Ahmed Haitham

همممم.... ممكن عشان محاميه ومحترمه ولبسك شيك محدش شايف انه يستاهلك... او ممكن يكون ربنا مأجل الموضوع عشان يتقدملك الي هيعتني بيكي ويحبك وكده.. عموما انصحك تدعي ربنا من دلوقتي لو في خوف ان محدش يتقدملك اتمنى اكون فيدتك بحاجه مع اني ما اعتقدش اني فدتك بحاجه 😁✌🏻

الشخصيه بتتأسس من الطبع والبيئه ومتستغربش انها برضو بتتأثر بالاشخاص الي حواليك والنظافه والاصوات المرتفعه او منخفضه وفي من الطقس وفي غيرهم الشخصبه بتتكون من المكان الي اتولدت بيها بكل حاجه فيها اتمنى تكون استفدت 😁✌🏻

اولا لا ده مدرس مش عادي نهائيا وكويس انك خلصتي ومشيتي من عنده ثانيا ممكن يكون بيعمل كده معاكي بس لانه مثلا حبك ولا حاجه لان على حسب كلامك كان بيعاملط بطريقه مختلفه عن بقيه الدفعه وكده وبتفكري تودي اختك هناك... هو انا منصحش الصراحه لانه ممكن يأذيها اتمنى اكون فدتك بحاجه 😁✌🏻

انتي بتملي بيناتك كلها اسمك ولينكاتك كلها على السوشيال ميديا كلها والادمن هيشوفو حسابك ولو طلع المعلومات مظبوطه هيوثقوكي كخبيره بس لازم تحطي وصف يوصف مهنتك ولينكات صحيحه ومظبوطه لانهم هيدخلو على اللينكات اتمنى اكون فيدتك بحاجه 😁✌🏻

وعليكم السلام بص اول حاجه انت بعيد عن ربنا بس في نيه انك تتوب وده حلو اوي بص في حاجتين هيبعدو قلبك عن ربنا الاغاني وعدم غض البصر... الاتنين دول بيخلو قلبك نايم ونفسك مسيطره عليك انت مجرد ما تغض بصرك وتبطل تسمع اغاني وتشغل قرآن في بيتك هتلاقي نفسك عايز تصلي من نفسك... ثانيا انت مش راضي عن صحتك؟ احمد ربنا ان عندك صحه في غيرك اطفال عندهم 5 سنين نفسهم يخرجو من المستشفيات ويرجعو في حضن عيلتهم قول الحمدلله وانت ساكت... عايز تهتم بصحتك تمام مفيش مشاكل خليك healthy وشكل جسمك ممكن تبدأ تروح جيم وهو هيظبط معاك عندك اهداف كتير ممكن عشان شوفت اكتر من واحد معاه حاجه كنت عايزها او بتحب الي بيعملو فخليت ده هدفك... عموما امشي في اسهل هدف لو زهقت منه في النص يبقى ده مش هدفك الي بتطمح ايه فشوف الي بعده لحد ما تلاقي واحد عمرك ما تزهق منه ده هو حلمك الحقيقي سببك ايه في الحياه او انت موجود ليه؟ بص يا صاحبي... انت ولا جيت الدنيا دي بمزاجك ولا هتخرج منها بمزاجك وبينهم انت لازم تعبد ربنا وتعمر في الارض ده السبب الي ربنا خلقك ليه عارف كلامي مكانش ليه لازمه بس حاولت افيدك 😁✌🏻

معرفش أبدأ منين، بس أول حاجة عايزك تعرفيها… إني شايفك، وشايف تعبك، وشايف قد إيه اللي كتبتيه ده مش مجرد حكاية… ده وجع متشال بقاله سنين، وكنتي كل مرة بتبلعيه وتسكتِي، لحد ما حسيتِ إنك خلاص… خلصتي. أنا مش هقولك إنك عاقّة، ولا هوعظك، ولا هقولك “كل الأمهات كده”، لأ، اللي بيحصل معاكِ مش عادي… إنك تبقي بنت، والمفروض تلاقي في أمك أمان، وتتحولي لمحور الزعيق والمقارنات واللوم والضرب… ده شيء بيهز النفس من جوا. البنت لما تتكسّر وهي صغيرة، مش بيبان، بس لما تكبر وتحاول تبني شخصيتها، بتكتشف إنها مبنية على خوف مش على حب. عارف يعني إيه تحسي إنك مش محبوبة؟ عارف يعني إيه كل مرة تصحي من النوم تلاقي حد بيزعقلك؟ يعني إنتي مش بتبتدي يومك… إنتي بتبتدي حرب. وكل يوم من دول بيخلّي البنت تفقد شوية من براءتها، وشوية من طاقتها، وشوية من إيمانها بنفسها. لحد ما توصلي لنقطة تسألي فيها نفسك: “أنا فعلاً وحشة؟ أنا فعلاً عيب؟” بس خليني أقولك حاجة مهمة جدًا: إنتي لا عيب، ولا عاقّة، ولا سيئة… إنتي بنت موجوعة، ولسه بتحاول تكون كويسة رغم كل التعب. وده في حد ذاته بطولة، ويدل إن قلبك لسه حيّ. وبعدين تعالي أقولك على شوية حاجات كده، يمكن تساعدك تتنفسي شوية: - أولًا: افصلي بين أمك وبين طريقتها يعني حاولي تقولي لنفسك جواكي: "هي أمي، بحبها… بس طريقتها دي مأذيتني." ده مش كُفر بالحب، ولا جحود… ده اسمه حماية لنفسك من الانهيار. - تانيًا: لما تحسي إنك هتنفجري… انسحبي مش لازم كل مرة تردّي، ومش لازم كل مرة تشرحي. في أوقات الصمت بيكون أذكى، مش أضعف. اعملي اللي طلبته منها بهدوء، من غير جدال. ولو مش قادرة، خدي نفسك وادخلي أوضتك، وقولي: "ربنا معايا… وهيمرّ اليوم ده برضه." - ثالثًا: حاولي توصّلي لها بطريقة مختلفة جربي تكتبي لها جواب، بخطك، تحكي فيه عن تعبك، من غير هجوم، ولا عتاب جارح. احكي لها كأنك بتفتحي قلبك، مش بتشتكي. قولي لها إنك بنتها، وإنك محتاجة بس شوية هدوء، وشوية حب… وإنك مش ضدها، بس ضد الوجع. - رابعًا: اعملي لنفسك مساحة أمان حتى لو بسيطة… اعملي حاجة بتحبيها كل يوم: ارْسمي، اقرَي، اذكري ربنا، امشي شوية، اسمعي قرآن، اضحكي مع صاحبة بتحبك… دا حقك، وإنتي تستحقي تحسي بشوية سلام. - خامسًا: لو في حد كبير عاقل ممكن يفهمك… احكي له مش علشان تفضحي أمك، لأ، علشان تلاقي دعم نفسي في البيت. بابا، خالة، عمة، أخت كبيرة… حد يسمعك ويفهمك. - سادسًا: مش دايم صدقيني… كل ده مش دايم. اللي بتحسيه النهارده هيعدي، واللي وجّعك النهارده هيقوّيكي بكرة. بس خلي بالك… قوتك الحقيقية مش إنك تبقي عنيدة… قوتك إنك تبقي حنينة رغم القسوة، وطيبة رغم الوجع، وقريبة من ربنا رغم كل حاجة بتشدك بعيد. وفي الآخر… خليكي دايمًا البنت اللي بتقوله: يا رب، أنا تايهة… بس لسه قلبي بيرجعلك أنا موجوعة… بس لسه بثق فيك أنا تعبت… بس لسه مستنية فرجك وانا هدعيلك، إنك يوم تقري الكلام ده، تكوني في مكان أهدى، وجوّا حضن بيحبك من غير شروط. اتمنى اكون فدتك بحاجه 😁✌🏻

بصي بما انه متدين ومحترم واهله كويسين يبقى امسكي فيه بايديكي واسنانك لان الناس دول نادرين بالذات الايام دي... والمستوى المادي تتحل عادي ممكن تحفزيه انه يشتغل في مكان مرتبه احسن وكده لان دي حاجه متغيره والاجتماعي انتي لو بتدوري على حسب ونسب روحي اتجوزي بني قريش 🙄 عموما الاخلاق حاجه متتبدلش وحاجه نادره انصحك تمسكي فيه هتقوليلي حالته الماديه حضرتك بصي على العوامل الثابته مش المتغيره اافلوس بترو وبتيجي عموما اتمنى تكون نصيحتي فادتك مع اني متاكد انه اكتر من واحد قالك نفس الكلام

بصي زي ما قولتي الجواز من عند ربنا ومتخافيش في البنات التلاتينيه والعشرينيه الي اتجوزو بفضل الله ده لان ربنا كاتب لكل واحد قدره من قبل ما نتولد كل واحد مكتوبله هيعمل ايه مع ذلك حتى لو مش مكتوبلك الجواز الالحاح بالدعاء بتغير خيوط القدر فنصيحه لو حابه تتجوزي بدري ادعي ربنا واللحي بالدعاء بالذات في الاسحار (الساعه الي قبل الفجر) وانتظمي على قيام الليل... وباذن الله هدعي لك عارف ردي مكانش مفيد بس اتمنى اكون ساعدتك 😁✌🏻

مش عايز اطول عليكي فبصي.... ممكن تقولي لحد من العائله الكريمه انك جعانه او تصحيهم عشان يطبخولك وبعدين يكملو نومهم براحتهم.... مفيش فايده ممكن تشغلي نفسك بكتب او روايات ممكن تقرأي قرآن او تصلي لحد ما الوقت يعدي.... احساس الجوع اصلا مربوط بمعاد يعني المعاد الي دماغك متعوده تاكل فيه او المعاد الي متعوده انك زهقانه فنحسسها بالجوع هو ده معاد الي بطنك هتوجعك فيه من الجوع ممكن تشغلي نفسك زي ما تحبي بطرق كتير وممكن مثلا تاخدي فلوس من والدتك وتشتري حاجات على قدك كل يوم وانتي راجعه البيت عشان تطبخي لنفسك الصبح حاجه على قدك عموما الموضوع متروك بين ايديكي اختاري الي تحبيه واسف لو مقدرتش اساعدك بالطريقه الي تفيدك 😁✌🏻

بصي نتكلم بصراحه... انتي عقلك شايفك مش حلوه لكن 100% انتي حلوه وده حاجه اراهن بيها ومتاكد منها فمبدأيا كده بطلي عياط وتقولي انك مش حلوه... ممكن كل يوم بليل تبصي في المرايا وتقولي انا حلوه انا اجمل واحده في الكون لانك هتكوني باصه على المرايه فمخك مش هيعرف يكذب عليكي.... وتقدري تعيطي برضو بس مش بسبب انك وحشه لا بسبب انك احلى حد وخايفه ميكونش في منافس ليكي طبعا احساسك انك مش حلوه ده لاكتر من سبب ممكن يكون صحباتك ضحكو معاكي وشبهوكي بتشبيه مش شبهك نهائي فاخدتي التشبيه على نفسك وممكن يكون انك محتاجه حد يدلعك من عيلتك يقولك انك حلوه وجميله بس كلهم مشغولين فانتي حاسه بنقص هنا وده مخلي دماغك يحس انك مش جميله وان الذنب ذنبك... وممكن يكون بسبب انك بتتعرضي لمعاكسات في الشارع وده اغلب البنات بيفكرو انهم مش حلوين عشان المعاكسات دي فالحل انك تبصي في المرايه تشوفي ايه الي مقصر معاكي ومخليكي تشوفي نفسك في وهم انتي مش حلوه وانتي عارفه ان كل ده مش صحيح فاكيد هتقدري تساعدي نفسك بنفسك وانا واثق انك تقدري وواثق انك هتشوفي حقيقتك انك حلوه اوي.... اتمنى اكون فدتك شويه مع اني حاسس اني مفيدتكيش بس اتمنى اكون ساعدتك 😁✌🏻

