انا كنت مخطوبه وفشكلت بس قبل كد انا اتعرفت على كذا حد وصاحبت وعندي اصدقاء شباب ورجعتلهم تاني عادي كل الي بينا موده مش أكتر بس رغم كل انا عايزة ارتبط بس مبقاش عندي طاقه اتعرف على حد ولا استحمله كل حب وجواز بس انا عايزة كده مش فاهمه بصراحه نفسي بس محتاجه رايكوا
السلام عليكم و رحمة الله و بركاته أولاً خلينا نفهم سبب استنزاف الطاقة و بعدها نبحث عن حلول ، الاستنزاف اتى بسبب العلاقات الكتيرة مع الشباب. حتى و إن كان في ظنك إن ده ذي أخويا او ما شابه ، كل العلاقات اللي بين فتى و فتاة بتستنزف مشاعر دا غير إنها بتوصل لمراحل أخرى . هديكي مثال بسيط عشان اوصلك معنى مهم تفهميه. لو صنعت جهاز و فيه زرار و قولتلك الزرار ده لو لمستيه المكان هينفجر ، تلقائياً هتلاقي نفسك بتتجنبي تماماً تدوسي عليه ، و هتثقي ف كلامي لإن انا اللي صانعه الجهاز ، و مش هتحاولي تغيري الزرار مثلاً أو تعمليله تعديل حتى. و لله المثل الأعلى ، ربنا سبحانه و تعالى هو اللي خلقك و خلق الرجل ، و حرَّم علينا الإختلاط بيهم تماماً او الحديث معهم في غير الضرورة ليه؟ لإن هو خلقهم و وضع فيهم شهوة تجاه النساء مش هتقدري ب شتى الطرق تغيريها فيهم حتى و إن ظننتي انك لاء غيرتها و إن فلان بيتكلم معايا ذي اخته ف أنتِ لا تعلمي نيته أو تفكيره تجاهك او حتى هدفه من الكلام معاكي عشان تحكمي بالشكل ده. لما يقول النبي صلى الله عليه و سلم [ما تَرَكْتُ بَعْدِي فِتْنَةً أضَرَّ علَى الرِّجالِ مِنَ النِّساءِ] ده معناه إن فعلاً للرجال شهوة تجاه النساء و إحنا بالنسبالهم فتنة شديدة و واجب علينا نبعد! طيب بالنسبة للعلاقات كالإرتباط ف حرَّمها الله عز و جل لحكمة لإن سبحانه و تعالى خلقنا ف يعلم ان العلاقات دي هتهلكنا ، و هتستنزف مننا طاقة كبيرة و هتوقعنا في مشاكل نحن في غنى عنها! و لإن الله تعالى رحيم بنا أحل لنا فترة خطوبة للتعارف ، بس "بضوابط" الضوابط دي تحافظ عليكِ و على مشاعرك غرضها تحكمك بإن فترة الخطوبة للتعارف و معرفة إن كان الشخص ده يصلح أم لا و هل أنتِ متقبله عيوبه أم لا ، الخطوبة أبداً متعملتش لإظهار حب و غرام و مشاعر زيادة تستنزف طاقة. طيب وقعتي بالفعل ف ده و حصلك إستنزاف طاقة إيه الحل؟ أولاً التوبة ، و إنك تقطعي علاقاتك مع أي واحد مش من محارمك و تمتثلي لقوله تعالى[ يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ] و تبدأي في تحسين نفسك و شحن طاقتك بالرياضة و ممارسة الهوايات . بمعنى اصح تقطعي العلاقات المُستنزِفة للطاقة و تبدأي تركزي ب إنك تشغلي وقتك بالمفيد و بتطوير ذاتك تكون فترة تشحني بيها طاقتك من كل العلاقات. و تحافظي على قلبك و مشاعرك لحد مييجي إبن الحلال اللي هيطلبك من أهلك و اللي فعلاً يستاهلك و يستاهل مشاعرك. و هداكِ الله و وفقك
تم النشر الخميس، ٥ مارس ٢٠٢٦
أولاً اعلمي ان العلاقه بين المرأة والرجل علاقات لا تجوز ارجعي الى الله واتركي الشباب واختاري الطريق الصح وتوبي وصلي وصومي وادعي الله يرزقك ابن الحلال اللي يعوضك وتأكدي ان الله لايخيب احد وانتي المطلوب منك ترجعي الى الله وتبعدي عن خطوات الشيطان واذا ماقدرتيش تبعديي تذكري ثقة ابوك وامك واخوانك واخواتك اللي حطوها فيك وانتي تكسري ثقتهم ارجعي الى الله وتوبي وعلمي ان الله يغفر الذنوب جميعا حافظي على الصلاه فهي عمود الدين واين ماحسيتي انك مهمومه قولي حسبي الله لا اله الا هو عليه توكلت وهو رب العرش العظيم ٧ مرات يبعد الله عنك همك وغمك تذكري العلاقات التي لا ترضي الله نهايتها لا ترضيك
