أنا ف موقف مش قادره استوعب وتعبانه اوى والله محتاجه حد يفيدني واتصرف ازاى أنا ليا اخ متزوج ومراته مش كويسه ودايما اى حاجه بتشوفها بتروح تحكيها ل اخويا و ل غير اخويا وانا والدى كان بانى ل اخويا شقه ف البيت بتاعنا عشان انو يقعد معانا وكدا ووالدى قعد يقولو يلا انقل كل مره اخويا كان بيطلع ب حجه شكل ودا كان وسوسه من مراتو ف بابا كان كل شويه يقولو انت ماشى ب مزاج مراتك وكل شويه كان بيحصل مشاكل كتير اوى لدرجه ان ف مره كنت مخنوقه اوى وقعدت اصوت من كتر الخنقه مرات اخويا راحت قالت ل اخويا واخويا جه قعد يضرب فيا لدرجه ان جسمى كان ازرق من كتر الضرب كان بيضربنى ب سلك الشاحن ولسعنى بالمكوه ولكن عدينا كل دا وبرضو كان مشاكل كتيره وبابا اصلا مش بيطيق مرات اخويا وكل شويه يقولو مراتك وهيا اللى مقوياك وكلام من دا كتير ف اخر مره كان امبارح حصل مشكله كبيره اوى أن اخويا قال ل بابا أنا مش هنقل ف الشقه اللى انت عملتها دى قالو براحتك بس عن شرط مراتك متدخلش عندى البيت لحد ما اموت اخويا سكت ولما عمى أتدخل ف الموضوع وقالو عيب دا مهما كان أبوك روح اقعد مع ابوك ابوك ليه حق عليك المهم بعد اقتناع من عمى قال ماشى هنقل ف اخويا جه ل بابا انهارده لانى أنا ووالدتى ووالدى مسافرين واخواتى ومراتو كان ف البلد وبابا قعد يتكلم معاه ويقولو أنا مش عاوز حد يتكلم عليك وقالو أنا لما منعتك أن مراتك ملهاش دعوه اختها لأن اختها وحشه اوى وبتقويها دايما ولگن أن اخويا راح قال ل والدى انت جاى على مراتى مش لما تشوف ماما ولما بتدارى عليك ومبتقولكش حاجه بيقولو اى حصل قالو لما اخواتى بيقعدو يزعقو فيها وهيا تسكت لما اختى خدت فلوس من شنطة مراتى وسكتنا هوا من فتره حصل موقف أنهم لبسو اختى أنها سرقت ٣٠٠٠جنيه من شنطة مراته ودا محصلش خالص وعمرها ما عملت كدا واخويا ساعتها مسكها ضربها وقعدنا نقول إن دا محصلش ولكن هوا ماسكها عليها ل حد انهارده ف جه انهارده قال ل بابا على حوار الفلوس وقولنا والله محصلش ولكن صدق كلام اخويا مراته وبابا قعد يزعق ف ماما وشتمها ب أقذر الشتائم ووصلت لدرجة انو ضربها وقالها روحى عند امك روحى روحى وشتمها ب ابوها ولاكن أنا جدى ميت اصلا وقعد يتكلم ويقول أنا ربنا ياخدنى من وشكو ومن اشكالكم وقعد يقول أنا هجوعكم وقعد يشتم ويزعق وانا والدتى تعبانه اوى وانا مش عارفه اعمل اى وانا تعبت اوى والله وانا المشكله انى أنا مريضه نفسيا لوحدى بسبب مشاكل كتير ف حياتى تعبانه اوى والله ياريت مع العلم أن اخويا بيشرب شيشه ووالدى كان من زمان قالو اوعى ف يوم من الايام تفكر تشرب سجاير أو شيشه أو كلام من دا مع أن احنا مخبيين على. بابا الاقى اى حل وشكرا جدا ليكم انكم هتسمعولى
ليكم ربنا وحسبني عليها ومتختلطيش بيها لا أنتي ولا اهلك وحطي حد لضرب اخوكوا ليكوا دة بأي طريقة وخلوا مامتكوا تحط حد لاخوكي تعمله لو مراته ملمتش نفسها وكفاية طبطبة علي اخوكوا عشان الطبطبة بيردها بقسوة عليكوا
