السلام عليكم
انا تانيه ثانوي و داخله تالته ثانوي كمان كام شهر
في الحقيقه كنت طبعا في تانيه ثانوي قعدت اقول هتمتع في الأجازه و اطلع رحلات كتيره و خصوصاً ان محافظتي فيها بحر ف قولت لازم انا و صحابي نروح يوم للبحر و هتمرن و اعمل حاجات كتيره و المدرسين قعدوا يقولولنا نتمتع بيها قدر الإمكان
بقالي من ساعه ما أخدت الأجازه و كل حاجه ممله مبعملش حاجه خالص ، صحابي و حصل مبينا سوء تفاهم كبير و سابوني منغير ميعرفوا وجهه نظري و سبب تصرفاتي و لما عرفو ان انا صح كان بالنسبالي فات الأوان لإن قعدت فتره لوحدي و بعيط بس كرهت انزل معاهم في حته بحس بشيل الهم محدش فيهم عندو اي شغف لحاجه كل واحده و عندها قرايبها تخرج معاها و الي بتسافر مع اهلها ف محافظات تانيه ك خروجات وانا زي ما انا ف المحافظه الي فيها محدش من قرايبي عايش هنا كلو بعيد و كلهم كليات و مخلصوش امتحانات
حجز الدروس اهو بدأ ونا معملتش حاجه حتى مواهبي الرسم و القراءة فاقده شغف ليهم خالص جربت اتمرن و الكابتن مكنتش شاطره ف سبت التمرين و كمان محدش مشجعني انزل اتمرن ولا اخرج حتى
ذي ميكون محدش فاضيلي كلو بيستمتع ونا بس الي حاسه ب زهق كل الي نفسي اعملو حاجات جديده نفسي ف صحاب اروح معاهم رحلات ذي الي اي حد ف سننا بيروحها و نفسي نروح اماكن جديده كل ده معملتهوش عشان بالأصح صحابي مبقوش صحابي حاسه اني وحيده حتى بابا بيقولنا نخرج نروح كورنيش كل شويه لحد مزهقت من نفس المكان كل شويه مبنغيرش مكان جديد خالص
دا غير نفسي الخروجه تبقا ب ناس قدي افهمهم و يفهموني نلعب سوا و نرغي سوا كل ده نفسي فيه و مش عارفه اعمل ايه حتى نت قاطع بقالو فتره كبيره
حاسه ان شايله الهم من دلوقتي و من الأيام الي جايه الي عارفه إنها هتبقا صعبه
انا بدعي و بقرأ اذكار و كل حاجه بس حاسه ب ارهاق و فقدان شغف و خوف من الأيام الي جايه و نفسي اغير مكان و اغير كل حاجه و مش عارفه
تعبت بجد و كلو بدأ حجز من دلوقتي و في عاملين امتحانات قبول حسسوني اني دخلت تالته ونا لسه ف اجازه و شيلوني هَم نزول و مراجعه عشان امتحان القبول و مواعيد متلغبطه
الي عندو حل اغير حاجه واحده ف حياتي يا ريت يساعدني عشان انا تعبت بقيت قاعده لأفكاري و بس
انا برضو بعاني من نفس المشكله وصحابي كلهم يسافروا وكل ما اكلم حد نخرج يقولي مش فاضي ومعرفش اي واقول ليهم في البيت عايزه اخرج يقوليلي انزلي البلد ومليش اخوات ولا قرايب وصحابي كلهم ساكنين في مناطق بعيده عن المنطقه اللي انا ساكنه فيها فمش هعرف اقابلهم وبجد اتخنقت اوي خصوصا ان انا قاعده لوحدي على طول فليه اللي ممكن اعمله واغير مودي وفي نفس الوقت علشان لما نبدأ مكنش فاقده شغفي زهقانه يعني فقعدت مع نفسي كده وفكرت وعملت كام حاجه عسوله وان شاء الله تعجبك اول حاجه جبت ورق وكتبت فيه حجات مختلفه زي مثلا حاجات نفسي اعملها اي