تم النشر السبت، ٧ مارس ٢٠٢٦
بصي مش لازم تحبي أو ترتبطي دلوقتي. إنتي محتاجة فترة هدنة من أي مشاعر أو مجهود مع طرف تاني مفيش داعي تلومي نفسك إنك مش عارفة تحبي؛ الحب مبيجيش بالعافية، ومحتاج طاقة وإنتي حالياً طاقتك موجهة لترميم نفسك.و استغلي الوقت ده في إنك تعرفي إنتي محتاجة إيه فعلاً من شريك حياتك المستقبلي، بعيداً عن التسرع أو سد الفراغ. إنتي زي الفل، بس محتاجة وقت شحن. لما تهدي وتتصالحي مع نفسك، الرغبة في الارتباط هترجع لوحدها لما تقابلي الشخص الصح في الوقت الصح. وقفلي على قلبك شوية، واستغلي طاقتك في الصلاة، والذكر، وتطوير نفسك. ولما ييجي "النصيب" اللي ربنا كاتبهولك، هتلاقي ربنا زرع في قلبك المودة والرحمة من غير مجهود منك بعتذر عن الإطالة 😊 وجد ربنا يسعدك ويوفقك
تم النشر الأربعاء، ٤ مارس ٢٠٢٦
يا حبيبتي، أول حاجة أشكرك إنك شاركتيني اللي جواكِ بكل صراحة، ده شعور طبيعي جداً بعد فشل خطوبة، الإرهاق ده بيجي من الليالي اللي فاتت والتجارب اللي خلتكِ تشكي في طاقتكِ. الصحوبية دي مع الشباب، حتى لو مودة بس، غالباً بتاخد طاقة كبيرة وبتخلي الواحدة مش قادرة تركز على اللي هي عايزاه بجد زي الجواز الحلال. نفسياً، ده بيخلق ارتباك عاطفي ويمنع الاستقرار، خاصة في دينا اللي بيحث على الحفاظ على العفة لحد الارتباط الشرعي. أنتِ عايزة الجواز، وده هدف جميل، بس الرجوع للصحوبية دي هي اللي بتسرق طاقتكِ وبتخليكِ تحسي إنك مش قادرة تستحملي حب جديد. نصيحة عملية مني كمدربة حياة: اقطعي الاتصال : مش معناها إنكِ وحشة، بس عشان ترجعي طاقتكِ وتركزي على نفسكِ. ابدئي بتطوير هوايات أو مهارات جديدة زي الرياضة الخفيفة. ابحثي عن الارتباط الحلال : خلي عائلتكِ أو أهلكِ يساعدوكِ في التعريف على شباب مناسبين، أو شوفي صفحة الخبراء في فدني https://www.fedni.net/experts – فيه خبراء زواج واستشاريين نفسيين هيقدروا يساعدوكِ بشكل مباشر. ابني ثقتكِ بنفسكِ : كل يوم اكتبي 3 حاجات إيجابية فيكِ، وادعي ربنا يرزقكِ الزوج الصالح. الطاقة هترجع لوحدها لما تركزي على هدفكِ. أنتِ قوية وهتقدري، يا قمر! لو عايزة تفاصيل أكتر أو تبحثي أسئلة مشابهة في فدني هتلاقي إجابات كتير. 💕
تم النشر الأربعاء، ٤ مارس ٢٠٢٦
الاوهام الي في عقلك دا ميكانزم عالي مش هتفهميه بس اختصرلك انتي تاخدي الدوبامين من شخص اخر وتعتمدي علي العلاقات العاطفيه الزائفه ودا هو الي بيرهقك في صمت ودا الي بيستنزف الطاقه غيري خطك وابدأي صفحه جديده مع الله واستغفري لذنبك انصحك التوبه هي الي هتصلح كل شيء
تم النشر الخميس، ٥ مارس ٢٠٢٦
موده اي علاقات محرمه عشان كدا ممكن يكون قلبك في مرض اسمه مرض العلاقات اتقي الله واتجهي لدينك وانصحك تتوبي إلي الله دا ذنب والذنوب تفسد القلب
تم النشر الخميس، ٥ مارس ٢٠٢٦
مفيش راجل بمعني الكلمة يتقبل أنه واحده مخطوبه ليه تصاحب شباب ف العموما ايا يكن ايه السبب بالنسبه ليكي ولو قالك عادي يبقي فيه حاجه غلط فيه هو ومش طبيعي ، لانه لو الطرف الآخر كان عنده أصحاب بنات وبيخرج معاهم ف اكيد هتزعلي فهذا من ذاك.
تم النشر الخميس، ٥ مارس ٢٠٢٦
هو فيه كدا يعني العمر بيجري ودا غلط اكيد
تم النشر السبت، ٧ مارس ٢٠٢٦
بلاش علاقات دلوقتي عيشي ل نفسك و اعرفي تحديد الي بتحبني بعدين
تم النشر الجمعة، ٦ مارس ٢٠٢٦
سبحان الله
تم النشر الخميس، ٥ مارس ٢٠٢٦
لعرض السؤال في فدني اضغط هنا