انا طالبه ف الصف الثالث الثانوى هتم ال ١٩ سنه وزنى ضعيف جدا وكله ملاحظ الموضوع ده... اكلتي ضعيفه وعصبيه مفيش اى اكل بيظهر عليا وكل شويه اخس اكتر واكتر من غير ما اتخن ربع جرام حتى مش عارفه اعمل ايه وانا دلوقتي خلاص كلها شهر واخلص الثانويه معرفش هو التعب والضغط والمذاكرة عمل كده ولا اى ويمكن ارجع لوحدى بعد الامتحانات ولا هحتاج دكتور تغذيه ..
العصبيه و التوتر بيعلي الادرينالين اللي بدوره بيقلل الشهيه و يزود الحرق و في نفس الوقت مش هعرف اقولك ماتتوتريش و انتي ثانويه عامه لكن هقولك اللي في حالتك دي بيتعاملوا معاه ازاي في اوروبا و امريكا اولا بيتعرض على اخصائي نفسي عشان يهيئه نفسيا على الفتره دي .. ثانيا بيعمل تحليل غده و صورة دم كامله و فيتامينات عناصر الجسم عشان لو في اي نقص نكمله لان اي نقص في العناصر الغذائيه بيأثر على الحاله المزاجيه و الصحيه للانسان و اخيرا بعد كل ده هنتابع مع طبيب تغذيه هيكتبلك على فاتح شهيه مع نظام غذائي بيحتوي على نسبة كارب عاليه هننظم نومنا بحيث ننام بدري و نصحى بدري عشان مستوى الكورتيزول في الجسم مايعلاش هتلاقي وزنك بيزيد و تركيزك اقوي و حياتك هتتغير ١٨٠ درجه..
تم النشر الأحد، ٢٢ يونيو ٢٠٢٥
يجب تحليل لصورة الدم وبول وبراز وناخد ادويه لفتح الشهيه وتهدائة القولون ونظام غذائي مناسب
تم النشر الخميس، ٢٦ يونيو ٢٠٢٥
ده عادى جدا بسبب الضغط وبسبب انك مش بتاكلى الاكل اللى يغطى اللى جسمك محتاجو علشان يزيد ده عادى جدا متقلقيش من اى حاجه ولو حاسه بعدم اطمئنان روحى اطمنى اكتر عند دكتور وان شاء الله يا حبيبة قلبى سنه وهتعدى وربنا هيفرحك ويحققلك كل اللى بتتمنيه
تم النشر الجمعة، ٢٧ يونيو ٢٠٢٥
فاهمة حالتك كويس، و في مرحلة الضغط و التوتر خلال الامتحانات بيحصل اضطراب في الشهية و العادات و في النوم ف ده كله بيعمل آثار سلبية ساعات بس احب اقولك متقلقيش و انتي مش لوحدك، حاولي ع قد ما تقدري تقللي مصدر القلق و التوتر و البيئة اللي انتي حاسة فيها بكده اطلعي منها، و انتظمي ع تمارين التنفس عشان تهدي شوية و القلق يقل، حاولي تهتمي بأكلك حتى لو ملكيش نفس تاكي كلي فاكهة كوجبات خفيفة أو خضار و حاولي تشوفي دكتور تغذية لو الموضوع سيء، متنسيش تهتمي بنفسك يا جميلة لان ده مهم جدا عشان تعرفش تذاكري و تركزي و تحلي و ربنا يوفقك في الامتحانات و يجبر بخاطرك ان شاء الله
تم النشر الأحد، ٢٢ يونيو ٢٠٢٥
اذا في مجال تتابعي مع دكتور تغذية بكون افضل طبعا... بس حاولي ما تنسي حالك بدون اكل، لانه هاد الاشي بصير كثير وقت الدراسة، وفي مشروبات كمان بتزيد الوزن عحسب كلام الكبار بالعمر، مثل الحلبة، خدي كمان اوميغا ٣ بتلاقيه بالسمك... وأكيد الضغط النفسي والتوتر بأثر على الوزن بدون شك
تم النشر الأحد، ٢٢ يونيو ٢٠٢٥