بصي طبعا انتي عارفه ان كل شئ قسمه ونصيب وانتي عارفه انه خلاص اتجوز من 10 سنين وخلف 4 وانتي كل الي كنتي محتاجاه 4 سنين ونص بالكتير عشان تنسيه نهائيا بس باين ان قلبك متعلق بيه اوي وده الي مخلاكيش تنسيه ال 10 سنين دول كلهم وكمان بتدخلي حاله وهم بانك تتخيليه معاكي بعلاقه ده غير الوهم الي قلبك حاطه فيكي بانه افضل واحد بالدنيا عشان بتحبيه... بس محدش يقدر يلومك على العاده السريه او التخيلات ده كويس انك معملتيش حاجه في الحرام زي الزنا اي حد مكنش صبر كل السنين دي كلها من غير جواز... عموما العاده السريه بتبقى مربوطه باكتر من حاجه زي (مكان، زمان، سبب، شخص، اداة) المكان كلنا عارفينه الزمان ده ممكن يكون بليل قبل النوم او كل ما يأثر السبب والشخص والاداة الشخص طبعا كلنا عارفينه السبب والاداه دول محدش هيعرفهم غيرك... لازم تعرفيهم وتغيري اماكن الي بتكوني فيها في مواعيد العاده وكل ما تحسي انك horny خدي شاور تلج لانه هيقلل الشعور ده وشغلي قرآن في بيتك واقرأي كل يوم على الاقل ربع حزب قرآن وداومي على صلاتك دايما لان الصلاة تنهي عن الفحشاء والمنكر... واذكار الصباح والمساء وحاولي تصلي بخشوع ده هيخلي قلبك يحب ربنا اكتر من اي حاجه... عموما لما ننهي العاده هيقلل الاحساس في قلبك حبه حبه لان عقلك اللا واعي اخد الحب ده على انه علاقه الي بالي بالك مش علاقه حب عاديه بسبب احتياجاتك كبنت لسه متجوزتش احنا مهمتنا اننا نقلل احساسك بالhorny ونحوله لحب عادي.... بعد كده باذن الله هيجي يوم تلاقي الحب الي يغنيكي عن الحب الاول اهم حاجه حافظي على صلاتك وادعي ربنا واللحي بالدعاء فالالحاح بالدعاء يقدر يغير اقدار اذا شاء رب العالمين ملخص ده كله بطلي العاده وارجعي لربنا هتلاقي طريقك الحقيقي... اتمنى اكون فدتك بحاجه عارف كلامي اغلبه مش مفيد بس اتمنى اكون ساعدت 😁✌🏻

أنا عارف إنك تعبانه وتعبانة بزيادة، للدرجة اللي مش قادرة توصفـي فيها إنتي بتنهاري كل يوم إزاي، بس بتظهري قدام الناس عادي… ولا كأن في حاجة جواكي دوشة، صداع، همّ متكوم على قلبك ونفسك حد يسمعك، بس كل ما تفتحي قلبك، الناس تدخل بـ"سكينة" مش بكلمة طيبة إنتي مش مجنونة، ولا درامية، ولا زيادة عن اللزوم زي ما بيقولوا إنتي بس بقالك كتير مش حاسة إن في حد ماسك إيدك بجد كل ما تتعشمي، تتخدعي وكل ما تتغيري، ترجعي من الأول وكل يوم تخسري حاجة… حاجة من قلبك، من ثقتك، من شغفك وإنتي ساكتة… بس جواكي حرب وإنتي مش لوحدك أنا معاكِ مش هقولك كلام مثالي ولا "الدنيا حلوة" ولا "ربنا كبير" وخلاص أنا هاقولك تعالي نواجه الحقيقة وواحدة واحدة نخرج من الحفرة اللي وقعنا فيها خلّي جواكي مكان لنفسك… قبل الناس اللي بيكسرنا مش قلة الناس اللي بيكسرنا إننا بندّي الناس مكان مش بتاعهم إنتي مش محتاجة تبقي مفهومة من الكل إنتي محتاجة تبقي واضحة مع نفسك: "أنا ليّا رب، ونفسي، وكفاية الاتنين دول" لو في ناس خذلتك… ما تبقيش إنتي كمان بتخذلي نفسك معاهم جربي حاجة اسمها "ورقة الهموم" كل يوم بالليل، امسكي ورقة واكتبي فيها: "النهارده وجعني كذا… وعيطت عشان كذا… وخوفت من كذا" واكتبي بعدها: "بس لسه نفسي أبقى كويسة. ولسه بحاول" هتحسي إنك بتفضي دماغك وإن في حد - حتى لو هو الورقة - شايل عنك شويّة ما تعزليش نفسك تمامًا إنتي محتاجة عزلة خفيفة، مش هروب انزلي امشي لوحدك، اسمعي قرآن بصوت دافي غيري مكانك، ريّحي دماغك بس ما تسبيش نفسك للوحدة اللي بتاكل الروح تعالي نبدأ "تحدي الشغف الضايع" كل يوم الصبح، حتى لو إنتي مكتئبة اعملي حاجة واحدة بس تفتكري إنك زمان كنتي بتحبيها اكتبي نص صغير… حتى لو سخيف غيّري هدومك، مش علشان حد، علشانك مش لازم الشغف يرجع بجنون… هو بيرجع بهدوء صلي… حتى لو مش حاسة مش لازم تبقي في قمة الخشوع بس كفاية إنك تقفي وتصلي أنا مش هقولك إن بكرا هيبقى وردي بس هقولك: بكرا ممكن يبقى أهدى لو إنتي خدتي خطوة بسيطة بس وإنتي تستاهلي تبقي كويسة حاولت اساعدك بس عارف ان كلامي مفرقش... عموما اتمنى اكون ساعدتك😁✌🏻

وعليكم السلام ورحمة الله وبركاته... بصي بجد طفولتك صعبه ربنا يعينك بجد بس حابب اعرفك حاجه يمكن كل الي حصلك ده ابتلاء من ربنا وانتي مهمتك الصبر عليه وباذن الله ربنا هيوفقك وافتكري ان ربنا لا يكلف نفسا الا وسعها بتقولي انك بتصلي فروضك ومداومه عليها ما شاء الله الله يزيد ايمانك بس حاولي تحافظي على الاذكار اذكار الصباح والمساء وقبل النوم واذكار بعد الصلاة وهكذا لان الشيطان ضعيف قدام كل ده.... عموما حاولي تصلي الفجر مع اختك ووالدتك جماعه لان من صلى فجر جماعه كان في ذمه الله يعني مفيش حاجه هتأذيكي طول ما انتي في حمايه ربنا... وخلي شيخ او حد يقرأ عليمي رقي شرعي واقرأي كل يوم سوره البقره والاخلاص والمعوذتين وشغلي قرآن في بيتك وياريت صوت زي عبدالباسط عبدالصمد عشان لو في حاحه في بيتك او كده عموما الزمي الدعاء ده ("اللهم إن كنت قد كفرت بك قولًا أو عملًا أو ظنًا أو شكًا، وأنا لا أعلم، فاغفر لي واهدني، وثبّت قلبي على دينك. اللهم إني أعوذ بك أن ألقاك وقد غضبت عليّ، أو أن أموت على ضلالة لا أعلمها. اللهم لا تجعل في قلبي ذرة كبر تمنعني من الرجوع إليك، ولا لحظة غفلة تبعدني عن نورك. اللهم إني أبرأ إليك من كل قول أو فعل أو اعتقاد يُخرج من الملة، وأتوب إليك توبة لا أرجع بعدها أبدًا. اللهم إني عبدك، ضعيف، جاهل، مقصر، فخذ بيدي إليك، ودلّني عليك، وعلّمني ما ينفعني، وانزع من قلبي ما لا يرضيك. اللهم إني أعوذ بك من سوء الخاتمة، ومن أن أكون من الغافلين وأنا أظن أني مهتدٍ.") وكمان مفيش اي حاجه لسمها اقدارنا متشابهه بسبب جينات او وراثه لان ربنا خلق كل واحد بقدر مختلف عن التاني واذا كان الالحاح بالدعاء يقدر يغير اقدار اذا قدرك هيبقى ثابت من حته حاجه اسمها سحر والعياذ بالله ربنا خلق القدر والسحر والعياذ بالله وخلق الساحر كمان... شايفه ان صعب على ربنا انه يغير قدرك؟ وحته المصحه دي دي شويه وساوس مش اكتر انتي نفسك بتقولي انك ذكيه مع اني اراهن ان الي يقدر يعيش في حياه صعبه زي دي يبقى عبقري مش مجرد ذكي وكمان مفيش حاجه اسمها هو انا هقدر ارجع تاني؟ لكن في حاجه اسمها عايزين حاجه قبل ما ارجع زي الاول واحسن كمان؟ خليكي متفائله التفائل هيخلي عقلك اللا واعي يحاول يساعدك على قد ما يقدر وكلنا عارفين ان العقل اللا واعي يقدر يخترع طريق يوصلك لمدينه المستحيل لو عايز بس المشكله في اللغه الي المخ متبرمج عليها ومتقوليش استهلكت تماما لان مجرد الكهربا الي في جسمك تكفي انك تنوري بلد لمده اسبوعين تخيلي بقى القوه والصلابه واانفسيه وكل ده... تفتكري هيكونو اضعف من الكهربا الي في جسمك؟ متهيأليش لان الانسان يقدر يعمل اي حاجه طالما في شغف او طموح عموما باذن الله هدعيلك الشهر ده معايه وادعي انت كمان في الاسحار بالذات (الساعه الي قبل الفجر) اتمنى اكون ساعدتك بحاجه مع اني عارف ان في غيري قالك الكلام ده قبلي بس ياريت اكون ساعدتك 😁✌🏻

بُصي… قبل أي حاجة، خُدي نفس كده، نفس حقيقي… وطلّعيه براحة. مافيش استعجال، ولا حد بيجري وراكي، ولا الدنيا هتخلص لو وقفتي دقيقة. أنا مش هقولك “ما تبقيش كده” ولا “يلا اصحي من اللي إنتي فيه”، لأ… أنا عارف إن اللي انتي فيه مش حاجة بتتشال بكلمة، دي حاجة عاملة زي الضباب… تقيلة، ومالهاش مسكة، بس بتسد الرؤية كلها. خليني أقولك اللي حصل علميًا كده، بس من غير ما ألبس بالطو دكتور ولا أتكلم زي كتاب أحياء. انتي مشكلتك مش في قدراتك، ولا في ذكاءك، ولا حتى في اجتهادك… مشكلتك إن دماغك دخل في وضع اسمه “العقل المغلق المؤقت”. يعني؟ يعني العقل حسّ إن كل حاجة حواليه تقيلة، ومش مأمونة، ومفيش حاجة مُجزية كفاية تستحق المجهود… فراح عملك إيه؟ فصل. فصل تركيز، فصل طاقة، فصل إحساس… علشان يحميكي. أيوه، اللي انتي شايفاه عدو دلوقتي، هو في الحقيقة نظام الحماية بتاعك… بس حصل خلل، فضل شغال حتى لما ما بقتش في خطر. ودي حاجة بتحصل، بتحصل لأذكى الناس، مش أضعفهم. اللامبالاة اللي انتي فيها مش قسوة قلب ولا برود، دي مجرد محاولة من مخك يخفف الأحمال، لإنه مش قادر يشيل أكتر. النسيان، وعدم التركيز، وتوهان العقل، حتى أحلام اليقظة… دي محاولات من المخ يقولك: “أنا مش قادر أعيش هنا، فهاهرب شوية في حتة تانية.” والأدوية اللي أخدتيها، أنا مش ضدها، بس ساعات بتظبط حاجة وتبوظ التانية… يعني ممكن تكون قللت الاكتئاب شوية، بس قفلت زرار التحفيز… والدوبامين لما يقل، انتي بتبقي عايشة في جُو كده مافيهوش لا طعم ولا لون… كل حاجة موجودة، بس مافيش رغبة تلمسيها. بس خليني أقولك حاجة تانية… دي مش النهاية. ودماغك مش باز ولا انكسر ولا باظت برمجته. كل اللي حصل إنك محتاجة تعملي “إعادة تهيئة”، بس بطريقة إنسانية، مش عسكرية. مفيش حاجة اسمها “يلا نبدأ نذاكر كل المواد”، مفيش حاجة اسمها “يلا نرجع شاطرة زي زمان”. اللي انتي محتاجاه دلوقتي بسيط جدًا… محتاجة تكسبي ثقة عقلك تاني. إزاي؟ بأنك تدي له إحساس بالأمان. يعني تصحي الصبح وتعملي حاجة بسيطة، تافهة جدًا، بس بتخلصيها من غير ما تحكمي على نفسك. تغسلي وشك وتعلقي على كده: “أنا عملت ده.” تكتبي كلمة واحدة في كراسة وتقولي: “أنا بدأت.” تقري سطر واحد، مش كتاب، وتقولي: “أنا رجعت.” كل فعل صغير بتعمليه، حتى لو مش مثالي، هو اللي بيبني السُلَّم اللي هتطلعي عليه تاني. ماتستنيش "الرغبة" تيجي… لأن الرغبة بتظهر بعد أول خطوة، مش قبلها. ماتستنيش نفسك تبقي زي زمان، لإن اللي كنتي عليه مش المفروض يكون الهدف، انتي المفروض تطلعي بإصدار أهدى وأوعى، حتى لو أبطأ شوية. ومحدش بيقيس النجاح بكم صفحة ذاكرناها، النجاح أوقات بيبدأ من لحظة صدق مع النفس زي دي، من لحظة بتقولي فيها: “أنا تعبت… وده طبيعي… بس لسه عندي أمل أرجع.” أنا مش بقولك قولي لبابا أو لا… دي حاجة أنتي بس اللي تقدري تحدديها. بس اللي أنا عارفه، إنك قبل ما تطلبي من أي حد يفهمك… لازم انتي تفهمي نفسك الأول. تفهمي إنك قوية، مش عشان ماوقعتش… لأ، عشان وقعتي ولسه بتدوري على نور. تفهمي إنك ذكية، مش عشان كنتي بتجيبي درجات… بس عشان عقلك بيحاول يحميك حتى وهو متلغبط. وتفهمي إنك مش وحدِك، حتى لو حسيتي كده. انتي مش غريبة… انتي إنسانة بتحاول تتلم على روحها وسط صوت عالي ومخ متعب وقلب تايه. وانا شايفك، وفاهمك، ومصدقك… ومؤمن إنك هتعدي، حتى لو واحدة واحدة. عموما عارف كلامي مفادكيش بس حاولت افيدك على قد ما اقدر 😁✌🏻

