السلام عليكم
أتمنى تقروا رسالتى عشان خاطري
أنا تالته ثانوي اكيد عارفين الضغط اللى بنبقى فيه الفتره دي انا كنت بدأت السنه عادي زي اى حد بس فى النص وقعت نفسيتي حرفيا اتدمرت وكان فيه ضغط رهيب والله فى البيت يعني كان من كل النواحي
لسه قريت رساله بنت بتقول انها حاسه انها عبء على اهلها وانها بتتمنى الموت عشان تريحهم منها ومن ضغطها عليهم انا كمان زيها انا صرفت مصاريف السنه دي من دروس وكتب كتير ولما قررت اقسم السنه رفضوا عشان مصاريف لسنه كمان وكمان عشان نظره الناس وصحابي يدخلوا كليات وانا لسه فى ثانوي وكمان عشان اخواتى الصغيرين السنه الجايه واحده فى تالته اعدادي والتانيه تالته ثانوي برضو
المفروض انى ابتديت آخد علاج بس والله مش عارفه يعني اوصف حالتى ازاى انا بدل ما اذاكر واعمل اللى عليا الفتره دي على الاقل يضيع وقت فى نوم كتير ريلز عشان اهرب واول ما اجى افتح كتاب او محاضره بحس أني بموت ومش بقدر اكمل كفايه اللى ضيعته بسبب تعبي او تقصيري شيطاني كان مالكنى
حرفيا فيه صوت جوايا بيقولى أعمل الغلط وانه خلاص الوقت عدى معقوله انتى هتتساوي باللى بدأوا من الاول هما اكيد وقعوا بس قاموا تانى ورجعوا عشان مستقبلهم وانتى لسه تحت فى القاع انتى مستهليش اى حاجه حلوه فى حياتك مفيش ميزه فيكي واحده حتى مامتك مش قادره توفي بوعدك ليها انك هتحاولى وتعملى اللى تقدري عليه بس خذلتيها زي كل مره بدل ما تخففي عنها ضغط بقيتي انتي اكبر ضغط وهم ليها اى لازمتك انتى طالما مش نافعه فى حاجه
حتى علاقتك بربنا كل مره تتوبي وتقولى هحاول يارب واقرب واتغير بترجعي تاني لنقطه الصفر قولى كام مره حاولتى وبرضو فشلتي قد ايه قولتى هتغير واحاول واحده واحده وكنت بتكملى ايه يوم يومين اخرك اسبوع وتقعي تانى محدش فى حياتك عايزك حتى انتى عبء على نفسك و وجودك ملوش اى معنى ولا قيمه وبتعملي ذنوب كتير (دا كله صوتي من جواه او صوت شيطاني )
مش عارفه انا ليه كدا ليه كل حاجه وحشه فى حياتى ليه مش قادره اخليهم فخورين بيا ليه مش كل ما أقرب من ربنا ابعد تانى ليه صعبان عليا كل ده صعبان عليا نفسي واهلى مني عايزه اهرب مني ازاى مش عارفه
انا حاولت كتير برضو برجع تانى طب لو انا بجد ماليش اى لازمه ليه ربنا خلقني طب ليه دخلت ثانوي كمان امى فى فتره حملها بيا عملت عمليه وكانت لازم بابا يختار حد فينا اكيد اختار ماما ليه انا مش موت وقتها وريحت بدل كل ده طالما انا كده انا خايفه اوى اوي عامله زي الطفله اللى فى اوضه ضلمة مش عارفه تطلع حاولت بس مش عارفه وعماله تعيط سنتى المهمه اللى كانوا. مستينها وانا كمان كنت مستنيها وكنت واثقه انى ربنا معايا ومش هقصر السنه دي ابدا كل حاجه اتشقلبت تعرفوا كمان وانا بضيع وقت ببقى مقهوره اوقات و واوقات تانيه ببقى بلا اى شعور نهائي عقلي فين وانا فين
