Nada Samir

بصي يا حبيبتي. هي الحياة طبعا اكيد ما وقفتش على صاحبتك دي. بس لو انت مش عارفه تنسيها فمش عشان هي عملت معاكي حاجه حلوه. لا عشان انت واحده كويسه. فننسى بقى الوحش بالحلو ما دام حد آذانا في حياتنا احنا ما ينفعش ندخله حياتنا ثاني الا لو احنا غاويين الاذيه لنفسنا. يعني انت لو حابه تؤذي نفسك وحد اذاكي قبل كده فدخليه حياتك علشان ياذيكي تاني لأ اللي سهل عليه يؤذي مره هيؤذي الف مره واحنا مش هنفضل طول عمرنا فئران تجارب لغيرنا. احنا قيمتنا عاليه ولازم نحس بقيمتنا علشان خاطر نعرف نقدرها ونخلي اللي قدامنا كمان يعرف يقدرها. لان ما حدش مش هيقدر نفسه ومستني اللي حواليه يقدره. فما دام حد اذاكي بلاش تدخليه حياتك ثاني وانت ياما هتصاحبي وياما هتشوفي زي ما قابلتي وحش هتقابلي حلو بس اهم حاجه ان انت ما تاخديش الحلو على نفس طريقه منهج الوحش. وحاولي على قد ما تقدري انسيها تماما وانت عايزه تنسي شخص افتكري اذاكي في ايه ما تفتكرلوش حاجه حلوه.

ولو علمتم الغيب لاخترتم الواقع. خلاص يعني اللي عدى وفات وانت دلوقتي في ثالثه يعني مش هقول لك انت في السنة الأولى كنت ممكن اقول لك ممكن تحاولي ممكن نجرب نعمل حاجه بس انت خلاص في السنه الثالثه. انت اكيد يعني بتعملي حاجه احسن او ربنا رايد لك حاجه احسن فانا من رايي برضه الحريه الشخصيه ليكي ان احنا ننسى الماضي خالص ونفتح صفحه جديده ده اللي انا بنصح بيه اي حد ونبدأ من جديد ونفكر ان احنا الحياه اللي جايه تبسطنا ازاي ما نقعدش نفكر في الماضي بقى وانا كنت وانا عملت والخيال يا جماعه مش وحش عادي احنا بنفصل بيه عن الواقع اللي احنا مش عايزينه. بس حاولي على قد ما تقدري ما تعيشي حياتك كلها في الخيال لان برضه في الاول والاخر وهم مش موجود فانت ممكن تبتدي بنفسك وتشوفي حاجه انت بتحبيها وتعمليها حتى لو هوايه جنب التعليم. لو حاجه انت بتحبيها تعمليها جنب التعليم. احنا عايشين الحياه دي طبعا يعني بعد ما نعمل واجبنا الديني احنا عايشينها برده علشان نتبسط. فمحدش هيعرف يبسطك اكتر من نفسك. فحاولي تبسطي نفسك وانسي كل حاجه حصلت وابتدي من جديد وشوف بقى الحاجه اللي تريحك في الحياه الجديده اللي معاكي في الحاضر والمستقبل وانسى الماضي لاني ملهاش لازمه مالوش لازمه ان انت تدوري وتتعبي نفسك وتحاولي وتقولي انا كنت كنت خلاص انت كنت دلوقتي انت ما زلتي ايه؟

بصي فقدان الشغف حاجه وحشه جدا بس الحياه من غير هدف برضه بتخلي الواحد ميت. رجعي هدفك تاني. أنت هدفك إن انت تنجحي وهدفك إن انت توصلي لحاجة معينة فطبيعي إن انت لازم تقابلي عقبات ولازم لازم تلاقي حاجات بتقول لك لأ مفيش نجاح هتحسي إن انت بتفقدي طاقتك بس الحياة دي عايشة عشان نحارب عشان نعافر مفيش حاجة بتيجي بالساهل بس انت صبري نفسك واستعيني بالله وقولي إن انت هتقدري طول ما انت بتشجعي نفسك طول ما انت بتحفزي نفسك انت هتوصلي للي انت عايزاه وخلي بالك البني آدم لما يكون هدفه في حاجة عمره ما هيوصل لها بصعوبة لازم تلاقي صعوبات جامدة قوي لازم تخليك تفقدي الشغف تبقي الحماس يقل بس انت قدها انت قادرة توصلي لهدفك حتى لو الدنيا كلها ضدك بس ما دام عندك هدف إن شاء الله هتوصلي له بس خليكي مؤمنه وادعي ربنا كثير لان الالحاح في الدعاء بيحقق المعجزات. فما تيأسيش ولا يأس مع الحياه زي ما بيقولوا. بس صدقيني انا قابلت عقبات كتير في حياتي. لو انا ما جازفتش انا كنت زماني منتهيه بس انا اهو قدامك عايشه وحقق بعض من احلامك الكثير قوي ولو قلت لك كثير دي مش هخلصها بس أهم حاجه ان انا برده وصلت لجزء حتى لو صغير بس انا راضيه. خلي عندك رضا واستعيني بالله وإن شاء الله هتوصلي اللي انت عايزاه.