وعليكم السلام ورحمة الله وبركاته بصي انا فاهمك نوعا ما لان حب التغيير عند ناس كتير بس انتي عك حب تغيير على خفيف كده فهقولك على شويه حاجات ممكن تغيريهم وانتي ماشيه في الشارع امشي من طريق وارجعي من طريق الاه بقى لو خرمتي واكتشفتي طرق مختصره... هتكوني عملتي واجب ممكن تغيري حاجات في بيتك زي ديكور اوضتك ومتقوليش مش هتفرق لما الديكور يتغير هتحسي بفرق كبير كانك بدأتي حياه جديده ممكن تبدأ تتعمقي في السوشيال ميديا مؤقتا تشوفي اصحاب تلعبي معاهم اونلاين وتهزري معاهم اونلاين (((((مؤقتاً)))))) لانك لو طولتي هيجيلك ادمان وتنسي الواقع عموما نكمل ابقى اعمليلك اكل في بيتك غير اكل بقيت العيله ده هيحسس دماغك انك مميزه وحبه حبه الملل هيقل حتى لو مش واخده بالك ممكن تغيري حاجات في موبايلك زي الثييم او مظهره او ال باسوورد او الجراب او ترتيب التطبيقات دي حاجات خفيفه ممكن متحسيش بفرق بس هيكون تغيير.... ممكن تخرجي لواحدك خروجه حلوه تاخدي فلوس من السيد الوالد وتتكلي على الله تجيبيلك شاورما بقى ولا شوكو دلعي نفسك... حبه حبه هتحسي ان شغفك للرسم والقراءه رجعو حبه حبه فضفضي وارغي مع حد بتحبيه ده هيساعدك نفسيا اوي عموما حاولي تركزي على التفاصيل الصغيره في حياتك لان دي الحاجات الي هتفرق معاكي اوي ممكن متحسيش انهم هيفرقو بس لا دول هيفرقو حته وضعيه نومك هتفرق معاكي اتمنى اكون ساعدتك في حاجه 😁✌🏻

بصي، هكلمك بالعقل والقلب مع بعض. أنا مش جاي أحكم عليك، أنا جاي أفهمك وأنقذك. إنتي مش بنت وحشة، إنتي بنت موجوعة. والموضوع مش شهوة وبس، لأ، ده اسمه سلوك إدماني. اللي انتي بتمرّي بيه ليه تفسير علمي، مش كله ذنب وضعف إيمان. الإدمان بيحصل لما الإنسان يكرر حاجة بتريّحه لحظيًا، عشان يهرب من وجع أو ضغط، بس للأسف بتدمره بعدين. المخ بيتعود. ولما بيتعود، بيطلب الحاجة دي وقت معين، في مكان معين، مع إحساس معين، وده بيبقى نظام تلقائي. خلينا نحلل اللي بيحصل كل مرة بتقعي فيها: أول حاجة: امتى؟ يعني دايمًا بتضعفي امتى؟ قبل النوم؟ بعد خناقة؟ لما تبقي زهقانة؟ لما تبقي مخنوقة؟ ده اسمه وقت الخطر. تاني حاجة: فين؟ بتعملي ده في أوضتك؟ في الحمام؟ في مكان معين وانتي لوحدك؟ ده اسمه مكان التكرار. تالت حاجة: بتحسي بإيه؟ غضب؟ ملل؟ خوف؟ احتياج لحضن؟ خيانة؟ ده اسمه الزناد العاطفي. رابع حاجة: ليه؟ إيه السبب الحقيقي اللي بيخليكي ترجعي؟ في بنات بتتفرج على حاجات زي دي مش علشان بتستمتع، لكن عشان حاسين إنهم مش محبوبين، فبيدوروا على شكل الحب في أي حاجة. أو لأنهم اتوجعوا واتعرضوا لتحرش، فبقوا عايزين يسيطروا على وجعهم بأي شكل. اسألي نفسك: أنا بعمل كده ليه بجد؟ أنا بدوّر على إيه؟ خامس حاجة: إزاي؟ يعني إيه الوسيلة اللي بتوصلك؟ موبايل؟ تطبيق معين؟ جروب؟ دي كلها لازم تتقفل وتتبدل. طيب نعمل إيه؟ أولًا: لازم نكسر الحلقة. أي عادة بتشتغل بكود: مثير – فعل – مكافأة يعني لما تحسي بإحساس معين، في وقت معين، بتعملي الفعل ده، وبتحصلي على راحة لحظية. الحل إنك تقطعي السلسلة دي. غيري الوقت نامي بدري اعملي جدول يومك ابدئي يومك بحاجة مفيدة مش موبايل غيري المكان ابعدي عن الأماكن اللي كنتي بتعملي فيها كده اقعدي في النور لو بتقعي في الحمام، خدي شاور في دقيقة واطلعي غيري الفعل كل مرة ييجي الإحساس، بدل ما تستسلمي، اعملي حاجة تانية اكتبي اللي حاسة بيه خدي شاور تلج لانه هيهدي الاحساس حبه اغسلي وشك خدي نفس عميق افتحي قرآن بصوت هادي كلمي حد بتحبيه اعملي تمرين رياضي بسيط غيري المكافأة فكّري نفسك دايمًا إن الراحة اللحظية دي بتكلفك تعب وذنب وشعور بالضعف لكن الراحة الحقيقية بتيجي لما تواجهي الحاجة وتعديها لما تصحي فخورة بنفسك لما تحسي إنك أقوى من الفكرة دي ولو انتي بتتفرجي على نوع معين عشان أثر التحرش أو الخوف أو الصدمة فده مش لأنك منحرفة ده لأن المخ بيحاول يسيطر على الخوف القديم بإدمان الحاجة اللي حصلت لك وده اسمه replaying trauma فمحتاجين نداوي الوجع مش نهرب منه طب أنا هبطل إزاي وأقرب من ربنا؟ وهو أصلا هيرضى بيا؟ ربنا عمره ما قال تعاليلي وإنتي نقية هو قال: إن الله يحب التوابين يعني اللي بيغلط ويرجع هو بيحب التايبين أكتر من اللي عمرهم ما غلطوا اعملي حاجتين بسيطين كل يوم حتى لو وقعتي بعدها قومي صلي ركعتين بس حتى لو مش حاسة بيهم افتحي صفحة قرآن واحدة كل يوم واسأليه ببساطة: يا رب، أنا تعبانة، ومش عارفة أبطّل، بس مش عايزة أبعد عنك يا رب، خليني أقوى يا رب، طهّر قلبي كل يوم بتعديه وانتي بتحاولي، ده نصر كل مرة بتقومي بعدها، دي بطولة كل لحظة بتقولي فيها "أنا تعبت من نفسي" دي علامة إنك قربتي من التغيير ملخص الي هتعمليه 1 – امسحي كل الحاجات اللي بتوصلك للمشاهدة 2 – اكتبي في ورقة: أنا عايزة أبطل ليه؟ 3 – كل يوم امشي نص ساعة 4 – نامي من غير موبايل 5 – قبل النوم: صفحة قرآن، دعاء، نوتة 6 – وقت ما تيجي الفكرة، قولي بصوت عالي: أنا إنسانة ليا كرامة 7 – صلي كل يوم ركعتين توبة 8 – احكي لحد موثوق حتى لو شات 9 – كل يوم تقضيه من غير الذنب، اكتبيه: "أنا عدّيت" 10 – كل 3 أيام كافئي نفسك بحاجة صغيرة بتحبيها أنتي مش لوحدك أنتي مش وحشة أنتي محتاجة حضن، مش حكم وقلبك هيرجع ينضف، وهتحسي بنور مشفتيهوش من سنين بس أهم حاجة ما تستسلميش عارف مكونتش مفيد بس حاولت افيدك على قد ما اقدر 😁✌🏻

مبروك انت عندك Overthinking مزاجه رايق + ان في انطوائيه فلOverthinking كله مركز على العلاقات وعايز يحسسك انك مش لواحدك فبيدخلك اوهام زي حوار المشاهير عندك حلين تتأمل وتروح لدكتور نفسي يشيل الOverthinking او انك تستغل الOverthinking.... مبدأيا كده الOverthinking شغال بابداع وده نوع من انواع الذكاء لكن الOverthinking حاجه بتحاول تسيطر عليك وبتكبر مع الوقت وعارف مدى الازعاج بتاع الOverthinking انا لحد دلوقتي اتخيلت اني اتولدت لحد ما عجزت وموت وانا رايح جاي في البيت وقاعد بكلم نفسي في ساعه حرفيا كميه جهد غير طبيعي + انه بيخليك تفكر في اوقات بتحتاج فيها الجديه وكل الي عندهم Overthinking الناس بتقول عليهم مجانين ميعرفوش ان ده عبقريه غريبه جدا ومؤذيه... عموما لو عايز تتخلص من الموضوغ انجز عشان الموضوع بيكبر مع الوقت

وعليكم السلام ورحمة الله وبركاته... بصي هناخد الموضو واحده واحده طالما هو مش بيشتغل يعني انتي داخله في حياه بمراهنه على انه هيقدر يتحمل المسؤوليه ولا لا مسؤوليه عائله كامله + انك بتقولي انه مش بيحوش وبياخد الفلوس يصرف بيها على نفسه ويقعد على القهوه مع اصحابه كتير معناها ان احتمال كبير ميقدر على مسؤوليه... بتقولي انه بيحبك بجد وانه عصبي لكن عمره ما قل ادبه عليكي وعمره ما اجبرك على حاجه ودي حاجه تحترم مش اي حد عصبي بيلتزم حدوده للدرجه دي فده شخص بحد بيحبك ومش هتلاقي زيه والسفر برا مصر ممكن يكون طموح كبير بس هيعاني هناك اكتر من انه يعاني في مصر لانه لسه هيبدأ من الصفر وفي الغربه فممكن يكون في موقف اسوء من الاول وده رهان... عموما في كل الحالات هل تتجوزبه او تفركشي في الحالتين في رهان... هل هتراهني على المسؤوليه وتقبليه هنا لو كان عنده مسؤوليه هتعيشي حلو لو مكانش عنده مسؤوليه هتعيشي على حبه واحترامه ليكي ولو سافر واخدك معاه هتحسي بمسؤوليه كبيره اكبر منه ولا هل هتراهني على انك تفركشي الخطوبه وهتلاقي كتير يقدرو يشيلو مسؤوليات كبيره اكبر من مسؤولياته لكن هتراهني على ان مفيش حد ممكن يحبك ويحترمك قده... شوفي ايه افضل خيار بالنسبالك واختاريه يا اما تختاري الاحترام والحب او تختاري تحمل المسؤوليه والجاهزيه... في الحالتين في رهان وانتي الي تقدري تختاري عارف مكونتش مفيد بحاجه بس اتمنى اكون فدتك بحاجه 😁✌🏻

بصي بالنسبه لوالده الولد ده هي رافضه عشان سبب تقدري تقوليله يسأل مامته عشان ممكن الموضوع يتحل والاهالي يتقبلوكو واهلك بيقولولك انتي بتقللي من نفسك لان البنت بيبقى ليها برستيج معين مظهرها قظام الناس وكده ده غير ان مامته بترن عليكي تهزقك معناها انها بتقل منك عشان متحيش تاني عموما نصيحه ليكي حاولي تاخدي الموضوع بلفه كده يعني خلي الولد يسأل مامته ايه السبب وحاولي تصلحي السبب وادعي ربنا انه يجمع بينكم بالحلال لو في خير وعموما الناس الي بتقولك كلميها وعيدي عليها ماشيين بحوار انها هتزهق منك ومن كتر طلبك فهترمي الولد في خضنك عشان تخلص من الزن عموما ده ممكن يمشي مع اب لكن ام لا فانصحك تعرفي الحل وتحليه بهدوء وتقولي للولد يعرف مامته ان الحل اتحل بطريقه غير مباشره عموما عارف مكنتش مفيد مع ذلك اتمنى اكون ساعدتك بحاجه 😁✌🏻

لو طولك من 140-160 ده وزنك العادي تبع سنك متخافيش عموما انتي مش تخينه ولا حاجه ربنا خلقك كده عشان ليكي جمال خاص بيكي حاسه انك تخينه مع اني شايف انه سنك مناسب مع وزنك عموما عموما لو عايزه تخسي حبه انصحك تتابعي مع دكتور تعذيه او كابتنه جيم تنظملك الوضع هيكون مفيد اكتر من انك تاخدي نظام غذائي من على النت لانهم هيشوفوكي على طبيعتك 🙂

