بصي، كل واحد بيبص علي حاله إللي هو فيه عشان دايما بيبقي عنده فكر أنه هيبقي حاله شبيه من حالهم أو أقرب حال ليهم عشان يعني هنجيب الحال الأغرب منين حتي لو كان وحش أو حلو، فكرة إنك كارهة الشعور دة أكيد ارتباط بكلام والدك السيء مع أمك ودة غلط كبير من والدك وفعلا الكلمة مش سهلة، ولكن أنتي الواضح كبيرة وممكن تتكلمي مع والدتك عن دوافعها وأسبابها وتحكيلها عن إللي أنتي بتحسيه بعيداً حتي عن معرفة بباكي، ولكن هقولك حاجة فكرة أنه علاقتهم حلوة دة مش شرط لمجرد إنك شوفتيهم كويسين في النقطة دي، لأن كل بني آدم عنده غريزة ومش شرط كلنا يبقي عندنا نفس الشعور تجاه تلقيها أو إرسالها، فهي ممكن تكون مكملة عشانك مثلا، عشان حاجات كتير لو سألتيها عليها ممكن تقولك وتكون مخبية جزء أكبر منها، الست كل ما بتكبر بتبقي محتاجة أكتر للراجل يعني متطلبات الحياة والتعامل مع الظروف المحيطة بتقتضي وجوده، أو حتي إبن كبير ليها، المهم تكون محاطة بسور الأمان إللي غالبا بيصنعه وجود الراجل، وعادة الست من سن علي آخر العشرين لحد علي ما اظن نص الأربعين بتبقي محتاجة دة جدا، وهي أكيد مش أقل من السن دة والست أكثر احتياج للشيء دة اكتر من الراجل، ممكن تبقي باصة إن دة حقها من ضمن حقوقها ودة فعلا حلالها مش شرط يكون جوا حياتهم ما بينهم هما بص وجواهم زي ما بيظهروا، وممكن يكون عنهم سعادة مؤقتة، وفكرة أنه يتجوز من حب عمره إللي رفضته بعد السنين دي كلها هو عندنا عادة الراجل العربي والمصري تحديداً مبيحبش يترفض ف يمكن واخد الموضوع تحدي، أو أخد حاجة من كل حاجة حاولي تتكلمي مع مامتك بدون رمي التهم عليها لأن دة أكيد هيأذيها نفسيًا، حاولي تسمعي أسبابها كل واحد منا ليه أسبابه خصوصاً أنها مبتعملش حاجة حرام، وخلي في عقلك أن مامتك ست محترمة لأنها بتعف نفسها ودة أساسا المبدأ إللي قائم عليه الجواز عفة النفس، مش بقولك إن دة يتجرد من المشاعر، لأ بس بقولك متبصيش لمامتك بالنظرة دي وحاولي تتفهمي الوضع إللي أنتي متحطتيش فيه ومش شرط عشان حد منك اتحط فيه تتحطي فيه حاولي تتفهمي أسبابها وتسمعيها، ولو رفضت الكلام فدة حقها، كلنا عندنا نقوصات حتي لو في الشخصية مش عقاب إنها أم وعندها بالنسبالك نقص، ممكن عندها يبقي كمال
اه انا فعلا خدت الدرس ده السنه اللي فاتت+ماهو مفيش حل قدامي غير اني اطنش وان شاء الله خير وشكرا جدا علي كلام حضرتك
تم النشر الأربعاء، ٢٧ سبتمبر ٢٠٢٣
براحتك أكيد ودي حاجة حلوة إنك واعية للسن إللي محتاجة تفهمي فيه دة، بس اقترحت عليكي لأنك محتاجة تفهمي الموضوع بشكل صح، واظن إنك في إعدادي وفي ٣ إعدادي في درس عن كدة ف حتي براحتك أي وقت تحبيه بس الفترة دي لحد ما تقرأي حاولي تطنشي
تم النشر الأربعاء، ٢٧ سبتمبر ٢٠٢٣
صدقيني انا حقيقي حاولت كتير اني مهتمش بالموضوع لأني عارفه كويس اوي ان ده مش من حقي بس حقيقي كل مره كنت بفشل انا عايزه اقولك انه ما باليد حيله انا نفسي مش راضيه عن اللي بعمله مش راضيه عن نفسي وانا ببصلها ببصه قرف او انها الزاي ترضي علي نفسها كده بعد اللي حصل مع ان دي حياتها وده حقها بس حاليا مفيش ف ايدي حل غير اني اقرأ عن الموضوع بطريقه علميه بس هستني فتره كده كويسه عشان بصراحه مش شايفه انه ليا الحق اني اقرأ في الحاجات دي من دلوقتي
تم النشر الثلاثاء، ٢٦ سبتمبر ٢٠٢٣
حبيبتي أكيد في حل تاني، كل حاجة ليها حل، ممكن تبدأي تتثقفي عن الموضوع وتبدأي تبدي عدم اهتمام وأنه دي حياتهم الخاصة وإن دة شيء عادي بيحصل بين أي زوجين لولا دة كان هيهلك الحرث والنسل والله لا يحب الفساد، بصي للموضوع أنه دة حقهم، أنسي غلطات بباكي، كلنا والله عندنا مشاكل ممكن توصل للنوع دة، ولكن حاولي تحاولي مع نفسك إن الموضوع دة مش بالسوء إللي متخيلاه
تم النشر الثلاثاء، ٢٦ سبتمبر ٢٠٢٣
بصي مبدأيا كلامك جميل جدا وشكرا جدا عليه 🤍+بصي جاتلي فكره اني افاتحها في الموضوع ده كتير بس بصراحه خفت من فكره اني ادايقها او انه ده يأثر علي علاقتها ب بابا ولما ييجي يطلب منها طلب زي ده ترفض بسببي انا عارفه ان المشكله فيا مش فيهم عشان كده مش عايزه احملها فوق طاقتها كفايه حمل بابا عليها مينفعش انها تبقي مشكلتي وهي بالذات تشيلها معايا وهي ملهاش ذنب هحاول احل الموضوع لوحدي مش عارفه الزاي بصراحه بس اكيد فيه حل
تم النشر الثلاثاء، ٢٦ سبتمبر ٢٠٢٣
لعرض الإجابة في فدني اضغط هنا