بصي هو احنا كبنات استحاله نوقف رغي ولا انام ولا الكلام ده بس انا قدرت ان انا اسيطر على نفسي الصراحه يعني انا برده جيت فتره. لحظه كده قلت لا يعني بلاش اتكلم عن الناس الحاجه المتخصنيش بلاش اتكلم فيها. بقيت لما بيجي حد يتكلم معايا في حاجه برد بقى ارغي بقى يعني بصي بعمل لك موضوع تعبير على اي حد يتكلم معايا في اي حاجه فهنا ما بنلاقيش لحظه صمت اصلا لاني راغي بيبقى كتير غير كده لما حد يجي يقول لك فلان حصل كده يلا الله يسهل له انت بتكسبي الثواب وفي نفس الوقت بتدعي له دعوه حلوه الله يسهل له ربنا يقومه بالسلامه ربنا يصلح حالهم الكلمه الكلمات دي اصلا بتخلي اللي قدامك ما بيتكلمش كتير عن فلان ده ولو حد جه قال لك عشان المواقف دي انا وقعت فيها كتير انت بتحمي فلانه او انت لا انا مش عايزه ازم فيها علشان حرام. النمل والكلام ده وحش فانا مش عايزه اعمل كده بس ولحظات الصمت بقى قولي اي اي نكته سخيفه مثلا اضحكوا عليها يقول لك لا انا عندي نكته مثلا احسن اي حوارات انت لو اتكلمت في الديكور لو تكلمتوا في الطبخ يعني احنا كبنات احنا ما بنقفش مفيش حاجه تقف قصادك يا ماما بتتكلمي في ايه؟

والله انا من رايي يعني عصفور في اليد خير من عشره على الشجره خليك في المحاسبه عادي وادرس برده تسويق خد الكورس اللي انت عايزه وانت ماسك حاجه ثابته. ويخلص الكورس انجح فيه قدم على شغل التسويق ضمنت الشغلانه التسويق نسيب المحاسبه اما منسيبش هنا ونمسك هنا واحنا هنا مش مضمون. والحياه فرص مش هقول لك الفرصه اللي بتيجي ما تتكررش لا هي الفرصه بتيجي بتتكرر مره واثنين وثلاثه بس المشكله ان احنا دماغنا بتيجي مره والاثنين والثلاثه وما بناخدش بالنا ونقول لا لسه في فرصه احسن جايه فانا من رايي خليك في المجال اللي انت فيه واشتغل اشتغل زي ما انت محاسب وبعد كده تسويق ننجح في التسويق نسيب المحاسبه نمسك في التسويق على طول بعد ما يكون في حاجه مضمونه للتسويق.

عندك امازون وعندك نون اي حاجه اون لاين انت اكتبي نوع الموبايل حتى لو فيس ماركت. عندك اي حاجه اون لاين هتجيلك لحد البيت نونه على فكره وامازون اسعارهم كويسه قوي.

بصي هو انا مش هنا علشان احكم عليك بقول لك انت غلطانه ومش غلطانه انت عارفه ان انت غلطانه بس ما علينا انت المفروض دلوقتي صراحه ننسى كل الماضي غلطتنا بالحاجات اللي احنا عملناها صح؟ اشطبي الماضي من حياتك تماما افتحي صفحه جديده ابتدي من جديد موضوع التخيلات وان انت بتحبي شخص ولا بتحبوش فانت ما بتحبيش حتى عشان خاطر التخيلات مسيطره عليك دي حاجه اسمها احلام يا كذا اللي احنا ما بنعرفش نحققه واحنا عايشين احنا بنرسمه لينا على هيئه حلم وعلى فكره مش وحش يعني كلنا في ناس كثير قوي بتعمل كده تتخيل اللي بيتخيل معاه فلوس واللي بيتخيل ان هو بيعمل صداقات واللي بيتخيل ان هو طلع مامته الحج فمش هتفرق الفرق دلوقتي في حياتنا اللي جايه اللي راحت خلاص راحت احنا دلوقتي علشان نعدل اللي جاي ونخليه احسن فانت شوفي مشاعرك من ناحيه الولد ده لو بيحبك بجد وتقديم وهيدخل الباب من بيته ما فيهاش حاجه ويبتدي حياه جديده موضوع ان انت بتحبيه وان انت مش بتحبيه لا انت ممكن تكوني بتحبيه بس التخيلات مسيطره عليك فمخلياكي مش عارفه تشوفي حد ولا تحبي حد. فعلشان تعرفي تحبي لازم نقفل كت خلاص المرحله اللي فاتت خلاص عدت صفحه جديده على النظافه ولو هتدخلي حد حياتك فانت تبقى عارفه ان انت هتدخلي حياتك وما فيش حاجه اسمها انا بضحك على نفسي ومش بضحك على نفسي. انت عارفه انت بتعملي ايه؟ فاكرري صح وامشي صح وقربي لربنا اكثر هتلاقي حياتك اتعدلت موضوع بقى تخيلات وكده انت اللي بتسيطري على تخيلات انا مش هامنعك ان انت ما تتخيليش وان انت تعيشي احلامك لاي شيء زي ما انت عايشه بس ممكن نبدل الشخص بشخص ثاني مثلا يعني ممكن لو انت مثلا في حد بيحبك ممكن تحطيه مكان الشخص الثاني هتحبيه اكتر على فكره. لان التخيلات احنا اللي بنتحكم فيها مش هي اللي تتحكم فيها ده مش حلم تتخيولات يعني انت اللي بتحطي البنود وانت اللي بتحطي البدايه وانت برده اللي بتكتبي ان هي فممكن نبدل الاشخاص ونحط اشخاص ثانيه في الحياه معانا هنحبهم اكثر برده.