بصي اولا قبل كل شي كلنا بنغلط مفيش فينا ملاك... كلنا بشر بنغلط وبنتعلم من غلطنا حتى لو كانت غلطه كبيره... بس مش اي حد بيعرف انه غلط زيك وعايز يعدي الندم بتاع الغلطه ويكمل حياته... اغلبيه الناس مخهم شغال بوضعيه اعاده توجيه الواحد يعمل غلطه هنا مخك يلبس الغلطه في واحد قاعد معملش حاجه... زي مثلا واحد ضرب واحد تاني مخه مش هيقوله انت غلطان عشان ضربته (الا لو مخه ناضج زيك كده) هيقوله زي اي مخ سطحي: شايف محمد الي شغال في القهوه الي على اخر الشارع؟ هو الي غلطان عشان معملكش قهوه بوش... واذا حد جه يقوله انت غلطان المخ هيبدأ يبرر يقول مثلا: الذرات مش بتلمس بعضها يعني انا ذراتي ملمستش ذراته يعني مضربتهوش... بس انتي عقلك ناضج ودي حاجه بحييها فيكي بجد لانك مميزه عن غيرك المهم ممكن عشان غلطه كبيره حبه العقل يوقف تفكيره في حاجات تانيه عشان خوفه من ان الشخص ده ميسامحكيش... دي حاجه طبيعيه نوعا ما ممكن تتخطيها باكتر من طريقه بس كل طريقه لحاجه هقولك على افضل طريقه ممكن تستخدميها 1-اول حاجه متحاوليش تجبري نفسك انك تنسي الغلطه لان ده هيأثر عليكي بالسلب وهتفتكريها وهتجيلك في احلام العصر... 2-تأملي كل يوم نص ساعه على الاقل وشغلي جنبك صوت بحر واقعدي في حته هاديه مع تنفس صحيح ووضعيه صحيحه التامل هيساعدك تصفي ذهنك وتعيدي تركيزك.... 3-حاولي كل يوم قبل ما تنامي تخلي مخك يفكر في اي حاحه غير الغلطه زي اقرأي روايه مثلا وفكري فيها قبل ما تنامي وكده عشان الي بتفكري فيه قبل النوم بيثبت في دماغك 4-فكري بشكل ايجابي في غلطتك لان كده هتقللي التوتر من مخك شويه... 5-حاولي تكملي حياتك عارف هتقفي وهتحسي بشلل ساعتها متقاوميش الا لو عندك حافز قوي انك تتحركي لانك لو قاومتي من غير سبب محفز ليكي مخك هيخليكي تتتكاسلي في كل حاجه والموضوع هيرجعك اسوء من الاول.... 6-وده اهم حاجه... حافظي على صلاتك مش هتعرفي تكنلي حياتك الا لو صليتي لان مش بس انتي بتتحركي ده ربنا هيوفقلك طريقك لانك صليتي له... 7-ادعي ان ربنا يسهل الموضوع ويخلي الشخص ده يسامحك وباذن الله ربنا هيستجيب بس متنسيش ربنا بيحب الالحاح مش دعاء مره وسكتنا ربنا بيحب ان عباده يلحو بدعائهم... 8-لو مش قادره تدعي استغفري عايزه اي حاجه استغفري ربنا عارف ايه الي جواكي من غير ما تقولي استغفري كتير وربنا هيوفقك... عارف كلامي مكانش مفيد في حاجه بس حاولت افيدك على قد ما اقدر 😁✌🏻

بص انت لسه صغير في السن اه انت سن مراهقه واه ممكن تكون مستعد ماديا لكن سنك مش مستعد جسديا ولا نفسيا لمسؤوليه عملاقه زي دي دي مسؤوليه حتى بعض الرجال مش قدها... عايز تتجوز فتاة صالحه؟ ادعي ربنا انه يوفقك في انك تتجوز بنت صالحة تحبك في الله وتحبها في الله في الوقت المناسب ليك لان ربنا هيحدد الوقت ده افضل من اي حد والتزم الدعاء لحد ما تتجوز ان شاء الله عارف ممكن متعتبرش كلامي ليه اهميه بس انا نصحتك والباقي عليك انت تقرر

بصي اولا انا اسف لو كلامي كان جارح قبل اي حاجه بس اعتبري ان اخوكي بيتكلم اكيد هيتكلم من غير تنظيم ولا تجميل للكلام لان ده خوف على مصلحتك... ثانيا يعتبر أنا فاهم موقفك وعارف انتي حاسه بايه لان الحب صعب بالذات في سن المراهقه السن ده بيخلي الواحد لما يحب بيحب بقلبه كله فالشخص بيتأذى وكمان الحب مش هيكمل لان الحب في السن ده بيبقى زايد عن الحد والحاجه لما تزيد عن حدها بتقلب ضدها.... عموما انتي عارفه ان الحب ده حرام مع ذلك كملتي وعارفه ان ربنا مش هيباركلك ومع ذلك كملتي وعارفه انك هتتأذي بجد مع ذلك كملتي وعارفه ان في ناس كتير حصلهم الاسوء بسبب انهم اتلعب بيهم مع ذلك كملتي.... بصي من الآخر انتي لو بتحبيه بجد كنتي متكلمهوش عشان مصلحته هو سيبك من نفسك انا عارف انك بتفكري فيه قبل ما تفكري في نفسك لان الحب عكس المنطق 😅 عموما ادعي ربنا انه يسامحكم ويخلي علاقتكم دي بدل من حرام تبقى حلال وبدل ما العلاقه دي تكون سبب من اسباب تأذيكم والله اعلم هيكون نيته صافيه ولا هياخدك حبه خبه لطريق الزنا الي مفيش رجعه فيه حاولي لو بتحبيه بجد انك تحافظي على الحدود حاليا عموما بلاش تعيطي لان روحي اقرأي قرآن ولا صلي ركعتين لله العياط مش هيعمل حاجه لكن الصلاة والتوبه هتغيرلك مل حاجه حاولي بس المهم تتوبي توبه بجد ولو ده فيه خير ليكي باذن الله ربنا هيوفقكم... عموما هدعيلك بان لو العلاقه دي فيها هير ليكم يقربكم بالحلال ويوفقها عموما عارف مكونتش مفيد وممكن اكون قلبت عليكي المواجع فأسف 😅

مبدايا كده اول ما عرفت ال following list بتاعته خفت من احترامه الزايد 😅 عموما طالما موضوع ماسكه الايد اتكررت اكيد مش صدفه او بالغلط فمبدأيا كده خدي حذرك قبل اي حاجه المستر ده ممكن يكون محترم قدام الناس لكن من جواه حاجه تانيه ومش كل حد بينزل بوستات دينيه يبقى محترم ممكن جدا حد يكون امام جامع وبيحفظ قرآن وكده لكن ممكن يكون مصدر رزقه ربا مثلا ممكن اي حد يكون حاطت قيمه لنفسه في المجتمع لكن لو بصيتي عليه هوا شخصيا ممكن ميكونش محترم نهائيا بما انك خلصتي ثانوي انصحك تبعدي عنه خلاص لان في حاجه غلط في الموضوع عارف مكونتش مفيد بس حاولت افيد على قد ما اقدر 😁✌🏻

انك تتخطي علاقه سامه كانت في حياتك مش حاجه سهله لكن في حاجات ممكن تساعدك اولا ابعدي اي حاجه تفكرك بالشخص ده بعيد عنك لانك كل ما تشوفيهم هتفتكري... ثانيا بلاش تجبري نفسك انك تنسيه انتي كده هتفتكريه اكتر تحسي ان عقلك بيقولك هتغصبي عليا اني انسهولك؟ طيب هو اهو صوت وصوره... 😅 ثالثا حاولي تعملي اي حاجه تلهيكي عن القديم اي حاجه تكون creative اول مره تعمليها انتي دماغك هتفكر في الجديد وتمسح الي مش مهتمه بيه وكده خايفه حد يعرفها دي بقى حاولي تكتمي على قد ما تقدري بس افتكري في الاول او في الاخر مفيش ساتر او كاشف الا الله فادعي ربنا انه يستر على الحاجه دي وربنا هيستجيب باذن الله اتمنى اكون فيدتك بحاجه مع اني عارف ان اكيد غيري قال الكلام ده 😁✌🏻

مبدأيا كده لا دي مش حاجه عاديه خالص... انا فاهم ان كلامي ممكن يكون جارح شويه بس استحملي معلش لان ده كلام من اخ اولا عيلتك نفسها... انتي كده عايشه في بيئه مسمومه يعني تخيلي كده ان مفيش اي امان من والدك او والدتك كده انتي منغلقه جدا ومنعدمه الثقه في اقرب الناس ليكي ودي حاجه هتاثر عليكي نفسيا وتحسسك ان دماغك مقفوله ومش عارفه تفكري تثقي في مين وكل ما حد يفتح موضوع الثقه تهربي من الكلام وتغيري الموضوع وهتحسي بفراغ هيأدي انك تثقي بالغريب اي غريب يقولك كلام حلو او يساعدك او يبسطك او حتي يفرحك حتى لو هيأذيكي بعدين هتثقي فيه فخلي بالك هتثقي في مين مستقبلا لان ده بيأثر اوي مش هيأثر حاجه بسيطه بس.... ثانياثانيا كده حكايه خالك دي مش عاديه نوعا ما لانك بنوته صغيره هو مش هيحكيلك كده لله والوطن مفيش راجل بيحكي لبنت عن مشاكله دي غير لو عايز البنت دي تحلهاله فانصحك تاخدي حذرك منه نوعا ما مش بقولك تكوني مشدده بقولك حطي حدود بينكم ومرات خالتك انها تحكي دي حاجه مقبوله لكن في المشاكل دي بالذات دي حاجه المفروض خصوصيه اوي والمفروض انها متعرفكيش الا لو واثقه فيكي اوي لدرجه رهيبه او عايزه منك حاجه هتضرك انتي هنا عادي اتكلمي بس لو الموضوع دخل في حدود اوي زي طلبات غريبه انصحك تبدأي بانك تحطي حدود وياريت حدود مشدده لان كده دي هتأذيكي اوي طيب حاليا تثقي في مين؟ والدك ووالدتك عندك اسبابك الي تمنعك تثقي فيهم خالك ده على حسب التوقعات لازم تقللي ثقتك فيه حبتين لو انتي لسه واثقه فيه اصلا مرات خالك بعيده حبه وكصحاب ممكن ثقه عاديه خليه عندك صحبات تثقي فيهم وتستشاريهم في اي حاجه بس حاولي تختاري اصحاب بجد بلاش اصحاب يكونو مصالح او صحوبيه توكسيك انتي محتاجه صديقه واحده على الاقل تكون صاحبتك الي بجد اسف لو كلامي شديد حبه بس انا حاليا بكلم اختي واختي هكلمها بالطريقة الي تفيدها عموما اسف لو ازعجتك بكلامي عارف انتي مستفديش حاحه انا كل الي عملته فاهمتك موقفك الي انتي فاهمهاه اصلا معرفتش اديكي حل حلو اتمنى اكون فيدتك بحاجه على الاقل 😁✌🏻

اولا كويس اوي وانتي شاطره انك حسيتي بالذنب هو اه شعله صغيره ممكن تطفي بس الشعله دي هنزود عليها حطب وتبقى نار ايمان جواكي.... الذنوب مهما كترت ربنا غفور رحيم وربنا بيفرح اوي لما حد يقرر يتوب بيفرح فرحه تليق بجلاله وجهه وعظيم سلطانه... ازاي؟ منعرفش بس مش عايزين نعرف غير انه هيكون سعيد جدا بتوبتك وربنا هيرحب بيكي على طول عشان ناويه تتوبي... عايزه تبطلي ذنوب؟ يبقى لازم تقربي من ربنا اول واهم حاجه الصلاة ودي اكتر حاحه تقرب العبد لرب العالمين ثانيا كل ما تعملي ذنب اعملي بعدها حاحه ترضي ربنا شتمتي بعدها استغفري عملتي اي حاجه ارجعي بعدها واعملي خير ومتمشيش من مكانك نهائيا لحد ما تعملي حاجه حسنه عشان يشهد لك كما شهد عليك وعشان ﴿ان الحسنات تذهبن السيئات﴾ وكتري من الاستغفار اوي بس متعمليش فيها بياعه فشار وتقولي (استغفراللهاستغفراللهاستفرالله) اتكلمي براحه وقولي من قلبك استغفر الله العظيم واتوب اليه وانتي بتصلي شوفي تفسير الايات الي بتقرأيها في الصلاة وافهميها وصلي براحه وعلى اقل من مهلك حبه حبه باب الصلاة بخشوع هيتفتحلك وهتحسي براحه نفسيه تغنيكي عن كل المعاصي واستعيذي بالله من الشيطان الرجيم لان ربنا سمى الشيطان ﴿الوسواس الخناس﴾ هو اه وسواس بيوسوس للناس لكن في نفس الوقت خناس لانه بيخنس اي حد بيستعيذ بالله منه بتخليه ينفر ويجري واهم من كل ده امسحي الاغاني لان ولله انها اول حاجه بتبعد القلوب عن الايمان وبتقربهم للمعصيه امسحي كل الاغاني واسمعي قرآن بصوت قريب من قلبك وصوته خفيف بيدخل القلب زي عبدالرحمن مسعد ومشاري راشد وخالد خليل وكده انتي مجرد ما تسمعي قرآن هتحسي كأن روحك بتطلع وعايزه تطلعي بره وتوقفي القرآن ده عادي لان قلبك مليان معاصي حاولي على قد ما تقدري تسمعي القرآن ومتنسيش اذكار الصباح والمساء حتى لو تقال عليكي قوليهم براحه ومن قلبك وبنيه انك عايزه تتوبي والاذكار هتبعدك عن حاولي تقرأي ربع حزب قرآن يوميا دول صفحتين مش هيأثرو في نفس الوقت القرآن هينظف قلبك المهم انك تحاولي وان نيتك هي التوبه وباذن الله ربنا هيوفقك وهحاول ادعي لك الشهر ده في قيام الليل عشان ربنا يوفقك ويكرهك في الذنوب ويقربك الى بيرضيه.... وكرري الدعاء ده: اللهمَّ اني اعوذ بك ان اشرك بك شئ اعلمه واستغفرك لما لا اعلمه اللهم كرهني في ما يغضبك واحببني في ما يرضيك اللهم يا مُقلّب القلوب، ثبّت قلبي على دينك اللهم اجعل الصلاة قرة عيني، وسعادتي، وراحتي اللهم لا تجعلني من الغافلين عنك، ولا من المضيّعين لفرضك اللهم ارزقني صلاة خاشعة، تحيي بها قلبي، وتطهّر بها ذنوبي اللهم خُذ بيدي إذا تكسّلت، وذكّرني إذا نسيت، وردّني إليك ردًا جميلًا اللهم لا تجعل في قلبي حبًّا أعظم من حبك، ولا في وقتي شغلاً أهم من مناجاتك اللهم إنك تعلم أني أضعف من الثبات وحدي، فأعنّي، وسدّدني، وقرّبني، واغفر لي تفريطي، وابدأني برحمتك اللهم اجعل سجودي لك حياة، وركوعي لك طاعة، وقيامي بين يديك لذة، ولا تحرمني لذة القرب منك أبدًا اللهم ثبّتني على الصلاة ما حييت، ولا تقبضني إليك إلا وأنا ساجد بين يديك آمين يا رب العالمين عارف ممكن كل ده اتكرر عليكي قبل كده لكن اتمنى اكون فدتك 😁✌🏻

