دلوقتي انا نفسيتي تعبت جدا وبقت تحت الصفر بسبب إن ف أطفال ف مرحلة ابتدائي وإعدادي وثانوي كل يوم بينزلو الشارع من الصبح لبليل لحد الساعة ١ وساعات توصل ل٢ بليل و اصواتهم عالية جدا جدا جدا تلاقي العيال جايين من اخر الشوارع عندنا يقعدوا يا يرزعو ف بيتنا يا يرزعو ف المخزن بتاعنا ودا بيسمع عندنا الإتنين الترزيع بتاعهم بيسمع عندنا
وكل شوية نخرج نزعق للعيال محدش يرزع عندنا يبجحو بيروحو حتة تانية ولما ندخل يرجعو تاني قولت اسكت بقي وخلاص كسرولنا شباك ونور المخزن بالكورة بتاعتهم وجرو نزلنا نزعق وبعديها بيوم عادي جدا لعبو فيه تاني بقيت مركزة معاهم بشكل مش طبيعي لدرجة اني كل شوية يجيلي انهيارات بسببهم
من قلة حيلتي وان ابويا متوفي ف انا كدا كدا مليش سند غير ربنا جبت درجات وحشة ف ثانوية عامة لإني معرفتش اذاكر بسببهم لما امي بقي شافتني منهارة كدا من قلت حيلتها نزلت الشارع تزعق للعيال الساعة ١٢بليل تخيلو بتقولهم محدش يلعب هنا فين اهاليكو ف انا مقدرتش اشوف امي تحت واسكت روحت نزلت وزعقت معاها وف لحد ما اجي واحد من الشارع بيقول ريحي دماغك انتي مهما قولتي وعملتي ع الفاضي لإنهم عيال
انا اتضايقت جدا دا بدل ما يقف معانا كل الأهالي سمعت ان احنا متضايقين وبردو سمعو من هنا وطلعو من الناحية التانية للعلم اننا اول مرة ننزل نزعق او نعمل كدة ف حياتنا وانا عندي ١٩ سنة كل يوم نفس اليوم بالنسبالي شايلة هم العيال هتلعب وترزع عندنا وكل يوم اعيط ومش مبسوطة نهائي ف حياتي حرفيا منقدرش نشتكي عليهم لإنهم جيرانا وامي مش عايزة عداوات ولكو ان تتخيلو بعد دا بكام يوم نزلت مع امي نشتري حاجة نلاقي طفلين ماشيين ورانا بالكورة بيصوتو ويهبدو بالكورة ورانا طول الشارع
انا حرفيا من كتر دا مش قادرة اوقف تفكير مش عايزة اسمع صوتهم ولا صوت الكورة نفسيتي بقت وحشة جدا جدا مفيش حد بيتدخل ف حد طالما المشكلة مش عندو انا من الإنهيارات اللي انهارتها كنت بضرب نفسي جامد علشان اهدي والاقي ف جسمي كدمات انا حرفيا تعبت قولت لأمي تعالي نمشي من هنا قالتلي الحاجات دي مش سهلة لإن دا بيتنا وانا بقيت علطول محطوطة ف الامر الواقع ده
كل لما انهار كنت بفكر اأذي نفسي ومرة ماما لما شاقتني منهارة انهارت هيا كمان وقعدت تلطم وتعيط وانا قعدت اهدي فيها وبعد كدا معتش بنهار قدامها ولا بوريها حاجة بقيت دايما مش مبسوطة زعلانة نفسي مسدودة والناس مؤذية بجد و الواحد قرف من حياتو وبدعي علطول ان ربنا ياخدني واموت
السلام عليكم، فاهمة إحساسك وحالتك جدا. رأيي ما دام الجيران معملوش لكم اعتبار ولا مهتميين لمشاعركم وراحتكم يبقى بلاغ بأدلة ويتعمل لهم محضر يمكن يتأدبوا. إذا هيكون ده صعب بالنسبة لكم ومفيش أي كبير تطلبوا تدخله وكمان مش هتقدروا تعزلوا من المنطقة يبقى زي ما نصحك أستاذ عصمت هاتي سماعة من النوع العازل للضوضاء واستخدميها عشان تنجزي في دراستك وحياتك. وأخيرا نصيحة مهمة؛ قبل اللي فات أنصحك تستعيني بالله واعملي ورد يومي لذكر (حسبي الله ونعم الوكيل) ردديها كتير قد ما تقدري وبيقين وفهم تام لمعناها وإن شاء الله ربنا هيكفيك شرهم وأذاهم. والحسبنة مش معناها إنك بتدعي عليهم بالشر، معناها إنك بتلجأي لله وتعتصمي به. وربنا يصلح لكم الأحوال ويرزقكم جيرة أفضل إن شاء الله.
