربة بناخد منها الجزء الايجابي ألا وهو الخبرة، عشان نتنجنب أخطاءنا إلي فاتت في إلي جاي، وصدقًا ما تستعجلش في أمر الارتباط دا نصيب سيبه على الله واحكم بعقلك على شريكة حياتك قبل مشاعرك وطول ما آنت حاطط حدود لنفسك وللطرف التاني هتحافظ على مشاعرك

هو حلو ممكن تستمري عليه وعلى أبليكيشن اسمه istoria دا فيه قراءة قصص حلو على حسب مستواكي، وحاولي تستعملي النطق، ولو هتسمعي ڤيديوهات خلي السابتايتل يكون بالانجلش، دا آحسن طريقة عشان تتعودي وتنمي اللغة بعيد عن إنك تسمعي أغاني ومسلسلات وأفلام عشان حرام

لازم تضغطي على نفسك وتخلي عن العلاقات إلي زي دي في حياتك، العلاقات أيا كان نوعها لو مافيهاش احترام وتقدير أبي بيقدمه ناس غريبة بتقابليهم في الشارع يبقى حرفيا مش بتفيد، الواحد بياخد من علاقته الأمان، الراحة، الحب، التقدير والاحترام، المساحات الي بتريح النفس، لازم تشتغلي على شخصيتك واحدة واحدة، بإنك تشغلي نفسك بالمفيد، صحتك مذاكرتك.. إلخ، العلاقات رزق وكل نوع لوحده رزق، الزواج وشريك الحياة رزق، والصداقة المريحة الصالحة رزق، زيها زي الشغل وهكذ