M Z

أفضل ما يمكنكِ فعله الآن هو أن تنفصلي قليلًا عن ضجيج العالم من حولك. أغلقي هاتفك، وسافري إن استطعتِ إلى مكان هادئ؛ وليس بالضرورة أن يكون مكانًا فاخرًا أو مكلفًا، بل يكفي أن يكون قريبًا من البحر أو الأشجار أو أي مظهر من مظاهر الطبيعة، حتى تمنحي نفسك فرصة لاستعادة بعض من طاقتك وهدوئك، وتتركي روحك تنساب مع إيقاع الطبيعة من حولك. وإن لم يكن السفر ممكنًا، فابقي في المنزل، لكن حاولي أيضًا الابتعاد عن الهاتف ومصادر التشتيت. اجلسي مع نفسك يومًا كاملًا، بلا خطط ولا استراتيجيات ولا تفكير مستمر فيما ينتظرك غدًا. فقط حاولي أن تسترجعي ذكرياتك، وتتذكري شيئًا كنتِ تحبين القيام به قديمًا بشغف ودون ملل، ثم عودي إليه من جديد، ما دام ذلك فيما يرضي الله. وحين تكونين في الطبيعة، حاولي أن تتناغمي مع نسمات الهواء، وأن تشعري بلطفها وهي تمر بكِ، وتأملي ما حولكِ دون استعجال. وتناولي طعامكِ بهدوء ورويّة، مستشعرةً نكهة كل لقمة، فقد تكتشفين أنكِ تستمتعين بطعامكِ على نحوٍ لم تعهديه منذ زمن بعيد. امنحي نفسك أسبوعًا تفعلين فيه ما تحبين حقًا، لا لأن ذلك سيحل جميع المشكلات، بل لأنه قد يساعدك على العودة إلى نفسك الهادئة التي تعرفينها. وعلى فكرة، هذا الأمر لا يخصك وحدك، بل يكاد يكون حال كل إنسان. فقد تمر عليه فترات تتزاحم فيها الأحداث والضغوط واحدة تلو الأخرى، حتى يصل في النهاية إلى مرحلة يشعر فيها بالإرهاق والعجز عن الاستمرار. لكن الحقيقة أننا غالبًا لا نكون عاجزين عن الاستمرار، وإنما نكون بحاجة إلى التوقف قليلًا لإعادة شحن طاقتنا، ثم نكمل الطريق من جديد. ♡

كان أحد مدرّسي في الثانوية يقول عبارة جميلة ما زالت عالقة في ذهني: عِش كل مرحلة صعبة من حياتك بمنطق: " سكونٌ بلا اضطراب، واضطرابٌ بلا سكون." أي أن تكون في الظاهر كثير السعي والحركة؛ تضع الخطط، وتنظم وقتك، وتبحث عن أفضل الشروحات، وتسأل وتتعلم وتجتهد في الأخذ بالأسباب كلها. هذا هو الاضطراب بلا سكون. أما في داخلك، فليكن قلبك هادئًا مطمئنًا؛ مؤمنًا بأن ما كتبه الله لك سيأتيك، وأنك ما دمت قد بذلت جهدك وأديت ما عليك، فلا فائدة من القلق بعد ذلك. وهذا هو السكون بلا اضطراب. ولا تجعل ضغوط الآخرين أو كلماتهم تهزك ما دمت تعلم أنك تبذل أقصى ما تستطيع. خذ من الكلام ما ينفعك، واترك ما سواه. فكثير من الآباء والأمهات يضغطون على أبنائهم ظنًا منهم أن هذه هي الطريقة الصحيحة للتحفيز، لأنهم نشؤوا عليها. وطالما أنك تسعى وتجتهد، فثق أن الله لن يختار لك إلا الخير. وأيضًا أنصحك ألا تُثقلي على نفسك في المذاكرة أكثر من اللازم. اجتهدي بعقل، وتعاملِي بذكاء، وضعي خطة واضحة تسيرين عليها. فالتنظيم الجيد يوفر الكثير من الجهد والوقت، ويجنبك العشوائية والارتباك، ويجعلك أكثر راحة وقدرة على الاستمرار. ومتى ينبغي أن تقلق؟ حين تشعر في قرارة نفسك أنك قصّرت أو أهملت ما كان يجب عليك فعله، فهنا فقط تحتاج إلى مراجعة نفسك وتصحيح مسارك. أما غير ذلك، فاسعَ واجتهد، ثم اطمئن. أسأل الله أن يحقق لك أحلامك، ويبلغك ما تتمنى، ويكتب لك التوفيق في كل خطوة. 🤍