تم النشر الخميس، ٤ يونيو ٢٠٢٦
يا بنت الناس صحتك بالدنيا ومفيش مخلوق يستاهل تضيعي نفسك بسببه دوشة العيال وقرف الشارع يطيروا العقل فعلا بس الحل مش إنك تحرقي دمك وتنزلي تزعقي معاهم طالما أهاليهم معندهمش دم يبقي ريحي دماغك خالص والبسيلك سماعة عازلة للصوت أو سدادات ودن وشغلي أي حاجة تفصلك عنهم وعن دوشة الكورة دي ووقت المذاكرة والامتحانات سيبي البيت خالص وانزلي ذاكري في أي مكتبة أو مكان هادي برة عشان تعرفي تركزي ومستقبلك ميروحش وأهم حاجة بلاش تضربي نفسك ولا تفكري في الموت والكلام الصعب ده أنتي لسه صغيرة ومامتك ملهاش غيرك بعد ربنا فلازم تسنديها وتجمدي عشانها ولو حسة إنك مش قادرة تستحملي فضفضي مع دكتور أو أخصائي نفسي يظبطلك الدنيا ويهدي الحمل من على كتافك ربنا يقويكي ويسعد قلبك
تم النشر الخميس، ٤ يونيو ٢٠٢٦
أنا آسفة جدًا يا حبيبتي، اللي بتمرّي بيه صعب ومؤلم، ومشاعرك مفهومة تمامًا. الضغط المستمر ده أثر على نفسيتك ودراستك وحتى علاقتك بنفسك، وده مش ضعف منك. أول حاجة مهمة: أفكار إيذاء النفس أو التمني بالموت إشارة قوية إنك محتاجة دعم متخصص دلوقتي. ما تتحمليش الهم لوحدك. روحي لصفحة الخبراء على فدني وابحثي عن معالج نفسي أو استشاري أسري، هما قادرين يساعدوكِ بخطوات عملية وخصوصية: https://www.fedni.net/experts في الوقت الحالي، حاولي تتكلمي مع أمك بهدوء عن إمكانية حلول بسيطة زي تركيب شبك أو حاجز خارجي للمخزن بدون مواجهة مباشرة مع الجيران، أو التواصل مع أحد كبار العائلة أو الإمام المحلي للتدخل بلطف. ربنا معاكِ، وهو اللي بيفرّج الكرب، لكن الاستعانة بأهل الاختصاص جزء من الأخذ بالأسباب. ابحثي كمان عن أسئلة مشابهة في فدني عشان تشوفي تجارب ناس تانية. أنتِ مش لوحدك، وفي أمل في تحسن لو خدتِ الخطوة الأولى. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٤ يونيو ٢٠٢٦
كاميرا وصوريهم واحد واحد واتكلمي وانتي بتصوري واشرحي التفاصيل (من غير ما يشوفوكي) والقطي كل رزعه وصوري الوقت ولو تقدرو تشتكو بالدليل ده اشتكو عل طول لان ده حقك اصلا العيال دي لو اهلها مش هيربوهم يبقا القفا حكومه هتربيهم هم واهاليهم.... الكاميرا دلوقتي اصبح كالنووي لكل ظالم ابن شارع هيترعبو لو حاولتي تبيني في نهايه الفيديو انك بتصوري وشافوكي.....ملاحظه هامهههههههه لو نتيجه ده تأدي انك تتأذو بشكل اكبر بلاش تبيني وخليها في السر
تم النشر الخميس، ٤ يونيو ٢٠٢٦
شكرا جدا لحضرتك ولكل من علق بجد شكرا ليكم ربنا يبارك فيكم ويفرحكم يارب 🤍🤍
تم النشر الخميس، ٤ يونيو ٢٠٢٦
خلاص فل ربنا يعينك والله...وشوفي لو المخزن تابع ليكم وخصوصا لو هو فاضي من جوا فحاولي في المرحله دي تمليه او تعملي عازل بشكل لا يكلف واسألي الذكاء الاصطناعي او يوتيوب....وانصحك بشده بشباك عازل للصوت فعال وعن تجربه ... وااكد عليكي اياكي تظهري رده فعل او ديق... ولو احتجتي حاجه المجتمع هنا مش هيقصر معاكي باذن الله
تم النشر الخميس، ٤ يونيو ٢٠٢٦
بلغي الشرطة ، واعملي فيديو خاص بيهم ، وتعرفي مين أهليهم لصحة البلاغ.