يا حبيبتي براحه واحده واحده على نفسك .. بصي هقولك حاجه عارفه ايه الفرق بين جلد الذات و لوم النفس .. جلد الذات من الشيطان ، جلد الذات بيعطلنا بيوقفنا مكانا كأنك ماسكه طفل صغير و نازله عليه لعصابه بتوجعه كل ما يقوم يقف على رجله تكسرهاله و تقعديه مكانه .. أما بقى لوم النفس هو سلوك فطري ربنا كرمه بذكره في القرٱن و كرم صاحبه مش بس كده ده كمان سلوك إيجابي بيدفعني لقدام .. هقولك حاجه اشربي كوباية مياه على مهلك و انتي بتقري الاجابه بتاعتي و خدي نفس براحه و خرجيه على خمس عدات.. و بعدها ارجعي اقري كلامك اللي كتبتيه و شوفي يا ترى انتي كنت بتجلدي نفسك و لا بتلوميها .. ياترى انتي كده عاوزاها تطلع اقدام فعلا و لا بتكسري مقديفها و خليكي فاكره رب البشر مبيعاملش البشر بمقاييس البشر ... الله سبحانه و تعالى قال لملائكته "لو خلقتموهم لرحمتموهم" وكونك بتتوبي و تقعي و ترجعي تتوبي فأنتي كده من الاوابين انتي كده شبه سيدنا ابراهيم و مقام سيدنا ابراهيم كبير اوي عند ربنا .. هوني على نفسك يا جميلة القلب و الروح و متنسيش انك بشر.. مطلوب منك السعي أما التوفيق و النتيجه فمن الله .. وفقكي الله ياحبيبتي
تم النشر الثلاثاء، ١٤ أبريل ٢٠٢٦
وعليكم السلام ورحمة الله وبركاتة أهلا بيكى بصى كل اللى انتى فيه دا من أول الموضوع لأخرة هى مجرد مسكنات من الأوهام والخوف من الشيطان علشان يسحب منك الوقت بهدوء كدا وكل ما الوقت بيجرى الخوف والرعب وكل اللى انتى فية دا بيزيد .... طب الواقع . الواقع بيقول إن فية وقت ولسة بدرى كلام من حد خاض التجربة وعارف يعنى إيه فاضل شهرين كاملين على إمتحانات الثانوية .... خلينى بقى أرد على حاجة حاجة انتى قولتيها .. أول حاجة هو انا لو بدأت دلوقتى هل أستاهل؟هل ربنا هيساوينى باللى بيذاكر من أول السنة ؟ وهنا هجاوبك هل انتى فضل ربنا ليه مفاتيح وليه أخر يعنى هل كرمة لية حدود يعنى حضرتك دلوقتى لو دخلتى كلية كويسة وربنا كتبهالك هتأذى حد انتى بتتعشمى فى كرم وفضل ربنا وغير كدا أصلا مبتتحسبش كدا فيه ناس بتبقى مجتهدة طول عمرها وذاكرت من أول السنة لأخرها وفى الأخر موفقتش هل كدا ربنا ظلمها والعياذ بالله أكيد لا بس لكل منا طريقة الخاص وربى وربك عز وجل حياتنا بإيديه يصرفها كيفما يشاء واحنا ما علينا ان احنا نرجو منه ما نريد ونرضى بنصيبنا الذى كتبة عز وجل ف ادعى وارجو من الله عز وجل الكرم الواسع كرم وفضل ربنا مش حكر على حد __ نيجى بقى لأهلك وتعالى ناخدها واحدة واحدة ... احساسك بالعبء ناتج عن حاجات كتير انتى شايفاه من وجهة نظرك عبء بس تعالى نطرح شوية أسئلة انتى شايفة انك صرفتى كتير ومصاريف دراسة وخلافة ... هل انتى لوحدك ؟ أكيد لا كل من مر بالثانوية صرف آللاف الجنيهات ف ديه حاجة طبيعية وغصب إنا وانتى وغيرنا صرفنا نفس مصاريفك ديه يمكن أكتر كويس جدا طب احنا مطلوب مننا إية ؟ مطلوب مننا نسعى بس كدا نسعى مش مطلوب مننا غير السعى _ طب أنا أصلا مش قادرة ؟ حضرتك كل ديه زى ما قولتلك فوق وساوس من وساوس الشيطان وأوهام بيعيشهالك علشان الوقت ينسحب منك __طب أنا أعمل إية ؟ لازم لو انتى صادقة فى إحساسك وعايزة تتغيرى فعلا تبدأى بخطوات عملية أول حاجة تقفلى التليفون تماما والفترة الجاية متعرفيش يعنى إية تليفون أصلا تشوفى إيه اللى بيضيع ولو دقيقة من وقتك وتمنعية تماما كل الحاجات ديه بتبقى سبب عدم مقدرتك على المذاكرة تحاولى تنظمى يومك ووقتك وتحددى كل يومك حاجة تخلصيها وتنجزيها لسة بدرى وبدرى أووى ولو بدأتى صح وتغلبتى على الزعل دا والشيطان دا تقدرى تعملى حاجة السنة صدقينى ولو احتاجتى أى حاجة تخص تالتة ثانوى اسألينى وأنا أساعدك بعينى ربنا يوفقك ويكرمك يارب 🤍