لو عندكم لبس شتاء فانا من رايي جيبي فعلا ذهب. ممكن تجيبي حلق يعني حاجه كويسه او كام لعبه في سلسله كامله ممكن لعبتين مثلا؟ اي حاجه بسيطه او روحي عند الصايغ وقولي له انا عايزه ذهب اللي هو مستعمل بيلمعوه وهتلاقيه بسعر مخفض احسن بس برده لما تيجي تبيعيه هيبقى سعره كويس.

بصي هو الماضي اساس اصلا تكوين اي شخصيه فبالطبيعي لما بتكوني مريتي بتجربه صعبه فهي بتأثر عليكي تجاوز التجربه دي بتعتمد على إرادتك. كل واحد بيجي عليه وقت بيبقى مش قادر يتجاوز وحساس جدا وبيقعد يفكر وإزاي طب انا ليه حصل لي كده طب انا ليه عملت كده طب ليه اللي حصل لي ده حتى الضحكه ما بتبقيش الكل بيضحك وانت نفسك تضحكي بتبقي مبتسمه مش عارفه تطلعي الضحكه من قلبك زي الاول. ايه اللي هيحصل كالتالي حاولي تنسي اي حاجه بلاش لازمه بسطي لنفسك الامور قولي عادي في ناس كتير بتحصل معاها كده وبتحصل اكتر من كده عشان تتجاوزي اللي حصل ده فمحتاج جراءه فخلي عندك جراءه. وتجاوزي اللي حصل بارادتك اضحكي عادي حاولي اضحكي من قلبك يعني انا مش قصدي حاجه والله انت ممكن تقفلي اوضتك وتقعدي ترقصي مع نفسك أي حاجه تخرج الطاقه يا اما لعب رياضه يا اما ارقصي عادي الرقص برده بيغير بيغير الموود جامد وبيطلع الطاقه السلبيه كلها التمارين بتطلع الطاقه السلبيه كلها انت لازم تطلعي طاقتك في حاجه علشان تبقي طبيعيه.

والله ما دام انت شايفه ان في ناس عايزاكي تبقي تحت فانت لازم تعليه لازم تعملي حاجه سيبك بقى من مشاكل والهبل ده كله مع السنين ومع الزمن هتلاقي كل ده بيدوا ولما ما فيش حد بيحبكم مش مشكله المهم ان انت تحبي نفسك ركزي على مذاكرتك وركزي ان انت تبقي حاجه عشان لما تبقي حاجه الكل هيحترمك والكل ساعتها هيقول ياه ده فلانه ده انا قريبه فلانه الفلانيه ده ده الفلانيه دي حفيدتي فالكل هيفتخر بك حتى لو ما كانش بيحبك فانت لازم تعملي حاجه لنفسك سيبك خالص من المشاكل المشاكل دي مشاكل اهل مع بعضيها ريحي دماغك فضلي دماغك وركزي في تعليمك بس انت لسه في اول السنه بتقولي في حاجات متراكمه عليا اما لو قدمنا شويه هتعملي ايه؟ فركزي في مذاكرتك ركزي في مستقبلك وحاولي تبقي حاجه الكل يفتخر بيها حتى لو مش بيحبك.

انت لسه قايل اهل مفيش اهل بيحبوا ابنهم مذلول. هو بس ممكن هما مش مستنيين منك ان انت تطلب المساعده وهم بيساعدوك علشان خاطر مش حابينك تحتاج لحد ثاني فهما على طول واقفين جنبك. ممكن في طبيعه اهل بيرغوا كتير ده مرض والله يعني بيعملوا حاجه مثلا يقعدوا يتكلموا عنها كتير فأنت تحس ان هم بيعايروك فبيذلوك احنا بتختلف علينا الامور وممكن نحسبها غلط بس ما فيش أهل بيذلوا ابن خالص بالعكس ده معنى كلمه اهل سند ضهر فازاي هيذلوك.

بصي هو خير الصلاه الصلاه في وقتها وصلاه الفجر ما بتحتسبش فجر الا لما انت تصليها في الوقت المباح لها بعد كده بتبقى صلاه ضحى وصلاه الصبح عادي يعني فالكسل بقى والتعب ده فدي من عمل الشيطان يعني بسم الله ما شاء الله يعني بيحب يخلينا ننام كده خايف على راحتنا فإن انت لا شجعي نفسك ومره مع مره مره صليتي مره ثانيه قومتي بس انت شجعي نفسك يعني قولي ركعتين بسطت الحاجه لنفسك هتلاقي نفسك صليتيها ونمتي على طول حتى مش لازم تصلي السنه تصلي صلاه الفجر بس

السلام عليكم اولا بس انا من رأيي دي ممكن تكون رساله من ربنا قال لك فيها افتكري الحادثه الصغيره دي فانت افتكرتيها بناء إن يعني احنا في حاجات بنعملها امبارح بننساها ممكن حاجات بننساها بعد ساعه فانت ازاي تفتكري حاجه من 10 سنين وما تقوليش إن هي رساله من ربنا عشان ربنا مش عايزك في المستقبل تكوني مثلا في حياه وحشه ولا حاجه فانا من رأيي بلاش نتصنع التغافل ما دام احنا مش في غفله لا اسالي واعرفي ويعني يعني رُب اسمها كان بيقولوها ايه المهم اني مدام انت افتكرتي فانا من رأيي اسألي.