تم النشر السبت، ١١ نوفمبر ٢٠٢٣
هو ده شغل ستات اوى ( ان كان اخوكى ولا مراته )... فى مثل امريكى بيقولك ما تتخانقش مع الخنزير فى الوحل لان دى ارضه واكيد هيكسبك فيها شخصية بتاعت نقل كلام ومشاكل ..مندخلش معاها فى مواضيع اصلا ...ولا نسمح بان اى موضوع يجمعنا بيها . حتى لو بتيجى تقضى معاكم يوم بحاله ...خليكوا حذرين جدا فى اليوم ده وعاملوها بنظام صباح الخير يا جارى ..انت فى حالك وانا فى حالى بالنسبة لوالدك هو واضح ان عليه ضغوطات وبيحاول يكون مطمن ومرتاح والحوارات دى كلها بتخرجة عن شعورة وبيتصرف بالشكل اللى زعلكم كده ..اعذريه بس انتى ركزى فى نفسك واحذرى ان اى تفاصيل تخصكم تعرفها الشخصية دى ووالدك ميعرفهاش .( اتقوا الشبهات وابعدوا عن احتمالية المشاكل ) ازماتك النفسية ركزى عليها اكتر ومتاخديش كل موضوع وتفكرى فيه كتير طالما مفيش حاجة فى ايدك تتعمل
تم النشر السبت، ١١ نوفمبر ٢٠٢٣
انا هقولك على فكرة حوه بيتكم مش هيتصلح الا لو طلعت الانسانه ده منه كان عندنا زيها والحمد لله اطلقت زى ما هيه بتوقعكوا فى بعض وعامله عليكوا كيده ربنا قال ان كيدهن عظيم زى ما هيه عندها كيد انتوا برضوا عندكوا كيد ف حارب عدوك بما يحاربك به هذا هو طريق الفوز ولاكن كن ازكى منه لتنتصر عليه اعملى موقف واعمليلها كمين فيه وخلى اخوكى يشوفها على حقيقتها وتتفضح قدام ابوكى كمان وامك ترجع وحياتكم تستقر شغلى مخك كده اتجسسى عليها وشوفيها بتعمل ايه من ورا اخوكى ومن وراكو واعمليلها مصيدة وطبعا المثل يقول الفار بيحب الجبنه وربنا يكفيكوا شرها
تم النشر الاثنين، ١٣ نوفمبر ٢٠٢٣
هو خوفك اصلا غلط من الاول ولدك يمكن عمل كدا لانه مش مستوعب مراته تسرق هو مش عارف الحقيقه بس لازم يعرف بكل حاجة اخوكي بيعملها فيكم ويمكن ده اكيد ان اخوكي مطاوع مراته بسبب اللي بيشربه لو شايفه ان كلامك مع ولدك ممكن يحل اي حاجة اتكلمي وما تخافيش
تم النشر السبت، ١١ نوفمبر ٢٠٢٣
بصي هي المشكله كبيرة فعلا والسبب اخوكي لانه مش راجل وانا اسفه فى الكلمه دي اللي يقبل انه يهين اهله عشان مراته يبقى قليل الاصل والحل انك تدعي بالهدايا لابوكي وتحاول تشوفي موضوع الفلوس مين اللي وراه عشان مامتك ترجع وأتجنبي مرات اخوكي بقدر الإمكان
تم النشر السبت، ١١ نوفمبر ٢٠٢٣
المفروض تبتعدى عنها
تم النشر الاثنين، ١٣ نوفمبر ٢٠٢٣
لا متتأسفيش والله العظيم بيهينا بكل الطرق ولكن أنا حاسه ان فعلا بموت بجد وتعبت اوى ومش قادره افكر ولدرجه انى مستغربه والدى قال كلام مش كويس وانا بجد اتصدمت ولكن على حوار الفلوس مرات اخويا كانت بتعمل كدا عشان توقع الدنيا ف بعضيها وكلنا عارفين كدا ولكن والدى مكناش معرفينه على أن حصل كدا
تم النشر السبت، ١١ نوفمبر ٢٠٢٣
لعرض السؤال في فدني اضغط هنا