السلام عليكم. انا عندي 16سنه بحب ابن عمي من حوالي سنه هو عنده 21وهو بيحبني من زمان مكناش بنتكلم ولا اي حاجه حصلت مشكله في العيله وكده وكنا بنتكلم واتساب المهم بعد 4شهور اعترفلي انه بيحبني وانا قولتله هيفضل ليك مكان في قلبي لحد مايجي وقته وكده عشان لسه صغيرين و فضلنا نتكلم وكده كنا اصحاب اكتر من إننا بنحب بعض مكنش فيه كلام حب ولا حاجه كنا بنتعامل طبيعي مع العلم إن الشات في الاول كان قدام مامتي ومامتها وكان عادي خالص المهم بعد 5ايام اخوه شاف الشات وشاف اما اعترفلي بحبه وكده اخوه اكبر مني بسنه راح قال لمامته ولاخوه مع العلم إن اخو ده عنده 19سنه وهو كمان كان بيحبني وانا عرفت بعد فتر قبل من حبه ده ووصلتله كلام عن طريق بنت عمي إنه اخويا وكده هو في الوقت ده كان في 3ثانوي قالها هي كمان اختي وكل واحد يركز في دراسته والكلام ده وانا في الوقت ده كنت لسه في تانيه اعداي وفضل فعلا بتعمل كانه اخ لحد من كام شهر اما عرفو إن انا واخوه بنحب بعض طبعا قلبه الدنيا وطلعوني انا غلطانه وكده محدش عارف من بتنا غيىر اختي الكبيره وهما بقا الفو كلام تاني من عندهم انا معملتهوش وقالو كمان إن انا بوقع مابينهم بس انا والله مابوقع مابينهم اصل وقت ماعرفت علي اخوه ده كنت في تانيه اعدادي وقولتله انه اخويا وهو كمان قال انه كنا عيال وموضوع تافه وكده بس خلاص احنا سبنا بعض عشان ربنا واحنا غلطنه وكمان غضبنه ربنا بس بنت عمي قالتلي انه اللي بحبه نفسيته تعبان وحلق شعره عشان خايف النصيب ميجمعناش وانا مش هرجع تاني لان اخاف ربنا يزعل مني تاني
المشكله دلوقت انا مش عارفه اعمل ايه وعايزه اصالح مرات عمي مع العلم ان بسببها علقت محليل في حاجات ظلم بس انا مش عايزه حد يكون زعلان مني انا عايزه حاجه تريحني وتخلي ربنا ميزعلش مني
المواقف ال زي دي صدقيني وارد تحصل فالسن ده و بتعدي و ادينا بنتعلم ،، حاولي تجمعي كل ال فالموضوع و تكلميهم و تقوليلهم الحقيقة و وجهة نظرك عشان ميكونش في أي سوء تفاهم ،، و الله بقى صدقو ولا لا ايا كان رد فعلهم فانتي عملتي ال عليكي للآخر و صدقيني مع الوقت كل ده هيتنسى و ممكن تلاقي مرات عمك دي هي نفسها ال جاية تخطبك لحد فيهم و يا عالم بالظروف ساعتها هتوافقي ولا ايه فبجد كل ده بيبقى نصيب و مكتوب عند ربنا سبحانه و تعالى ال مختارلك احسن حد ليكي فمتقلقيش من اي حاجة 💜
تم النشر الثلاثاء، ٢٦ سبتمبر ٢٠٢٣
سيبك منهم كلهم وبصي لصحتك ومفيش حد بياخد مرات حد ولا واحدة بتاخد جوز حد ربنا كاتب كل واحد نصيبه مع مين من قبل ما تتولدي أساسا ف ممكن أصلا نصيبك يطلع براهم ف فكك عيشي سنك واهتمي بصحتك ومذاكرتك ولفتة حلوة إنك مهتمة بدينك ربنا يزيدك
تم النشر الثلاثاء، ٢٦ سبتمبر ٢٠٢٣
انتي من الاول اتصرفتي صح، لما قولتي له احنا صغيرين وكل واحد يركز في دراسته. حاليا انتم ال 3 صغيرين سواء الشخص اللي بتحبيه او اخوه .. ولما تكبروا صدقيني في حاجات كتيرة جدا هتتغير! واللي حاصل دلوقت، هما هيعتبروها مجرد مشاكل عيال وخلاص اتحلت. الحل دلوقتي بالنسبالك تجنبي كل الكلام ده وابدي ركزي من تاني على مستقبلك ودراستك هما دول الاهم. ولو ليكم نصيب ف بعض بعد كده هتكونوا لبعض. غير كده اي كلام دلوقت مش هيبقى له لازمة.
تم النشر الثلاثاء، ٢٦ سبتمبر ٢٠٢٣
وعليكم السلام ورحمة الله وبركاته شكرا ع المشاركة🌷 جميل قوي احساسك انك مش عايزة حد يزعل منك بس انتي مسؤله عن نفسك فقط مش مسؤله عن حد تاني او حاسس بايه او زعلان ولا لأ وانتي بتقولي مقولتيش حاجة تزعل حد فتكلمي علي اي اساس انتي متاكده من نفسك نقطة هاخد من كلامك عايزه حاجة تريحني وتخلي ربنامايزعلش مني حلو قوي اي حاجة فحياتنا بنرجعهاللشرع لو حلال بنعملها لو حرام بتبعد عنها حاولي ادعي ربنا بكلام بسيط وتتكلمي معاه وانتي رافعة ايدك هتلاقي راحة من قلبك اما الكلام اللي اتقال وانتي معملتهوش في مقوله بتقول أميتوا الباطل بالسكوت عنه متتكلميش فيه أفضل ربنا يقدرلك الخير ويرشدك للصالح
تم النشر الثلاثاء، ٢٦ سبتمبر ٢٠٢٣
وعليكم السلام هى مواقف كلها بسبب السن الصغير ولسه بتستكشفى افضل حاجة تتعمل ايه وبتتعلمى الكلام اللى اتقال غلط ....خلاص ننساه بس بعد ما نعاتب عليه اللى قاله ونفهمه انه بدون وجه حق ظلمك وبعدها متسمحيش الكلام يتفتح تانى موضوع النصيب هيفضل نصيب وكلكم ركزوا فى دراستكم انتى جميلة وبتركزى فى الصح وبتعمليه ولا كان قصدك توقعى اخوات ولا حاجة وهما اللى عاملين حوارات وخلاص
تم النشر الثلاثاء، ٢٦ سبتمبر ٢٠٢٣
لعرض السؤال في فدني اضغط هنا