بصي هي ما دام الصور احتراما وسترة، فيها الكوامل اللي هو لا يشف فضفاض الكلام ده فانا كرأيي انا انا ما اعرفش يعني الله اعلم بس انا رأيي انا ما فيهاش حاجه يعني ما دام انت متصوره صوره محترمه وكده ما فيهاش حاجه بس غالبا عشان احنا في مجتمع يعني الذكور ممكن ياخدوا الصور بالذكاء الاصطناعي ما خلاش حاجه فالوجه بس ممكن يتعمل عليه حاجات فانا برفض ان انت تنشري صورك على النت اما انت لو صورتي صوره واحتفظتي بيها مثلا كذكرى صوره مامتك صوره باباكي الكلام ده انا والله اعلى واعلم انا بالنسبه لي ما فيهاش حاجه.

بصي انت مدام قعدتي معاه وارتحتي فزي نفس الراحه دي انت لازم تلاقيها برده من الاولاد يعني انت اقعدي معهم حتى مهما كان صغيرين الاولاد بيفهموا كل حاجه من صغرهم من كبرهم الاولاد بتفهم كل حاجه فانت اقعدي مع الاولاد وشوفي هتعرفي تتأقلمي معاهم ولا لا ولو باباكي ومامتك سمحوا فممكن يقعدوا معاكي يومين انا طبعا مش قصدي اي حاجه وسيبك من كلام الناس دي مدلوقه ده مش عارفه إيه انت سيبك من الكلام ده كله انت هتقعدي الاولاد معاكي يومين عشان تشوفي هتتاقلمي هم هيتقبلوك ولا لا لان الاولاد مشاعرهم بتبقى واضحه غير الكبار. فلازم الاولاد يقعدوا معاكي شفت تصرفاتهم انت هتتاقلم معاهم ولا لأ هم هيحبوك هيتصرفوا معاكي طبيعي ولا لا وبعد كده حددي بعد القعده دي. طبعا مرات الاب بتفضل طول عمرها مرات أب سواء كويسه ولا وحشه لما الام بتيجي تعاقب اولادها بيقول لك أمهم انت لو جيتي عقبتي عقاب أبسط من اللي الام عجبته هيقول لك بصي علشان خاطر مش اولادها فانت تكوني مهيئه نفسك ان انت هتتعرضي لكل ده وبصوا هي مرات الاب كده حتى لو انت ما عملتيش حاجه حتى لو الولد اتبلى عليكي حتى لو الولد مثلا انت بتجهزي الاكل وجيه يقول لك انا جعان قلت له ثواني انا بحط الاكل اهو هيقول لك بصي بتهمل عشان خاطر مرات أبوهم هتجهزي نفسك على الوضع ده ان المجتمع ما بيرحمش ولا حلو ولا وحش لو حلو هيقول لك ده بتحلي نفسها ولو وحش هيقولوا بصي دي وحشه. فاقلمي نفسك واقعدي مع الاولاد وربنا يقدر لك اللي فيه الخير.

اعملي ليزر يا اما واكس او سويت وادهني زيت السعد هيفرق معاكي جامد وهيساعدك في ازاله الشعر اللي هو بعد ما بعد ازاله الشعر يعني هيقلل ظهور الشعر كانها برضه ليزر يعني انت عندك الليزر وعندك بديل ليزر.

حبيبتي لازم يكون في اسباب للخوف ولا الولد كويس وابن حلال طب ايه داعي للخوف فانت لو خايفه بسبب ففكري وراجعي القرار تاني اما لو خايفه بدون سبب فتوكلي على الله واعملي صلاه استخاره وان شاء الله خير.

الاعراض دي بتبقى نتيجه خنقه ضيقه حاجه نفسيه كده الواحد بيحسها لما بيكون في كلام كثير مش عارف يقوله. والكلام ده نتيجته ألم نفسي ما بيعرفش يعبر عنه وكمان ما بيعرفش يتكلم فالكلام بيثبت جوانا فمش عارفين نطلعه. فالفضفضه افضل حل.

اي مشكله حلها الوحيد المواجهه لازم تواجهي مامتك وتقولي لها انا زعلانه من 1 2 3 ما فيش ام بتعمل مع بنتها كده اللي انت بتعمليه بياثر فيا بيخليني مش واثقه في حالي وانا وحشه للدرجه دي لازم تكلميها وما تخافيش يعني احنا هنعيش الحياه كام مره عشان نفضل خايفين ومرعبين وخايفين على زعل فلان وخايفين لما ماما تزعل وخايفين بابا يتاثر حبيبتي هتفضلي خايفه تفضلي طول عمرك نفسيتك كده يعني بدل ما تبقي لقدام نفسيتك هتنزل للصفر وهتقولي كلام انت ما كنتيش عايزه تقوليه بطريقه وحشه فالاحسن ان احنا في اول المشكله نواجه ما دام الموضوع حصل مره واثنين يبقى نقول لماما ونقول لها ان انت زعلانه منها في كل حاجه واسلوبك ما ينفعش.

بصي يا حبيبتي هو من جهة يستاهل فهو يستاهل بس اللي انت عملتيه برده غلط. كان ممكن تاخذي نفس الاسكرين وتبعتي له هو يعني صوره مراته اللي هو حاططها وتبعتيها له وتهدديه وتقولي له ان انا هبعت لمراتك... اما ان انت بعثت لمراته. في ستات كثير بتبقى عارفه بخيانه جوزها بس بتبقى مستحمله ومكمله وعامله عبيطه. بس لما بتيجي حاجه كده تواجهها ما بتقدرش تستحمل وبتبقى يا عيني مضطره تعمل مشكله وبعد كده على فكره بتسايس برضه عشان حياتها تكمل اصل هي الواحده هتعمل ايه فاللي انت عملتيه صراحه غلط فما تكرريش تاني كان ممكن تعلميه هو الادب وتغلطي فيه وتهزئيه وتاخدي له سكرين وتقولي له ان انت هتقولي لمراته عشان تعلميه الادب بس انت كده كسرتي مراته.