البودكاست ده للشيخ احمد العربي فوق الوصف بجد .. و كل فيديوهاته عامة ، بس لو حابب/ـه تبدأي بـ ده " اول مره اتذوق الصلاة "

بص اللي عندك مش مجرد Overthinking وخلاص ده دماغ متعود يشتغل طول الوقت كأنه مش لاقي زرار يقفل فـ واحده واحده كده و ان شاء الله تتحل اول ما تلاقي نفسك سرحت قول في دماغك بس كده استوب وبعدين اسأل نفسك سؤال واحد بس انا هستفيد ايه من التفكير ده دلوقتي لو مفيش فايده قوم اعمل حاجه بإيدك فورًا حتى لو تافهه زي تمشي او تغسل وشك او ترتب حاجه النقطه المهمه هنا انك متسيبش نفسك قاعد ساكت تاني حاجه قبل النوم متسيبش دماغك لوحدها اكتب اللي في دماغك على ورقه لمدة 5 دقايق بس وهتتفاجئ ان 70% من التفكير ده بيتبخر اول ما تكتبه لو عملت الحاجتين دول كام يوم بس هتحس ان الموضوع اهدى شويه مش اختفى بس بقى تحت سيطرتك شويه ربنا يروق بالك 💗

بص اللي انت فيه ده بيحصل لناس كتير و اسمه شرود او تخيلات زيادة عن الطبيعي المخ بيهرب للتخيل عشان يريحك من الضغط بس مع الوقت بيضيع تركيزك و وقتك الحل مش توقفه مرة واحدة لا امشيها تدريجي اول ما تسرح فوق نفسك بحركة زي تقوم او تغير مكانك حاول تحدد وقت صغير للتخيل والباقي لأ و اشغل نفسك بحاجة بتفكر بجد زي مذاكرة بصوت عالي او كتابة وقلل القعدة لوحدك كتير الموضوع ده مش ضعف فيك دي عادة اتعودت عليها ومع شوية تنظيم هتقل جدا ولو حاسس انها مسيطرة على يومك جامد حاول تكلم حد تثق فيه او مختص يساعدك شويه ربنا يوفقك و يروق بالك ❤️

بصي الموضوع ده طبيعي جدًا ومش لوحدك فيه خالص، انتي غالبًا عندك رهبة اجتماعية خفيفة مش أكتر، ودي بتيجي من دماغك مش من الناس، يعني دماغك بيهيألك إنك متراقبة أو ممكن تتكسفي فبتحاولي تهربي والدليل إنك لما بتقعدي مع نفس الناس في وقت تاني بتبقي عادي وتهزري وتقعدي بالساعات، يبقى المشكلة مش فيك كشخص ولا في الناس، المشكلة في أول لحظة بس الحل ببساطة إنك متستنيش الإحساس يروح، انزلي حتى لو مش مرتاحة، اقعدي شوية وامشي عادي، وبعد كده زوّدي الوقت واحدة واحدة، دماغك هيتعود وهيفهم إن مفيش خطر وكمان بلاش تفكري كتير قبلها عشان ده بيكبر الموضوع، خشي على طبيعتك وخلاص وتقبلي إنك تتوتري في الأول، ده طبيعي جدًا، ومحدش مركز معاكي زي ما انتي متخيلة ربنا يروق بالك و يوفقك 💗

الشعور ده بييجي لما تربط قيمتك برد فعل الناس مش كل حد مش بيسأل يبقى مش مهتم الناس أحيانًا مشغولة أو مستنية حد يبدأ الكلام قيمتك مش بتتحدد بقد إيه الناس بتبادر بيك المبادرة منك مش ضعف دي طبيعة أي علاقة ركّز تبني حياتك واهتماماتك والناس اللي شبهك واللي مرتاحة معاك هتقرب لوحدها مش لازم تبقى الشخص المفضل عند الكل يكفي تبقى شخص حقيقي مع الناس الصح ربنا يوفقك ❤️

