السلام عليكم
كنت حابه اخد رايكم ف موضوع انا بنت عمرى 22 سنه كنت بدرس ف كلية اصول دين واتخرجت من ثانويه ازهريه 2021 بمجموع 53 فى الميه دخلت اولى جامعه مكنتش حابه الكليه وغير ظروفى انى بضطر اشتغل الصبح وبعد الضهر فسيبت الكليه فكرت انى ممكن ارجع اعيد الثانويه تانى وخصوصا ان كان حلمى ادخل علمى واكون دكتوره ففكرت انى اعيد الثانويه تانى وامتحن وبإذن الله اعمل اللى عليا تفتكرو اعمل كده واحسن من نفسى واحقق حلمى ولا ارجع اعمل اعادة قيد او اقدم ف اى كليه تانيه ♥
السلام عليكم ورحمه الله وبركاته نصيحتي ليكي لو الظروف اتغيرت في انك هتقدري تكون في عندك وقت افضل وجهد افضل تقدميه في الثانويه العامه مختلف عن اللي فاتت فتوكلي على الله لكن لو لو الظروف زي ما انت بتقولي هتبقي لسه محتاجه تشتغلي الصبح وبالليل فكده هتبقي جوه ظروف برده هتكون غير مهيئه انك تذاكري بشكل افضل علشان تجيبي نتيجه افضل فتبقي ما عملتيش حاجه فيبقى وقتها اعتقد انك لو سجلتي مره ثانيه وقدمتي في كليه ثانيه ده هيكون أفضل حل لك من إنك تعيدي الثانويه العامه وربنا ييسر لك باذن الله اللي فيه الخير ليكي واستخيري استخيري الله وان شاء الله ان شاء الله ربنا ييسر لك الطريق الاحسن.
تم النشر الجمعة، ٢٧ يونيو ٢٠٢٥
وعليكم السلام ورحمة الله يا عزيزتي، أولاً، أحسنتِ على وضوحك ورغبتك في تحسين وضعك وبناء مستقبلك، وهذا شيء جميل جداً. عندك حلم نبيل وهو أن تكوني طبيبة، وهذا يتطلب جهد وتخطيط لكن بإذن الله الأحلام تتحقق بالنية والإصرار. خليني أقسم لك موضوعك إلى شقين وأساعدك تراجعيهم: إعادة الثانوية العامة العلمية: فكرة جيدة إذا كان لديكِ وقت وطاقه لتركيز كامل على الدراسة. إعادة الثانوية تعطيكي فرصة لتحسين معدلك بشكل كبير، خصوصاً لو عندك رغبة حقيقية لدخول الكليات العلمية. لكن تحتاجي تخطيط لاستثمار وقتك، خصوصاً وأنك تعملين، فلو الأمر ممكن أن يكون مرهق تحتاجي تدوري على حلول تساعدك في التوازن. الاستمرار في الجامعة أو تغيير الكلية: إعادة القيد في كلية أخرى أقل مناسب لكِ حاليًا هي طريقة أسرع للحصول على شهادة جامعية. يمكن تختاري كلية تتوافق مع ظروفك الحالية والعمل، وتكون فرصة لبناء مستقبل مهني جيد. رغم أن حلمك الطبي أكبر وأكثر تحدي، لكن البداية بأي شهادة ستساعدك على التقدم مادياً واجتماعياً. نصائحي لكِ: فكري في مدى قدرتك على تفرغ الدراسة لو قررتِ إعادة الثانوية، وهل هناك دعم من العائلة أو من حولك؟ حددي أولوياتك: هل وقتك وطاقتك تسمح بالمجال العلمي، أم العمل والالتزامات الأخرى؟ لا بأس أن تبادري بطلب المشورة من خبراء في التعليم أو مدربين حياة، يمكنكِ إيجاد محترفات يساعدنك في تخطيط دراستك ومستقبلك على منصة "فدني" من قسم الخبراء. وأخيراً، تذكري أن النجاح لا يأتي من الطريق الواحد فقط، يمكن تحققين حلمك بطريق آخر ولهذا لا تضغطي على نفسك كثيراً. كل خطوة تخطيها بخطى ثابتة ونوايا صادقة هي نجاح بحد ذاتها. إذا تحتاجين دعم أو مساعدة إضافية، أنا هنا دائماً يا ذكية، ولا تترددي ترجعيلنا تسألي. ودائماً ابحثي في فدني عن تجارب وأسئلة مماثلة، ستجدين أفكار ونصائح كثيرة تعينك. ربنا يوفقك وييسر لك كل خير ♥️
تم النشر الجمعة، ٢٧ يونيو ٢٠٢٥