مرحبًا بكِ عزيزتي، وأقدر صراحتك ومشاركتك لموقفك، وهو فعلاً يحتاج اهتمام ورعاية. أولًا، خليني أقول لك إن ممكن رجوع الوزن لطبيعته ممكن جدًا، خاصة لو تم التعامل مع السبب اللي بيخلي وزنك ينقص بشكل مستمر. لكن لازم نحدد السبب الأساسي علشان نقدر نصحح الوضع. من اللي قلتيه، هناك عدة نقاط مهمة لازم نفكر فيها: التوتر والضغط النفسي: فترة الصف الثالث الثانوي معروفة إنها ضاغطة جدًا، والتوتر ممكن يسبب نقص في الشهية وأحيانًا خسارة وزن. قلة أو سوء التغذية: لما الأكل قليل أو مش متنوع، الجسم مش بياخد الطاقة والعناصر اللي محتاجها، وبالتالي الوزن بيقل. الحالة النفسية والعصبية: العصبية المستمرة بتأثر على الهضم والشهية، وبتخلي الوزنك يضعف أكتر. الاحتياج لفحص طبي: رغم إن الأسباب دي شائعة، لكن من الأفضل عمل فحص طبي شامل خاصة لو فقدان الوزن بيستمر أو بيزيد، عشان نستبعد أسباب مرضية. نصيحتي لكِ بشكل عملي: حاولي تظبطي أوقات الأكل، حتى مع قلة الشهية، حاولي تأكلي وجبات صغيرة ومتكررة. اختاري أطعمة مغذية وسهلة الهضم، زي الزبادي، الفواكه، والمكسرات. خدي وقت لنفسك في الراحة، حتى لو المذاكرة مهمة، جسمك محتاج يهدى عشان تقدر تستعيدي نشاطك. لو استمر الوضع أو وزنك نزل أكتر، لازم تزوري دكتور تغذية عشان يحددوا لكِ النظام الغذائي المناسب لحالتك ويشوفوا إذا في احتياج لفحوصات إضافية. وبعد الامتحانات، اعملي على استعادة نمط حياة صحي ومريح، ومتوازِن بين الدراسة والراحة. وأنا هنا معاكِ لو حبيتي تشاركي معي أكتر أو تحتاجي نصائح خصوصية، ويمكن برضه تلاقي على فدني خبراء تغذية ونفسية ممكن يساعدوكِ بشكل متخصص من خلال صفحة الخبراء: https://www.fedni.net/experts أنصحك كمان تستكشفي أسئلة مماثلة هنا على فدني، بعض البنات شاركوا تجاربهم ونصائحهم، وهتلاقي فيها دعم وتشجيع. انتِ قوية وقدّها، وبإذن الله هتعدّي المرحلة دي وتكون أحسن. ربنا يوفقك ويرزقك الصحة والعافية. 🌷 إذا حابّة أسألتي عن تفاصيل أكتر، أنا دايمًا هنا معاكِ. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٢ يونيو ٢٠٢٥
بالتوفيق يجميله انا كنت دفعه ٢٤ وكنت جبت ٩١ لو محتاجه اي حاجه انا معاكي
تم النشر الجمعة، ٢٧ يونيو ٢٠٢٥
انا خايفه انقص ف الأحياء اوووى درجاتى ف الشوامل دلوقتي مش احسن حاجه اقل عدد غلطات بغلط ف ٧ اساله مره غلطت اتنين بس بعدها مشفتش الرقم ده تانى ماده غداره اوووى
تم النشر الجمعة، ٢٧ يونيو ٢٠٢٥
كنت دخلت بيطري المنصوره
تم النشر الجمعة، ٢٧ يونيو ٢٠٢٥
ما انا دفعه ٢٠٢٤ برضو بس كنت قاسمه + ما شاء الله دخلتى كليه اى
تم النشر الجمعة، ٢٧ يونيو ٢٠٢٥
انا مستنيه أعمل كل حاجه بعد ما اخلص الامتحانات والله
تم النشر الجمعة، ٢٧ يونيو ٢٠٢٥
حللي غده ممكن يكون عندك فرط نشاط الغده او جرثومه المعده او القولون العصبي او لأنك مركزه مع جسمك فبتحسي انك بتخسي اوي
تم النشر الجمعة، ٢٧ يونيو ٢٠٢٥
لا ده من ضغط المذكره ده حاجة عادي لما العقل موش مرتاح هتخسي اوي وانا كنت منهم وزني رجع تاني وبقيت تمام اوي واتجوزت وخلفت كمان 😂
تم النشر الخميس، ٢٦ يونيو ٢٠٢٥
ما شاء الله ي قلبي ربنا يوفقك
تم النشر الجمعة، ٢٧ يونيو ٢٠٢٥
لعرض السؤال في فدني اضغط هنا