سيبك هو قال لك ايه وربنا هيسامحنا كل اللي انت عملتيه حرام اسفه على صراحتي بس انت وهو بيقول لك كده انت ما كنتيش مقتنعه بس اقنعتي نفسك علشان خاطر حاجه اسمها حب. مفيش حد بيحب حد وبيعمل فيه كده؟ مفيش حد بيحب حد؟ ويخليه يسلمه نفسه افرد الخطوبه دي اتفسخت حصل مشاكل مع اهلك اي حاجه فانت منظرك هيبقى ايه؟ وهل هو هيتمسك بيكي ما سالتيش نفسك الكلام ده كله ليه اللي انت عملتيه غلط وانا من رايي يعني تممي الجوازه اتجوزي بقى وبعد الجواز طبعا هتكتشفي عيوب كثيره قوي واللي انت عملت ده هتتعايري بيه لان ما فيش واحد بيقبل بغلط حصل قبل الجواز حتى لو كان ليه اسفه على صراحتي للمره الثانيه بس انت غلطتي غلط هتحاسبي عليه بقيه عمرك.

الحب مش حرام اللي حرام لو انت بصيتلها بصه وحشه حطيتها في مكان وحشه فهو ده الحرام اما اي حاجه تبع حلال ربنا فده حلال ودي حاجه كويسه واللي انت هتاخده خطوه كويسه اهم حاجه قبل ما تاخذ اي خطوه اطمن زياده اطمئنان ليك ان انت مش هتترفض. علشان برده ما تخسرش نفسك قدام نفسك وما تخسرش صاحبك فحاول باي طريقه تنميل يعني لو عندك اخت تكلمها عندك اكلم اي حد مهم ان انت تحاول توصل لها ولو هي تمام فخد الخطوه واي حاجه في حلال ربنا فدي حاجه كويسه مش وحشه.

بصي يا حبيبتي بيصلي ولا لا فالبني ادم اللي بيصلي فاكيد هيطلب منك ان انت تصلي حيطلب منك ان انت تلتزمي هيصادف مره وهو قاعد عندكم العصر هياذن او الظهر هياذن او المغرب هتاذن لو جينا على الصلاه يبقى هو بيصلي مجريش او طنش شويه يبقى هو مش بيصلي. موضوع بقى انه بيصاحب بنات ولا لا فدي انت هتعرفيها بعد الجواز قبل الجواز لا مدمن او بيدخن ولا لا بيبن على الشفايف وعلى الاسنان بس لو بني ادم بيغسل لسانه بالفرش على طول طبعا في الخطوبه مفيش حاجه ان انت تقربي منه اصلا بالذات لو الخطوبه شرعيه هيبقى اخركم تلفونه بس فبرضو مش هتعرفي. غير لو انتم تعرفوا صحابه هتعرفوا هو بيدخن ولا لا؟ بطريقه غير مباشره او اجابات غير مباشره فالبني ادم اللي هتلاقيه بيكدب في حاجات بسيطه يبقى هو اني قادر يكذب في حاجات كبيره. فحلول علميه وان احنا نعمل اذكياء فالزواج.

بصي اسفه طبعا على صراحتي. طبعا هو الدلع مش عيب بس من حيص الدلع فانت فعلا على كلامك دلوعه. يعني ايه مش الحجاب انا مخنوقه من الحجاب على فكره الحجاب شيء عادي وشيء جميل وحته انت لو لبستي تربون او لبستي كاب هيبقى زيه زي الحجاب هل انت بتتخنقي من الحاجات دي فطبعا لا فهنخلينا ان احنا مخنوقين من الحاجات لو مامته شديده عايزه حد متحمل المسؤوليه عايزه واحده تشيل بيتها وتشيل بيت جوزها بيتها مش هو اللي هو بيتك لا انت هتشيلي بيت حماتك وهتشيلي بيت جوزك لان انت من معلوماتك ان هم بيسافروا فعايزه واحده تتحمل فانت مش هيكون عندك القدره ان انت تتحملي الكلام ده مش هيكون عندك القدره ان انت تلبسي حجاب. وتقفي في المطبخ تطبخي لاهل جوزك ولجوزك لان هم كلهم بيسافروا مش هيكون عندك القدره ان انت تخلي بيتك وتسافري مع جوزك وتخلي بيتك اللي هو في الخارج وممكن حماتك اللي هتبقى في مقام مامتك هتقول لك معلش انا عقبال ما ارجع ممكن تروقي لي شقتي وهتروقي شقتك برده. كل ده انت مش هتتحمليه فانا من رايي لما تكوني فاسخه خطوبه احسن ما يكون طلاق ويبقى فيه شد وجذب ما بين العيلتين بسبب ان انت مش هتبقي متحمله للمسؤوليه انا من رأيي لو انت اقعدي مع نفسك كده وشوفي هتتحملي المسؤوليه تمام مش هتتحملي يبقى بلاش من الاول ممكن يكون في تاتش خفيف ما بين العيلتين والشغل هيكمل عادي وكان فيه وخلاص ما فيش اما لو دخلتوا في زواج هيبقى في بعد كده حاجه اسمها خراب بيوت الحاجه دي كبيره قوي فانت مش هتكملي لان انت مش هتتحملي المسؤوليه وانا اسفه طبعا على صراحتي مره ثانيه فانا من رايي.

