الشعور ده بييجي لما تربط قيمتك برد فعل الناس مش كل حد مش بيسأل يبقى مش مهتم الناس أحيانًا مشغولة أو مستنية حد يبدأ الكلام قيمتك مش بتتحدد بقد إيه الناس بتبادر بيك المبادرة منك مش ضعف دي طبيعة أي علاقة ركّز تبني حياتك واهتماماتك والناس اللي شبهك واللي مرتاحة معاك هتقرب لوحدها مش لازم تبقى الشخص المفضل عند الكل يكفي تبقى شخص حقيقي مع الناس الصح ربنا يوفقك ❤️
بشكرك جدا على وقتك و إجابتك ♥️
تم النشر الأربعاء، ١٨ مارس ٢٠٢٦
فاهم ، بس لو قعدت تحسبها كده كل شويه هتفضل في الموضوع ده العمر كله .. تحسب كل علاقه و كل شله صحاب و كده ، و الموضوع هيتطور و ممكن تلاقي نفسك ابتديت تحسب كل نظره و كل كلمه و تبقى حساس زياده عن اللزوم .. اسألني انا ، ف عشان كده متسيبش نفسك للدايره دي و حاول بعد كده زي ما انت بتقول خليك المبادر في اي علاقه جديده ، يعني ابتسم في وش اللي قدامك ، سلم عليه كانك تعرفه من زمان ، ارمي كلمه او نكته حلوه كده يمكن تضحكه و الباقي سيبه على ربنا ، لو الشخص اتلاقيته بيعاملك بنفس المعامله خير ، اتلاقيت منه برود سيبك منه ، و مش شخص هو اللي هيحدد انت مرغوب و لا لا ، بالعكس ..كل الناس دلوقتي بتحب الفراخ و انا الوحيد اللي مبحبهاش ، هل معنى الفراخ وحشه ؟ خالص ، الناس اذواق بس ، مع الحفاظ على تقبل النقد بردو لو اللي قدامك قال حاجه ممكن تتحسب عيب فيك فكر فيها شويه و صلحها ، و مش اي حاجه بردو لان ساعات الشخص اللي قدامك بيبقى عايز انه يكسرك او حد تافهه مينفعش تاخد منه اراء ، مع الممارسه هتتقنها ، و بتمنالك التوفيق و راحه البال يارب ♡
تم النشر الأربعاء، ١٨ مارس ٢٠٢٦
نفس اللى بيحصل معايا عشان كده اتعودت
تم النشر الثلاثاء، ١٧ مارس ٢٠٢٦
انا مش رابط قيمتي بده ، الفكرة بس في إحساس ان لو ما كنتش الشخص المبادر فمحدش هيبادر ، و أكيد عارف ان كل شخص له حياته و لكن انا ما بتكلمش عن فئة واحدة من دائرة أنا بتكلم عن الفئات كلها ، و ده مخليني أعيد النظر في الدوائر المحيطة بيا كونها دوائر آخذة بدون عطاء
تم النشر الاثنين، ١٦ مارس ٢٠٢٦
لعرض الإجابة في فدني اضغط هنا