السلام عليكم ورحمة الله وبركاته
٠
بداية انا بكتب وعارفة انه مفيش حاجة هتتغير بس لعل وعسى تحصل معجزة يعنى !
انا حاليا بمر بفترة نقدر نقول هيتحدد عليها مستقبلى "تانية بكالوريا " بداية الدراسة من حوالى شهر اصعب شهر عدى عليا نظرا لطبيعة مذاكرتى الاونلاين ف انا مش بطلع من اوضتى حرفيا بنام واقوم على الكتاب مقابل ده بقى
التوتر مش بعرف اسيطر عليه بدأت احس بأعراض فى جسمى كله رقبتى وظهرى من قاعدة المكتب ايديا بتنمل كتير اوى عنيا بتوجعنى جدا مع انى كاشفه نظر ولابسة نظارة حالتى كلها بتتدهور من الاخر
غير ان انا نحيفة وضعيفة عندى مشكلة كبيرة مع الاكل روحت ل 3دكاترة تغذية وروحت لدكاترة باطنه علشان مش بقدر اكل ومفيش حاجة بتجيب نتيجة فى دكتورة قالت لى انك مش بتقدرى تاكلى علشان توترك والموضوع متعلق بالنفسية اكتر واخذت مهدئات وحرفيا تعبت من نفسى جربت كل حاجة مفيش ولا حاجة بتجيب معايا نتيجة
.. حاليا بقى حاسة انى خلاص مبقاش فى طاقة اكمل ولا نفسيا ولا جسديا مش عارفة اعمل ايه كل ده من شهر طب شوية كده هعمل ايه التفكير مش سايب دماغى ولا الصداع سايبها بردو
حاسه ان اهلى تعبوا بجد منى مبقتش بقول حاجة لو حاسة انى بموت مش بقول دعيت ربنا كتير بحاول اقنع نفسى بأى كلام ايجابى ولا اى حاجة بتتغير والله
اتمنى لو حد يقدر يساعدنى اكيد فى ناس مرت باللى بمر بيه ده افيدونى جزاكم الله خيرا

المشكلة بتاعتك حصلت لناس كثيره قدامي ومعظمهم كان بيحصلهم كده بسبب ضغط المذاكره بالذات لو الدروس اونلاين فهيبقى ضغط مش طبيعي وانت قاعد بين اربع جدران ٢٤ ساعه وضغط الاهل عشان تذاكر فحاولي تروحي ماده او اثنين على الاقل درس مع زمايلك او حد تعرفيه وبلاش الضغط على النفس من الاول كده يعني انا مش لازم اذاكر ١٠٠٪ طول السنه لاني مستحيل أقدر أكمل بنفس المجهود وهجي على شهرين ثلاثة وازهق ومش هقدر فمفيش مشكله لو بذاكر ٧٠٪ ومستمر لنهايه السنه ونصيحه حاولي تخصصي ساعه في اليوم على الاقل تعملي حاجه بتحبيها سواء رياضه مزيكا رسم اي حاجه
تم النشر الأحد، ٤ أكتوبر ٢٠٢٦
وعليكم السلام ورحمة الله وبركاته يا حبيبتي. أولاً، أنا آسفة جداً للي بتمرّي بيه، وأقدر تماماً إن الضغط ده مش سهل خاصة في سنة زي تانية ثانوي اللي بتحدد مستقبل كتير. إحساسك بالإرهاق النفسي والجسدي مع بعض طبيعي جداً لما الجسم والعقل بيشتغلوا تحت ضغط مستمر بدون راحة كافية، وده اللي بيأثر على الأكل والنوم والتركيز. عشان تتعاملي مع الضغط ده عملياً، جربي تقسمي يومك لفترات مذاكرة قصيرة مركزة (مثلاً 45 دقيقة) ثم تغيير الوضعية تماماً، زي الوقوف أو المشي داخل الغرفة لدقايق معدودة، عشان تخففي الضغط على الرقبة والظهر واليدين. كمان ركزي على وضعية الجلوس الصحيحة قدام المكتب، واستخدمي وسادة داعمة للظهر لو ممكن. بالنسبة للأكل، ابدئي بوجبات صغيرة ومغذية على فترات منتظمة حتى لو مش جوعانة، زي الزبادي مع فاكهة أو مكسرات، لأن الجسم محتاج طاقة مستمرة عشان يقدر يتحمل. ولو