وعليكم السلام ورحمة الله وبركاته أولًا كدا: انتي عمليت إيه لحد دلوقتي؟ خلصتِ ثانوية أزهرية سنة 2021. خلتِ كلية أصول دين، بس ما كنتيش مرتاحة لا للكُلية ولا للظروف. اشتغلتي وتحمّلتي مسؤولية، وده مش سهل على بنت في سنك. دلوقتي عندك 22 سنة، وبتفكري ترجعى تعيدي الثانوية علشان تدخلي علمي وتحققي حلمك القديم: تبقي دكتورة. اللي عملتيه لحد دلوقتي مش فشل أبدًا، ده "تجربة"، والتجربة دي علمتك حاجات كتير عن نفسك، عن قدراتك، وعن اللي بتحبيه وما بتحبيهوش. نجي للسؤال بتاعك: ترجعي تعيدي الثانوية؟ ولا تعيدي قيدك؟ ولا تقدمي على كلية تانية وخلاص؟ الاختيار الأول: تعيدي الثانوية الأزهرية – قسم علمي ده معناه:ترجعي تذاكري سنتين أو سنة واحدة (لو تقدرِ تدخلي على طول 3 ثانوي). هتحتاجي تركيز شديد + وقت + مجهود. بس: لو حلمك الطب فعلاً ولسه عندك الشغف له... ده طريق حقيقي، حتى لو اتأخرتي شويتين. مميزاته بقا: هترجعي تحاولي تحققي حلمك الحقيقي. شعورك إنك حاولتي لآخر لحظة هيريّحك جدًا. فيه ناس كتير بدأت طب بعد سن 23 أو 24، والنجاح ملهمش سن. عيوبه: هتحتاجي تعتمدي على نفسك تمامًا في المذاكرة. ممكن تحتاجي دروس، أو على الأقل كورسات أونلاين قوية. ضغوط نفسية واجتماعية: الناس تقولك “كبرتي”، “هتبدأي من الأول”، بس الناس مش اللي هتعيش مكانك. الاختيار التاني: تعيدي قيدك في الكلية أو تقدمي على كلية تانية في تخصص مختلف أسرع. أقل مجهود. لكن: هل دي حاجة هتحبي تكملي فيها؟ هل هتدخليها علشان مجرد تمشي الطريق؟ مميزاته: مش هتضيعي وقت كتير. تكملي تعليمك فورًا. عيوبه: ممكن تحسي بالإحباط أو إنك "ماشية في طريق مش بتاعك". هتتخرجي من كلية مش بتحبيها، وهتلاقي نفسك في وظيفة أو مجال مش بتحبيه برضو. رأيي بكل صدق: لو فعلاً نفسك من قلبك تكوني دكتورة، ولسه الحلم جواكي حي، يبقى ما تتنازليش. مش مهم عندك كام سنة دلوقتي. المهم هتكوني إيه بعد 5 سنين. ناس كتير جدًا بدأت من جديد، ونجحوا لأنهم آمنوا بحلمهم. بس كمان، خدي وقتك وفكّري: هل عندك القدرة حاليًا تذاكري وتشتغلي مع بعض؟ تقدرِ تريّحي شغلك شوية أو تقللي منه خلال فترة الثانوية؟ تقدري تلاقي دعم من الأسرة ولو بسيط؟ (نفسي أو مادي اقتراح عملي: لو نفسك ترجعي للعلمي: 1. اسألي في الأزهر: هل ينفع تعيدي الثانوي الأزهر علمي بعد ما دخلتِ الكلية؟ 2. لو ينفع، حددي لو هتعيدي من أولى ولا على طول تالتة. 3. خططي لوقتك (دراسة + شغل)، لو صعب الجمع، شوفي طريقة تساعدك (مذاكرة ذاتية، كورسات). 4. خدي القرار على يقين، مش خوف من كلام الناس
تم النشر الأحد، ٢٩ يونيو ٢٠٢٥
توكلي على الله وعيدي مادام عندك حلم و هدف و بإذن الله تكوني تتخرجي بمجموع كبير و كلية طب
تم النشر الأحد، ٢٩ يونيو ٢٠٢٥
طالما دا حلمك وواضح انك حابه المجال دا يبقي في الحالة دي يبقي استعيني بالله وأبدا وربنا يكرمك يارب ويرزقك الخير دايما
تم النشر الأحد، ٢٩ يونيو ٢٠٢٥
انا بس كان نفسى احقق حلمى وحلم امى
تم النشر الأحد، ٢٩ يونيو ٢٠٢٥
انا برضو زيك مخد درجه كويسه فربنا يعينك
تم النشر الثلاثاء، ١ يوليو ٢٠٢٥
أولا ربنا يوفقك ويكرمك الخير دايما، تاني حاجه بقا هو أن الكلية مش اهم حاجه يعني الناس الي بتتخرج هو مجرد روتين مش اكتر عشان في الاخر ناخد الشهادة وانا كنت ازهر وفعلا كان كدا قلة من الدكاترة الي كان في إفادة منهم بس عموما فكرة انك ترجعي تاني تعيدي هتبقي فكرة كويسة بس انا برجح الكورسات ايا كان المجال الي هتدخليه و انك تتعلمي اونلاين وتتابعي الناس المشهورة في المجال دا دا اهم بكتير من الكلية بس عموما الكلية مفيدة ف انك يكون معاكي الشهادة مش اكتر
تم النشر الأحد، ٢٩ يونيو ٢٠٢٥
لعرض السؤال في فدني اضغط هنا