الاعتراف بالحق فضيله انك عرفت انك غلط فانت اول الطريق والى يأثر عليك بالسلب يبقي عدو مش حبيب إلى بيحب بيساعدك تكون احسن و افضل و أما يمشيك فى طريق غلط في ده مش بيحب غير نفسو و عايز الكل يكون وحش زيو علشان ميكونش حد احسن منو

المعاكسات مش بتدل على إن لبس البنت ملفت او وحش البنت المحترمه اللي لابسه النقاب صح بتتعاكس برضو بس طريقه المعاكسه باختلاف يعنى البنت الشاذه المعاكسه بتعليق على شكلها و البنت المحترمه بيبقي برضو تعليق على شكلها النقاب عفه بالذات لو البنت جميله أو ملفته فانت بتخبيها من عالم مؤذي حتى لو اتعاكست فاللي بيعاكس مش شايف تفاصيل

بصي رفض لاهل للشغل وما بيبقاش تقصير ولا بيبقى رخامه هم مش عايزين يبهدلوكي من وانت صغيره مسيرك لما تكبري هيقول لك اه اشتغلي اعتمدي على نفسك بس هم بيخافوا ان احنا نخرج بره للمجتمع. يعني متبهدل. عايزين يعززونا عشان لما تروح حتى بيت جوزك تبقي متعززه. هتفهمي الكلام ده كله لما تكبريه حتى لو الحاجه شايفاها مهمه هما شايفين ان هي مش مهم يبقى عندهم حق. وجهه نظرهم تحترم حتى لو كانت غلط في حقنا. فمعلش مسيرك لما تكبري مسيرك هتشتغلي ومسيرك هتذوقي البهدله وهتذوقي قله الذوق بتاعت الناس اللي انت هتتعاملي معاها بره. وهتشتري كل اللي نفسك فيه وهتقولي مش عايزه حاجه بس اهم حاجه ان انا اقعد بالي مرتاحه.

بصي يا حبيبتي مش معنى ان مامتي وخطيبي اتخانقوا معايا في نفس الوقت يبقى هم الاثنين غلط. وده ما يديكيش الحق ان انت برده تشكي في ماما. على اساس ان هي دفعت عنه طب ما هي كل مره بتدافع عنك فطبيعي ان هي تيجي مره من المرات تقول لك لا. المره دي لا اه مثلا مش غلطان ما ينفعش كل مره تنتقده علشان انت نفسك ما اديتيش فيها ما تقوليش لا ده هو وحش لا ده هو مش عارفه ايه فانا من رايي يعني حتى اثبات الزنا في القران قال لك اني لازم يعني شهود ولازم لان الموضوع ده خطير وكبير قوي وكمان مع مامتك فالموضوع اكبر. فاا استهدي بالله كده ان شاء الله خير وحاولي ما تظنيش فم غلط وما تسقيش الظن يعني احسن الظن.

والله انا ما عنديش خبره في المواضيع دي بس هو ده فعلا شغل الكول سنتر بس انت مش هتدفع حاجه فجرب مش هتخسر حاجه برده

في حاجه عند العطار اسمها سلامكه وحاجه ثانيه اسمها بابونج جيبي الاثنين حطيهم على بعض اغليهم وكل يوم اول ما تصحي لو انت مش رايحه في حته اشربي كوبايه ولو راحه في حته يبقى قبل النوم مع العلم ان انت هتخشي الحمام كثير علشان الغازات والانتفاخات والامساك

طبعا اكيد كل ده حصل بسبب التجارب القاسيه اللي انت مرت بها. بس انا من رايي ونصيحه اخت. حاولي لما تتكلمي مع حد. يبقى في حسن ظن. حسن ظن حلو قوي لان سوء الظن بيودي المشاكل كثير جدا. وخليكي مباشره واضحه انت بني ادمه صريحه واللي بيجي في تفكيرك بتقوليه على طول طب اسالي السؤال قولي له انت قصدك ايه وافهمي وعلى الاساس ده برده فكري وبعد كده جاوبي. بس اهم حاجه نحسن الظن.

زمان كانوا بيقولوا الشيء ان زاد عن حده اتقلب ضده. فالاهتمام الزياده لما بيبقى كتير احنا بنسميه كم مبالغه اللي هو لا انت بتبالك في مشاعرك فما دام ما بنقول ان انت صادق بنقول ان هو كذاب بنقول ان هو بيتصنع. لان الزياده يا اما بيتخنق يا اما بيحس ان بملل ليه كثير كده ومش معنى ان احنا نقلل اهتمام ان احنا نقلل الحب احنا ممكن نحب الشيء جدا ونحبه قوي بس مش لدرجه ان احنا نخنقه. انت لو بتحبي جوزك بجد؟ فالبني ادم لما بيحب حد بيحاول يقلل من الحاجه اللي بتضايقه والاهتمام بيضايقه قلليه. شوفي الحاجه اللي هو بيحبها واعمليها وبلاش تزودي في مشاعرك لان المشاعر الزياده وحشه بتتقلب عكس.

