Nour Abdullgawad

ليكم ربنا وحسبني عليها ومتختلطيش بيها لا أنتي ولا اهلك وحطي حد لضرب اخوكوا ليكوا دة بأي طريقة وخلوا مامتكوا تحط حد لاخوكي تعمله لو مراته ملمتش نفسها وكفاية طبطبة علي اخوكوا عشان الطبطبة بيردها بقسوة عليكوا

محتاج تباشر طبيب نفسي، لأن المشكلة النفسية إللي عندك سببتلك آثار جسدية جانبية وأبدا أعرف مشكلتك وواحدة واحدة عالجها مفيش حاجة ممكن تتعمل مرة واحدة

عادة لازم تعرفي الأول أنتي لية كل حياتك لعب في لعب دوري علي أوقات طفولتك وتربية الأهل ثانياً لازم ترفعي الاستحقاق عندك، بمعني إنك لو حتي رديتي علي الشخص إللي ضربك أو شتمك وخسرتيه فمش عشان أنتي وحشة أو الاستحقاق عندك قليل، لكن عشان هو شخص كان لازم تخسريه من زمان انتقي الأشخاص إللي حواليكي ورتبيهم علي راحتك النفسية وشوفي هل ينفع أصلا دة يكون جنبك أو لأ وعادة قلة الأخلاق مش ميزة ومش ميزة نكون جنب أشخاص مش بيقدروا حتي التعامل معنا

أظن أنك محتاج تقرأ عن الدين في الموضوع دة وعن علم النفس وتقعد في اجتماع عائلي وتعرض الموضوع إللي عايز توصله بطريقة إنك قريت كذا وتبدأ تشرح الموضوع بطريقة بدون ما تحسسه، لو استجاب فيا أهلا وإن لم يستجب فله الله وأدعو له

حبيبتي مش كل حاجة تحصلنا وحشة إنها تكون غضب ساعات محبة من الله عادة صلحي نقطة نقطة وحقيقي هتفرق مفيش حد بياكل وينام ويذاكر مرة واحدة ود ة كدة أنتي مشتتة نفسك حاولي مثلا أبدأي بحبيبك، سيبيه أصلًا لأن لو انتي شايفة إن دة غضب جايز بسبب غلط زي دة مثلًا، مثلًا اعرفي إزاي تحبي نفسك وتقدريها، صحابك شوفي مين سلبي ومين إيجابي وأبدأي تصنفيهم، وهكذا في إيدك تغيري نفسك بداية من إنك تحبي نفسك

ماهو أنا عايزة أقولك حاجة إحنا لية بنرتبط أصلا لية واحد متعبش فيكي ياخدك طبيعي هتلاقي حاجات غريبة بتحصل لما تبدأي تعملي حاجات غريبة علي أنثويتك وهو إن الست أو البنت أو السيدة في العموم دايمًا بتكون غالية علي أي حاجة الراجل يمتلكها وعادة أنتي مش هتعملي ضوابط شرعية في علاقة غير شرعية لأنها مش هتنفع الأفضل إنك تتركي دة حالًا، عادة الولد لما بيلاقي قلبك رهيف بيألفها ف متحطيش نفسك في موقف تقولي بعدين ياريتني ما عملت كدة