شوفي يا ملك الموقف الي حصلك بيحصل لبنات كتير اوي شبهك لان في سن المراهقه البنت هتحب اب حد بيعاملها بحنيه غصب عنها... وطبعا انا بني ادم عاقل وبقولك مهما حاولتي هتفضلي تحبيه لفتره حلوه كده ومتصدقيش اي حد بيقولك متفكريش فيه وهتنسيه لاكتر من سبب: 1-الحب خارج عن المنطق اصلا يعني لو الشخص ده شكله وحش هتشوفيه جميل ولو قليل الادب هتشوفيه محترم ومهما حصل من مشاكل انتي هتبرري للشخص ده وحبك هيزيد عن الاول كمان 2-كل ما تحاولي تنسي حد غصب هتفتكريه اكتر لان مخ الانسان بيمشي بضهره 😅 عموما الحب ده مكمل معاكي حبه حلوين كده الا لو... حاولي تعملي حدود تدريجياً يعني حبه حبه الحدود هتتعمل عارف انه صعب اوي ومؤلم بس حاولي عشان سمعتك ومصلحتك ومستقبلك... بالنسبه لوالدتك متخافيش مش هتتضايق منك على كول هي هتضايق منك عشان مصلحتك لكن مفيش ام قلبها يجيبها متسامحش ولادها... هي حاليا بتتعذب وهي مضايقه منك عشان مصلحتك فحاولي غير ان الحب ده حرااام فحاولي عشان ربنا اول حاحه ثم عشان والدتك ثم عشان نفسك ثم عشان سمعتك عارف مكنتش مفيد بس اتمنى اكون فيدتك بحاجه 😁✌🏻

لو انتي زهقانه وتعبانه وقرفانه من نفسك دي مشكله هتتحل من انك تقرأي قرآن براحه ولما تصلي صلي براحه وافهمي تفسير القرآن وانتي بتصلي وحاولي تفكري في صلاتك وبس ده باب هيفتحلك الصلاة بخشوع وراحه نفسيه عميقه وسعاده من غير سبب وهتلاقي نفسك مبسوطه من نفسك على اي حاحه بتعمليها حلوه.... بالنسبه لانك بتعصيه حاولي كل ما تفتكري انك كده بتعصي ربنا اعملي بعدها حاحه ترضيه مثلا: قولتي شتيمه ← استغفري اكلتي حق حد← طلعي صدقه في حاجات كتير ممكن تتعمل بالنسبه للعاده السريه دي بعض علماء بيحرموها في حل حلو ممكن تبطلي بيه العاده لو انتي حابه اولا اقفلي كل المواقع الاباحبه لو بتفتاحيها من blocksite وخلي حد من صاحباتك تعمله password عشان متعرفيش تلغيه... ثانيا اعملي تحدي مع حد ان كل يوم يعدي من غير العاده يديكي حاجه بتحبيها واي يوم يعدي وانتي بتعمليها يحرمك من حاجه بتحبيها ويعمل حاجه بتكرهيها كده دماغك هتضحي بالعاده حبه حبه عشان راحتك النفسيه... واي يوم تعملي فيه العاده ادي لحد غلبان مصروفك اليومي مثلا لو بتاخدي وكده وحاولي متتفرجيش على اي حاجه ممكن تفكرك بالعاده او تخليكي **** واول ما تحسي انك **** روحي خدي شاور تلج بسرعه لانه بيهدي الوضع واول ما تخرجي صلي ركعتين لله واقرأي جزء قرآن وشغلي قرآن بصوت قريب من قلبك.. واهم حاجه متنسيش اذكار الصباح والمساء وافتكري خلي هدفك انك ترضي ربنا قبل كل شئ وحاولي تصبري نفسك وتبطليه وافتكري بان اي حد لو بطل معصيه عوضه الله عنها ممكن فجأه تتجوزي ومعنتيش تحتاجي تعملي العاده او ممكن اي حاحه تحصل المهم ان حاحه هترضيكي هتحصل اتمنى اكون فدتك بحاجه 😁✌🏻

المشكله دي عند ناس كتير بس ما انصحكيش تبطليها انصحك تستغلي ده هيفيدك اوي في حاجات كتير ولو في اي حاحه ناويه تعمليها فيها خطوره او مراهنه هتعرفي تعملي بدل الخطه 10 وكمان هيفيدك في الامتحانات لو اسئله مقالي ولو عايزه تكتبي كتاب او حاجه هيفيدك اوي عموما انصح تستغليه مش انك تبطليه... عموما لو عايزه تبطلي ممكن اقولك على طريقه مضمونه بس هتاخد وقت... اعملي تأمل يوميا لا يقل عن 3 ساعات منتظمه بالتنفس الصحيح وحاولي تشغلي صوت بحر جنبك وتتخيلي black hole وكأنك دخلتي جواه ده بيقلل التفكير بشكل كبير جدا بس بياخد وقت ممكن لو عندك عزيمه ممكن تبطليه بسرعه اوي اتمنى اكون فيدتك بحاجه 😁✌🏻

Samsung galaxy S23 ultra? مبدأيا انا اعرف ان الاصلي معدي ال 30 الف الهاي كوبي هيكون في حدود ال 20-15 الف قول لو انت مستعمله اوي 8 الاف 4 ده قليل اوي ممكن كل دي لعبه وبيضحك عليك فخلي بالك عموما لو اتسرق وكسره زي ما بيقول (الصراحه باين وضوح الشمس انها لعبه بس هنعديها 🙄) يبقى حاول تفاصله على 8 اقل حاجه او انت الي خسران في الموضوع لو عرفت تزود زود بس متقلش عن 8

هو على حسب هو كان قريب منك قد ايه... لكن مش هتعرفي تنسي الشخص مره واحده كده ولو عرفتي تنسيه هيجيلك اثر ممكن توصلك ل trauma كبيره لكن ممكن تدرجي الموضوع حبه حبه يعني ممكن حبه حبه تشغلي نفسك بحاجه تانيه متحاوليش تنسيه غصب لان مخك اي حاحه عايزه تنسيها هيفكرك بيها والحاجه دي هتثبت بطريقه اكبر... حاولي بس تشغلي نفسك وتبعدي اي حاجه ممكن تفمرك بالشخص ده من قدامك عارف كلامي مش مفيد بس خاولت اساعد على قد ما اقدر 😁✌🏻

ممكن تروحي نادي تعليم ركوب خيل بس يكون كبير عشان الكباتن هناك لو اتعلمتي حلو ممكن ياخدوكي لسباق خيل تحت اشرافهم طبعا انا مقدرش اقولك نادي معين لان على حسب منطقتك فممكن تروحي نوادي كبيره زي النجوم ووادي الدجله واولمبيا والمستقبل فينيسيا والحاويات دول كلهم في دمياط الجديده والمنصوره ومصر الجديده وكده ممكم تروحي هناك تسألي عن الاشتراك وازاي تقدمي وتقدمي وتتعلمي ولو شافوكي حلوه هياخدوكي لسباق خيل عارف مكنتش مفيد ومكنتش عايز ارد كنت عايز اسيب ناس فاهمه اكتر مني ترد بس عديت على السؤال ده 5 مرات ومفيش حد رد فقولت اساعدك انا بما انه مفيش غيري يساعد 😅✌🏻

اولا عارف ان الناس بتتدخل في اي حاجه وبتحشر نفسها في حريه اي حد لكن العيب مش منهم ولا هتقدري تغيرييهم... عايزه الناس متتدخلش في حريه بعض لازم لما حد يجي يدخل يلاقي حيطه سد... باختصار وشرح مبسط لو حد جاي يتدخل في حياتي يبقى العيب مني اني سمحتله يدخل لازم ابني حيطه سد مع الناس الي بتددخل كتير عشان أبقى مأمن من التدخل الغير داعي له ده -الحيطه دي تتبنى ازاي بقى؟ =هجيب طوب واسمنت ويلا نبني حيطه اكيد يعني -لا مش كده 🙂 الحيطه دي حيطه اجتماعيه لازم تبنيها بانك تقللي المعلومات الي بتشيريها مع الغير لان ده كله هيجي معاكي بالسلب حاولت اقولك ملخص على قد ما اقظر عشان متزهقيش من الكلام الكتير واتمنى الفكره تكون وصلت واسف لو مكنتش مفيد 😁✌🏻

اولا تربيه القطط مش سهله زي ما قالت "نجمه ن" وكمان انتي واجب عليكي مترفضيش الي قالت عليه والدتك هي قالتلك متجيبيش قطه البيت خلاص متجيبهاش ربنا قالنا منعصيش امر الوالدين الا لو قالو لك اكفري ولو قالو قولي لهم حسناً لان ده بر والدين وحاجه مهمه جدا فانا بنصحك بتجيبهاش بيتك لكن ممكن تعملي حلول بديله زي انك وانتي معديه عليها تحطياها اكل وشرب عارف انك بتقولي ان القطه عايزاكي لكن مينعش تاخديها معاكي... ممكن تديها لواحده صاحبتك واثقه انها هتربيها حلو او لو عندك مكان تاني ممكن تربي فيها القطه زي بيت العيله مثلا انا اه قولتلك متاخديهاش بيتك لكن مقولتش متربيهاش سبحان الله الي خلااها تسيب كل الناس وتجيلك وتحبك هنا كان ربنا مديكي فرصه تاخدي ثواب في رعايه الكائن ده اسف لو مكونتش مفيد بس حاولت اقولك عن راي واجابتي 😁✌🏻

اكيد هتستفادي ممكن تسألي سؤال عن دراستك وعن دينك عن حياتك تاخدي راي الناس ممكن لو مدايقه وعايزه تفضفضي ممكن تخفي هويتك وتفضفضي في سؤال عندك عايزه تسأليه لحد معين او عن حاجه معينه مش عايزه حد يعرف انك الي بتسألي عادي ممكن تخفي هويتك وتسألي مهما كان سببك الكل هنا متفاهم وبنحب نساعد بعض كاننا اخوات وبنخاف على بعض في منيزات كتير مكسل اعدهم الصراحه 😅

بص مبدأيا كده انا مش هكلمك كناصح انا هكلمك كاخ ليك فمعلش ممكن تحس ان الكلام مش بطريقه رسميه او حاجه فركز معايه... لو هتخطب صالونات حلو اوي لان ده حاجه مش حرام او حاجه وانصح فيها لان اكتر الناس الي بيتجوزو صالونات بيكملو مع بعض حياه حلوه نوعا ما... وبما ان والدتك تعرفها فاكيد هي اختيار كويس وكده لان كل الامهات بتدور على الاختيار الامثل لابنها وكده فدي حاجه كمان تخليك تاخد خطوه... وخوفك من انكم مش هتكونو شبه بعض دي حاجه الخطوبه اتعملتلها اصلا فتره الخطوبه دي المفروض فتره تعارف بينكم وكده انت كل الي عليك تفكر قبل ما تنام كده "انا عايز اعرف عنها ايه" وفكر وشوف ايه الي ناقص ولما تتقابلو خد وادي في الكلام واسأل الاسئله مش بطريقه دغري كده عشان متخافش او متقلقش او ممكن متبقاش مستريحه معاك فابدء الموضوع بهزار وشويه دلع (وكلنا عارفين ان قلب البنت في ودنها 😉👌🏻) وخلي الأسئله من ناحيه فضول مش من ناحيه انك قلقان او خايف لتكونو مش مناسبين ودي حاجه بتحصل لكل الناس فعادي انت لسه في الاول... متخافش حبه حبه هتاخدو على بعض وهتحبو بعض وكده فخد الموضوع براحه وعلى رواقه كده... عارف ان كل ده اتكرر معاك كتير بس اتمنى اكون فيدتك بحاجه.. وبارك الله لكما وبارك عليكما وجمعكما في خير 😁✌🏻