اولا البقاء لله. ثانيا باباكي لما توفى فده مش بسبب دعوه ده قضاء وقدر ربنا كاتب له ان هو يموت في الوقت ده. ثانيا. اني قبل ما يموت كان هيضربها فهو مات. احساس بالذنب فملوش لازمه لان هو ميت قضاء وقدر فهتلومي نفسك على ايه على قضاء ربنا انت دلوقتي باباكي لحد ما مات ما عملش تصرف وحش بالعكس هو مات كان بقى في نيته فالله يرحمه المهم ان هو ما عملش. فدلوقتي ندعي له بالرحمه نفتكر له الذكريات الجميله والحاجات الحلوه. بس.

في برنامج اسمه دولينجو حلو جدا واعملي ان انت ما تعمليش مستوى اول علشان خاطر هيجيب لك كي جي. اعملي مثلا مستوى جيد وابداي معه حلو جدا في اللغه وفي النطق وجميل جدا الصراحه.

انا شايفه ان الواحد لما يكون محتاج حاجه مش عيب ان هو يطلبها. يعني سواء انتي في بيت اهلك ولا متزوجه؟ انا شايفه احتياجاتك اطلبيها اطلبيها حتى لو لمره واحده على الاقل ممكن تلفتي نظرهم لاني في ناس كثير ما بتاخدش بالها من الحاجات دي يعني في ام تقول لك لا انا احضن عيالي ليه عشان محسسهمش بالضعف مع ان احنا كتير قوي محتاجين الحوض ده. فانا من رايي اطلبي لو مره واحده محتاجه اهتمام اطلبي يا جماعه انا عايزه حد يهتم بيا. بس.

انا مش هكلمك بالمنطق. ولا هكلمك بقال الله وقال الرسول ودينا اللي قال واغفر لهما جناح الذل انا مش هقول لك الكلام ده هقول لك حاجه واحده انت شايف اني شغفك يستاهل ان انت تضحي بيه حياتك كلها ومستقبلك وتفضله انت شايف ان مامتك ما عندهاش حق؟ انت شايف ان مامتك مش خايفه عليك؟ دائما بتبقى الحياه مديانه فرص. كبيره ما فيش حاجه اسمها الفرصه ما تجيش غير مره واحده لان الفرصه احنا اللي بنعملها بايدينا المشكله في حاجه واحده ان احنا دائما شايفين نفسنا صح ما حدش شايف نفسه بيغلط. يبقى اللي قدامنا هو اللي شايب غلطتنا فانت ممكن تقعد تفكر مع نفسك شويه بتشوف مامتك عندها حق ولا لا ولما بتهينك هي مش قصدها ان هي تهين رجولتك ايه قصدها تفهمك الحياه اللي انت لسه 15 سنه ما فهمتهاش.

هيأى نفسك لمسؤوليات البيت افهمي يعنى زوجه صالحه يعنى اي بيت سعيد و ازاي احتوى زوجى اي اللي يتقال عن بيتى و اي إلى ميتقالش و لو فى بيت عيله تعرفى ازاي تخرجي من اي مشكله ازاي تسمعي وما تتكلميش ازاى تردي رد ما يكونش ليه مداخل لمشاكل

كورسات لتنميه المهارات إلى انت فاهم و شاطر فيها نمى مهارتك انت و تبقى كويس لو فيها برمجه أو قسم ميكانيكا كهرباء أو لغه ده إلى ماشي و لى مداخل كتير فى الحياه العماليه

هل حبيتها قبل الجواز ولا بعد ما اتجوزت ولو بعد ما اتجوزت امراتك عيبها ايه عشان انت تحب واحده عليها لازم تقولي المشكله كامله

الاعتراف بالحق فضيله ومدام انت عرفت ان انت غلطان فدي حاجه كويسه كلمها هى و قولها انا مش عايز اعمل كدا تانى علشان ربنا يبارك لي فيك وفي عيشتنا و قولها وقت ما تلاقيني اتكلمت في الموضوع ده او اتكلمت في اي حاجه من كده اقفلي التليفون على طول ده وفهمها ان مش معنى كده ان اي خلافات ما بينكم ان هي تقفل التليفون وهي بتكلمك يا هتقفل التليفون في الموضوع ده بس علشان لو عملت كده في اي خلافات ما بينكم هيبقى زعل ده الحل الوحيد الى يفصلك

🎤 إجابة صوتية

لو هيقدر مفيش مشكله المهم ميكونش بيمسك فى الكلام وبقولك انتى ماصدقتى والكلام العبيط ده فبلاش

المنطق سواء كتب ام لم يكتب الواحدة وقت ماتبيع مابتخدش غير حاجاتها و ربنا يتمم الموضوع على خير كل دى تفاهات بس العقول الغبية فاكره انى ده أمان لبنتهم بس ميعرفوش ان الامان في الراجل إلى هتعاشره بنتهم اي حاجه فى القايمة اكتبها عادى بس دقق فى البنود إلى مكتوبه و متكتبش أى ورقة خارجيه زى إيصال أو شيك اما القايمة لو كتبت كيلو دهب ملوش لازمه وقت يقدر الله الطلاق بيبص المبلغ و العفش مش بيدققوا فى الدهب و ربنا يبعد الشر