وهل في فكرك إن ربنا انتقم منهم في ساعتها؟ زي ما أنتي عايزة يحصل في الصهاينة! فرعون عقبال ما حصل فيه إللي حصل كان سيدنا موسي كبر واتجوز وهو كأن مأويه وهو رضيع. دة أولا ثانيا: وأنتي أش عرفك إن دة عذاب ليهم، هو لما حد يدخل الجنة بدون مجهود كبير هو عمله يبقي وحش، في نظرك وحش لكن لما هنيجي كلنا في الآخرة كنا هتبقي متمنيين الشهادة. الشهيد منزلته كبيرة عند ربنا ومش أي حد بيطولها وهل أنتي عايزة معجزة تحصلك عشان تتاكدي إن ربنا موجود، هو الانبياء بس إللي بيحصلهم كدة، وخلينا نقول إن الجهاز إللي أنتي كاتبة منه السؤال أيًا كان هو أية ليه مخترع والكون دة كله ملوش خالق! أنتي دورك تشوفي اختبارك في حياتك زي ما هما ليهم اختبارهم وعادة ربنا مش سايبهم هو ربنا جعل عندك كل مقاومات الغني كأمة مسلمة وعربية تخلينا عندنا قدرة نحرر الأقصي وفلسطين بس فرق تسد ودة فعلا معني الاتحاد قوة إحنا كمسلمين مش متحدين وهو ربنا موصينا علي بعض وحتي علي غير المسلمين فهل في فكرك ربنا هيسيب كل حد سكت وكان عنده قدرة يساعد؟ هو كل دة زي مذاكرة وامتحان عشان النتيجة النهائية كل دول عندهم صبر علي البلاء زي ما سيدنا أيوب صبر علي مرضه وكان نبي (اعبده واصطبر لعبادته) أقرأي اكتر عن قصص الانبياء وعن قصص المؤمنين وقصص القرآن وانتي هتعرفي كل واحد هُلك بعد قد أية وعادة دة جزاء إننا بنتهاون وبنحاول نخلي سلام مع قوم ربنا غضبان عليهم دنيا وآخره وشتتهم بإرادته، فمفيش إرادة تعلي علي إرادة ربنا.

صلاة الاستخارة رقم ١ وأولا وأخيرا ثانيا الحاجة بنحسبها مميزات وعيوب ومكسب وخسارة لو كفة المميزات تقلت بناخد الحاجة ولو كفة العيوب تقلت بنسيب الحاجة ممكن تدخلي حاجة كفا المميزات تقيلة لكن بسبب عيب صغير تخسري كتير جايز أولهم نفسك ف أنتي تقديرك للحاجة هو إللي بيحددها مفيش حاجة مطلقة ف بصي علي الوضع لو شايفة أنه مش هيسيب حاجة تأثر عليكي مثلا علي الأقل شهر يبقي دة تمام لو هيأثر يبقي الحاجة دي في باطنها أو ظاهرها اذي اعتمدي علي التخيل في أي موقف في الحياة والتعمق الذاتي وأنتي بتستشعري الوضع الحالي أو ما ستكوني عليه

حبيبتي أنا خريجة دار العلوم وأقدر أقولك إن فكرة إنك تطبيق بواسع الأفق دي مش موجودة بنسبة كبيرة أو كلية في كلية اللغة العربية يعني مثلا هي قاعدة (نحوية، صرفية، عروضية، لغوية، فقهية) هتمشي عليها، والارتجال دة بعد ما تخلصي وتتخصصي، لكن نظام الامتحانات في مصر مش بيدعم الارتجال ومن كلامك انتي عايزة حاجة واسعة الأفق وعادة علم الاجتماع مش بنفس الطريقة إللي بتوصفيها لأن ليا اخت خريجة آداب علم اجتماع ومش بتوصف الكلية بالطريقة دي، لأنها كلها نظريات برضو علماء وانتي في أي كلية كطالبة مش مسموح لك أنك تبدأي بإنك تحطي شيء أنتي مأسساه في أي علم غير بعد التخرج والماجستير غالبا أي مجال هتدرسيه مش هيبقي بنفس الطريقة إللي بتتكلمي عنها غير مجالات الفنون بس كان نفسي زمان زيك كدة بس خلصت الكلية وأنا لسة بدور علي الطريقة دي في التدريس ربنا معاكي♥️

شيل من دماغك إن هما ليهم تحكم في حاجة بعينها من غير ربنا ما بيكون أذن، ربنا لما بيأمر حاجة حتي الشياطين بتطيعه، ف لو حصلك حاجة بيبقي قدر ربنا مقدره لك جايز تتعلم بيه حاجة لسة متعلمتهاش، مثلا إنك تبطل تفكر في الحاجات إللي مش هتفيدك وتقرب من ربنا وجايز دي خطوة تخليك تصلي بما إنك قولت مش بتصلي، ف قبل ما تنام حط ف دماغك إن "والله خير حافظا وهو أرحم الراحمين" و "ما هم بضارين به من أحد إلا بإذن الله" وأقرأ عن قصة سيدنا موسي وسحرة فرعون وإن كيدهم مغلبش إللي ربنا معاه هتلاقيها في سورة طه والقصص وسور تانية كتير، أبدا بس تمعن القرآن وأعرف إنك أقوي بدليل أنه في أوقات جن عادي كتير حوالينا ومبيعملناش حاجة حتي لو كنت أية وعادة بجد إللي يخاف من العفريت يطلعله، والشيطان فعلا كيده ضعيف في الأخر متحضرش عفريت مش عارف تصرفه وأقرأ حاجة مفيدة تنفعك مش الكلام إللي ملوش فايدة دة واستبدل المسلسلات دي بمسلسلات وأفلام وثائقية أو حتي كارتون أفيد كتير من النوع دة من الأعمال