حاجه أو أي حاجه ماجلها من فتره وفي حاجات كنت كتبها وانا بمتحن يعني اعملها في الاجازه كده يعني ا اي حاجه انتي نفسك تعمليها حاجات بسيطه يعني زي مثلا اتفرج علي فيلم اتعرض في السنه اللي اتولدت فيها ازرع نبات انا بحبه اروق المكتبه بتاعتي اكتب رساله لنفسي في المستقبل اعمل اكله وانا اصلا مبعرفش اطبخ اركب عجل اعمل طياره ورق وحاجات كده يعني عبيطه اوي بس انا بحبها انتي بقي شوفي الحاجات اللي انتي بتحبيها ار نفسك تعمليها واكتبيها في ورق وحطيه في برطمان وكل يوم اختاري ورقه اوك تاني حاجه بقي متنميش النهار كله وتصحي الليل كله والهبل ده خالص نامي عادي في الأوقات الطبيعيه يعني تالت حاجه خفي من استخدام الموبيل والسوشال ميديا عامه رابع حاجه بقي انتي بتقولي انتي بتحبي الرسم ودي حاجه تحفه جدا كل يوم ارسمي رسمه مختلفه اوي يعني كل فتره اعملي لنفسك عدد من رسمات خلال فتره معينه يعني مثلا قبل ما ابدا دروس تالته ثانوي انا هكون رسمت عشر رسومات وهكذا برضو في القراءه انا هقراء عدد معين خلال الفتره دي خامس حاجه بقي انزلي كل يوم روحي اي حته لو حتى نفس المكان بس اعملي حاجه جديده يعني مثلا انا ساكنه حرفيا في صحراء مفيش ولا بحر ولا كورنيش حتى فكل يوم او الصراحه كل فتره يعني بنزل اتمشى شويه الف لفه كده واروح اقعد في مكان معين بعمل كل مره حاجه مختلفه مره اخد معايا روايه أو كتاب واقعد اقرا فيها مره اخد النوت بتاعتي واقعد اكتب فيها مره اكون بتكلم في الفون مره أتصور واقعد اصور في المكان مره اقعد اكل مره اراقب في الطريق ومره اقعد كده وخلاص وكده يعني وده كله لوحدي سادس حاجه بقي اتعلمي كل يوم حاجه يعني مثلا انهارده اتعلمي كلمه باكتر من لغه بكره اسمعي بودكاست انجلش اي حاجه بسيطه وفي نفس الوقت تسليكي برضو سابع حاجه بقي احفظي قرآن ودي حاجه حلوه جدا وهتساعد ان دماغك تبقى شغاله بحيث لما تبدأي دراسه متكونش في مرحله خمول اوي وتاخد منك وقت كبير تامن حاجه اسمعي كل يوم درس سيره أو بودكاست في العموم يعني تاسع حاجه بقي اعملي كل يوم حاجه مختلفه في شكل اوضتك يعني مره غيري ديكور الاوضه معرفش اي اي حاجه بحيث تجددي شويه فيها فاهماني عاشر حاجه بقي متحطيش تالته دلوقتي في دماغك واستمتعي بالكام يوم دول على قد ما تقدري اوك متحطيش في دماغك حوار الحجز والحوار ده علشان ملوش اي لازمه ولو انتو عندكوا يعني لازم تحجزي يبقى انزلي في يوم احجزي كل حاجه وخلاص كتغير جو يعني
تم النشر الاثنين، ١٦ يونيو ٢٠٢٥