التوتر بيأثر على شهيتك زي ما قالت الدكتورة، حاولي تكتبي يومياً 3 أشياء بسيطة حققتيها في الدراسة عشان تعززي الشعور بالإنجاز وتقللي التفكير السلبي. من الناحية النفسية، تذكري إن التوكل على الله والدعاء مستمرين، وده هيساعدك تستمري حتى لو النتيجة مش فورية. لو قدرتِ تخصصي وقت يومي لنشاط خفيف زي المشي في البيت أو الاستماع لشيء مفيد، هيفرق في الطاقة. أنتِ مش لوحدك في اللي بتمرّي بيه، وكتير ناس عدّوا بنفس التحديات ونجحوا. ابحثي عن أسئلة مشابهة على فدني عشان تشوفي تجارب أخرى. خدي خطوة بخطوة، وربنا يوفقك ويخفف عنك يا رب. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢ أكتوبر ٢٠٢٦
بالنسبة لموضوع وقت المذاكرة انا كل يوم اقول هقوم الفجر مش عايزة اتعود على المذاكرة باليل من دلوقتى سيباها لقدام شوية ولكن مرة تظبط واتنين تلاته لا فده بيبقى مؤشر بيقولى خلاص اليوم راح فبتالى اراكم
تم النشر الخميس، ٨ أكتوبر ٢٠٢٦
شكرا جدا .والله انا بالفعل مثبته عدد ساعات يعنى مش بقل عن 7 المشكلة اللى بتقابلنى حاليا انى بطيئة فى المذاكرة مش عارفة ده بسبب ايه وساعات اقول انا فهمت المحاضرة خلاص مش قادرة ان انا اقعد اذاكرها تانى من الكتاب فبدخل على الحل علطول واللى يقف معايا ارجعله معنديش القدرة على انى افضل مستحملة شرح ومذاكرة وحل وتدريبات مع ان معنديش تعفن دماغى ولا حاجة ولا بشوف شورتس ولا بمسك الموبايل الا للوتس بس
تم النشر الخميس، ٨ أكتوبر ٢٠٢٦
يعني انا مثلا مبتظبطش معايا المذاكرة بعد الفجر وبتظبط معايا بليل فبقول لنفسي وقت مذاكرة من ٨ ل ٢ و ٢ انام ل٥ الفجر وانام تاني من ٥ ل ١٢ ضهر
تم النشر الأربعاء، ٧ أكتوبر ٢٠٢٦
حاولي برضوا في ظل انك طبعا لازم تذاكري ساعات كافية يوميا حاولي تثبتي عدد معين تذاكري كل يوم مثلا نصف ساعة كل يوم ميعديش يوم غير وانتي ذاكرتي النصف ساعة ، وطبعا النصف الساعة مش كافية خالص ، فانتي زودي عليها حتى لو وصلتي لساعات كتير عادي بس المهم تبقي مثبتة النصف ساعة دي وبعد ما تحسي ان العادة بقت سهلة وتلقائية معاكي خليها اعلى وهكذا، وحاولي تذاكري بذكاء يعني تذاكري كويس بس في نفس الوقت بأقل مجهود من غير تعارض بانك تذاكري كويس جدا عادي ، يعني مثلا الحفظ تشوفي الطريقة المناسبة ليكي فيه ناس بتحفظ شفوي مثلا او فيه ناس بتحفظ بانها بتحل اصلا اسئلة كتير وفي ناس بتعمل الاتنين واكتر ، وحاولي وانتي بتبني عادات صحية متبدأيش بحاجات كتير يعني ابدأي بالمذاكرة وصلوات الفروض وبعد فترة حتى لو وصلت لاسابيع او شهر او اكتر وحسيتي ان المذاكرة والصلوات بقوا تلقائيين زودي بقا عادة جديدة زي حفظ القرآن وهكذا اي عادة دنيوية او آخروية، وابعدي تماما عن سحلة الموبايل او اي حاجة فيها دوبامين سريع ، يعني امسكي موبايل عادي بس اي حاجة معادا الحاجات السريعة زي الشورتس او الحاجات الي شبه ميكانيزم بتاعتها كدا ، يعني يا اما ترفهي عن نفسك فعلا في الوقت الي تكون مخلصة مذاكرتك او فاضية فيه