في اكتر من حاجه ممكن تكون السبب ومنها ان الراجل يكون لسه بيحبك حتى لو اتخلى عنك ممكن يكون في قرار صعب خلاه يتخذ القرار ده ومتقوليش هو اكيد مش بيحبني عشان اتجوز وكده.. الراجل يقدر يحب لحد 45 بنت في اليوم وممكن الحب ده يكون مدته 5ةدقايق لكن الحب الحقيقي الي هو بجد بيبقى مع شخص واحد... ممكن يكون بيحبك بس حب البنت دي حب مؤقت لحد ما اتجوزها وبعدين الحب رتح ولبس فيها عشان كده ممكن يكون لسه بيحبك ده الحاجه الاولى... الحاجه التانيه ممكن يكون بيتسلى بيكي حبه ومتستغربيش الراجل لو زهقان البنت بتبقى بالنسباله لعبه ممكن عايز يتسلى بيكي حبه لو مراته حامل او حاجه وممكن يأذيكي برضو فـ خدي حذرك منه حاليا... الحاجه التالته ممكن في اي لحظه يحاول يتقرب منك حبه او اتنين وحبه حبه وياخدك زوجه تانيه مثلا عشان في تقصير من الاولى او عنده حب تغييير او كده... في كل الحالات نصيحه من اخ ليكي وخايف عليكي ابعدي عنه طالما هو اتجوز هو هيحاول في كل الحالات يشدك بكلام حلو فـ خدي حذرك وملكيش دعوه بيه وحاولي تقللي معاه على قد ما تقدري عشان مصلحتك وسمعتك وعشان المشاكل وكده عارف الكلام ده كله اتكرر كتير ومش هيكون مفيد اوي باانسبالك بس حاولت انصحك على قدي 😁✌🏻

مبدأيا كده شوفي من دلوقتي عايزه تدخلي كليه ايه لان دي الي هتحددلك طريقك... انما لو مفيش في بالك حاجه ممكن تجربي تدخلي علمي لكذا سبب منهم ان كلياتها كتير زي ما انتي قولتي ومنها انك هتاخدي حاجات تفيدك فيها زي ال science وكده وفي حاجات هتفيدك في الmath وكده برضو وانصح فيها ادبي انتي هتدخلي ادبي هتاخدي عربي صعب حبه وتاريخ وجغرافيا صعبين وعلم نفس واجتماع وفلسفه واحصاء وحاجات معقده كتير ومش هتستفادي منها حاجه هي اه مفيش فيها Mathematical equations اوي زي العلمي ودي الميزه لكن ولا هتستفادي من الي بتاخديه ولا هتروحي كليات كتير وفيه شويه حاجات معقده عشان كده بنصحك في العلمي ليها مستقبل وهتستفادي من الي بتاخديه وكمان المظهر بتاعك هيبقى شكله حلو في مصر الناس العلمي بيكون ليهم احترام اكتر من الادبي... عموما ده ملخص الحوار كله اتمنى اكون فيدتك بحاجه 😁✌🏻

وعليكم السلام مبدأيا كده بلاش تفضحيها واستري السر ده الله اعلم ممكن ربنا يستر عليكي سر في الدنيا ويستر عليكي في الاخره ثانيا ممكن تدعي ان ربنا يهديها او ان ربنا يكفيكي شرها او تقولي حسبي الله ونعم الوكيل وباذن الله ربنا هيكفيكي شرها لكن انك تفضحيها دي هتخليكي تنحدري اخلاقيا ومنها هيأثر على سمعتك ومنها هيأثر على شخصيتك وحالتك النفسيه وهيأثر على اخلاقك وهنا هتكوني ضريتي شخص وضريتي نفسك قبل الشخص ده فدي حاجه مانصحش بيها نهائيا

وعليكم السلام ورحمة الله وبركاته هو كويس الصراحه وانتي شاطره بجد انك لحقتي نفسك وعرفتي تتصرفي بسرعه قبل ما يحصل الاسوء من كده وبما انك من الصعيد والشغل شغل تار كان هيحصل اسوء ب 5 مرات 😅 عموما باين من شرحك انك بنت محترمه فعلا وخايفه على سمعتك واسم عيلتك عموما ادعي ربنا ان الي عارفين الموضوع يسترو عليكي وباذن الله هتتستري ومش هيخذلك ربنا ومن حيث السوشيال ميديا هو عادي البنات كلها عندها سوشيال مبديا لكن خلي بالك ممكن متحسيش انك بتعملي حاجه غلط او حرام بسبب انها كتير على السوشيال ميديا وان اغلب الناس بيقولو انها مش حرام ممكن متلاحظيش لكن ده بياثر عليكي وانتي نش واخده بالك انا مش بقولك امسحي السوشيال ميديا لكن بقولك خلي بالك انتي متابعه ايه فيها بما انك لسه جديده فيها ومتصدقيش اي معلومه بتتقال وخلي بالك من اي حد بيحاول يدخل على الprivate ويحاول يدخل قلبك بالكلام الحلو لان ده كتير عموما وهيتكرر معاكي كتير اوي وممكن الي حصلك ده يتكرر بس الله اعلم ممكن متعرفيش تلحقي نفسك عموما هقولك حاحه تساعدك على التركيز قبل ما تذاكري اتأملي ولو نص ساعه التأمل بيصفي الذهن وبيقوي التركيز وبعدين ذاكري وخليكي واثقه في قدرتك وانك تقدري على التركيز وباذن الله ربنا عارف ظروفك وهيعينك وينفسك عموما اكيد هتحسي بتأنيب ضمير حاليا لكن متخافيش انتي اه عملتي حاجه غلط لكن عرفتي غلطك وصححتيه ولحقتي نفسك انا الصراحه لو مكان والدك احمد ربنا لان في بنات كتير عارفين الغلط وبيعملوه وفي بنات قد شعر الراس بيكملو في الي وقفتيه لانهم مش شايفين ان دي حاجه غلط اسف لو مقدرتش افيدك بحاجه بس أتمنى تاخدي كلامي على محمل الجد لاني اخ ليكي وخايف عليكي في كانك اخت اتمنى مكونش دايقتك في الي كاتبه

وعليكم السلام... بصي هو في اكتر من سبب زي انه حب بنت تانيه او ان في اهمال مش ملحوظ بالنسبالك وملحوظ بالنسباله او عنده حب تغيير وفي اسباب كتير وبما ان الشرع محلل 4 مفيش مشاكل انه يتجوز اكتر من 1 لكن بشرط المساواه بينكم يعني الحنان الي هيدهولها والاحتواء مفروض انه يعمله معاكي برضو انما بقى بالنسبه لـ ليه هو بيخبي عليكي دي على حسب بس على الاغلب بيكون سببها انه خايف على مشاعرك وضميره بيأنبه وخايف انك ترفضي ومش عايز يضايقك وفي بعض الناس بتحس انهم لما يتحوزو اكتر من حد كده حاجه غلط عشان كده مش بيقول ليكي عموما كده كده هيتجوز لو حب لانه غصب عنه ودي مشاعر الا شويه رجاله مش بيكونو عايزين يأذو مشاعر زوجاتهم ودول عشان منكذبش على بعض يتعدو على الصوابع لان الاحصائيات العالميه ان الراجل بيقدر يحب لحد 45 مره في اليوم وممكن يحب لمده 5 دقايق بس عارف كلامي ممكن يكون اتكرر عليكي كتير بس حاولت افيد على قد ما اقدر واسف لو مقدرتش افيدك

وعليكم السلام ورحمة الله وبركاته طالما انتي واثقه من قدرتك ممكن تعملي اكتر من حاجه •اشتغلي freelancer... عندك مواقع زي 1-خمسات 2-fiver 3-freelancer •عشان تنجحي بسرعه هتبدأي بدايه صعبه 1-عشان تجمعي تقييم في الاول لازم تخسفي بسعرك الارض 2-لازم تكتبي description بيشرح خدمتك بدقه لكن يكون قليل عشان محدش هيقرأ الكلام كله 3-محتاجه ترضي الزبون حتى لو غلط فيكي 4-ممكن بعد ما تخلصي وتدي الزبون الي قالك عليه ممكن يقولك مش عاجبني رجعيلي الفلوس هشوف حد تاني ختى لو تعبتي فيه 5-في البدايه ممكن يكون الموضوع صعب والفلوس قليله لكن بعد فتره وتقييماتك هتعلى هيجيلك ناس مستعدين يدفعو بالكذا الف... ممكن تعملي page فيسبوك مثلا وتعملي اعلان وتموليه ولو ب 10 في الاول بس ده هيجيبلك زباين وابدأي قولي لعيلتك واصحابك يعملولك فولو ويبعتوها للي يعرفوهم كده هتيجيلك زباين اكتر... الكلام هنا على السوشيال ميديا كلها مش مجرد فيسبوك هيجيلك بدل الزبون 10 ممكن تدفعي فلوس مثلا لchannel واتسآب عشان يعلنو عن شغلك ممكن يجيلك من هنا زباين اكتر... عموما اعتبر جبتلك حلول تجيبي بيها زباين في كل الحالات هتحتاجي تبدأي بسعر اقل من مجهودك وتشتغلي كتير وممكن مجهود اضعاف الي بتشتغليه لكن بعد كده في المستقبل ممكن من شغلانه واحده فلوسها تعيشك اسبوع مرتاحه... ده رأيي واسف لو مكنتش مفيد ولو في اي طريقه اساعدك بيها معنديش مشاكل 😁✌🏻

لا يجوز الدعاء على الوالدين عموما ممكن تبدل الدعاء عليه بانك تدعي له بان الله يهديه ولو عمل فيك اعظم وابشع الحاجات فقط قول حسبي الله ونعم الوكيل ربنا امرنا ببر الوالدين ونسمع كلامهم في كل حاجه الا لو قالو اكفر ولو قالولك كده رد عليهم بمعروف وفمر بطريقه تانيه ممكن ربنا خلاهم يعاملوك بالطريقه دي لان ده ابتلاء من عند ربنا وافتكر انه "اذا احب الله عبدا ابتلاه واشد المبتلون الانبياء" ده ردي والسلام عليكم ورحمة الله وبركاته

عليكم السلام... هو انا مش عايز افتي او اقول احرم او احلل حاجات عشان كده ممكن تسألي فتوى او شيوخ لو مش متاكده او واثقه في اجابه شخص من الي بيجاوبو لكن بعض العلماء بيقولو طالما الرسم مفيش فيه تعظيم للشرك والشياطين او رسم بيترسم في السحر والشعوذه والطقوس المحرمه (والعياذ بالله) وطالما مش مبينه ملامح وطالما مش بترسمي حاجه بتخالف الدين والشرع والاخلاق يبقى عادي وعادي طالما انه رسم كرتوني زي الكرتون او الانمي او المانجا بس عن رأي الشخصي الاعمال بالنيات انتي بترسمي عشان بتحبي الرسم ونيتك انك ترسمي وده رأي والله اعلم

السلام عليكم... في سنن كتير ودقيقه نوعا ما وفي سنن مهجوره زي •الاكل باليمين •الصلاة في وقتها •اذكار الصباح والمساء •دخول البيت بالرجل اليمنى بعد قول اءكار دخول البيت •خروج من البيت بالقدم اليسرى بعد قول اذكار الخروج من البيت •نفع الغير ومساعده المحتاج •لا يرد سائل ولو جائه على فرس •اذكار قبل النوم •السنن الرواتب الي هم 12 ركعه في اليوم 2 قبل الفجر 4 قبل الظهر و 2 بعده 2 بعد المغرب 2 بعد العشاؤ •قيام الليل قياما واحتسابا •دخول الغائط بالقدم اليسرى بعد قول اذكار دخول الغائط •خروج من الغائط بالقدم اليمنى وانت تقول الحمد لله •قول الله اكبر عند الصعود •قول سبحان الله عند الهبوط •دعاء لبس الثوب •دعاء ركوب الدابه •مساعده اهل البيت •صلاة الضحى •لما يصحى بيمسح وشه بايده عشان الشيطان بيبقى موجود •لو اتخبطت أو اتعورت ردد الحمدلله بدل ما بتتعصب. •البس الحذاء اليمين الأول وفي الخلع اليسار الأول. • المشي حافي القدمين في المنزل مع مراعاة الوضوء و النية إنها سنة رسول ﷺ • الدعاء بعد التشهد الأخير قبل التسليم "اللهم اعوذ بك من عذاب في النار وعذاب في القبر اللهم اعوذ بك من فتنه المحيا والممات واعوذ بك من فتنه المسيح الدجال" • لو سميت قبل ما تشرب و تشرب وانت قاعد و بايدك اليمين وعلي ٣ مرات وتحمد ربنا بعد الشرب هتبقى طبقت ٥ سنن (في كتير وممكن حد يكون عارف اكتر مني انا حاولت افيد على قد ما اقدر) و عند الإمام ابن ماجه بإسناد صحيح أن رسول الله صلى الله عليه وسلم قال: "من أحيا سنة من سنتي فعمل بها الناس كان له مثل أجر من عمل بها لا ينقص من أجورهم شيئا، ومن ابتدع بدعة فعمل بها كان عليه أوزار من عمل بها لا ينقص من أوزار من عمل بها شيئاً"