تم النشر الخميس، ٤ يونيو ٢٠٢٦
@مفيد . هي خايفه انهم يأذوهم لو شكتهم وهي ملهاش حد غير والدتها من بعد ربنا
تم النشر الخميس، ٤ يونيو ٢٠٢٦
الله يعينكم وييسر أمركم لازم حل لو وصل انكم تروحوا تشتكوا فى القسم او على الأقل تكلموا حد كبير من أهل بلدكم يتدخل
تم النشر الخميس، ٤ يونيو ٢٠٢٦
الله المستعان . ربنا يفرج همك وييسر أمرك ويرح بالك ويسعدك ويوفقك يارب وتحققي كل اللي بتتمنيه 🤲🫂
تم النشر الخميس، ٤ يونيو ٢٠٢٦
حتي انتي والله يا بنتي دا الواحد قرف كل ده بسبب تربية الأهل للبني أدم والله
تم النشر الخميس، ٤ يونيو ٢٠٢٦
اعملي زي ما اقترح عليكي البشمهندس عصمت وربنا يصلح حالك يارب والله انا حاسه بيكي جدا وهدعيلك من كل قلبي بظهر الغيب لاني عايشه نفس المعاناه لدرجه اني كرهت العيال كلها 🤣🤣
تم النشر الخميس، ٤ يونيو ٢٠٢٦
بيتنا نفسو احنا الدور الأول البلكونة تحتو بيرزعو علطول وف نفس الوقت هو جامع ف زاوية البيت وكسرو شباك فيه كمان يعني لا منو احترمو جامع ربنا ولا جيرانهم والمخزن اكتريتو بيرزعو فيه هو خشب وفيه ازاز امي نايمة ف اوضة ونا ف اوضة هي اللي عند البلكونة ونا اوضتي تحتية المخزن يعني علطول سامعاهم ان شاء الله انا هحاول احوش او شتغل واعمل حوار العازل ده بإذن الله
تم النشر الخميس، ٤ يونيو ٢٠٢٦
اولا اسأل الله لكي اصلاح الحال ... انا شايف انك متعليش صوتك عليهم لانهم هيسوقو فيها اكتر وخصوصا انك بنت فده هيكون بمثابه عامل حفاز... اقترح تفضلي فتره بدون اي رد فعل او اظهار اي ديقه ونشوف النتيجه ... وكنت عايز استفسر بس الرزع بيكون عل حيطه بيتكم؟ او على باب حديدي زي مخزن او جراش فعشان كده الصوت بيتعزز وبيوصلك؟ لاني شايف انك ممكن تلاقي حل زي انك تضيفي عازل صوت بطريقه ما (ابحثي) وده هيساعدك تسترخي اكتر وتتجاهلي اكتر حتي لو مكلف الصحه النفسيه مهمه وبدل ما يتصرف على دكتور نفسي (الوقايه خير من العلاج) واياكي تعلي صوتك بالشارع نصيحه بجد مش هيجيب نتيجه وهيزيدو فيها جدا بقدر انك مش هتتخيليه ..... طيب فرضا جيتي بعد فترهه محترمه ومجابش اي نتيجه؟ هنا ترشي ميه بدون ما يشوفوكي يفضل وبدون ما تتكلمي حتي معاهم (لو لسه عل نفس الحال) .... واستفسار اخير حد من الي في الثانويه دايقكم؟
تم النشر الخميس، ٤ يونيو ٢٠٢٦
دلوقتي احنا اهو بقالنا ٤ايام مبنتكلمش ومخرجتش من البيت وهما بردو ع حالهم بس مش عارفة بقي لما انزل هيعملو حاجة ولا لا ك يضايقوني ونا ماشية يعني ولا لا لاكن هما كدا كدا خلاص اتركزو عندنا مبيلعبوش غير عندنا
تم النشر الخميس، ٤ يونيو ٢٠٢٦
ف الأول خالص لما كنا بنقول محدش يلعب هنا مبيلعبوش يروحو يلعبو ف حته تانية وبعدين بعد يوم يرجعو نزعق ولما الأمر بقي متكرر بقو يبجحو ويلعبو غصب رشينا ماية وغرقنا الشارع كلو جم عندنا جمب الماية بالظبط علشان يضايقونا بيقول واحد اي تعالي نلعب هنا بس متجيبش الكورة ف الماية والولا التاني بيقولو بس بقي يعم انت عايز مشاكل وخلاص لما زعقت قولت محدش يعلب هنا يا حبيبي مترزعوش هنا انتو بتإذونا حط طوبة والعب كلهم كانو ساكتين ولما دخلت واحد فتح بقو وقال شوف ياعم الست دي بصوت عالي بتقول بنإذيها وقعد يضحك ونا سامعة الكلام ده ومتضايقة وف مرة تانية غرقنا الشارع ماية قعدو يلقحو ويشتمونا ف احنا دلوقتي يعني معدش هيبقي لينا احترام حتي ونا بنزل الشارع علشان اروح مشوار العيال بتقعد ترخم عليا