وبعد ما تنام نوم النهايه ايه اللي هيحصل هتصحى على ملكين بيرجعوا علقه جامده علشان خاطر تعرف انت ليه يقسام من الحياه؟ فلو بتقطع في الصلاه صلي. ولو تعبان. يعني ابسط نفسك الحياه ابسط من كده بكثير قوي؟ يعني بني ادم بيبقى عبيط قوي واتفرجت على حاجه انت بتحبها لو قمت صليت ركعتين لله يعني شوف نفسيتك بتنتمي لايه واعمله مش شرط ان احنا نقعد نتفرج على الناس وننتقدهم ونلخص الحياه دي نلاقي الحياه دي ملهاش لازمه فالواحد يموت احسن. طب ما تعمل الحاجه اللي لها لازمه في حياتك شوف انت بتحب ايه واعمله؟ شوف بتفرح ازاي وفرح نفسك هو انت محتاج انت عايز تقعد يعني كده على كرسي والناس تيجي تخدمك وتفرحك وتبسطك لا يا بابا مفيش الكلام ده. شوف انت عايز ايه واعمله دي كفايه لوحدها تبسط؟ يعني راحت البال جميله. ما تنام مش لازم تنام ما تقومش يعني ممكن تنام عادي وتصحى الصبح صباح الخير يعني الناس اللي موجودين معايا مش اموات واكمل حياتي عادي نعمل كوبايه شاي اضحك واهزر هلاقي ناس بتضحكوا تهزر معايا ما بقاش دايما مكشر ومقفله ومنكد وعايزه الحياه تبقى بمبه.لما يكون فاكر ان انا الخنقه دي وايه الزهق دي وايه الناس دي انا عايزه الحياه تتلاشى يعني بجد يعني. حاجه بسيطه جدا لو عملت كوبايه قهوه.

بصي انا عارفه ان انا طولت عليك بس انا كنت بعاني من نفس المشكله بتاعتك جامد قوي بس انا حاليا انا وصلت زوجي لان هو كل اما يجي يعمل مشكله لو المشكله ما تستاهلش انا ما بستعناش بيها يعني لو المشكله تافهه انا بقوله المشكله دي تافهه انا مش هدق عليها بصي بعامله كطفل انا مش هدق عليك لان المشكله ما تستاهلش المشكله اللي انا هعملها لان انا لو زعلت انا هزعلك وهزعل الناس اللي ممكن تزعلك. فوصلته لدرجه ان هو كل اما بيعمل مشكله انا بنام اصحى الصبح ولا كاني في اي حاجه حصلت كان الكلام اللي هو كان بيتكلموا المشكله اللي هو كان عملها في الهوا ما بقلوش غير يا حبيبي ايه يا قلبي ايه يا بابا ايه يا حبيبي حاولي تعملي كده عارفه الموضوع في الاول هيبقى صعب بس قسما بالله هتريحي دماغك مدى الحياه.

الصراحه احساس صعب جدا بس لو احنا هنقعد نفكر كده. امال فين كلمه وتوكلوا على الله او انا عند حسن ظن عبدي بيه ليه ما نتفائلش بالخير؟ ونبقى مؤمنين انه هيحصل ليه؟ احساس الرضا اجمل بكثير قوي احساس ان انت تبقى مؤمن او ان انت تبقي مؤمنه ان ربنا هيعمل لك اللي انت عايزاه ده احساس اجمل برضه. توكلوا على الله. لعلى الخير عند الله جميلا.

اولا متعقديش مع فى البيت لوحدك نهائى و لو قالك متعيطيش و اقولو طيب تمام و حاولى تحكى الحكايه بأسلوب الاستهلاك ادام مامتك و قولتلها تصدقي يا ماما كان في واحده صاحبتي حصل معاها 1 2 3 وهي مش عارفه تعمل ايه بتفكر تقول لمامتها كده خليكي جريئه.

تحديد هدف نفسك فى و تدريب نفسك على تقضيا الهدف والمحاولة مرة واتنين و تلاته يوم ماتنجحى هتبقي خفيتى وتمام❤️

الحماس والشغف. والطاقه السلبيه والايجابيه حتى اليأس ده بيبقى بايدينا احنا ارادتنا احنا. خلي بالك ان الموضوع ده لو بدأ حتى في حاجات بسيطه بينعكس على علاقتك بقيت الاشياء وبحياتك كلها بعد كده بتلاقي نفسك في اي علاقه متحمسه ليها جدا وإن العلاقه جميله وكل حاجه بعد كده بتفقدي الشغف فممكن تدمري حياتك تقريبا. فالافضل اني دائما تشوف الحاجه اللي بتشدك. واللي انت حبيتيها في الحاجه دي وخليكي دائما شايفاها كويسه. لو حتى لو مليتي من الحاجه فحاولي شوفي فيها ايجابيات جديده دي هتخليكي هتجددي شغفك على طول وهتجدد حماسك وهتبقى دائما حابه الحاجه دي وحابه تستمري فيها. ما تحاوليش تملي لان الملل هو اللي بيكسر اي حاجه

اي نعم حياتنا عباره عن اختبارات. بس اختبارات صعبه قوي. مش كلنا بنقدر نعديها ومش كلنا عندنا قوه تحمل ان احنا. نعديها بسهوله. المشكله مش في الاختبارات المشكله ان مهما جات لنا موعظه قدامنا ان في ناس ما بتتعلمش يعني في ناس بتشوف مواعيد غيرهم بيتعلموا لا في ناس ما بتتعلمش وما بتستفادش وبتحب تقاوح. فاحلى حاجه عجبني في الابلكيشن الصراحه ان هو بيدينا فرصه ان احنا نشوف تجارب غيرنا. وبيدينا فرصه ان احنا نقول راينا لاني اغلبيتنا بينصح بس هو لو وقع في نفس الموقف ما بيعرفش يدي النصيحه لنفسه.