وعليكم السلام ورحمة الله وبركاته بصي انا فاهمك نوعا ما لان حب التغيير عند ناس كتير بس انتي عك حب تغيير على خفيف كده فهقولك على شويه حاجات ممكن تغيريهم وانتي ماشيه في الشارع امشي من طريق وارجعي من طريق الاه بقى لو خرمتي واكتشفتي طرق مختصره... هتكوني عملتي واجب ممكن تغيري حاجات في بيتك زي ديكور اوضتك ومتقوليش مش هتفرق لما الديكور يتغير هتحسي بفرق كبير كانك بدأتي حياه جديده ممكن تبدأ تتعمقي في السوشيال ميديا مؤقتا تشوفي اصحاب تلعبي معاهم اونلاين وتهزري معاهم اونلاين (((((مؤقتاً)))))) لانك لو طولتي هيجيلك ادمان وتنسي الواقع عموما نكمل ابقى اعمليلك اكل في بيتك غير اكل بقيت العيله ده هيحسس دماغك انك مميزه وحبه حبه الملل هيقل حتى لو مش واخده بالك ممكن تغيري حاجات في موبايلك زي الثييم او مظهره او ال باسوورد او الجراب او ترتيب التطبيقات دي حاجات خفيفه ممكن متحسيش بفرق بس هيكون تغيير.... ممكن تخرجي لواحدك خروجه حلوه تاخدي فلوس من السيد الوالد وتتكلي على الله تجيبيلك شاورما بقى ولا شوكو دلعي نفسك... حبه حبه هتحسي ان شغفك للرسم والقراءه رجعو حبه حبه فضفضي وارغي مع حد بتحبيه ده هيساعدك نفسيا اوي عموما حاولي تركزي على التفاصيل الصغيره في حياتك لان دي الحاجات الي هتفرق معاكي اوي ممكن متحسيش انهم هيفرقو بس لا دول هيفرقو حته وضعيه نومك هتفرق معاكي اتمنى اكون ساعدتك في حاجه 😁✌🏻
شكراً لنصائح حضرتك ،انا عملت كل ده يعتبر غيرت الأوضه كذا مره و خصوصا ان بحب اصنع حاجات ف صنعت ورود ب الورق و جبت اضاءات و قعدت اعمل حاجات جديده ف الشقه عموماً ، و بردو الطبخ طبخت حاجات كتيره جديده و عملت كلل ده كتير جدا ، بس ذي ميكون خلاص زهقت عشان عملت كل ده عايزه تغيير شامل ف كل حاجه و مش عارفه بجد أعمل ايه تاني
تم النشر الثلاثاء، ١٧ يونيو ٢٠٢٥
لعرض الإجابة في فدني اضغط هنا