هل الافضل الدراسه في قسم علم النفس ام اللغه العربيه من حيث شخص يحب التطبيق والعملي والرسم والخيال وهذه الأشياء العمليه وليست النظريه ..
للعلم سيتم التحويل من قسم لغه عربيه وتضييع عام التي درست في القسم عام والان أريد التحويل لعدم التاقلم فما رأيكم ؟
ولدي تلعثم بسيط في الكلام ولا استطيع التدريس لانه يحتاج شخصاً لبقا ..
حبيبتي أنا خريجة دار العلوم وأقدر أقولك إن فكرة إنك تطبيق بواسع الأفق دي مش موجودة بنسبة كبيرة أو كلية في كلية اللغة العربية يعني مثلا هي قاعدة (نحوية، صرفية، عروضية، لغوية، فقهية) هتمشي عليها، والارتجال دة بعد ما تخلصي وتتخصصي، لكن نظام الامتحانات في مصر مش بيدعم الارتجال ومن كلامك انتي عايزة حاجة واسعة الأفق وعادة علم الاجتماع مش بنفس الطريقة إللي بتوصفيها لأن ليا اخت خريجة آداب علم اجتماع ومش بتوصف الكلية بالطريقة دي، لأنها كلها نظريات برضو علماء وانتي في أي كلية كطالبة مش مسموح لك أنك تبدأي بإنك تحطي شيء أنتي مأسساه في أي علم غير بعد التخرج والماجستير غالبا أي مجال هتدرسيه مش هيبقي بنفس الطريقة إللي بتتكلمي عنها غير مجالات الفنون بس كان نفسي زمان زيك كدة بس خلصت الكلية وأنا لسة بدور علي الطريقة دي في التدريس ربنا معاكي♥️
تم النشر الاثنين، ٢ أكتوبر ٢٠٢٣
طالما ده رأيك على اساس تجربتك ...فمش هتخسر حاجة ان شاء الله اللغة العربية مجالاتها اكتر من مجرد مدرس ....تعليم اللغه العربية لغير الناطقين بها ممتاز التدقيق اللغوى الترجمة الكتابة انا ارى ان مجال اللغه سيساعدك على التخلص من مشكلة التعلثم باذن الله هذا رأيي و رغم كل شىء ...اذا رأيت نفسك فى مجال اخر اذهب اليه طبعاااا
تم النشر السبت، ٣٠ سبتمبر ٢٠٢٣
طيب ما انت ممكن تشتغل على نقاط ضعفك وتكون أفضل .. بالذات كمان ان شغل علم النفس برضه محتاج تبقى لبق، ويكون لديك مهارات كويسة. وطبعا لكل شئ قسم نظري وعملي، ف برضه الشغل النظري في علم النفس مهم فلا تقل اهميته عن العملي. لو حابب كلية عمليه بتعتمد على الخيال ف كلية فنون او تربية فنية هتكون مناسبة ليك جدا. لو انت بتفكر ف الشغل فيما بعد .. يبقى خد شهادة حاليا ده لو مش فارق معاك الاقسام .. ف خد شهادة وبعد كده اشتغل اللي تحبه، جرافيك - او تتعلم الرسم اي مهارة عمليه ممكن تتعلمها بعدين وتتقنها وتشتغل بيها. وكلك البرمجة.
تم النشر السبت، ٣٠ سبتمبر ٢٠٢٣
لعرض السؤال في فدني اضغط هنا