أنا طالبه في تالته ثانوي وعندي تراكمات كتير جدا وكمان عندي ضغط بسبب اللي حواليا وكمان شايفه أصحابي بيتقدموا وأنا قدامي كتير ربنا يوفقهم ويوفقني بس كمان اهلي شايفين اني بذاكر وأنا من كتر الضغط مبقتش اذاكر وأنا كتير وده مخليني متوتره انهم مفكرين اني بذاكر وده غلط وكمان أنا في غرفه منفضله عن البيت وعايزه اقولهم بس خايفه ردهم عشان يساعدوني
ده ضغط نفسي بسبب السنة اللي انتي فيها والحل إننا اولا نستعين بالله ونهون على نفسنا وندرك أن لا شيء بيدنا بل بيد الله وكل ما علينا السعي .. وربنا سبحانه وتعالى يقدر لنا الخير ثانيا نتوقف عن التسويف والتفكير الغير مجدي ونبدأ نقيم الوضع إيه اللي عليكي وإيه اللي انجزتيه وايه اللي ناقصك ثالثا نحط خطة مقسمة لقسمين قسم للي لسه مش بدأتي فيه وقسم للمراجعة على القديم رابعا لازم خطتك تشمل وقت ترفيه بين كل فترة مذاكرة والتانية .. لانه من غير كده النفس بتمل وتتفلت خامسا لازم عدد ساعات نوم كافية من ٨ ل ٩ ساعات علشان الجسم يرتاح ويقدر يعمل اللي عليه ويفضل يكون النوم في الليل علشان الجسم بيفرز هرمونات ومواد في الليل اثناء النوم مفيدة للنمو والصحة عامة سادسا لابد من الاكل الصحي المتوازن وشرب مياه كافية ده بيحسن التركيز والدراسة اخيرا طلب المساعدة مش غلط ولا عيب بس الاهم نتأكد إننا عاملين كل اللي علينا قبلها ..
تم النشر الأربعاء، ١١ مارس ٢٠٢٦
بصى انا كنت زيك بالظبط لانى كنت دفعه السنه الى فاتت وصراحه بجد بجد الحل الوحيد انك تذاكرى بس ذاكرى بطريقه اهم النقط يعنى تيجى فى كل درس وتقسيميه لأهم نقط ايا كان انتى علم علوم مثلا فيزياء هتاخدى القوانين تكتبيها وتحلي عليها كيمياء لازم تتحفظ لازم لازم بجد متفهميهاش احفظيها واهم حاجه فيها الخرائط الذهنيه فى الكيمياء العضويه هتلاقيها على اليوتيوب و هتلحقى تلمى إلى وراكى انا عارف احساس انك عايزه تلمى وتذاكرى بس مش عارفه بس اركنى الاحاسيس على جنب وابدأى ونصيحه متروحيش دروس خليكى مع نفسك و الاونلاين عشان عمرك ما هتحلقى تلمى لو نزلتى درس لانه هيكون فى حاجه وانتى فى حاجه تانيه فا هتحسى بالضغط اكتر و بس. وان شاء الله خير هى سنه وحشه جدا انا عارف بس هتعدى
تم النشر الخميس، ١٢ مارس ٢٠٢٦
بصي حاولي تكتبي الحاجات الي متراكمه عليكي و تقسمي وقتك و معلش هي بتبقى سنه واحده كده و هتعدي و محدش بياخد اكتر من نصيبه يعني الكليه الي مكتوبالك ايا كانت ايه فدي الخير ليكي و خليكي ديما فخورة بنفسك و حاولي تعملي الي عليكي علشان بعد النتيجه متندميش و تقولي يارتني كنت ذاكرت لان ده هيبقى أسوأ احساس و بعدين احنا لسه بدري و ادامك وقت طويل اوي تذاكري فيه و تجيبي مجموع و اي حد في ثانويه عامه هتلاقي عنده حاجات متراكمه ده طبيعي علشان المدرسين بينزلوا حصص طويله انت ابدئ بس و سبيها على ربنا
تم النشر الخميس، ١٢ مارس ٢٠٢٦
بصي يا لولو اول حاجه انت مش متأخرة ولا حاجة في وقت ووقت طويل كمان ومافيش حاجة اسمها صحابي سابقني في حاجة اسمها انا كنت فين وبقيت فين اول حاجه لازم تعمليها انك تقربي من ربنا اكتر وتدعي كتير وتصلي قيام الليل وتدعي وتقراي سورة يس كل يوم بنية التوفيق ولو عرفتي تقراي أو تسمع سورة البقرة يبقي حلو اووووي في مقوله حلوة اوي بحبها جدا بتفول"رُبَّ مُتأخّرٍ أعانَهُ اللهُ فَسَبَق" خليكي انت الحد دة وتوكلي علي ربنا سبحانه وتعالى ربنا بيقول( وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا) (إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ) "إِن يَنصُرْكُمُ اللَّهُ فَلَا غَالِبَ لَكُمْ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ" (فَبِمَا