أولًا هي مش غلطانة حقها ترفض وهي وأنت شايفة إنكم غلط في حتة التسرع واختيار أشياء لبيتكم..إلخ، لأن مادام كان فيه شك من الأول واحتمال بالرفض للسبب دا وكان فيه اتفاق إنكم هتشوفوا كلام الدكاترة الأول وبعدين هتقرروا على هذا الأساس كان لازم تستنوا وما تتعمقوش في حاجات تانية، محافظة على مشاعرك ومشاعرها، ثانيا زي ما قلت حقها ترفض والأمور والقبول بالشخصيات دا نصيب، ولكن أنت ما ظلمتهاش ولكن زي ما قلت ما كنش ينفع تدخلوا في تفاصيل قبل التأكد من المقبول والموافقة، ولكن دا في الأخر شيء لا يعيبك إطلاقا لأن شخصيتك هي أقرت فيها بصفات حسنة وقابلاها، وأكيد فيه غيرها هتشوف نفس الصفات الحسنة دي وتقبلك، ولكن التخوف دا شيء طبيعي عند البشر ممكن حد يتخوف من غير منطق بالرغم من كلام الدكاترة وحد تاني ياخد بالأسباب وخلاص هو سأل دكاترة وهياخد برأيهم، فالناس بتختلف ودا نصيب في الأول والآخر ولعله خير أو هي مش مناسبة. ربنا يرزقك بالشخصية إلي تناسبك ويرزقك حبها.
اشكرك جدا
تم النشر الخميس، ٢١ مارس ٢٠٢٤
دي طبيعة الحياة لو هنقف ونكرر جوانا نقف على كل شيء عشان سايب نقط سلبية العجلة مش هتمشي، لازم نتصالح مع مقدار أخطاءنا في تصرفاتنا والأهم نشيل مسؤولية الأخطاء دي والذكاء إننا ما نكررهاش تاني، أنت حاليا بقيت عارف إجابة الدكاترة بشكل عام، والي رزقك بفرصة ومكملتش وخلا فيه مشاعر ممكن يعطيك فرصة تانية وتكمل ويبقى فيه مشاعر تاني أقوى من الأول، خذ بالأسباب وما تحملش نفسك فوق طاقتك
تم النشر الخميس، ٢١ مارس ٢٠٢٤
الايجابيه هو إني روحت للدكتور وعرفت وأني ممكن المشاعر تتولد بعد ما قربت انسي ان فيه حاجه اسمها مشاعر. السلبي هو إني اتعلقت بحاجه مجهوله وده غلط مني بعترف مكنش ينفع يحصل كدة
تم النشر الخميس، ٢١ مارس ٢٠٢٤
انا طلعت بنقطه ايجابيه ونقط سلبيه
تم النشر الخميس، ٢١ مارس ٢٠٢٤
إحنا كبار مش ناس صغيرة يعني الغلط بيتوزع على الطرفين طرف بدأ بالفكرة الغلط والتاني يا إما يقبل ويمشي على هواه يا إما يرفض، غير كده اللوم عليها وإن الذنب ذنبها كله هل دا هيفيدك أنت بحاجة في نهاية الأمر؟ لا إطلاقا بالعكس لما تدرك إلمشكلة وتحدد الغلط فين بكل صراحة دا يخيلك تخرج بتجربة بناخد منها الجزء الايجابي ألا وهو الخبرة، عشان نتنجنب أخطاءنا إلي فاتت في إلي جاي، وصدقًا ما تستعجلش في أمر الارتباط دا نصيب سيبه على الله واحكم بعقلك على شريكة حياتك قبل مشاعرك وطول ما آنت حاطط حدود لنفسك وللطرف التاني هتحافظ على مشاعرك
تم النشر الخميس، ٢١ مارس ٢٠٢٤
هي اللي وصلتنا لكدة
تم النشر الخميس، ٢١ مارس ٢٠٢٤
لعرض الإجابة في فدني اضغط هنا