للترفيه، واهم حاجة تسمعي المحاضرات يعني لو دنيا بايظة خالص وهمتك صفر خالص اهم حاجة بلاش صفر يعني اسمعي المحاضرات بتركيز حتى لو مش هتعملي الواجب ، او تشوفي الاجابة وتنقليها بس وانتي طبعا فاهماها وبتحاولي متخليهاش نقل وخلاص بتحاولي تفتكريها مع تكرار الاسئلة والحل، بحيث لما تدخلي في المراجعات تبقي اصلا عارفة المنهج، يعني الواجب او الامتحانات حاولي حتى تشوفي الاجابات وتكتبيها من غير ما تبصيلها وتطوني فاهماها، وطبعا يعني دي حاجات يعني انا كلامي معرفش صح ولا غلط بس هوا مش قاعدة ثابتة يعني انت برضوا بتشوفي الي بتعرفي الصح من الغلط والمناسب ليكي انا زيي زيك بس اهم حاجة بلاش صفر واهم حاجة برضوا انك تعملي جدول زي الي بعتهولك بحيث تبقي عارفة اصلا التاسكات الي لازم تخلصيها في اليوم بحيث ولا تذاكري زيادة ولا قليل في اليوم، والمراكمات يوم الجمعة او تاخدي مثلا نصف ساعة كل يوم او عشر دقايق اي حاجة ، على حسب برضوا انتي الي بتقرري انا بقول امثلة يعني، وقسمي اليوم لوقتين او على حسب وقت فيه مذاكرة وشغل ووقت ترفيه او بترتاحي فيه وطبعا النوم ميقلش عن ٨ ساعات
تم النشر الأربعاء، ٧ أكتوبر ٢٠٢٦
ما شاء الله حلوة الفكرة دى بحاول امشى عليها الفترة دى بحث مزهقش من مادة واحدة طول اليوم مع بس تبديل ادارة الاعمال بالفيزياء. شكرا جدا لحضرتك
تم النشر الأربعاء، ٧ أكتوبر ٢٠٢٦
لو صحتك تحتاج لمختص نفسي فروحي
تم النشر الاثنين، ٥ أكتوبر ٢٠٢٦
ممكن تعملي جدول زي ده مثلا : توزيع المجهود بنسب مئوية متساوية ودقيقة على مدار الـ 6 أيام (من السبت للخميس)، عشان كل يوم تذاكر تقريباً 100% من مجهود يومك (ما يعادل حصة كاملة متوزعة على المواد): 📊 جدول النسب المئوية اليومي: * السبت: * 20% عربي (مذاكرة) * 20% إدارة أعمال (مذاكرة) * 60% إنجليزي (مذاكرة وهكذا كل النسب دي بشكل اجمالي او صافي يعني) * الأحد: * 50% تاريخ (نص محاضرة السبت) * 50% إنجليزي (نص محاضرة الأحد) * الإثنين: * 50% تاريخ (النص التاني من حصة السبت + الواجب) * 25% عربي (ذاكر الجزء الأول بتركيز) * 25% إدارة أعمال (ذاكر الجزء الأول بتركيز) * الثلاثاء: * 50% تاريخ (نص محاضرة الثلاثاء) * 50% إنجليزي (النص التاني من حصة الأحد + الواجب) * الأربعاء: * 50% تاريخ (النص التاني من حصة الثلاثاء + الواجب) * 50% إنجليزي (نص محاضرة الأربعاء) * الخميس: * 55% عربي (الجزء التاني + حل الواجب كاملاً) * 45% إدارة أعمال (الجزء التاني + حل الواجب كاملاً) 🎯 خلاصة إجمالي كل مادة على مدار الأسبوع: * العربي: (20% سبت + 25% إثنين + 55% خميس = 100%) * إدارة الأعمال: (20% سبت + 25% إثنين + 45% خميس = 100%) * تاريخ السبت: (50% أحد + 50% إثنين = 100%) * تاريخ الثلاثاء: (50% ثلاثاء + 50% أربعاء = 100%) * إنجليزي الأحد: (50% أحد + 50% ثلاثاء = 100%) * إنجليزي الأربعاء: (50% أربعاء + 60% سبت = 100% مع مراجعة)
تم النشر الاثنين، ٥ أكتوبر ٢٠٢٦
لعرض السؤال في فدني اضغط هنا