رَحْمَةٍ مِّنَ اللَّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ) وفي ايات كتيرة جدا المهم تعرفي أن أهم حاجه التوكل على ربنا بس مش معني كدة أن احنا منذاكرش او تقصر لا لاااااازم تاخد بالاسباب وخليكي دايما قريبه من ربنا هتبقي تمام والله واخر حاجه حتي لو جبت مجموع مش حلو خليك عارفه ان دا الخير ليك وارضي بقضاء ربنا هتلاقي ربنا رضاك جامد فوق ما تتخلي ﴿وَعَسَىٰ أَنْ تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ﴾ وسوري لو طولت واخر حاجه حاولي تخرجي تغيري جو وتبعدي عن الجو الكئيب دة وغيري نظام الاوضة ورتيية ان شاء الله دا يساعدك تغيري من نفسيتك واحب اختم بالاياتان دول ﴿الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ﴾ (وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ) وبس كده اتمني اكون ساعدتك وبالتوفيق يا احلي دكتورة والسلام عليكِ ورحمه الله وبركاته🤍
تم النشر الأربعاء، ١١ مارس ٢٠٢٦
كل واحد ليه سرعته وطريقته، سباق الثانوية مش مين خلص الأول، المهم مين وصل وهو فاهم وواقف على رجله. اختاري وقت هادي وقولي لهم انا فعلاً بذاكر، بس خوفي من النتيجة والضغط اللي حواليا مخليني مش عارفة أنتج، ومحتاجة دعمكم مش مراقبتكم لما بيحسوا بالمسؤولية من ناحيتك، طريقتهم بتتغير. و متفكريش في المنهج كله. خدي كل يوم مهمة واحدة وخلصيها. الإنجاز الصغير هو اللي بيكسر التوتر وبيديكي ثقة تكملي. وا لمذاكرة 24 ساعة مش حل. لازم وقت بسيط في اليوم تعملي فيه حاجة بتحبيها عشان عقلك يسترخي ويرجع يستوعب تاني. تمام وفي الاول والاخر دي مش نهاية الحياه ،بعتذر على الإطالة 😊 وجد ربنا يحفظك ويوفقك
تم النشر الأربعاء، ١١ مارس ٢٠٢٦
يا حبيبتي، أنا فاهمة تماماً اللي بتمرّي بيه.. الثانوية العامة ضغط رهيب، والتراكم ده زي الجبل اللي بيحسسك إنك لوحدك، خاصة لما تشوفي أصحابك متقدمين وأهلك فاكرينك بتذاكري. ربنا يوفقك وييسر أمرك إن شاء الله، وأنتِ قوية وهتقدري تتغلبي عليه. الخوف من رد أهلك طبيعي، بس هما أقرب ناس ليكِ وهيساعدوكِ لو قلتِ الحقيقة بطريقة هادية. ازاي تكلميهم خطوة بخطوة: اختاري الوقت المناسب : بعد الغدا أو قبل النوم، لما يكونوا مرتاحين ومش مشغولين. قوليلهم "ممكن نتكلم شوية؟ عايزة أقولكم حاجة مهمة عن الدراسة". ابدئي بحاجة إيجابية : "أنا بحبكم جداً وبقدر دعمكم، وأنا عارفة إنكم عايزين الخير لي، بس محتاجة مساعدتكم دلوقتي". قولي الحقيقة بصدق واختصار : "أنا عندي تراكم كبير في المواد، والضغط خلاني أوقف الذاكرة خالص، وده بيوترني أكتر عشان أنتوا فاكرين إني ماشية كويس. أنا في الغرفة المنفصلة عشان أركز، بس محتاجة مساعدتكم عشان أرجع أذاكر صح". اطلبي مساعدتهم بوضوح : "ممكن تساعدوني نعمل جدول يومي للتراكم؟ أو تجيبوا مدرس خاص للمواد الصعبة؟ أنا عايزة أتقدم زي أصحابي إن شاء الله". اختمي بدعاء : "ربنا يوفقنا كلنا، وأنا هعمل اللي أقدر عليه". هما هيحسوا بالقلق الأول، بس الصدق هيخليهم يدعموكِ أكتر. لو ردّوا بغضب، قولي "أنا خايفة أقولكم بس عشان أنا محتاجة لكم"، وهيهدوا. خطة سريعة عشان تبدئي دلوقتي: ابدئي بـ30 دقيقة يومياً في مادة واحدة سهلة (زي الرياضة أو العربي)، وربنا يبارك. صلّي قبل الكلام معهم، وادعي ربنا يلين قلوبهم. شوفي أسئلة مشابهة في فدني عن "تراكم ثانوية عامة"، هتلاقي نصائح كتير من خبراء. لو محتاجة دعم أكتر أو استشارة متخصصة في الدراسة، روحي على صفحة الخبراء في https://www.fedni.net/experts، فيه مدربين حياة هيساعدوكِ. أنتِ مش لوحدك، وهتنجحي إن شاء الله! 💪❤️
تم النشر الأربعاء، ١١ مارس ٢٠٢٦
لعرض السؤال في فدني اضغط هنا