انا بحب اتعلم لغات كتيرة جدا فممكن ترشحولي كذا ابلكيشن اقدر اوصل من خلاله لمستوى A1 ف اي لغه انا عايزها زي الألماني والإيطالي والصيني وكدا يعني
السلام عليكم، من تجربتي مع تطبيقات اللغات لو هرشح واحد بس فأرشح لك تطبيق Memrise https://play.google.com/store/apps/details?id=com.memrise.android.memrisecompanion&hl=ar ده أكتر تطبيق استخدمته واستقريت عليه. له مزايا كتير جدا منها أصوات النطق لمتحدثين أصليين مش نطق آلي وفيها فيديوهات لأشخاص حقيقيين فهتسمعي لكنة صح. ميزة زرع المفردات والجمل والمراجعة بالتكرار المتباعد فبيساعد في ثبات اللغة في الذاكرة طويلة الأمد. طريقة التدريس نفسها لو جربتِها بتقوي الذاكرة الصورية، يعني مثلا الصيني التطبيق سهل عليّ رموز الهانزي، بدل ما كان حفظ الرموز مشكلة.. طريقة التدريس خلتني أحفظ الرموز بصريا وأميزها لما أشوفها في جمل بدل طرق الحفظ التقليدية. كذلك الكوري والياباني واللغات اللي أبجديتها مختلفة هيسهلها عليك. كمان حاليا فيه ذكاء اصطناعي وتصحيح للنطق. اقترح عليك تحمليه وتجربيه شوية في الصيني والألماني وبإذن الله يفيدك. _________ كمان من تطبيقات الصيني تحديدا: تطبيق ( hellochinese ) https://play.google.com/store/apps/details?id=com.hellochinese بس المشكلة إن المحتوى المجاني كان قليل والكورسات الباقية مدفوعة بس كان فيه ميزة شرح القواعد النحوية مع كل درس جديد ومعلومات عن اللغة نفسها والرموز ومعلومات ثقافية عن الصين والثقافة الصينية للانغماس في اللغة والثقافة. وفيه ميزة كتابة الرموز وكمان إمكانية تسجيل صوتك ونطقك للجمل وتصحيحها ______ دولينجو كويس للمبتدئين خالص بس عن نفسي لا أرشحه. Busuu حلو بس نفس نظام دولينجو.. ميزته بتسجلي لنفسك وأصحاب اللغة يصححوا نطقك. ____ نصيحة إضافية، التطبيقات لوحدها برأيي غير كافية. أنصحك بشدة بالإضافة للتطبيق اللي هتثبتي عليه إنك تنغمسي في اللغة أكتر وتسمعي محتوى للمتحدثين الأصليين أكتر ده هيسهل جدا اكتسابك للغة. ___ ممكن أرشح لك بعض القنوات الجميلة في تعلم الصينية، https://www.youtube.com/@EverydayChinese/playlists https://www.youtube.com/@AskAndy/playlists https://www.youtube.com/@GraceMandarinChinese/playlists https://www.youtube.com/@ShuoshuoChinese/playlists والقناة دي جميلة جدا، https://www.youtube.com/@ChineseDailyPodcast/videos فيها بودكاستات لكل مستويات الصيني، جربي تسمعيها كل يوم حتى لو مبتدئة.. اسمعي من غير ترجمة كذا مرة واسمعي بترجمة برضه كذا مرة ولو تحبي سجلي المفردات اللي بتتكرر وراجعيها.. كرري الفيديو كذا مرة، مع مرور الأيام هتلاقي اللغة بقت مألوفة وسهلة جدا واكتسبتِ مفردات أكتر. _______ كان نفسي أفيدك في الألماني والإيطالي بس هم صراحة لسه في الخطة المستقبلية. 😅 أرجو أكون أفدتك، وبالتوفيق إن شاء الله. 💚
تم النشر الأربعاء، ٢٩ أبريل ٢٠٢٦
التطبيقات كتير بس في البدايه الأفضل دولينجو لانه حلو للمبتدئين وبيمشي معاكي بدروس قصيرة وتدريبات و هيفيدك في النطق الصحيح للكلام مع طبعا كورسات ودروس يوتيوب وتابعي مقاطع مترجمه للغة اللي هتدرسيها وجربي تنطقي وتتكلمي وتعيدي الكلام مع حفظ الكلمات طبعا. وربنا يوفقك ان شاء الله
تم النشر الأربعاء، ٢٩ أبريل ٢٠٢٦
يا حبيبتي، حلو أوي إنك بحبي اللغات كده! 😊 هتروحي بعيد مع الإصرار ده. هنا أفضل التطبيقات اللي هتوصلك لمستوى A1 (المبتدئ الأساسي) في أي لغة زي الألماني، الإيطالي، الصيني، وغيرهم، وكلهم مجانيين أو فيهم جزء مجاني كبير: Duolingo (الأفضل للمبتدئين): زي اللعبة، دروس قصيرة يومية (10-15 دقيقة). يدعم +40 لغة، بما فيها الألماني، الإيطالي، والصيني. هتوصلي A1 في أسابيع لو ملتزمة. Memrise : ركز على المفردات والنطق بفيديوهات ناطقين أصليين. ممتاز للصيني والألماني، وفيه كورسات مجانية لمعظم اللغات. Babbel : دروس محادثة حقيقية، أقوى في الألماني والإيطالي. الجزء الأول مجاني، وهيسرع فهمك للجمل اليومية. HelloChinese (للصيني تحديداً): متخصص في الماندرين، مع كتابة الهانزي والنطق. مثالي لـA1، وفيه تطبيقات مشابهة زي HelloTalk للدردشة مع ناس. نصيحة عملية : ابدئي بـ15 دقيقة يومياً، حددي لغة واحدة كل شهر، وسمعي بودكاست بسيط زي Coffee Break Languages معاها. هتتقدمي سريع! لو عايزة آراء تانية، دوري في فدني على أسئلة مشابهة أو شوفي الخبراء في https://www.fedni.net/experts. استمري يا قمر، أنتِ قادرة! 🌟 إيه رأيك تبدئي بإيه الأول؟
تم النشر الأربعاء، ٢٩ أبريل ٢٠٢٦
ممكن تبحثي على اليوتيوب هتلاقي كورسات كثيرة جدًا وتقدري تنجزي وتتعلمي من خلالها
تم النشر الأربعاء، ٢٩ أبريل ٢٠٢٦
برنامج طليق حلو اوي
تم النشر السبت، ٢ مايو ٢٠٢٦
لو المانى ف فغاو هند التوب بصراحة ولها قناة على تليجرام
تم النشر الخميس، ٣٠ أبريل ٢٠٢٦
برنامج اسمو Busso عن تجربه برنامج حلو اوي
تم النشر الخميس، ٣٠ أبريل ٢٠٢٦
ديولينجو جميل جدا كبداية و هيبدأ معاك بداية كويسة و كمان airlearn جميل جدا بيلم المواقف المتشابهة و عندك الكورسات كتير بردو على مختلف المنصات و ع اليوتيوب ممكن تبدئ بكورسات اللغات بتاعت الثانوي او اي مرحلة صغيرة بحيث تكون البداية هينة عليك
تم النشر الأربعاء، ٢٩ أبريل ٢٠٢٦
لعرض السؤال في فدني اضغط هنا