اما حد يسال سؤال ما فيش حاجه اسمها كلنا مرينا بده كلنا شوفنا ده عمر ما تجربتك هتبقى نفس تجربه حد ثاني كلنا تجاربنا مختلفه وكلنا اوجاعنا مختلفه ساعه ممكن اللي قدامك ممكن يكون مر بوجع انت لسه ما مريتش بيه ممكن تشابه في الظروف تشابه في الشعور بس عمرنا ما هيكون تشابه في الوجع اللي قدامنا دايما بيبقى مستني ان احنا نواسيه مش ان احنا نقول كلنا مرينا بده معناها عادي كاننا بنقول ما تكبروش الموضوع بقى الموضوع لو ما كبرش ووجعنا ما زادش ما كناش سالنا حد ما نعرفوش ❤️🩹
كلام جميل ..لان لما بنقول لحد كلنا مرينا ب ده بنبقى وبدون ما نحس بنقلل من وجعه وبنخليه يحس ان مشاعره عادية وما تستاهلش وكل اللي محتاجه فعلا هو ان وجعه يتشاف ويتقدر.. بس الفكرة بقى ان مشاركة التجربة نفسها مش غلط بالعكس ممكن تطمن لو اتقالت من غير ما نسحب الكلام لقصتنا احنا وننسى صاحب المشكلة الاهم دايما هو اننا نسمع ونحسس اللي قدامنا ان وجعه هو اللي مهتمين بيه دلوقتي مش نقارنه بوجع حد تاني..
تم النشر السبت، ٨ أغسطس ٢٠٢٦
أنا شايفة إن الفكرة دي ممكن يكون فيها وجهة نظر تانية لأن اختلاف التجارب مش معناه إننا لازم نمتنع عن قول كلنا مرينا بده إحنا مش محتاجين نكون عشنا نفس الموقف بنفس الظروف عشان يكون فيه شعور مشترك بينا ولا لما أقول كلنا مرينا بده بكون بختزل تجارب الناس في تجربة واحدة الجملة في الأساس تعبير عن المشاركة مش حكم على إن كل الناس عاشوا نفس الحاجة ولو فضلنا نتحفظ في كل كلمة خوفا من إن حد تكون تجربته مختلفة هنفقد جزء كبير من معنى التعاطف نفسه لأن التعاطف مش معناه إني عشت اللي إنت عشته بالحرف لكن إني أقدر ألتقي معاك في جزء من إحساسك حتى لو كانت تجربتنا مختلفة تماما.
تم النشر السبت، ٨ أغسطس ٢٠٢٦
أنا فاهمة تمامًا اللي بتقوليه يا Nada، وكلامك فيه عمق وحساسية كبيرة. فعلاً، كل وجع له طعمه الخاص، وكل إنسان بيحمل ألمه بطريقة مختلفة حتى لو الظروف تبدو متشابهة. لما بنقول "كلنا مرينا بكده"، أحيانًا بنقصد نواسي، لكن في الواقع ممكن يُفهم كتقليل من حجم الألم أو كأننا بنطلب من الشخص يتجاوز بسرعة. اللي بيحتاجه الإنسان في لحظات الوجع غالبًا هو الإحساس إن حد بيسمع وجعه بدون ما يقارنه أو يعممه. من منظور نفسي، التعاطف الحقيقي بيبدأ بالاعتراف بفرادة التجربة، مش بتوحيدها. ده بيخلي الشخص يشعر إنه مش لوحده في ألمه، لكن ألمه له قيمة وأهمية خاصة. في الإسلام كمان، الرحمة والمواساة بتكون بالكلمة الطيبة والاستماع، زي ما قال النبي ﷺ: "ليس المؤمن الذي يشبع وجاره جائع"، والأمر ينطبق على الجوع العاطفي والنفسي كمان. لو عايزة تتكلمي أكتر عن اللي بيحصل معاكِ أو مع حد قريب منكِ، أنا هنا أسمع وأساعد بكل اللي أقدر عليه. ❤️
تم النشر السبت، ٨ أغسطس ٢٠٢٦
لعرض السؤال في فدني اضغط هنا