تم النشر الخميس، ٤ يونيو ٢٠٢٦
وجربتو ترشو ميه صحيح؟
تم النشر الخميس، ٤ يونيو ٢٠٢٦
رحمه الله يارب. طيب حضرتك جربتي متعملوش اي رد فعل؟ بحيث تطبقو عكس مبدأ الممنوع مرغوب فلما يلاقوكي بتزعقي فده بيحفذ عودتهم. ولو جربتي كانت مده قد اي؟
تم النشر الخميس، ٤ يونيو ٢٠٢٦
المشكلة ان اعرف ٥ من اصل عشرين حد بيلعب لإن المعظم ان العيال من شوارع تانية وانا اصلا معرفش اسماء العيال علشان اعرف مكان اهاليهم ونا فعلا صورت بس صورت من ورا الشباك مش باين المكان اللي بيرزعو فيه لاكن باين من انو ف جهتي بس حتي لو صورت امي مش راضية تعمل فيهم بلاغ علشان متخلقش عداوات مع حد زي ما كتبت ف العنوان مشكلة فعلا بلا حل ولما امي شافت اني انهارت مستحملتش انا مش عايزة احسس امي بأي حاجة حفاظا عليها لاكن انا بس بحاول اشوف لو حد زيي عمل اي بحاول اهون علي نفسي بأي طريقة علشان مأذيش نفسي بس كل اللي انا بفكر فيه ان لو كان ابويا عايش كان جابلي حقي وانا واثقة من ده بدون تفكير وبدون ما أقولو الحمدلله على كل شيء الله يرحمو وربنا هياخد حقي انا عايزاكو تدعولي ربنا يصبرني ويبعد اذاهم عننا 💔🤍
تم النشر الخميس، ٤ يونيو ٢٠٢٦
كلمت قبل كده واحد من العيال دي بيقول انا مبلعبش هنا وهو اصلا كل يوم بيلعب هنا وانا بشوفو من ورا الشباك وواحد تاني قالي حاضر ولعب بردو فاهمة ف مفيش منو فايدة إدعيلي ان ربنا يفرج همي بأي طريقة إن كانت
تم النشر الخميس، ٤ يونيو ٢٠٢٦
طيب حاولي انتي تتكلمي مع العيال بشكل ودي يمكن يبطلو يلعبو أو اقترحي عليهم نادي يلعبو فيه
تم النشر الخميس، ٤ يونيو ٢٠٢٦
لا والله يا بنتي اصلا كلنا كنا حبايب عادي جدا قبل المشكلة دي لاكن هما ماعملولناش اعتبار ومقدروناش و بينزلو ولادهم يخلصوا منهم وخلاص ويضايقونا احنا انتي عارفة انا معنديش مانع العيال تلعب لاكن متهبدش علينا بس هو دا طلبي الوحيد لاكن لا حياة لمن تنادي
تم النشر الخميس، ٤ يونيو ٢٠٢٦
عندهم مشكله معاكم ؟
تم النشر الخميس، ٤ يونيو ٢٠٢٦
طيب اهل العيال حسيت من كلامك انهم قاصدين كده
تم النشر الخميس، ٤ يونيو ٢٠٢٦
للأسف لا
تم النشر الخميس، ٤ يونيو ٢٠٢٦
طيب مفيش حد كبير تقدروا تدخلوه يقول ليهم يلمو عيالهم
تم النشر الخميس، ٤ يونيو ٢٠٢٦
يعني يروحو يعملو فينا محضر ان احنا عملنا حاجة ف ولادهم او ممكن يعملولنا حاجة واحنا معندناش حد يدافع عننا
تم النشر الخميس، ٤ يونيو ٢٠٢٦
يشتكو عليكم إزاي يعني مش فاهمه
تم النشر الخميس، ٤ يونيو ٢٠٢٦
مهو العيال بيشتمو بأقذر الألفاظ لما انا اعمل كده هيضايقونا اكتر ويشتمونا وانا بقي ساعتها كرامتي كده راحت قدام الناس وممكن كمان يشتكو علينا واحنا اصلا فينا اللي مكفينا حسبي الله ونعم الوكيل فيهم وف أهاليهم بجد
تم النشر الخميس، ٤ يونيو ٢٠٢٦
ي حبيبتي انا والله مقدره اللي انتي بتمري بيه بس مينفعش تأذي نفسك كده انتي لازم تروحي ل ثرابيث يخفف عنك الضغط ده شويه ويحاول يلاقي معاكي حل منطقي وخودي مامتك معاكي لاني انا واثقه ان هي كمان بتعاني زيك ومش مبينه ليكي ده
تم النشر الخميس، ٤ يونيو ٢٠٢٦
لعرض السؤال في فدني اضغط هنا