محتاج تقعد معاها تتكلموا انتوا الاتنين باستفاضة اكتر عن أي حاجة جواكوا عشان مينفعش انتوا الاتنين تفضلوا تعبانين كدة، وياريت الحديث يبقي بعيد عن أنه لينتهي بوقت العياط♥️

محتاج فعلا تعتزلهم وتثفل كل البيبان منهم لأنهم لو كانوا صحاب كانوا ساعدوك مش عملوا معاك كدة، وتبدأ تحب نفسك عشان تستغني عن الحب الوهمي إللي بيجيلك منهم، ولما هتبدأ تحب نفسك هتعرف أنت اصلا تكون محب وتدي حب أضعاف إللي كنت بتاخده وهيبقي مش فارق معاك حب أي حد ليك المهم رضاك عن نفسك لو مش بتعمل حاجة غلط أبدا أعرف عن نفسك واستكشفها شايفة إنك محتاج الخطوة دي جدا وحاول لو حتة إنك فافي وفرفور دي مضيقاك، أكيد تصرفاتك بتوحي لإلي قدامك إنك كدة، فبطلها عشان تعرف تعيش الحقيقي والواقع والصحه والمفروض

أهم حاجة متظلميش نفسك عشان ترضي حد فالفيصل هيكون صلاة استخارة كان لازم تصليها من زمان

محتاج توديع لمعالج نفسي يفهم هو لية بيعمل كدة وهو يعرف يطلع إللي أنتي مش عارفة تطلعيه وعادة جذب الإنتباه بيبقي سببه الرفض أو محتاج اهتمام من نوع تاني مش كل حاجة مذاكرة وكورسات وشدة في حاجة اسمها لعب ونادي وخروجات وفسح واحتواء نفسي مش دراسي

اللهم خير لي ولا تخيرني فإني لا أحسن الاختيار ودبر لي فإني لا أحسن التدبير اللهم إنا نسألك من الخير كله عاجله وآجله ما علمنا منه وما لم نعلم ونعوذ بك من الشر كله عاجله وآجله ما علمنا منه وما لم نعلم وصلاة استخارة

روحي لطبيب نفسي وأقرأي كتاب اسمه المرونة النفسية لدكتور بندر آل جلالة وكتاب لا تحزن لعائض القرني وكتاب how to stop worrying and start living for dale Carnegie

انتي زي القمر كملي بالطريقة إللي حباها ومرتاحة ليها وحشتها المهم راحتك ♥️

سيبك منهم كلهم وبصي لصحتك ومفيش حد بياخد مرات حد ولا واحدة بتاخد جوز حد ربنا كاتب كل واحد نصيبه مع مين من قبل ما تتولدي أساسا ف ممكن أصلا نصيبك يطلع براهم ف فكك عيشي سنك واهتمي بصحتك ومذاكرتك ولفتة حلوة إنك مهتمة بدينك ربنا يزيدك