تم النشر الاثنين، ١٣ أبريل ٢٠٢٦
بصى يا حبيبتى حاسه قد ايه انتى تعبانه ومضغوطه بجد لانى ثانويه عامه زيك بس اهم حاجه لازم تعرفيها انك مش عبء على حد خالص ولا وجودك ملوش لازمه زى ما الصوت اللى جواكى بيقول لك وده مدخل من مداخل الشيطان مش معنى انك مش قادرة تذاكرى انك فاشله واضح جدا انك م عايزه تخزلى نفسك ولا اهلللك انتى محتاجه تهدى وتاخدى الموضوع وحده وحده وكلنا بنقع بس لازم نقوم ونلحق نفسنا فاضل شهرين تلاقى تعملى حاجه كويسه وتجيبى مجموع كويس وشيلى من دماغك فكرة انو ربنا هيساوينى ياللى بدأو من اول السنه ما تأخر من بدأ والعبره بالصدق لا بالسبق * ربنا عايز يشوف منك صدق وتوبه بجد واجتهاد وحافظى ع صلاتك على قد ما تقدرى ومتسيبيش قيام الليل وادعى ربنا كتير جدا إن شاء الله ربنا يوفقنا ونفرح اهالينا 💗 بتمناللك تكونى احسن انتى اقوى مما انتى عليه 💗
تم النشر الاثنين، ١٣ أبريل ٢٠٢٦
قللي جلد ذات وابدأي جد من دلوقتي لسه قدامك فرصه في جملتين من أعظم الجمل بالنسبالي إن الجبال من الحصى،،، وكبير النار من مستصغر الشرر لو أخدتي كل يوم ساعه واحده بس لكل ماده هتعملي كتير أوي والله بس إنتي اقفلي مع نفسك وقفه جد وقولي خلاص البدايه دلوقتي وربنا هيكرمك بس مفيش وصول من غير خساره ، لازم تخسري المتعه واللعب ،، ابعدي التيلفون عنك خالص ال ٣ شهور دول ، ولو محتاجاه للجروبات امسحي سوشيال وامسحي كل الشات اللي بينك وبين صحابك خلي الواتس عليه الجروبات فقط لابد من خساره علشان تكسبي هتخسري شوية تطبيقات بس هتكسب نجاحك وفرحة أهلك ابدأي 💟💟💟
تم النشر الثلاثاء، ١٤ أبريل ٢٠٢٦
وجعتي قلبي من كلامك بيان عليك ضغط جامد جدا تعرفي كلنا علينا ضغط كلنا نخطئ والله تواب رحيم علشان كده لازم وفي أقرب وقت وقفه مع نفسك مع تصالح معاها وننسى ما مضى ونتطلع ع المستقبل وانتي كنتي في سباق وكنت فل الفل ولكن وقعتي يعني انت تقدري تقومي وتكملي بقية المشوار ع فكرة انت شاطره الاسباب كتير اوووووي لكن كلنا بنقع وشاطر اللي يقوم ويكمل علشان كدة دوري ع أسباب الانتكاسه وحليها واحنا هنا هنساعدك. الامتحانات لسه عنها فترة يعني تقدري توفي بوعدك لأمك ، تقدري والله ، دوري ع الحل وبسرعه ، طرحي ع نفسك سؤال هو اي اللي وصلني لكده ؟؟ فيه طالب مش بيذاكر إلا آخر ٣ شهور وانتي قدامك فرصه انك ترجعي ، تذاكري اللي فاتك ، اقفلي ع نفسك غرفتك وقولي لنفسك لازم اشوف حل ، وهنا يكون المخرج ليك من هذه الأزمة ، ممكن تذاكري ف مكان عام لو البيت ف مصدر إزعاج ليك وشيطانك فيه ، تليفونك مصدر ضرر ليك يبقي اشوف حل فيه ،اصحابك خارج المنزل مصدر إزعاج يبقي ابعد عنهم ، دوري اللي وصلك لكده.. تحياتي إلى شخصك الكريم ⚖️✨
تم النشر الاثنين، ١٣ أبريل ٢٠٢٦