بصي لما الإنسان يتأذى بيحس إن الدنيا وقفت عنده لوحده، وبيشوف الناس التانية مكملة حياتها عادي بس الحقيقة إن كل واحدة ليها ابتلاء مختلف يمكن إحنا مش شايفينه في ناس شكلها مبسوطة من بره لكن جواها تعب كبير ربنا عادل فعلًا، ومفيش حد ظلم حد إلا وهيتحاسب حتى لو بعد وقت. يمكن اللي أذاكي باين إنه عايش حياته عادي دلوقتي، لكن الحساب عند ربنا أدق من أي حاجة أهم حاجة متوقفيش حياتك بسببه، حاولي ترجعي تقفي تاني خطوة خطوة، وسيبي حقك على ربنا لأنه عمره ما بيضيع حق حد ربنا يوفقك و يحفظك ❤️

و عليكم السلام ورحمة الله وبركاته.. اختي الغاليه فعلا الحاله اللي انتي فيها دي اسمها فتور ، و انا الفتره دي بعيش نفس الوضع بردو حاولت ابحث عن الموضوع ده في اليوتيوب ملقتش حد بيتكلم عن الموضوع ده احسن من المهندس علاء حامد ، انصحك تسمعيه ، بحاول اطبق نصايحه دلوقتي و بجاهد نفسي في الطاعات .. بالنسبه للمذاكره انا كنت زيك كده السنه اللي فاتت ، عايزك تعرفي اني دي حاله طبيعيه عادي بتحصل لكل الناس ، بس اللي مش طبيعي انك تخليها تسيطر عليكي ، بس في نفس الوقت متضغطيش على نفسك بمعني .. حاولي تاخدي يومين راحه من اي حاجه ، اعملي حاجه بتحبيها ، اقعدي مع اهلك شويه افتكرو ذكرياتكم ، ارسمي .. المهم خلال اليومين دول تحاولي ترجعي شغفك تاني بالحاجات اللي بتحبيها ، عشان بعد اليومين دول يبقى ليكي نفس للمذاكره بس حاولي بردو قبل اليومين الاجازه دول .. تظبطي جدولك بحيث ان اليومين دول مياثروش على طريقك في المنهج يعني و يلخبطو الدنيا.. حاولي بقدر الامكان ربنا يوفقك و يوفقنا جميعا يارب ❤️❤️

فاهم ، بس لو قعدت تحسبها كده كل شويه هتفضل في الموضوع ده العمر كله .. تحسب كل علاقه و كل شله صحاب و كده ، و الموضوع هيتطور و ممكن تلاقي نفسك ابتديت تحسب كل نظره و كل كلمه و تبقى حساس زياده عن اللزوم .. اسألني انا ، ف عشان كده متسيبش نفسك للدايره دي و حاول بعد كده زي ما انت بتقول خليك المبادر في اي علاقه جديده ، يعني ابتسم في وش اللي قدامك ، سلم عليه كانك تعرفه من زمان ، ارمي كلمه او نكته حلوه كده يمكن تضحكه و الباقي سيبه على ربنا ، لو الشخص اتلاقيته بيعاملك بنفس المعامله خير ، اتلاقيت منه برود سيبك منه ، و مش شخص هو اللي هيحدد انت مرغوب و لا لا ، بالعكس ..كل الناس دلوقتي بتحب الفراخ و انا الوحيد اللي مبحبهاش ، هل معنى الفراخ وحشه ؟ خالص ، الناس اذواق بس ، مع الحفاظ على تقبل النقد بردو لو اللي قدامك قال حاجه ممكن تتحسب عيب فيك فكر فيها شويه و صلحها ، و مش اي حاجه بردو لان ساعات الشخص اللي قدامك بيبقى عايز انه يكسرك او حد تافهه مينفعش تاخد منه اراء ، مع الممارسه هتتقنها ، و بتمنالك التوفيق و راحه البال يارب ♡

شكرا لكلامك + تعرف كورسات ؟

تمام جزاك الله خيرا

طب ممكن اعرف الاستيوارت ده بيعمل ايه ؟

للاسف اغلب الشيفات بيطلبو ناس او مساعدين عندهم خبره فصعب اوي الموضوع