بصي، كل واحد بيبص علي حاله إللي هو فيه عشان دايما بيبقي عنده فكر أنه هيبقي حاله شبيه من حالهم أو أقرب حال ليهم عشان يعني هنجيب الحال الأغرب منين حتي لو كان وحش أو حلو، فكرة إنك كارهة الشعور دة أكيد ارتباط بكلام والدك السيء مع أمك ودة غلط كبير من والدك وفعلا الكلمة مش سهلة، ولكن أنتي الواضح كبيرة وممكن تتكلمي مع والدتك عن دوافعها وأسبابها وتحكيلها عن إللي أنتي بتحسيه بعيداً حتي عن معرفة بباكي، ولكن هقولك حاجة فكرة أنه علاقتهم حلوة دة مش شرط لمجرد إنك شوفتيهم كويسين في النقطة دي، لأن كل بني آدم عنده غريزة ومش شرط كلنا يبقي عندنا نفس الشعور تجاه تلقيها أو إرسالها، فهي ممكن تكون مكملة عشانك مثلا، عشان حاجات كتير لو سألتيها عليها ممكن تقولك وتكون مخبية جزء أكبر منها، الست كل ما بتكبر بتبقي محتاجة أكتر للراجل يعني متطلبات الحياة والتعامل مع الظروف المحيطة بتقتضي وجوده، أو حتي إبن كبير ليها، المهم تكون محاطة بسور الأمان إللي غالبا بيصنعه وجود الراجل، وعادة الست من سن علي آخر العشرين لحد علي ما اظن نص الأربعين بتبقي محتاجة دة جدا، وهي أكيد مش أقل من السن دة والست أكثر احتياج للشيء دة اكتر من الراجل، ممكن تبقي باصة إن دة حقها من ضمن حقوقها ودة فعلا حلالها مش شرط يكون جوا حياتهم ما بينهم هما بص وجواهم زي ما بيظهروا، وممكن يكون عنهم سعادة مؤقتة، وفكرة أنه يتجوز من حب عمره إللي رفضته بعد السنين دي كلها هو عندنا عادة الراجل العربي والمصري تحديداً مبيحبش يترفض ف يمكن واخد الموضوع تحدي، أو أخد حاجة من كل حاجة حاولي تتكلمي مع مامتك بدون رمي التهم عليها لأن دة أكيد هيأذيها نفسيًا، حاولي تسمعي أسبابها كل واحد منا ليه أسبابه خصوصاً أنها مبتعملش حاجة حرام، وخلي في عقلك أن مامتك ست محترمة لأنها بتعف نفسها ودة أساسا المبدأ إللي قائم عليه الجواز عفة النفس، مش بقولك إن دة يتجرد من المشاعر، لأ بس بقولك متبصيش لمامتك بالنظرة دي وحاولي تتفهمي الوضع إللي أنتي متحطتيش فيه ومش شرط عشان حد منك اتحط فيه تتحطي فيه حاولي تتفهمي أسبابها وتسمعيها، ولو رفضت الكلام فدة حقها، كلنا عندنا نقوصات حتي لو في الشخصية مش عقاب إنها أم وعندها بالنسبالك نقص، ممكن عندها يبقي كمال

صلي كتير وأدعي عليه حقيقي ربنا ينتقم منه، قول اللهم أرني عجائب قدرتك في تحقيق ما أترجي وروح للعميد أو رئيس الجامعة، لأن دة تصرف مش شخص سوي أبدًا وأرفع القضية ومش مشكلة تاخد وقت بس ترد إعتبارك وبعدين تبقي تدرس أي حاجة تحبها المهم متسبش نفسك لليأس، وأنت بتابع القضية اشتغل زي ما باباك قالك وألعب رياضة واستحمل لحد ما ربنا يردلك حقك لكن متسبش طريق ربنا أبدًا لأن دة إللي هيجيلك حقك

باشر دكتور وعالم دين هما هيقدروا بتكفلوا بالفكرة والموضوع اكتر

أدعوا عليه ربنا هيقدر عليه حاولوا تلاقوله كبير برضو أو تكلموه بالذوق او من غير ذوق أدعوا عليه

صلي استخارة وشوفي لو سبتي الشغل هتقدري تصرفي علي نفسك ولا لأ واشتغلي دايما براحة بال حتي لو مبتحبيش المجال

ممكن يكون ناجح صلي صلاة استخارة الأول عشان تقنع أهلها قولهم صلوا صلاة استخارة ولو حاسين بالخير أكيد كلام ربنا أهم

الحاجة إللي بتحبيها لو مبتعرفيش تحفظي إياكي تدخلي مجال الحفظ الكتير وصلاة الاستخارة مهمة جدا كرريها

من رأيي لو قادر تكمل تعليم كمل لو مش قادر خلاص ربنا شايلك نصيبك لكن متوقفش سعي لا في موضوع الجواز ولا تبطل سعي في موضوع إنك تحسن من نفسك

أقرأي كتاب الكلب الأسود لدكتور محمد الشامي للاكتئاب هيساعدك جدا وحاولي تخرجي نفسك بنفسك ومتعتمديش اعتماد كلي علي الأدوية لأن حتي الدكاترة بتتناول العلاج الدوائي بجانب السلوكي ولا غني عن السلوكي بوجود الدوائي أو عدم وجوده