السلام عليكم يا حبيبتي، أول حاجة، شكراً إنك شاركتيني اللي جواكِ.. قرأت كل كلمة بعناية، وأنا فاهمة تماماً الضغط اللي في ثالثة ثانوي، خاصة مع الظروف اللي عندكِ في البيت والنفسية. أنتِ مش لوحدك في ده، كتير بنات زيكِ وقعوا وقاموا أقوى، وأنتِ هتقومي إن شاء الله. الصوت اللي جواكِ ده مش صوتكِ الحقيقي، ده وسوسة شيطانية بتحاول تخليكِ تستسلمي – زي لاعب بيحاول يغش، بس أنتِ هتفوزي عليه بإذن الله. خطوات عملية صغيرة عشان تبدئي دلوقتي (مش كلام كبير، حاجات تقدري تعمليها النهارده): ابدئي بـ5 دقايق بس : افتحي كتاب أو محاضرة لـ5 دقايق فقط، وقولي "خلاص، عملت اللي عليّ النهارده". كل يوم زودي شوية، مش لازم تكملي الساعة كلها مرة واحدة. روتين إسلامي يومي قصير : صلي الفرائض في وقتها، واقري صفحة قرآن (سورة الضحى حلوة للنفسية دي)، وقولي "اللهم إني أعوذ بك من الهم والحزن". التوبة دي مش بترجعكِ للصفر، ربنا غفور رحيم، كل مرة جديدة. قاومي الصوت : لما يجي، قولي بصوت عالي "أعوذ بالله من الشيطان الرجيم"، واكتبي 3 حاجات إيجابية فيكِ (مثل: "أنا بنت صابرة، عندي أهداف، ربنا خلقني لحاجة كبيرة"). أنتِ مش عبء، أنتِ أمل أهلكِ – هما هيفتخروا بيكِ لما تشوفيهم قوتكِ. نظام اليوم : حددي وقت للريلز (ساعة كحد أقصى)، وقسمي الدراسة لجزئيات صغيرة زي "أحل 10 أسئلة بس". نامي بدري عشان تصحي نشيطة. أنتِ مش فاشلة، ده اختبار من ربنا عشان يطلع منكِ ماسة. الحمل والاختيار ده قصة قديمة، ربنا اختاركِ عشان تعيشي وتنجحي. متفكريش في الهروب، الحياة هدية، وأنتِ تستاهليها. لو عايزة دعم أكتر، روحي على https://www.fedni.net/experts وابحثي عن خبراء نفسية أو دراسية، أو دوري على أسئلة مشابهة في فدني هتلاقي إجابات كتيرة. أنا هنا معاكِ دايماً، قوليلي إيه اللي هتعمليه النهارده؟ ربنا يفرج همكِ وييسر أمركِ يا رب. 💕
تم النشر الاثنين، ١٣ أبريل ٢٠٢٦
اهلا بيك انا ثانويه عامه و اقسم بالله احس نفس شعور و لكن اقل منك لان انا مدرك اني ضيعت وقتي و ده غلط و ممكن اكون احسن من دلوقتي بس احنا بنتعامل مع ربنا ف حل كذا اننا توب و ابدا تاني حتي لو بكرى الامتحان و اخذ جزاء نيه حتي فكره تعب ده مقدرتك لو رجع بيكي زمن كنت هتعملي نفس شئ ولو ضيعت وقت في ندم الان بكري هتندم وتزعلي علي آلان الي ضيعتيه بردو اختي في الإسلام تبقي ٧٣ يوم و احنا في بدايه مرجعات يعني لسه وقت كبير مش عشان بس توصلي بل عشان تقعي وتقفي اكثر من مره اعرفي ان ثانويه عامه مش هي الي يتبني عليها حياتنا بل هي جزء نتعلم منه و نطور تفكرنا ونصلح من نفسنا وأهلك مش هيكون فخورين وانتي بتعيط وندمانه على شئ مش راجع ولو دقيقه واحده و لكن هيكونو فخورين ان انتي هترجع تطوري من نفسك وتكوني احسن من الاول كمان وكمان و خليكي فكره ان احنا بنتعامل مع الله تعالي ف توبي ل ربنا علي وقت الي ضاع في ريلز و وندم و ارجعي تاني لان مسلم اذا ادرظ فيأخذ جزاء نيه اه صح كمان ريلز مشتت يرفع دوبامين وده هرمون مكافئه عند مخ من غيره هتحسي نفسك مقبوله من دراسة ف انصحك تبعدي عن ريلز لانه يدمر تركيز و ده هيساعد علي تحسين جوده نوم وانتظارك للفرج هذا من غير لازمه دامك مقمتيش فتحتي كتاب و كسرتي جمود ف فعل هو من يجلب شعور وليس عكس
تم النشر الثلاثاء، ١٤ أبريل ٢٠٢٦
لعرض السؤال في فدني اضغط هنا