ازيكو يجماعه ..
انا حابب ادخل مجال الشيفات و الطبخ و كده ، بس مش عارف ابدأ منين و لا اتعلم منين الطبخ في مصر
و عايز اسعى في الفكره دي لانها كانت من طموحي و انا صغير
حد عنده فكره ؟
انا اشتغلت ٧ سنين اداري في محال المطاعم ، و برغم عدم ممارستي للطبخ الاحترافي إلا ان من خلال معاملتي مع الشيفات ، فبالتالي انسب حل ليك هو انك بتدور على شغل كإستيوارت الأول و بعد شهرين تكون صاحبت شيف عجبك شغله و شايف انه هيفيدك و تبدأ تتعلم منه و تشتغل معاه مساعد و في غضون ست شهور هتكون اتعلمت ، بدون بقى ما تتعب نفسك في النظام الأكاديمي ولا انك تفضل تتعلم من غير ما يكون فيه دخل
تم النشر الاثنين، ١٦ مارس ٢٠٢٦
هي البدايه مش عاوزه طريق انا شاايف الطبخ ده بيبقي فن شخص حاابب الحاجه دي فا بيدخل المطبخ وبيشوف اي الماعونه الموجوده قدامه ويبدا يفنن بقي اكلات ووصفاات وحااجه بتتعمل بطريقه معينه هو يغير الطريقه دي بطريقه تاني لاكن انت لو سمعت فا اظن اللي انت هتسمعله ده هيديك مجرد وصفه او معاايير بس لاكن الباقي ده برضو بتااعك انت
تم النشر الثلاثاء، ١٧ مارس ٢٠٢٦
أهلاً وسهلاً! رائع إنك بتسعى لطموحك القديم، ده خطوة كبيرة وبتفرح القلب 😊. خلينا نبدأ خطوة بخطوة، عملي وسهل: 1. ابدأ في البيت دلوقتي: جرب وصفات بسيطة زي أرز، مكرونة بالبشاميل، أو كشري مصري. شوف يوتيوب. طبخ يومي للعيلة، وخد صور وطور نفسك. الصبر مفتاح النجاح. 2. تعلم مهني: دورات أونلاين مجانية: يوتيوب، أو مواقع كورسات لتعلم الطبخ. معاهد في مصر: أكاديمية الشيفات في القاهرة، أو معهد الفنادق بالهرم/المعادي. ابدأ بدبلوم أساسي (شهور قليلة، تكلفة معقولة). كتب: "جوليا تشايلد" للطبخ أو كتب مصرية لتعلم الطبخ.. 3. دخول السوق: اشتغل مساعد شيف في مطعم صغير أو كافيه (ابدأ بـ2000-3000 جنيه شهرياً، وهتتعلم عملي). بعد كده، افتح صفحة إنستا لأكلاتك وابدأ كاتيرنج منزلي. ادعي ربنا يوفقك، وخلي نيتك خالصة للرزق الحلال. 💪❤️
تم النشر الاثنين، ١٦ مارس ٢٠٢٦
الأول ابدأ اتعلم الطبخ و اساسياته من اليوتيوب و الريلز و حرب وصفات تكون انت حابب تاكلها مش تمشى بترتيب معين عشان تتعلم الاساسيات و افضل كده لغاية ما يبقى ليك نفسك و اسلوبك الخاص فى الاكل و تبقى متعلم بشكل كويس الموضوع ممكن ياخد منك شهرين بعدين دور على كورس طبخ يكون متقدم للناس اللى عايزين يشتغلوا شيفات عشان يكملوا معاك وصفات اصعب و اكتر و كمان يعلموك تشتغل بسرعه زى الشيفات و ربنا يوفقك
تم النشر الثلاثاء، ١٧ مارس ٢٠٢٦
لا بصراحه معرفش كورسات بس دور على النت على اماكن بتقدم كورسات طبخ حتى لو تعرف اى مكان بيقدم اى كورس فى حاجه اسأله على كورسات طبخ هما بيبقوا عارفين بعض او عارفين مراكز بتعلم و العفو على ايه ربنا يوفقك
تم النشر الثلاثاء، ١٧ مارس ٢٠٢٦
شكرا لكلامك + تعرف كورسات ؟
تم النشر الثلاثاء، ١٧ مارس ٢٠٢٦
لعرض السؤال في فدني اضغط هنا