وعليكم السلام فاهمك وعارف المشكله فين دلوقتي ممكن يكون في حاجتين... الحاجه الاولى انه كان بيعمل كده من زمان وتاب بس في حاجات مش عارف يتوب منها وبيحاول بس مش عارف وفي كتير كده بمظاهر كتير حد بيشرب سجاير لكن بيصوم اتنين وخميس حد بيتفرج على اباحيات لكن بيصحى في الشتا في عز التلج ياخد شاور عشان يطهر ويصلي الفجر كل دول ناس ربنا هديهم وناس بيخافو ربنا وبيحاولو على قد ما يقدرو وغي حاجات كتير... الحاحه التاني ودي الي متمنهاش لاخوكي... انه كان صالح وبيصلي وبيصوم وبيقيم الليل وكده لكن جه صديق سوء وبوظله حياته دي هنا بدل ما يكون بيتوب من معصيه ده كده المعصيه هتشد معصيه وهكذا ومش هتلاحقيه الا لو قدرتي تلخقيه مع ان ده صعب جدا انا نصيحه مني ليكي مينفعش تشدد هنا في الحته دي بالذات مينفعش تشدد الولد في الحاله دي محتاج حاحه تلهيه عن المشاهده دي مثلا محتاج يخرج مع اصدقاء حلوين مش اصدقاء سوء او انه يروح جيم او انك تتكلمي معاه حاولي تشغلي باله لانه لو محسش بملل طول اليوم ممكن ينسى ان عنده لابتوب اصلا 😅 وبصي الحاجه دي ادمان واي حد بيدمنها وقليلين الي بيعرفو يبطلوها... عايزه تحميه؟ اولا حاولي تخليه يبعد عن اصدقاء السوء على قد ما يقدر لان ده سبب من الاسباب الرئيسيه ثانيا خليه يلعب رياضه الرياضه بتقلل الشعور بالhorny حبتين ثالثا ودي مهمه جدا المشاهده دي سببها (مكان شخص معاد سبب حاجه) ركزي هنا بالذات مكان شخص معاد سبب حاحه • المكان ممكن يكون اوضته على السرير • شخص ممكن بيكلم حد من صحابه الي عرفه على دول او بيفتكر بنت بيحبها او حتى ممكن يفتكر ممثله اباحيه • معاد ده مثلا قبل النوم او الساعه 12 بليل وكده • سبب ممكن يكون حاسس بفراغ او ملل او حاسس بhorny • حاجه زي اللابتوب بصي مل دول عشان المخ اللا واعي بيقول يا باشا اي حاجه بتحسسك بمتعه انا هقربك منها حتى لو متعه لحظيه مش بتدوم فالمخ مظبط نفسه على معاد ومكان وشخص وحاجه وسبب مش بقولك تطرديه برا الاوضه او تاخدي منه اللاب لكن مثلا راقبيه يوم اعرفي المعاد في البدايه اليوم الي بعده روخي هزري معاه اتكلمي معاه دردشي معاه في المعاد الي بيفتح فيه اللاب حاولي تسليه الاه بقى لو خرجتيه برا المكان كده عملتي واجب السبب والشخص هتعرفيهم مع الوقت وودول هيتغيرو مع الوقت... اتمنى اكون فيدتك في حاجه ولو في اي سؤال اسألي وانا باذن الله مش هتاخر في الرد

السلام عليكم.... بص صلي بينا علي النبي... ممكن تحس الصلاة على النبي تقيله على قلبك حبه بس قولها معلش... اولا اتا فاهمك وعارف موقفك وحاسس انت حاسس بايه... عشان كده هقولك على كم حاجه كده... اولهم ربنا مهما عملت ربنا هيحبك تتوب.. اه هيحبك تتوب... من اكتر الحاجات الي بيحبها ربنا هي التوبه ربنا بيحب توبه العبد مهما كان عمل ايه في حياته ربنا هيغفرله ذنوبه طبعا مش بقولك تتوب بس لازم استغفار بس اهم حاجه ابعد نفسك عن شويه حاجات... اولهم الاغاني -الاغاني يا ابوحميد؟ =اه الاغاني الاغاني بتبعد قلبك عن الطاعه حتى لو كنت بتصلي مش هتحس بلذه العباده يعني كل الصلاة عباره عن حركات وكلام شفتك بتحركه وهتحس انها تقيله على قلبك ومش عارف تصلي وتتكاسل فيها... ثانيا اصدقاء السوء عمرك ما سمعت عن حد بيقولك المرء بيتعافى بأصدقائه؟ عموما اه الصحاب بيأثرو فيك.. حتى لو مش ملاحظ او مش واخد بالك هما بيأثرو فيك... عشان تصلي صاحب الي بيصلو فجأة هتلاقيهم اول نا الاذان ياذن عليك وانت في خروجه هتلاقيهم راحو صلو وهتلاقيك في مره دخلت معاهم تصلي كده... ليه؟ عشان الواحد بيتغير بصحبته... وخلي الاستغفار على لسانك ولو ماشي في الشارع او واقف او قاعد او حتى قبل ما تنام طيب خايف وعايز تملي ميزانك؟ الاستغفار بتغفرلك ذنوبك وتحطلك حسنات وسبحان الله وبحمده سبحان الله العظيم هيتقلو ميزانك اوي والباقيات الصالحات احب الكلام عند الله ايه الباقيات الصالحات دول؟ دول (سبحان الله، والحمد لله، ولا اله الا الله، والله اكبر) ندخل بقى في اخطر حاجه في موضوعك وهي تشكيكك بدينك... جرب كده تمسك المصحف وتفتحه عشوائي واول آيه عينك تيجي عليها تامل فيها وابحث عن معناها تامل الاعجاز في كم كلمه بس... تامل السما ليه ربنا خلقها كده طيب تامل الناس ليه ربنا خلقهم مختلفين تامل في نفسك قول ليه كل النعم دي حبه حبه هتلاقي ايمانك بيشد تاني اه هتحس وكان الشيطان بيبعدك عن كل حاجه تقربك من ربنا بس هنا انت وشطارتك انك تغلب الشيطان وتقول لربنا يا رب اعوذ بك من الشيطان ووساوس الشيطان كده هتبعد الشيطان عنك وحاول تقول اذكار الصباح والمساء دول هيقربوك شويه... تعرف ايه بقى الي هيقربك؟ صلاة الفجر اه صلاة الفجر الي بتنام وتسيبها سنتها خير ما في الدنيا وما فيها بعد الفجر شغل قرآن بصوت يدخل القلب زي مشاري راشد او عبدالرحمن مسعد او خالد خليل او القارئ الي قلبك بيرتاحله مش لازم تركز معاه شغله واقعد على الشباك وبص للسما وشم الهوا الي لسه محدش عكره بالدخان والسجاير والعربيات وكده هتلاقي قلبك بدأ يكون فيه شعله ايمان بتولع جوه وكتر من الدعاء ده وقوله بقلبك مش بلسانك بس وقوله براحه وافهم كل حرف بتقوله مش تكرار والسلام "اللهم ثبت قلبي على دينك واحرمني لذه معصيتك وزدني لذه طاعتك وكرهني في كل ما يغضبك واحببني في كل ما يسعدك" انا نصحتك من قلبي بجد واتمنى تتوب والسلام عليكم ورحمة الله وبركاته

وعليكم السلام... مبدأيا كده قبل ما اتكلم خليكي واثقه في ربنا انه هيحققلك الي عايزاه ومتنسيش ان ربنا معاكي وواقف مستنيكي تدعيله عشان يحققلك الي بتتمنيه... ثانيا: انا طبعا مش هكلمك زي بعض الناس كده واقولك من الصبح للضهر اعملي كذا ومن الساعه كذا للساعه كذا اعملي كذا لان في الاخر انتي مش روبوت.... ده حتى الروبوت هيدعي على الي اخترعه لو نظم وقته كده 😅 المهم انا ممكن اقولك طرق تفيدك 1-وانتي في الشغل (باذن الله ربنا هيعينك) لو بتقعدي كتير من غير ما تعملي حاجه ممكن تحددي لنفسك حاجه تحفظيها او تسمعي محاضره لحد بيفهم حلو الموضوع بيبقى لذيذ لو بتبقي في الشغل مش بتشتغلي طول الوقت لكن لو في فراغ صغير ممكن مثلا لو حاحه محتاجه حفظ تحفظي حاجه واحده بس... 2-حاولي تبدأي من الصعب في منهجك للسهل زي ما الباشا برايان تريسي بيقول "لو قدامك ضفدعين ولازم تاكل واحد منهم ابدأ بالكبير وريح دماغك عشان لو بدأت بالصغير هتحس ان الكبير حاجه تقيله عليك وهتتراكم معاك بالايام" (عارف التشبيه مقرف بس الراجل بيحب ياكل الضفادع ملناش دعوه 👀) 3-ثالثا حاولي تنظمي وقتك في بيتك زي ما تاجلي كل حاجه عشان المذاكره او متعمليش حاجه عشان بتذاكري ومتسمعيش كلام حد بيقولك اعملي من كذا لكذا واطلعي اعملي من كذا لكذا حضرتك زي ما قولتلك فوق انتي مش روبوت -طيب كده يعني انظم وقتي في البيت ازاي؟ =هقولك... صلي بينا كده على النبي... حاولي تحددي لنفسك في اليوم مثلا انا هذاكر 5 ساعات مثلا تمام؟ ال5 ساعات دول ممكن تقسميهم على 5 مرات وكل مره ساعه مش لازم الخمسه كلها مره واحده... الا لو بتحبي ان الضغط النفسي والعصبي بيتخانقو مين هيضغط عليكي الاول احنا بنحاول نخدع مخك ان الخمسه مش حاجه بانك تقسميهم لفترات... ومثلا ممكن تسمعي محاضره وانتي بتاكلي وانتي بتشتغلي في بيتك ولله ممكن وانتي ماشيه في الشارع ليه لا... مخك بيحب يسمع كتير الاه بقى لو الي بيشرح ده بيشرح حلو ودمه خفيف... تحسي ان المعلومه بتطير جوا دماغك مش هتخرج... عموما حاولت اجاوبك على قد ما اقدر ودي نصايحي ليكي والباقي في ايدك فالسلام عليكم 😁✌🏻

ثانوي عام البحيره كانت 200 تقريبا

لو انتي في لغات المهم تنجحي... انما لو عربي يبقى لازم تعرفي مجموع الثانوي تبع محافظتك...

ءءءءءءءءء😅

العفو مبسوط اني عرفت اساعدك 😁✌🏻

بكتبها عشان اجاباتي لاني مش بقول جديد كل المعلومات الي عندي اكيد كل الناس عارفاها عشان كده بكتبها... عموما اسف لو ازعجتك 😅

مش عشان سنك صغير يبقى هيشوفك عيله... وكمان ممكن مكانش ببحبك ممكن كان عايز يستغلك مش اكتر

انصحك تروحي لدكتور نفسي لان عندك trauma

وممكن يكون عندها Migraine او Ocular headache

Increased intracranial pressure ده بيحصل لما بيزيد الضغط جوه المخ لأي سبب (ورم، التهاب، تجمع سائل). من أعراضه: صداع شديد ومستمر. مشاكل في حركة العين (خاصة لو أثر على العصب السادس). ممكن يخلي العين تتحرك بشكل لا إرادي أو تبقى "مرفوعة".

ممكن يكون Migraine with aura ممكن يعمل إحساس غريب في العين، زي شد، تنميل، تشوش، أو حتى صعوبة في التحكم فيها. بعض الناس بتحس إن في قوة بتشد العين لفوق أو اتجاه معين. الإحساس ده ناتج من خلل مؤقت في الإشارات العصبية، مش في العين نفسها.