السلام عليكم ورحمه الله وبركاته انت مشكلتك كلها كانك ما بتعرفش تستمتعي الا وانت في وسط مجموعه يعني ما بتعرفيش تعملي الحاجه لوحدك وده بالنسبه لك ما بيبقاش شيء ممتع لو انت عملتي حاجه لوحدك ولا بتبقي متشجعه بشكل كافي. فأنا يعني انصحك انك ممكن تجربي تشوفي اي حاجه يكون فيها عمل تطوعي ودي هتكون نقطه مشتركه انت رايحه مع ناس عشان بتعملوا كلكم نفس الحاجه اللي انتم مشتركين عليها او يعني متفقين عليها ودي هتبقى بدايه انك تتعرفي على ناس ما بينكم شيء مشترك وهو العمل التطوعي ومنها هتبدأي تعرفي ناس بيعرفوا يتلموا حوالين حاجه واحده وتقدروا نفس الجروب ونفس الناس دي تروحوا تعملوا حاجات سوا يعني اتمنى ان انت تحاولي تجربي الفكره دي ودي ممكن تبداي تعمليها حتى لو بدات الموضوع بتاع حجز الدروس والحاجات دي مش هيبقى صعب في وسط الكلام ده كله وأي حاجه تحاولي تبدئيها حاولي تندمجي مع الجروب بس الاندماج مش لازم يبقى اندماج كان مش لازم اعملهم شله صحاب بنعمل مع بعض كل حاجه لا عادي جدا ممكن تبقى كل حاجه انا حابه اعملها يبقى لها مجموعه بعمل معاهم الحاجه دي ده ممكن يكون الحل في الوقت ده ولكن عموما مع الوقت حتى لو اختلفت مع صحابك بلاش تقفلي منهم خالص كده يعني حتى لو كان فيه سوء تفاهم حتى لو هم ادركوا الخطا ولكن بعد مده بلاش تقفلي ضبة ومفتاح كده وتلغي كل اللي فات عشان خاطر موقف واحد يعني.
تم النشر الاثنين، ١٦ يونيو ٢٠٢٥
وعليكم السلام ورحمة الله يا غالية، أولاً أحب أقول لك إن شعورك هذا طبيعي جداً، خصوصاً في مرحلة الثانوية العامة اللي كثير منا بيحس فيها بضغط نفسي كبير، وفي نفس الوقت فقدان الحماس والشغف بسبب التوتر والظروف المحيطة. أنتِ ما تعانين منه ليس ضعفاً، بل مرحلة انتقالية تحتاج فيها دعم لنفسك ولأهدافك. خليني أساعدك نفك المشكلة خطوة خطوة: التعافي من الوحدة والخلافات مع الأصدقاء: من الصعب لما الأشخاص اللي كنا نعتمد عليهم وخذلونا، لكن الحياة فيها فرص جديدة دوماً. جربي توسعي دائرة معارفك، ممكن تلتقي بأشخاص جدد عند نشاطات أو حتى على الإنترنت لكن بحدود، أو تحاولي ترجع تتواصلي مع بعض الأصدقاء القدامى اللي ممكن يكونوا فاهمينك. لا تقطعي تماما، ممكن تلبسي لبوس الصداقة مرة أخرى تدريجياً بدون ضغط. تعزيز الشغف بمهاراتك ومواهبك: لما تفقدي شغفك للحاجات اللي كنتِ تحبيها مثل الرسم والقراءة، هذا بسبب التوتر والإرهاق النفسي. حاولي تلبسي لنفسك هدف بسيط جداً في اليوم، مثلاً ترسمي 10 دقائق، تقرأي صفحة واحدة من كتاب تحبي، أو حتى تتفرجي على فيديو عن فن معين يشجعك. المهم تبدأي بسيط ما تحملي نفسك فوق طاقتها. التعامل مع الإجازة بشكل مختلف: لا تشعري بالضغط أن الإجازة لازم تكون كلها نشاطات وخروج. ممكن تعتمدي خطة صغيرة لتغيير الروتين، مثلاً كل يوم تغيّري مكان جلسة القعدة، أو تخرجي تمشي في مكان جديد، أو تستكشفي حاجات بسيطة في المحافظة. دائماً خليكِ في إطار يساعدك على الاسترخاء والفرح بدون ضغط. التحضير للثانوية العامة بدون توتر مفرط: التهيئة للثالثة خطوة مهمة، لكن ما تعامليهاش كعبء ضخم. اجعلي منه هدف تدريجي: حددي أوقات للمراجعة قصيرة ومنتظمة استمري بدعائك وذكر الله