مبيحبكيش هو عايز حاجات مش كويسة وبس وبيجر رجلك لو كملتي هتكوني بتجني علي نفسك

سيبك من الهبل دة لو ربنا أراد تحصل هتحصل ولو مأرادش مش هتحصل، مش التفكير إللي هيمنع القدر لكن الدعاء بيغير القدر وعن تجربة

قراءة الكتب والمقالات العلمية والبعد عن الأشخاص المؤذيين، والنوم مبكرا والاستيقاظ علي الفجر

تعمل تحدي، وتقرأ كتب ومقالات عن الموضوع ببساطة العقل زي الجسم بيتخن وبيرفع، أقرأ مقالات إزاي تحسنه، وكتاب زي ادرس بجهد ولكن بذكاء، واعمل تحديات كل يوم إنك تركز لوفت معين حتي لو كان في بادئ الأمر بعشر دقائق تركيز وركز علي حاجة واحدة بس في الوقت نفسه عشان دة إللي هيطلعها بأفضل جودة ومتستخدمش تقنيات مذاكرة لمجرد إنها شائعة استخدمها لمجرد إنها فيداك، تقبل النتيجة حتي لو كانت بسيطة مع الوقت هتثير ضجة، حط لنفسك استراتيجية لمذاكرة كل مادة بمعني حط شكل لطريقة مذاكرتك لكل مادة مثلا اختلاف طرق مذاكرة المواد العلمية عن الأدبية، لذلك حط طريقة مذاكرة لكل مادة تكون انت قادر تنفذها وبتنفع معاك وأقرأ كتب عامة كتير

يا أستاذ وصف تحت رجليه دة لا يصح للمرأة عموما، وهي مش متحكمة بالشدة لأن اخوها لو شخصيته ضعيفة مش هيعرف يرد هي متحكمة باللفظ للدارك (بالدحلبة) لكن الشدة ملهاش علاقة بالموضوع

متزعليش بس ربنا ذكر في القرآن {إن ذلك من كيدكن إن كيدكن عظيم} ف دة شيء طبع بس هي الموضوع زايد عندها شوية، تجنبي الاختلاط معاهم أنتي وأخواتك ومتكونوش لقمة سهلة وبالطريقة إللي تنفع معاها، مفيش حاجة اسمها نفاق لشخص بيعرف يتعامل مع كل واحد بطريقته، النفاق هو إنك تبقي بتكره حد وتعامله حلو او بتتكلم عليه وتعامله حلو، لكن إللي بقولك عليه تعامليها بطريقتها إللي تنفع معاها دة إسمه مرونة وربنا يبعد عنكوا كل شر متزعليش وخلي حملك علي الله

أكيد أهم حاجة الاستخارة، بس لما تستخيري ربنا وبين ليكي حاجة مترجعيش عنها عشان مش هيبقي في اكتر من إن ربنا يقولك تعملي أية، خدي وقتك بالتفكير ومفيش حاجة بتتعمل مرة واحدة كل حاجة بتاخد وقتها، أهم حاجة يكون الوقت بنتيجة مرضية ليكي وللصح ومش مجرد وقت عدي وكل حاجة ترجع زي ما هي

تمام، علمي نفسك يكون عندك شيء نتجزيه حتي لو مش بتحبيه، استخدمي طريقة Pomodoro، مرة ورا مرة جربي ربع ساعة في الأول بعدين زودي ٥ دقايق مع كل مرة، وشوفي النتيجة النهائية، محدش كل حياته لعب مرة واحدة هيواظب علي ساعة كاملة، وأقرأي كتاب العادات الذرية والعادات السبع للناس الأكثر فاعلية

هقولك حل تاني لعل وعسي ينجح مع إني مبقتنعش بيه (إنك لا تهدي من احببت ولكن الله يهدي من يشاء) جربي تتكلمي معاه إنك عرفتي دة وإنك عايزاه يوقف دة وشوفي رده وشوفي طريقة تعامله بعدين، الموضوع دة حقيقي مع ناس كتير أعرفهم بيجيب النتيجة الحقيقية للأمور