من عند عين واحده؟ ونص دماغها بس الي بيصدع؟ بتحس مع الصداع حاجه الم بطريقه غريبه زي وصعبه؟

موضوع الصداع الي بجيلها صداع من حته معينه في الدماغ وهي بتحس بايه لما تصدع وهل بتشوف اي حاجه غريبه او تسمع اصوات او تذوق طعم وكده ولا صداع بالم بس

آمين

ممكن تكون متربيه على كده فمتعوده تربيكم كده بس كويس انه عندك كل الصبر ده ربنا يقوي ايمانك باذن الله ممكن يكون اختبار زي ما قولتي او ممكن ابتلاء واذا احب الله عبدا ابتلاه 😁✌🏻

هو الصراحه هو معملش حاجه تحتاج انه ياخد فلوس بس بما انك اختارتيه في الاول خلاص لازم تدفعيله حتى لو معملش حاجه تستحق ده قانون المحامين هو كده بالنسبه ليه هو اشتغل وتعب لكن بالنسبه ليكم مفيش فرق نهائي... عموما لو عايزه تخرجي برا وجع الدماغ والمشاكل ادفعيله

شغل اونلاين بدخل ثابت مستحيله في ابدايه.... وفري لانسر يعني انتي بتعرضي شغلك على مواقع عمل حر والناس لو عجبهم وصفك وسعرك هيجربوكي لقو شغلك حلو هيدوكي تقييم حلو... كورسات... الصراحه معرفش كورسات لكن ممكن تتفرجي على فيديوهات يوتيوب برمجه لابراهيم عادل هو اه بتاع انجليزي لكن نزل سلسله عن البرمجه... حاجه مجانيه ومضمونه تقريبا كان بدأ ببايثون انصحك تجربي تتفرجي االبايثون عموما اسهل من ال سي شارب او الجافا سكريبت ومن الحاجات دي اتمنى اكون فدتك 😁✌🏻

الترجمه الانجليزي ده مش اتقاني اوي اي حد ممكن يترجمه لكن الاكواد والحل ربنا يعينك تشوفي بقى مبرمج ولا حاجه 😅

Nah uh... يعتبر الي بقوله واقعي حبه بسبب سنها 💁🏻‍♂️

اتمنى تكون فهمت قصدي 😅

بص انا واحد بيخاف من البنات اصلا ومش بعرف اتعامل معاهم بس حاولت ارفع المعنويات عشان هي محتاجه ده بجد حاليا المنطق مش هيرفع معنوياتها عارف اني ممكن اكون بالغت بس ده كله بهدف رفع المعنويات 💁🏻‍♂️

باذن الله 😁🤲🏻

لا انا لغات عموما مش بتفرق كتير هو بس بناخد مواد اكتر واغلبهم انجليزي وبندوخ جوا وعنوما شكرا هلى تفهمك 😁

اسف كتبت الحاجه بالانجليزي لاني متعود عليهم كده عادي المهم ان المقصود المواد نفسها 😁✌🏻

ممكن تتعلمي من كورسات بس انصحك قبل كل حاجه اتعلمي اونلاين من فيديوهات على النت عشان تروحي الكورس سابقه مجالك وعشان تفهمي بسرعه اكبر وتفهمي البرمجه ماشيه ازاي وكده... تتعلمي فين بالضبط دي على خسب منطقتك يعني ممكن تعملي سيرش على ناس قريبه منك وكده... تشتغلي فين ممكن تشتغلي في شركات برمجه هما بيطلبو ناس جربي تسألي او تشوفي جروبات الشركات بتعرض شغلها فيها او بصي على السوشيال ميديا كده واسألي بعض شركات البرمجه ان كانو محتاجين مبرمجين وممكن تعرضي خدمتك بسعرك على السوشيال ميديا او تشتغلي فريلانسر بسعرك برضو او ممكن تبرمجي انتي تطبيقك وتكسبي منه كل دي فرص شغل ومكسبهم حلو باذن الله... باءن الله هدعي ان ربنا يوفقك المهم ركزي على طريقك ومتخافيش ربنا باذن الله هيوفقك في الي شايفهولك خير ليكي

فرصه عمل؟ 🙂 لا مفيش فرصه عمل الا لو جيت تكتب روايه هتبدع فيها وتكون مبدع عن الغير وممكن تكسب كتير من على اي منصه تدعم انك تبيع شابتراتك او لو طبعتهم وبيعتهم ممكن تكسب مكسب فوق الحلو بحبه تين تلاته اربعه خمسه وانت طالع كده 😁✌🏻

ممكن تتعلمي حاجه في وقت فراغك يكون ليها سوق عمل حاليا زي البرمجه او تتعلمي لغه وتشتغلي في الترجمه وكده لان خربجين الزراعه وخريجين تجاره وغيرهم مش لاقيين شغل حاليا وممكن تشتغلي في حاجه ممكن يكون عندك فيها مهاره زي الكتابه ممكن تكتبي كتاب وتبيعيه او تكتبي روايه على اي منصه بتيحلك ان الناس تشتري شابترات روايتك وكده شوفي انتي عندك مهاره تعملي ايه وشوفي انتي هتحبي تتعلمي ايه... 😁✌🏻

نوعا ما 😅 بس لازم ارفع المعنويات في وقت زي ده 😁✌🏻

بسم الله الرحمن الرحيم.... انتي كويسه يا بنتي 😅 حاسك دخلتي ورشه نجاره + مطبخ + دخلتي حرب فرنسا 490م 😅 عموما بلاش تعتمدي على دكاتره اونلاين يشخصو حالتك لانهم مش هيكونو دقيقين الافضل تروحي لدكتور يكون شابفك يعرف يشخص حالتك 😁✌🏻

متفهم وفاهم احساسك ده لاني مش لاقي حد يفهمني خالص وعشت مع اصحاب بيستغلو ااواحد وتحسي انهم كانو مشغليني عبد عندهم ففاهم كل ده ده غير انك بنت محتاجه صاحبه تاخدك بالحضن تطبطب عليكي مش تكون معاكي في المصلحه بس ممكن تلاقي اصحاب حقيقيين وانا هدعيلك وهنا دوري انتهى مهمتك انتي انك تدوري بجد على الامل ااموجود ليكي ومتخافيش انتي تقدري وانا عارف كده كويس 😁✌🏻

لو لقيت حل قولي عشان نفس المشكله تقريبا 🙂

هو العقل في منظوره كده بيساعدك

العقل ماشي بمنطق خاص بيه ممكن عشان يحمي حد ممكن يخليه متوحد وممكن عشان يحمي حد ممكن يخليه عدواني وممكن عشان يحمي حد يفقده ذاكرته نهائيا العقل ليه طريقه في التعامل مش تبع المنطق بتاعنا 😁✌🏻

ممكن لانهم عمرهم ما اتعرضو لمشاكل فمش عارفين يتصرفو... الانسان كائن مفكر ولو مغلطش مش هيعرف يطور او يعرف يتصرف في المشاكل الاسوء... عمونا ربنا يعينك معاهم باذن الله تلاقي الشخص الي يحسسك بالامان ويعرف يحميمي من المشاكل 😁✌🏻

تروح لمين او ارشحلك حد دي شوف منطقتك انا معرفش انت ساكن فين ومش عارف كل الدكاتره الي في مصر... وال Overthinking مفيد في الحالات الابداعيه لو بتحب تكتب او ترسم ممكن تتخيل السيناريو الي هتكتبه او تتخيل الرسمه فترسمها احسن وممكن لو انت بتلعب رياضه زي ال football ممكن تعرف هتدي الكورة لمين وتعرف لو اديتها للشخص ده ايه الي هيحصل لان دماغك هيرسملك بدل السيناريو 10 ولو خصل حاجه خطر او طارئه عقلك هيقدر يعملك خطط تتصرف بيها على قد المعلومات الي جمعتها من ساعه ما اتولدت وممكن الOverthinking يخليك تتعلم مهاره من غير ما تتعب نفسك مجرد انه ما يشوفها ويفكر فيها كم مره وتتخيل نفسك بتعملها هتقدر تعملها في الواقع لكن الOverthinking عامل زي ثور هايج صعب تروضه ولو روضته هتبقى ماسك في ايدك ميزه تميزك عن الباقي لكن لو معرفتش تسيطر عليه ممكن تكره نفسك ويوديك لمشاكل ابعد من كده بكتييير

بالنسبه لل 18 سنه ده اقل من العادي حبه صغيرين وطول 155 يفضل الوزن المثالي بتاعه من 47-54 تقريبا وبالنسبه لضغط الثانويه العامه في بنات بتحس بضغط فتاكل كتير فتتخن وفي بنات بتحس بضغط فتامل قليل فتخس وفي بنات من الضغط بينامو بالتقسيط او مش بينامو عموما النوم الغير منتظم بياثر برضو فاحتمال كبير لما الضغط يخلص ترجعي لطبيعتك 😁✌🏻

باذن الله هيرشد للخير ليكي 😁✌🏻

الواحد بيروح الجيش مبيعملش حاجه انا اخويا راح الجيش فضل قاعد على كمبيوتر كول اليوم مش اكتر يعني دي حاجه بتستهلك وقته ومجهوده على الفاضي يعني مش هيعرف يطور من نفسه الا في الاجازه ده لو هو مش مبذر وبيعرف يحوش لان ده الي هيبنيه عموما هنصحك كاخ خليكي مع الي يقدر يتحمل مسؤوليتك عشان تعرفي تعيشي على الاقل انتي عايزه تعيشي مش لازم تعيشي ملكه بس على الاقل عد يقدر يشيل مسؤوليتك مش عايش على قلب مرفرف...

انصحك تستشير حد مختص في علم النفس من قائمه خبراء فدني بس انصحك اكتر انك تشوف دكتور نفسي عشان يعرف يخرجك من الانطوائيه دي ويساعدك انك تشيل القفل الي عقلك اللا واغي حطه عشان يحميك ذهنيا وكده وهناك ممكن يحل الوضع 😁✌🏻

ممكن عشان حد عملك report على اسألتك فاتعملك ban مؤقت حتى لو معملتيش حاجه غلط او مشكله تقنيه عندهم او كتبتي حاجه فيها اساءه معينه او كده عموما ده نظام في اغلب التطبيقات الي زي كده ممكن تكلمي الدعم او كده عشان يحلو المشكله...

العفو ولا تعب ولا حاجه كلنا اخوات وبنخاف على بعض 😁✌🏻

اسف بجد لو طريقه كلامي كانت مزعجه 😅

ولله انا ولا ضحكت ولا اتريقت انا بحاول اخف الحو شويه مش عايزك تحسي انك. بتكلمي روبوت متبرمج على كلمتين بس مش اكتر😅

ما هو الشبطان اشطر من انه يخليكي تعملي ذنب هو هيخليكي تعملي ذنب بعدبن تشكي في نفسك وبعدين ثقتك في نفسك بعدين تخافي من الناس وتخافي ان ربنا ميسترش على الموضوع بعدين هيخلي الموضزع ده محور الي شاغل دماغك لدرجه تمنعك عن القيام بالعبادات زي الصلاة وكده وتفضلي قافله الباب على نفسك وتعيطي ليل ونهار واكيد بيعدي علىكي اوقات ملكيش نفس تاكلي الموضوع ممكن يصل للاسوء كل ده عشان الشيطان بيحاول ينسيكي ان ربنا الي هيستر على الموضوع وان ربنا الي هيطمنك وان ربنا تواب رحيم وان ربنا عمره ما هينسى دعائك الي هتدعيه عشان ربنا يستجيب... عموما ادعي والحي بالدعاء وانا هدعي لك معايه متخافيش ربنا مش هينساكي ربنا اقرب اليكي من حبل الوريد الي في دراعك ومتخافيش باذن اللع ربنا هيوفقك ويسترك ويعينك

العفو 😁✌🏻

معلش حقك عليا 😂 عموما اسف لو طريقه كلامي ازعجتك 😅

عموما متخافيش لو انتي تايبه ربنا بيحب التوبه وبيحب الي بيتوب توبه تليق بوجهه فطالما انت توبتي يبقى اعرفي ان ربنا فرحان بتوبتك دي بس ادعي ربنا انه يحميكي من اي حاجه تخليكي ترحعي عن توبتك لانك طالما لسه في البدايه الشيطان هيحاول يوهمك ان ربنا مش هيتوب عليكي لكن باذن الله ربنا تواب رحيم يحب التوبه والعفو

كويس اوي انك ناوي على حلال... بص نصيحه من اخوك الي خايف عليك استعد ماديا من دلوقتي جهز نفسك بنفسك من دلوقتي وادعي ربنا من دلوقتي عارف انه هيكون متعب اوي بالنسبه لحد في سنك بس لو هدفك انك تتجوز في اسرع وقت يبقى حهز نفسك ماديا وابدا ادعي من دلوقتي وباذن الله ربنا هيوفقك في الوقت الي هيكون نافع ليك 😁✌🏻

بصي كويس اوي انك عرفتي ان ده غلط وانك ناويه تتوبي وامنيتك ان الموضوع ينتهي على خير باذن الله هتنتهي على خير المهم بس ادعي ربنا وهو هيستجيب صلي قيام الليل وادعي ربنا في الاسحار (الساعه الي قبل الفجر) وربنا بيحب ان عباده يلحو بالدعاء فمتبكليش ادعي بالستر وادعي بانه يحميكي من المستر وادعي انه ميحصلش اي حاجه تضرك من الموضوع وادعي انك ناويه من قلبك انك تتوبي وادعي ان ربنا يوفقك وباذن الله هدعي ان ربنا يستجيب لدعائك 😁✌🏻

ولله هوا الحقيقه خقك تخافي 😅

يسطا ربنا يهديك روح راحع من الكتاب 🙄