فهو السند الأكبر برضه جربي تقسيم المواد إلى أجزاء صغيرة عشان المذاكرة ما تحسسيش بنكد أو ملل مواجهة الخوف من المستقبل: من الطبيعي يكون في خوف، بس الخوف ما يمنعكش إنك تخططي. ثقي بأن الله معك، وخذي الأمور خطوة بخطوة. حاولي تكتبي مخاوفك وأفكارك على ورقة، واعملي خطة صغيرة لحلها أو التعامل معها. الخروج والتغيير: بما أن الأماكن ثابتة وأنت تعبت من الروتين، جربي تدخلي نشاط جديد أو مهارة جديدة تنشغل فيها، ممكن تكون إلكترونية زي تعلم مهارة جديدة أو التواصل مع ناس جدد. ولو ظروفك تسمح، ممكن تطلبي من والديك يوم تخرجوا فيه منطقة جديدة أو مكان مختلف ولو لفترة قصيرة. الدعم النفسي: لو استمر الحزن والاكتئاب معك لفترة، لا تترددي تلجئي لأحد خبراء فدني في المجال النفسي والاجتماعي، لأن الدعم المحترف مهم في بعض الحالات. أنا هنا دائماً لو تحبي تتكلمي أكتر أو تخليني أساعدك في ترتيب وقتك وأهدافك خطوة خطوة. لا تحسبي نفسك لوحدك أبداً، وادعي الله دائماً، فهو القادر أن يفتح لكِ أبواب الفرج. وما تنسي إن فدني فيه خبراء عظماء ممكن تلاقي فيهم دعم أكثر تخصصي، ممكن تزوري صفحة الخبراء وتطلبي استشارة منهم: https://www.fedni.net/experts ربنا يوفقك يا بنتي ويعينك على اللي جاي بأحسن مما تتمنين 💕 ذكية معك دائماً ❤️
تم النشر الأحد، ١٥ يونيو ٢٠٢٥
وعليكم السلام ورحمة الله وبركاته بصي انا فاهمك نوعا ما لان حب التغيير عند ناس كتير بس انتي عك حب تغيير على خفيف كده فهقولك على شويه حاجات ممكن تغيريهم وانتي ماشيه في الشارع امشي من طريق وارجعي من طريق الاه بقى لو خرمتي واكتشفتي طرق مختصره... هتكوني عملتي واجب ممكن تغيري حاجات في بيتك زي ديكور اوضتك ومتقوليش مش هتفرق لما الديكور يتغير هتحسي بفرق كبير كانك بدأتي حياه جديده ممكن تبدأ تتعمقي في السوشيال ميديا مؤقتا تشوفي اصحاب تلعبي معاهم اونلاين وتهزري معاهم اونلاين (((((مؤقتاً)))))) لانك لو طولتي هيجيلك ادمان وتنسي الواقع عموما نكمل ابقى اعمليلك اكل في بيتك غير اكل بقيت العيله ده هيحسس دماغك انك مميزه وحبه حبه الملل هيقل حتى لو مش واخده بالك ممكن تغيري حاجات في موبايلك زي الثييم او مظهره او ال باسوورد او الجراب او ترتيب التطبيقات دي حاجات خفيفه ممكن متحسيش بفرق بس هيكون تغيير.... ممكن تخرجي لواحدك خروجه حلوه تاخدي فلوس من السيد الوالد وتتكلي على الله تجيبيلك شاورما بقى ولا شوكو دلعي نفسك... حبه حبه هتحسي ان شغفك للرسم والقراءه رجعو حبه حبه فضفضي وارغي مع حد بتحبيه ده هيساعدك نفسيا اوي عموما حاولي تركزي على التفاصيل الصغيره في حياتك لان دي الحاجات الي هتفرق معاكي اوي ممكن متحسيش انهم هيفرقو بس لا دول هيفرقو حته وضعيه نومك هتفرق معاكي اتمنى اكون ساعدتك في حاجه 😁✌🏻
تم النشر الاثنين، ١٦ يونيو ٢٠٢٥
لعرض السؤال في فدني اضغط هنا