طب حتي لو عنده نية، أنتي هتقبلي تتجوزي واحد مش هاين عليه زعل ربنا، اومال في المستقبل هيعمل فيكي أية، مش دايما بحبك معناها ينفع اكمل أو أنا موجود وهكمل، لما هتيجي عند الجد هتكتشفي إنك محتاجة راجل بمعني الكلمة يسندك ومتدين ودايما إللي متدين حق بيكون حنون لأنه من ضمن إنه يكون الدين في قلبه تكون الرحمة في قلبه، فكل دة غطاء جربي تكوني في اكتر موقف محتاجة فيه راجل في حياتك وشوفي هيكون موجود ولا لأ،

مش شرط تكوني عملتي معاه حاجة حرام اساسا كلامكوا دة في إطار حرام، ثانياً هو مش كل شخص يظهر حاجة يكون هو كدة فعلاً، حاولي تتمحصي اكتر وتاخدي بالك من حاجات كتير في وقت من الأوقات هتفهمي أنه كان مينفعش

السنة شالت عنك تضييع ثلاثة كمان زيهم، ولو فاكرة دة إنك تتعاملي مع مرضي، فانتي عادة هتقابلي ناس مكنتيش بتقابليهم في اليوم العادي، زي مثلا الإصلاحية وكدة، بصي لو حابة جربي دورة أو لو عندك شدة حب للموضوع أوي صلي استخارة أولا وأخيرا الموضوع هيحسملك الجدا

بصي لو مامتك هدفها الجواز ف دة مش غلط مع إني والله مبشجعش واحدة تتجوز واحد متجوز، لكن لو هدفها غير كدة فلأ أكيد وفعلا حرام، بصي أنتي واجهيها بشدة وعرفي حد من أخواتك لأن دة مينفعش وهي هتشوف أنها إللي ليها الحكم عليكي مش أنتي لو واجهتيها بحنية هتشد عليكي أنتي، أوقات لازم نشد علي الناس إللي بنحبهم عشان الرخاء بيبقي مفعولة زي مفعول عدم الكلام، المهم قوليلها إن دة مينفعش ووضحي كل إللي أنتي عايزاه، خديها خطوة بدون ما تراقبيها وفهميها إن الجواز عادي لكن دة إللي مش عادي، ناس كتير بتبقي خايفة تتجوز تاني عشان الناس متقولش عليها انها مسعتش لتربية عيالها أو عشان عيالها ميتاخدوش منها، ف فهميها دة عادي الجواز ودة حلال، لكن لو هي رفضت سيبي بيتها وعيشي مع بباكي جايز موضوع فراقك يفرق معاها، وربنا يهديها ويصلح الحال

معلش حاولي معاه بطريقة تانية بس متيأسيش وإن شاء الله خير

براحتك أكيد ودي حاجة حلوة إنك واعية للسن إللي محتاجة تفهمي فيه دة، بس اقترحت عليكي لأنك محتاجة تفهمي الموضوع بشكل صح، واظن إنك في إعدادي وفي ٣ إعدادي في درس عن كدة ف حتي براحتك أي وقت تحبيه بس الفترة دي لحد ما تقرأي حاولي تطنشي

حبيبتي أكيد في حل تاني، كل حاجة ليها حل، ممكن تبدأي تتثقفي عن الموضوع وتبدأي تبدي عدم اهتمام وأنه دي حياتهم الخاصة وإن دة شيء عادي بيحصل بين أي زوجين لولا دة كان هيهلك الحرث والنسل والله لا يحب الفساد، بصي للموضوع أنه دة حقهم، أنسي غلطات بباكي، كلنا والله عندنا مشاكل ممكن توصل للنوع دة، ولكن حاولي تحاولي مع نفسك إن الموضوع دة مش بالسوء إللي متخيلاه

هو ولد، ولازم يكمل تعليم

فعلا عندك حق، إللي يزبط الموضوع دة بقي صلاة الاستخارة

قصدي يعالجك من اضطراب الهوية، شوف دكتور يقدر يعالجك بالطريقة إللي تنفع معاك

متفهمة جدا، بس دي حاجة إحنا مش أحسن حد نعرفها عشان نحكم فيها ولذلك سبت الموضوع لصلاة الاستخارة عشان ربنا عارف كل مخلوقاته وعالم بكل الأحوال ولو خير أكيد المفروض يتجوزوا بعد السن القانوني

أرجع للطبيب إللي كتبهولك ولو مش واثق من كفاءته شوف طبيب. تاني