انا داخله تانيه ثانوي نظام البكالوريا مسار اداب و فنون و ف المسار ده لازم نختار بين مادتين الي هما لغة تانيه(ايطالي) و علم نفس و المشكله اني حابه الاتنين عادي و بالنسبالي سهلين زي بعض ومحتاره اختار ايه فيهم لان كمان انا عايزه ادخل كلية السن او اداب ايطالي لو مجبتش المجموع او اداب علم نفس
ف الكليات الي محتاره بينها ليها علاقه بالمواد دي ف لازم اقرر من دلوقتي ف اعمل ايه وصليت استخاره مرتين لسه محتاره برضو
ولو حد عنده خبره بأي كليه من الكليات دي ياريت يفيدني
انا معنديش خبره بصراحة و لسه داخل تالته ثانوى بس اكيد ايطالي على الاقل لغه و تفتيح لافاق المخ و تقدرى تشتغلى بيها بعدين او على الاقل تعملى اوز بلدونج مش بيحتاج مجموع و تسافرى و غير كده انا اسف بس علم النفس مش هتستفيدي بيه حاجه خالص
تم النشر الخميس، ١٦ يوليو ٢٠٢٦
السلام عليكم، لو هدفك الاول ألسن اختاري إيطالي، وعامة راجعي نفسك وفكري كويس هتلاقي واحدة فيهم أعلى من التانية عندك، مش هيكونوا على نفس الدرجة. إيه اللي هتكوني مرتاحة أكتر وأنت بتمارسيه بعد كده، مجالات اللغة زي الترجمة سواء كتابية أو شفهية وتدريس اللغة ولا هتحبي أكتر الشغل في الإرشاد النفسي وغيره من مجالات علم النفس؟ شوفي كمان أي واحدة هتفتح لك فرص أفضل في المستقبل. ** وإذا قريبين من بعض بالنسبة لك فاعملي موازنة بين سلبيات وإيجابيات كل واحدة واختاري الأفضل بالنسبة لك، لو خايفة من المجموع إنك متلحقيش السن فأنت لسه فيها، ركزي إزاي تتفوقي وتجيبي مجموع إن شاء الله بحيث تكوني حرة الاختيار. *** بالنسبة لصلاة الاستخارة، فمش ضروري تحسي براحة أو يزول التردد على طول، أنتِ بتستخيري ربنا وبعدها تجتهدي في جمع معلومات واستشارة ذوي الخبرة وموازنة القرار واختيار اللي يغلب عليه الأصلح برأيك وتتوكلي على الله. ** بالتوفيق.💚
تم النشر الثلاثاء، ١٤ يوليو ٢٠٢٦
أولاً، أحب أقولك إن شعورك بالحيرة طبيعي جدًا، خاصة إنك بتختاري مادة هتأثر على مسارك الجامعي، وده قرار مهم. صليتِ استخارة مرتين وده أمر رائع، فخليكِ واثقة إن الله هيوجهك للأفضل، وممكن دلوقتي تفكري بمنطق وتجمعي معلومات عشان تقرري براحة. بالنسبة لاختيار المادة، فكري في اهتمامك الحقيقي على المدى الطويل. لو بتحبي تعلم اللغات واستكشاف الثقافات الإيطالية، وبتتخيلي نفسك في كلية الألسن إيطالي، فاختيار الإيطالي دلوقتي هيديكِ أساس قوي وهيسهل عليكِ الدراسة بعدين، لأنك هتكوني مستمرة في نفس المجال. أما لو بتحبي فهم النفس البشرية والسلوكيات والعلاقات، وبتشوفي نفسك في كلية الآداب علم نفس، فاختيار علم النفس هيخليكِ تستمتعي بالمادة أكتر وتكوني مستعدة للكلية. جربي تفكري في يوم عادي: هل تفضلي تقرئي كتب عن اللغات والترجمة ولا عن علم النفس والشخصيات؟ كمان، شوفي الفرص المتاحة في كل كلية. كلية الألسن إيطالي بتفتح أبواب للترجمة والتدريس والعمل الدولي، بينما علم النفس في الآداب بيفتح مجالات في الإرشاد والتعليم والبحث. لو مجموعك مش هيسمح بالألسن، فاختيار المادة اللي بتحبيها هيخليكِ أكثر حماسًا في الدراسة وهتتفوقي فيها. جربي تسألي نفسك: أي مادة هتديني طاقة إيجابية أكتر في السنة الجاية؟ لو عايزة آراء إضافية، ابحثي عن أسئلة مشابهة على فدني عشان تشوفي تجارب بنات تانيين مروا بنفس الحيرة. أنتِ قادرة على الاختيار الصح، ومهما اخترتِ هتكوني ناجحة إن شاء الله. لو حابة تتكلمي أكتر عن مخاوفك، أنا هنا.
تم النشر الثلاثاء، ١٤ يوليو ٢٠٢٦
بشوف الايطالي افضل
تم النشر الجمعة، ١٧ يوليو ٢٠٢٦
لعرض السؤال في فدني اضغط هنا